Tollstjóri - Að flytja til Íslands

Búslóðir manna sem flytja búferlum til Íslands eru tollfrjálsar að uppfylltum ákveðnum skilyrðum. Það eru heimilismunir, til dæmis húsgögn og búsáhöld, og aðrir persónulegir munir sem ekki eru sérstaklega undanskildir, sem geta verið tollfrjálsir við búferlaflutning.

Þeir sem flytja til landsins eftir búsetu erlendis og hafa með sér ökutæki skráð þar geta fengið leyfi til tímabundinnar undanþágu frá greiðslu aðflutningsgjalda, að jafnaði er þá um að ræða akstursleyfi til eins mánaðar. Þá getur þessum aðilum verið heimilt að greiða aðflutningsgjöldin með skuldabréfi sem greiðist með afborgunum.