Tollstjóri - Vaxtabætur

Innheimtumaður ríkissjóðs sér um útgreiðslu vaxtabóta. Nauðsynlegt er að gefa upp bankareikning, sem leggja má inn á.

Fylltu út neðangreint eyðublað og sendu til innheimtumanns ríkissjóðs í þínu umdæmi:

Beiðni til innheimtumanns ríkissjóðs um ráðstöfun greiðslna - einstaklingar

Vaxtabætur eru ákvarðaðar af ríkisskattstjóra samkvæmt upplýsingum á skattframtali. Útreikningur vaxtabóta er framkvæmdur í álagningarvinnslu og útborgunardagur er 1. ágúst.

Þó geta þeir sem hafa keypt eða hafið byggingu frá 1999 fengið vaxtabætur greiddar út fyrirfram. Fyrirframgreiðsla er bráðabirgðagreiðsla og í álagningarvinnslu eru vaxta­bætur reiknaðar út og gerðar upp ef um of- eða vangreiðslu er að ræða. Útborgunar­dagar fyrirframgreiðslu eru 1. ágúst, 1. nóvember, 1. febrúar og 1. maí.