Greiðslufrestur í tolli (TA)

Sleppa leiðarkerfi
ForsíðaForsíða farsímaútgáfu

Greiðslufrestur í tolli (TA)

Ef ekki er greitt samkvæmt útsendum greiðsluseðlum er hægt að greiða inn á neðangreindan bankareikning:

Banki Hb. Reikningur Kennitala
0101 26 85002 650269-7649

Sendið skýringar á greiðslum á netfangið 85002(hja)tollur.is eða á fax númer 562-5826.

Heimild til greiðslufrests í tolli

Aðilar sem skráðir eru á virðisaukaskattsskrá skulu njóta greiðslufrests á aðflutningsgjöldum ef þeir eru í skilum við ríkissjóð. Réttur til greiðslufrests tekur til aðflutningsgjalda af vörum sem eru fluttar inn í atvinnuskyni.

Uppgjörstímabil, gjalddagar og eindagar

Þegar greiðslufrestur er veittur er hvert uppgjörstímabil tolls og annarra aðflutningsgjalda tveir mánuðir, janúar og febrúar, mars og apríl, maí og júní, júlí og ágúst, september og október og nóvember og desember.

Uppgjörstímabil er tveir mánuðir og gjalddagi er 15. dagur næsta mánaðar.

Uppgjörstímabil

Gjalddagi

Janúar og febrúar

15. mars

Mars og apríl

15. maí

Maí og júní

15. júlí

Júlí og ágúst

15. september

September og október

15. nóvember

Nóvember og desember

15. janúar næsta árs

Gjalddagi og eindagi er sá sami, það er 15. dagur næsta mánaðar eftir lok uppgjörstímabils. Beri lögbundinn gjalddaga upp á helgidag færist gjalddagi á næsta virka dag.

 

Heimild til að fresta gjalddaga skuldfærðs virðisaukaskatts

Tollstjóra er heimilt, á grundvelli umsóknar, að fresta gjalddaga skuldfærðs virðisaukaskatts fram að uppgjöri virðisaukaskatts fyrir sama uppgjörstímabil, samanber 1. og 2. mgr. 24. gr. laga nr. 50/1988, um virðisaukaskatt, enda sé aðili að jafnaði með lægri útskatt en innskatt þar sem verulegur hluti veltunnar er undanþeginn virðisaukaskatti samkvæmt. 1. mgr. 12. gr. laga nr. 50/1988, um virðisaukaskatt. Heimild, útgefin af tollstjóra, skal gilda í 12 mánuði í senn.

Frestun gjalddaga skuldfærðs virðisaukaskatts er einnig heimil, á grundvelli umsóknar, vegna innflutnings aðila á vörum sem verða nýttar við samningsbundna uppbyggingu varanlegra rekstrarfjármuna sem notaðir verða til að afla tekna í atvinnurekstri.

Frestun gjalddagans á einungis við um virðisaukaskattinn en greiða þarf aðra skatta á réttum gjalddögum.

Dráttarvextir

Dráttarvextir reiknast frá gjalddaga.

Vanskil

Tollstjóri synjar þeim sem nýtur heimildar til skuldfærslu aðflutningsgjalda um frekari greiðslufrest á aðflutningsgjöldum ef hann gerir ekki skil á þeim á tilskildum tíma. Jafnframt er tollstjóra heimilt að synja um frekari greiðslufrest ef sá sem hans nýtur gerir ekki skil á öðrum ríkissjóðsgjöldum en aðflutningsgjöldum á tilskildum tíma. Heimilt er að stöðva tollafgreiðslu innflytjanda ef hann er í vanskilum með aðflutningsgjöld, dráttarvexti og annan kostnað.

Hér eru nánari upplýsingar um innheimtuaðgerðir.

Lög og reglur

Tollalög nr. 88/2005

Lög nr. 50/1988, um virðisaukaskatt

 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Tollstjóra. Hikaðu ekki við að hafa samband ef þig vantar aðstoð.

Af hverju ekki?
Ef óskað er eftir svari vinsamlega notið: Hafðu samband eða Hrós, ábendingar og kvartanir