Upprunareglur

Sleppa leiðarkerfi
ForsíðaForsíða farsímaútgáfu

Upprunareglur

Tilgangurinn með fríverslunarsamningum er sá að víkja frá almennum reglum um innheimtu tolla og annarra aðflutningsgjalda í vöruviðskiptum milli ríkja með því að fella niður tolla eða lækka þá og/eða með því að afnema eða takmarka aðrar hindranir í viðskiptum aðildarríkjanna með vörur sem samningarnir eru gerðir um.

Það er iðulega áskilið í fríverslunarsamningum að vara sé að öllu leyti fengin í aðildarríkjunum eða hljóti þar fullnægjandi aðvinnslu eigi hún að öðlast rétt til fríðindameðferðar samkvæmt þeim.  Upprunareglurnar kveða á um skilyrði þess að vara, sem á undir fríverslunarsamning, teljist upprunavara og eru því nauðsynlegar til þess að unnt sé að greina vörur, sem falla undir fríverslunarsamningana og njóta fríðindameðferðar frá öðrum vörum sem ekki fá notið fríðindameðferðar, hinum svonefndu þriðja lands vörum.

Innflytjandi vöru, sem uppfyllir skilyrði upprunareglna viðeigandi fríverslunarsamnings, þarf að leggja fram upprunasönnun í innflutningslandinu til stuðnings kröfu um fríðindameðferð vörunnar.

Formáli

 Almennt um upprunareglur og upprunasamninga einnig er fjallað um framsetningu þessa efnis.

1. kafli  Almenn atriði

Í upphafi er vikið almennum orðum að fríverslunarsamningum og fríðindameðferð vöru á grundvelli þeirra og nokkrum hugtökum sem koma oft við sögu þegar fjallað er um fríverslunarsamninga.  Hér er gerð almenn grein fyrir fríverslunarsamningum sem Ísland á aðild að.  Megináherslan er þó lögð á samninginn um Evrópska efnahagssvæðið, EES-samninginn. 

2. kafli  Fríverslunarsamningar Íslands við erlend ríki.  Tegundir fríverslunarsamninga

Hvert á að flytja vöruna?  Hefur Ísland gert fríverslunarsamning við viðkomandi ríki?  Hvaða ríki eru aðilar að hverjum samningi fyrir sig? 

3. kafli  Vörusvið samninganna

Ef fríverslunarsamningur er fyrir hendi, fellur varan þá undir samninginn, þ.e. var samið um að varan sem um er rætt geti notið fríðindameðferðar?

4. kafli  Reglur um uppruna og aðvinnslu

Ef varan fellur undir tiltekinn fríverslunarsamning, hvaða skilyrði þurfa að vera uppfyllt til þess að vara öðlist rétt til fríðindameðferðar samkvæmt samningnum, þ.e. er varan upprunavara með tilliti til upprunareglna viðeigandi fríverslunarsamnings?  Hvað er marghliða uppsöfnun uppruna?  Hvernig á að nota aðvinnsluskrárnar?

5. kafli  Svæðisreglan

Hvaða reglur gilda um flutning vörunnar frá upprunalandinu til áfangastaðar?  

6. kafli  Upprunasannanir

Hvaða reglur gilda um sönnun uppruna?

Viðauki I

Leiðbeiningar við útfyllingu EUR1 flutningsskírteinis.

Viðauki II 

Áritun upprunayfirlýsingar á vörureikningi.


Til baka

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Tollstjóra. Hikaðu ekki við að hafa samband ef þig vantar aðstoð.

Af hverju ekki?
Ef óskað er eftir svari vinsamlega notið: Hafðu samband eða Hrós, ábendingar og kvartanir