Álagning 2018

Sleppa leiðarkerfi
ForsíðaForsíða farsímaútgáfu

Álagning 2018

Útborgun inneigna

Útborgunardagur inneigna er 1. júní 2018.

Til þess að hægt sé að greiða út inneign þarf gjaldandi að vera með skráðan bankareikning hjá innheimtumanni ríksisjóðs. Hægt er að senda upplýsingar um bankareikning á netfangið fyrirspurn@tollur.is.

Ef bankareikningur var skráður inn eftir 14. maí þarf að senda beiðni um útborgun á netfangið fyrirspurn@tollur.is.

Barnabætur

Útborgun barnabóta er 1. júní 2018.

Á nýjum álagningarseðli Ríkisskattstjóra er hægt að sjá hvernig barnabætur reiknast út.

Barnabótum er einungis skuldajafnað upp í eldri ofgreiddar barnabætur.

Útskýring á álagningarseðli

Áætlanir Ríkisskattstjóra

  • Ef skattframtali hefur ekki verið skilað eða skilað of seint, er álagning gjaldanda áætluð af Ríkisskattstjóra.
  • Til þess að fá lækkun á greiðslubyrði vegna áætlunar er hægt að senda bráðabirgðaútreikning á netfangið vanskil@tollur.is eftir að framtali hefur verið skilað.
  • Ef launagreiðandi hefur dregið of háa upphæð af gjaldanda, getur gjaldandi fengið mismuninn endurgreiddan eftir að búið er að gera greiðsluáætlun og greiðsla hefur borist Tollstjóra frá launagreiðanda. Í þeim tilfellum skal senda tölvupóst á netfangið vanskil@tollur.is

Launaafdráttur

  • Við álagningu er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs.
  • Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra til að lækka launaafdráttinn, beiðni um gerð greiðsluáætlunar skal senda á netfangið vanskil@tollur.is.

Nánar um lækkun launaafdráttar.

Greiðsludreifing / Greiðsluáætlanir

Þjónustufulltrúar lögfræðideildar útbúa greiðsluáætlanir um lækkun launafdráttar og frestun innheimtuaðgerða vegna krafna sem Tollstjóri innheimtir. Þjónustufulltrúar  eru staðsettir á 5. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30 alla virka daga, nema fimmtudaga en þá er opið til 18:00. Hægt er að ganga frá flestum gerðum greiðsluáætlana um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími eftir viðtali lengst. Það getur því sparað tíma og fyrirhöfn að ganga frá greiðsluáætlun með tölvupósti.

Greiðsla opinberra gjalda

Ef greiðsluseðlar birtast ekki í heimabanka gjaldanda og ekki hefur verið dregið af launum, þá er hægt að greiða með millifærslu á eftirfarandi reikning:

BN: 0101-26-085002
KT: 650269-7649

Senda þarf millifærslukvittun á netfangið 85002@tollur.is. Setja þarf kennitölu gjaldanda sem skýringu.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Tollstjóra. Hikaðu ekki við að hafa samband ef þig vantar aðstoð.

Af hverju ekki?
Ef óskað er eftir svari vinsamlega notið: Hafðu samband eða Hrós, ábendingar og kvartanir