Þing- og sveitarsjóðsgjöld einstaklinga (AB)

Sleppa leiðarkerfi
ForsíðaForsíða farsímaútgáfu

Þing- og sveitarsjóðsgjöld einstaklinga (AB)

Hjá launþegum eru þing- og sveitarsjóðsgjöld (AB) innheimt með launaafdrætti. Aðrir fá sendan greiðsluseðil á gjalddögum.

Hægt er að greiða inn á neðangreindan bankareikning: 

Banki Hb. Reikningur Kennitala
0101 26 85002 650269-7649

Ef verið er að greiða fyrir annan aðila en greiðanda þarf að senda skýringar á netfangið 85002[hja]tollur.is eða á fax númer 562-5826.

Undir þing- og sveitarsjóðsgjöld (AB) falla ýmsir skattar og gjöld, t.d. tekjuskattur, útsvar, gjald í framkvæmdasjóð aldraðra, fjármagnstekjuskattur, slysatrygging við heimilisstörf, útvarpsgjald, auðlegðarskattur, búnaðargjald, ofgreiddar barnabætur og ofgreiddar vaxtabætur.

Uppgjörstímabil, gjalddagar og eindagar

Álagning fer fram 1. júlí og gjalddagar eru sex: 1. júlí, 1. ágúst, 1. september, 1. október, 1. nóvember og 1. desember.  Eindagi er alltaf síðasti virki dagur sama mánaðar.  

Útborgun vaxtabóta er 1. júlí, 1. október, 1. febrúar og 1. maí.

Útborgun barnabóta er 1. júlí og 1. október.  Fyrirframgreiðsla barnabóta er 1. febrúar og 1. maí.

Dráttarvextir

Dráttarvextir reiknast frá gjalddaga hafi ekki verið greitt á eindaga.

Makaábyrgð

Samsköttun hjóna og samskattaðs sambúðarfólks felur í sér gagnkvæma og fulla ábyrgð aðila á greiðslum þing- og sveitarsjóðsgjalda (AB) beggja aðila. Getur innheimtumaður ríkissjóðs gengið að hvorum aðila um sig til greiðslu þessum gjöldum fyrir þann tíma sem samsköttun varir.

Sjá nánari upplýsingar um makaábyrgð.

Ábyrgð launagreiðanda

Launagreiðendur eru skyldir að kröfu innheimtumanns að halda eftir af launum launþega og samsköttunaraðila hans til greiðslu þing- og sveitarsjóðsgjalda (AB), sbr. 115. gr. laga nr. 90/2003. 

Sjá nánari upplýsingar um launaafdrátt.

Gjaldandi ber fulla ábyrgð á greiðslum skv. álagningarseðli og þarf ekki frekari tilkynningar frá innheimtumanni. 

Vanskil

Nánari upplýsingar um innheimtuaðgerðir.

Lög og reglur

Lög nr. 4/1995, um tekjustofna sveitarfélaga

Lög nr. 23/2013, um Ríkisútvarp, fjölmiðil í almannaþágu

Lög nr. 45/1987, um staðgreiðslu opinberra gjalda

Lög nr. 81/2003, um fjarskipti

Lög nr. 84/1997, um búnaðargjald

Lög nr. 90/2003, um tekjuskatt

Lög nr. 125/1999, um málefni aldraðra

Lög nr. 160/2000, um jöfnunargjald vegna alþjónustu

Reglugerð nr. 990/2001, um greiðslu vaxtabóta

Reglugerð nr. 555/2004, um greiðslu barnabóta

Vanskil

Nánari upplýsingar um innheimtuaðgerðir.

Til baka

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Tollstjóra. Hikaðu ekki við að hafa samband ef þig vantar aðstoð.

Af hverju ekki?
Ef óskað er eftir svari vinsamlega notið: Hafðu samband eða Hrós, ábendingar og kvartanir