Áætlun aðflutningsgjalda

Sleppa leiðarkerfi
ForsíðaForsíða farsímaútgáfu

Áætlun aðflutningsgjalda

Tollstjóri áætlar aðflutningsgjöld í eftirtöldum tilvikum:

  1. Ef aðflutningsskýrslu er ekki skilað innan tilskilins frests 

    Í slíkum tilvikum getur Tollstjóri áætlað aðflutningsgjöld eða knúið innflytjanda til að skila aðflutningsskýrslu með stöðvun tollafgreiðslu. 

    Innflytjanda ber að senda rammaskeyti vegna SMT-/VEF-tollafgreiðslu eða afhenda aðflutningsskýrslu og önnur tollskjöl um aðflutta vöru áður en hún er tekin úr vörslu farmflytjanda, sett í tollvörugeymslu eða tekin úr tollvörugeymslu eða af frísvæði til ráðstöfunar innanlands. 

    Aðflutningsskjöl eða rammaskeyti vegna SMT-/VEF-tollafgreiðslu þarf þó að senda eigi síðar en 3 mánuðum frá komudegi flutningsfars vöru til landsins. 
     
  2. Komi eftirfarandi í ljós, eftir að aðflutningsskýrslu hefur verið skilað hjá embættinu eða rammaskeyti sent vegna SMT-/VEF-tollafgreiðslu:

    • Aðflutningsskýrsla eða einstakir liðir hennar eða fylgiskjöl eru ófullnægjandi,
    • Aðflutningsskýrsla eða einstakir liðir hennar eða fylgiskjöl eru óglögg eða tortryggileg,
    • Aðflutningsskýrsla eða einstakir liðir hennar eru skráð á ólögmæltan hátt,
    • Aðflutningsskýrsla er undirrituð á ófullnægjandi hátt eða
    • Tollstjóri telur frekari skýringa þörf á einhverju atriði

Áður en til áætlunar kemur mun hann senda viðkomandi aðila bréf þar sem skorað er á hann að bæta úr því sem aflaga hefur farið, innan ákveðins tíma og láta í té skýringar og þau gögn sem embættið telur þörf á.

Fái Tollstjóri fullnægjandi skýringar og gögn innan frests leggur hann toll og önnur gjöld á samkvæmt framlögðum aðflutningsskjölum og fengnum skýringum og gögnum.

Ef eitthvað af eftirtöldu á við, eftir að óskað hefur verið skýringa innflytjanda, mun Tollstjóri áætla aðflutningsgjöld:

  • eigi er bætt úr annmörkum á aðflutningsskýrslu,
  • svar frá viðkomandi berst ekki innan tiltekins tíma,
  • skýringar viðkomandi eru ófullnægjandi,
  • eigi eru send þau gögn sem óskað er eftir,
  • send gögn eru ófullnægjandi eða tortryggileg

Kæruheimild

Innflytjandi getur kært ákvörðun Tollstjóra um áætlun aðflutningsgjalda.

 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Tollstjóra. Hikaðu ekki við að hafa samband ef þig vantar aðstoð.

Af hverju ekki?
Ef óskað er eftir svari vinsamlega notið: Hafðu samband eða Hrós, ábendingar og kvartanir