Hvað var spunnið í opinbera vefi 2007?

16.01.2008

Nýlega voru birtar niðurstöður úttektar sem Forsætisráðuneytið og Samband íslenskra sveitarfélaga létu gera á á vefjum 280 stofnana ríkis og sveitarfélaga. Úttektin sem Fyrirtækið Sjá ehf framkvæmdi gekk undir heitinu "Hvað er spunnið í opinbera vefi 2007?".

Vefir embættisins komu vel út úr úttektinni og deila 3-4 sæti með Umferðarstofu sé horft til meðaltals allra þátta sem mældir voru hjá ríkisstofnunum.

Heildarmat á innihaldi, nytsemi, aðgengi og þjónustu eftir tegundum stofnana

Ríkisstofnanir	Ár og breyting	Innihald	Nytsemi	Aðgengi	Þjónusta	Meðaltal allra liða
Háskóli Íslands	2007	100	70	90	100	90
Málefni fatlaðra Reykjavík, svæðisskrifst.	2007	85	70	100	75	83
Umferðarstofa	2007	92	70	64	100	82
Tollstjórinn í Reykjavík	2007	92	74	60	100	82
Persónuvernd	2007	77	70	100	75	81
Lyfjastofnun	2007	92	78	70	75	79
Ríkisskattstjóri	2007	85	78	40	100	76
Framkvæmdasýsla ríkisins	2007	85	65	100	50	75

Vefir embættisins samanstanda af upplýsingavefnum tollur.is og hliðarvefjum sem veita rafræna þjónustu, en þeir eru VEF-tollafgreiðsla, Farmvernd og Tollalínan. Einnig býður embættið uppá SMT- tollafgreiðslu, sem er rafræn tollafgreiðsla með EDI skjalasendingum milli tölva.

Niðurstöður úttektarinnar verða nýttar til að bæta þjónustuna enn frekar.

Hér eru nánari upplýsingar um niðurstöður úttektarinnar.

Þess má geta að í könnun sem Evrópusambandið lét gera á rafrænni stjórnsýslu kemur fram að í 10 þjónustuflokkum, sem tengjast tolla- og skattamálum eru Íslendingar fyrir ofan miðju, þrátt fyrir að vera að dragast aftur úr löndum ESB á öðrum sviðum rafrænnar stjórnsýslu.

Sjá nánar í frétt á ruv.is

Til baka