Breytt reglugerð um vörugjald af leigubifreiðum til fólksflutninga og bifreiðum ætluðum til ökukennslu

Breytt reglugerð um vörugjald af leigubifreiðum til fólksflutninga og bifreiðum ætluðum til ökukennslu

Við vekjum athygli á reglugerð um breytingu á skilyrðum rétthafa til lækkunar á vörugjaldi af leigubifreiðum til fólksflutninga og bifreiðum ætluðum til ökukennslu.

Í 15. grein reglugerðarinnar er kveðið á um að vörugjald af slíkum bifreiðum skuli lækka hafi rétthafi í tekjur að lágmarki 70% af reiknuðu endurgjaldi í staðgreiðslu, samkvæmt viðmiðunarreglum sem fjármálaráðherra gefur út. Uppfylli rétthafi ekki sett skilyrði ber honum að endurgreiða mismuninn á fjárhæð vörugjalds sem greitt var og þeirri fjárhæð sem borið hefði að greiða ef ekki hefði komið til lækkunar.

Hingað til hefur ekki verið heimild til að fallast á lægra reiknað endurgjald vegna sérstakra aðstæðna rétthafa sem í vissum tilvikum hefur komið hart niður á rétthöfum, til dæmis vegna veikinda eða ef bifreið ónýtist

Með þeirri reglugerðarbreytingu sem gefin hefur verið út er tollstjóra veitt heimild til þess að fallast á lægra endurgjald en viðmiðunarreglur fjármálaráðherra kveða á um enda liggi fyrir viðhlítandi gögn og rökstuðningur rétthafa sem réttlætt getur slíka ákvörðun.

Fréttatilkynning Fjármálaráðuneytisins