20 lítrar af amfetamínbasa fundust við eftirlit lögreglu og tollsins
29.06.2010
Lögregla og tollgæsla fundu 20 lítra af amfetamínbasa í bifreið sem kom með Norrænu til Seyðisfjarðar fimmtudaginn 17. júní. Ökumaður bílsins, þýsk kona á fimmtugsaldri, var handtekin og sömuleiðis farþegi, þýsk kona á svipuðu reki. Með þeim í för var einnig sonur farþegans. Sá er 5 ára og var honum komið í hendur barnaverndaryfirvalda en drengurinn er nú kominn til síns heima í Þýskalandi. Konurnar voru úrskurðaðar í gæsluvarðhald til 2. júlí. Lögreglan á höfuðborgarsvæðinu fer með rannsókn málsins en að því hafa einnig komið lögreglumenn frá bæði Seyðisfirði og embætti ríkislögreglustjóra auk tollvarða.
Greint var frá málinu síðdegis í gær á blaðamannafundi sem haldinn var á lögreglustöðinni við Hlemm.
Nánar í fréttatilkynningu (pdf)
Til baka