Útskrift tollvarða úr Tollskóla ríkisins
Næst komandi föstudag, 10. desember, verða 18 nemendur útskrifaðir við hátíðlega athöfn úr Tollskóla ríkisins. Nemendurnir hafa þá lokið námi í almennum tollfræðum á sviði tollafgreiðslu og tolleftirlits og útskrifast þeir sem tollverðir. Útskriftin fer fram kl. 15 í hátíðarsal tollstjóra, á 2. hæð Tollhússins.
Embætti tollstjóra starfrækir Tollskóla ríkisins. Skólinn annast kennslu í almennum tollfræðum og veitir tollvörðum og tollendurskoðendum grunn- og sérmenntun á sviði tollafgreiðslu og tollgæslu (tolleftirlits). Inngöngu í skólann fá þeir sem ráðnir hafa verið til starfa hjá embættinu við tollgæslu eða tollendurskoðun og staðist hafa inntökupróf í skólann.
Útskriftarnemum óskum við til hamingju með áfangann og óskum þeim velfarnaðar í starfi.
Til baka