Reiknivélin vinsæl
17.10.2011
Í síðustu viku, 10. til 16. október 2011 notuðu 1220 manns nýja reiknivél Tollstjóra fyrir aðflutningsgjöld. Reiknivélin var vinsælasta síða vefsins (fyrir utan forsíðuna) og það lætur nærri að annar hver notandi hafi nýtt sér hana. Næst vinsælasta síða vefsins er tollskráin, en hana geta fyrirtæki notað, meðal annars til að reikna gjöld.
Hér að neðan er tafla, sem sýnir vinsælustu flokkana og fjölda útreikninga í hverjum flokki, en samtals voru framkvæmdir 3101 útreikningar í vikunni.
Flokkur | Fjöldi útreikninga |
---|---|
Fatnaður og skór | 750 |
Tölvur og tölvubúnaður | 431 |
Varahlutir fyrir ökutæki | 249 |
Ökutæki | 209 |
Hljóð og myndflutningstæki | 173 |
Geisladiskar og DVD diskar | 131 |