Fræðsla og ráðgjöf

Fjöldi starfsmanna hjá Tollstjóra stýrir verkefnum af ýmsu tagi. Tollstjóri hvetur verkefnastjóra til að auka starfsþekkingu sína og færni m.a. með því að sækja þá fræðslu sem í boði er,  kynna sér náms- og lesefni um verkefnastjórnun, nýta sér þjónustu Verkefnastjórnunarfélags Íslands og aðrar upplýsingaveitur um verkefnastjórnun á Netinu.

Skipulagt fræðslustarf er sem hér segir:

• Allir starfsmenn Tollstjóra fá kynningu á verkefnastjórnun og verkefnavinnu í upphafi starfstíma.
• Nemendur tollskólans sitja námskeið í grunnþáttum verkefnastjórnunar og vinna verkefnisáætlun fyrir lokaverkefni sín frá skólanum.
• Í tengslum við gerð verkefnaáætlunar sækja verkefnastjórar vinnustofur og námskeið sem eru til þess fallin að auka þekkingu þeirra og færni í verkefnastjórnun.

Þá njóta verkefnastjórar stuðnings forstöðumanns þjónustu- og gæðamála og annarra sérfræðinga í verkefnastjórnun við gerð verkefnaáætlunar og verkefnastjórnun.