Nýr vefur
Síðum fækkað og efni yfirfarið
Þessi vefur kemur í stað þriggja eldri vefja: tollur.is, customs.is og extranet.tollur.is við sameiningu vefjanna tókst að fækka vefsíðum um 422. Jafnframt hefur talsvert af efni vefsins verið yfirlesið, stytt og endurskoðað. Sú vinna heldur stöðugt áfram eftir að vefurinn hefur verið opnaður. Síðast var gerð meiriháttar uppfærsla á vef Tollstjóra árið 2008.
Snjallvefur
Nýi vefurinn er snjallvefur útlit vefsins og virkni breytist eftir skjástærð þannig að vefurinn á að virka vel á öllum tækjum. Meginhluti efnis vefjarins er aðgengilegt á öllum tegundum tækja.
Flýtileiðir
Efst á skjánum er röð hnappa með flýtileiðum til að kalla fram aðgerðir sem oft eru notaðar.
Merking hnappanna er eftirfarandi:
Tungumál - hægt er að velja um íslensku og ensku.
Lokuð svæði - beint í innskráningu á þjónustugáttir sem Tollstjóri býður upp á.
Hafðu samband
Leit
Útskráning - birtist ef notandi er skráður inn
Loka flýtileið - birtist ef einhver flýtileið hefur verið valin ef smellt er lokast glugginn sem var opinn.
Valmynd
Valmyndin er ofarlega á skjánum og birtist sem flipar fyrir markhópa eða málefni á venjulegum tölvuskjá og stærri snjalltækjum en á snjalltækjum með litlum skjá birtist valrönd, ef smellt er valmyndartáknið (þrjú lárétt strik) opnast valmyndin en ef smellt er á Tollstjóri opnast forsíðan. Ef smellt er á merki Tollstjóra á venjulegum skjá opnast forsíða vefsins.
Brauðmolaslóðir
Fyrir ofan innihald vefsíðu birtist brauðmolaslóð. Á tölvum og stærri snjalltækjum eru þær jafnframt valmynd en á smátækjum er hún notuð til að sýna staðsetningu síðunnar í vefnum.
Endurgjöf
Neðst á öllum vefsíðum sem innihalda efni gefst notendum kostur á að tjá sig um hvort innihald síðunnar hafi verið hjálplegt. Endurgjöf frá notendum í gegnum þessa leið verður verður notuð til að bæta gæði þjónustu og upplýsinga á vef Tollstjóra. Notendur eru hvattir til að nýta sér þennan möguleika til að hjálpa til við að bæta vefinn og hafa áhrif á þróun hans.
Forsíða
Á forsíðu birtast auglýsingar til að vekja athygli á því sem efst er á baugi hverju sinni. Þar er einnig birt nýjasta fréttin á vefnum og dagbók. Einn smell í burtu eru allar fréttir og dagbókarfærslur en hægt er að skoða þær eftir mánuðum og árum.
Þar birtast einnig tenglar sem vísa beint í vinsælustu síður vefsins, tollgengi og flýtileiðir í helstu málaflokka og síður tengdar þeim.
Milliforsíður málaflokka
Á þessum síðum birtast tvær nýjustu fréttir viðkomandi málaflokks auk flýtileiða í beint í hluta efnis hans.
Betri leit
Leitin á þessum vef virkar mun betur en á þeim gamla ef þú finnur ekki efnið prófaðu þá að leita. Við vinnum stöðugt að því að bæta leitina. Láttu okkur endilega vita ef þú finnur ekki neitt :)
Betri reiknivél
Reiknivél fyrir innflutningsgjöld virkar nú betur á snjalltækjum og auk þess er nú hægt að leita í henni að vöru eða flokki.
Dulritun
Samskipti milli tölvu notenda og vefþjóns eru dulrituð. Þetta er gert til að auka öryggi samskipta og koma í veg fyrir að hægt sé að ræna upplýsingum sem sendar eru milli tölvu notandans og vefþjónsins. Þar að auki getur notandi staðfest að hann sé á vef Tollstjóra.