Deildarstjóri tollgæslunnar á Seyðisfirði - Afleysing til eins árs

Sleppa leiðarkerfi
Fara heim

Deildarstjóri tollgæslunnar á Seyðisfirði - Afleysing til eins árs

06.06.2008

Hjá tollstjóranum á Seyðisfirði er laus til umsóknar afleysingarstaða deildarstjóra tollgæslunnar vegna ársleyfis þess er gegnir stöðunni.

Leitað er eftir tollskólagengnum manni til að gegna stöðunni.

Leitað er að aðila sem sýnt getur fram á samviskusemi, nákvæmni og örugg vinnubrögð, góða framkomu og hæfni í mannlegum samskiptum.

Skilyrði er að deildarstjórinn búi á Seyðisfirði.

Launakjör eru skv. kjarasamningi opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996.

Nánari upplýsingar um starfið veita Lárus Bjarnason, sýslumaður í síma 470-2101 og Jóhann Freyr Aðalsteinsson, deildarstjóri, í síma 470-2104 og 470-2126.

Umsóknarfrestur er til 27. júní 2008. Umsóknir merktar "deildarstjóri" ásamt læknisvottorði, ljósriti af ökuskírteini, upplýsingum um menntun, fyrri störf, meðmælendur og annað sem umsækjandi vill taka fram skal skila til embættisins, að Bjólfsgötu 7, 710 Seyðisfirði eða á j.freyr@tmd.is.  Umsækjandi þarf að geta hafið störf í síðasta lagi hinn 11. ágúst 2008. Sett verður í stöðuna frá greindu tímamarki til 1. september 2009 til að byrja með. Hugsanlega þarf að farmlengja afleysinguna til 1. september 2011.  

Sýslumaður fer fram á það við umsækjendur að fá heimild til að afla upplýsinga úr málaskrá lögreglu og tollgæslu. Einnig er farið fram á það við þann umsækjanda sem boðið verður starfið að hann skili inn sakavottorði.

Öllum umsóknum verður svarað þegar ákvörðun um ráðningu liggur fyrir. Umsóknareyðublöð má nálgast hjá www.tollur.is.

 

Seyðisfirði, 2. júní 2008

Sýslumaðurinn á Seyðisfirði, Lárus Bjarnason

Auglýsingin er einnig hér sem pdf skjal

Til baka