Níu tollverðir útskrifaðir frá Tollskóla ríkisins
25.05.2009
Föstudaginn 22. maí s.l. útskrifuðust 9 tollverðir frá Tollskóla ríkisins. Athöfnin fór fram í Iðnó að viðstöddum vinnufélögum og fjölskyldum útskriftarnema.
Athöfnin hófst með hefðbundnum hætti með því að skólastjóri ávarpaði útskriftarnema og afhenti skírteini. Viðurkenningu fyrir ágætan námsárangur hlaut Þóra Atladóttir.
Karen Bragadóttir, forstöðumaður tollasviðs flutti ávarp og bauð nemendur velkomna til starfa sem fullmenntaða tollverði.
Ársæll Ársælsson formaður Tollvarðafélags Íslands færði nemendum bindisnælu og merki félagsins að gjöf og að lokum flutti Baldvin Örn Konráðsson ávarp fyrir hönd hópsins.
