Leiðbeiningar með eyðublaðinu TS-V01 tilkynning um vörugjaldsskylda starfsemi
LEIÐBEININGAR UM ÚTFYLLINGU TILKYNNINGAR UM VÖRUGJALDSSKYLDA STARFSEMI TS-V01
Samkvæmt lögum nr. 29/1993, um vörugjald af ökutækjum, eldsneyti o.fl. sbr. reglugerð nr. 331/2000
Merkja skal í reiti efst á eyðublaðinu hvort aðili er að tilkynna sig í fyrsta sinn vegna vörugjaldsskyldrar starfsemi sinnar eða hvort hann er að tilkynna um breytingar.
Leiðbeiningar við einstaka stafliði:
A. Vakin er athygli á því að ef um rekstur einstaklingsfyrirtækis er að ræða skal rita nafn og kennitölu eiganda fyrirtækisins í reitina „Nafn rekstraraðila" og „Kennitala rekstraraðila" en ekki nafn og kennitölu einstaklingsfyrirtækisins þótt það sé skráð í fyrirtækjaskrá með sérstakri kennitölu.
B. Hér er óskað ettir upplýsingum um starfsemi og starfsstað. Í reitinn „Tegund atvinnurekstrar" er ætlast til að tilgreint sé almennum orðum um hvers konar starfsemi er að ræða.
C. Telja skal upp þær gjaldsskyldu vörur sem aðili framleiðir eða hljóta aðvinnslu hjá honum. Áríðandi er að tilgreind sé tilvísun i viðkomandi tölulið og/eða staflið 3. eða 4. gr. reglugerðarinnar.
D. Hér skal merkja við ef aðili er hættur rekstri eða hefur selt rekstur sinn og vill því falla niður af skrá yfir vörugjaldsskylda aðila.
Tilkynninguna skal senda til skattsins.