Um reiknivélina
Notkun reiknivélarinnar er einföld:
- Leitaðu að vöruheiti eða veldu flokk og undirflokk(a)
- Listi yfir vörur birtist þegar búið er að skrifa nokkra stafi og styttist eftir því sem meira er skrifað.
- Skráðu verð vörunnar með flutningskostnaði (tollverð), taktu eftir að reiturinn birtist ekki fyrr en búið er að velja flokk(a).
- Veldu gjaldmiðil
- Smelltu á reikna
Stundum þarf að auki að skrá upplýsingar um fjölda eða magn og birtast þá reitir til að skrá það.
- Í reiknivélina hafa verið skráð valin vöruheiti og vöruflokkar sem algengt er að einstaklingar panti sjálfir frá útlöndum.
- Reiknivélin gefur hugmynd um hvað vara myndi kosta væri hún keypt og flutt til landsins á þeim degi sem útreikningur er framkvæmdur.
- Reiknivélin sækir í tollakerfi embættisins upplýsingar um gjöld og aðra skilmála (leyfi, bönn o.s.frv.), reiknar aðflutningsgjöld (innflutningsgjöld) og birtir sundurliðun.
Ekki er öruggt að vara falli í þá flokka sem búnir hafa verið til, jafnvel þó að heitið passi. Ýmislegt getur haft áhrif á tollflokkun vörunnar til dæmis efni sem varan er gerð úr eða notkun hennar. Sem dæmi má nefna að sími er alltaf sími, jafnvel þó að í honum sé myndavél og MP3 spilari. Annað dæmi, legur í bíla tollflokkast sem legur, en ekki sem aðrir bílavarahlutir því þær er jú hægt að nota í ýmislegt annað en bíla.
Mismunur getur verið í útreikningi og endanlegu verði meðal annars vegna:
- Breytinga á gengi frá útreikningsdegi til tollafgreiðsludags
- Mismunar á tollafgreiðslugengi og til dæmis kortagengi eða seðlagengi
- Réttrar tollflokkunar
- Rangt innsleginna upplýsinga
Í reiknivélinni kemur ekki fram kostnaður sem þú greiðir á Íslandi, til dæmis vegna þjónustu tollmiðlara við tollskýrslugerð eða heimkeyrslu. Kynntu þér verðskrár tollmiðlara.
Ef þú rekst á villur eða hefur hugmynd um vörur, sem þér finnst vanta í reiknivélina sendu okkur þá póst á vefur[hja]tollur.is.