Fréttir

Tollverðir hafa stöðvað 199 sendingar, sem innihéldu svefnlyfið  melatonin, í tollpósti það sem af er þessu ári. Þar af bárust 88 sendingar á tímabilinu júní - ágúst sl. Langflestar sendinganna sem innihalda melantonin  hafa borist frá netverslunum í Bandaríkjunum.

Vakin er athygli á því að melantonin er skilgreint sem lyf hér á landi og því fellur það, svo og fæðubótarefni sem innihalda það, undir lyfjalög. Samkvæmt því er innflutningur bannaður.

Sjá: https://www.lyfjastofnun.is/utgefid-efni/frettir/nr/4930

Tollstjóri minnir jafnframt á alþjóðlega aðgerð sem gerð var um mitt ár 2016 á vegum INTERPOL með þátttöku íslensku tollgæslunnar. Lyfjastofnunar og aðkomu Europol, Matvælastofnunar o.fl. Í aðgerðinni var lagt hald á  12. 2 milljónir eininga af ólöglegum og mögulega lífshættulegum lyfjum og 4.932 vefsíðum sem buðu upp á slíkan varning lokað. Markmið aðgerðarinnar var að vernda heilsu og öryggi almennings gegn ólöglegri framleiðslu og jafnframt að stöðva slíka framleiðslu. Alþjóðlegar aðgerðir af þessu tagi hafa staðfest að glæpamenn svífast einskis þegar kemur að vörusvikum við framleiðslu og engin tegund varnings er undanskilin, þar með talin lyf og fæðubótarefni að því er fram hefur komið hjá INTERPOL og Europol.

Þá hefur Matvælastofnun varað við kaupum á fæðubótarefnum á internetinu. 

Ljósmyndir: Brot af þeim sendingum sem stöðvaðar hafa verið í tollinum og eru á leið til eyðingar í Sorpeyðingarstöð Suðurnesja.

Tollstjóri vill vekja athygli á nýrri reglugerð um söfnun, endurvinnslu og skilagjald á einnota drykkjarvöruumbúðir, nr. 750/2017. Í reglugerðinni eru gerðar litlar breytingar á gjaldinu. Umsýslugjald  er lagt á álumbúðir með nýrri reglugerð og skal það vera 0,20 krónur frá og með 1. september s.l.

Er gjaldið því eftirfarandi:

Skilagjald skal nema kr. 14,41 án virðisaukaskatts á hverjar umbúðir.

Umsýsluþóknun skal leggja til viðbótar skilagjaldi á hverja umbúðareiningu úr stáli, gleri og plastefni og skal fjárhæð hennar vera án virðisaukaskatts:

Stálumbúðir = 5,50

Álumbúðir = 0,20

Gler stærra en 500 ml.= 5,30

Gler 500 ml eða minna = 3,90 kr.

Litað plastefni = 3,20

Ólitað plastefni = 1,30

Hér er hlekkur á nýja reglugerð:

Reglugerð um söfnun, endurvinnslu og skilagjald á einnota drykkjarvöruumbúðir

Tollverðir í Flugstöð Leifs Eiríkssonar lögðu nýverið hald á tugi þúsunda sterkra verkjataflna sem flugfarþegi hugðist smygla inn í landið. Farþeginn sem var að koma frá Spáni hafði komið töflunum, samtals 21.237 stykkjum, fyrir í kössum í ferðatöskum.  Um var að ræða 22 tegundir sterkra verkjalyfja.

Lögreglan á Suðurnesjum hefur haft rannsókn málsins með höndum og leikur grunur á að lyfin hafi verið ætluð til sölu hér. Viðkomandi einstaklingur hefur komið við sögu lögreglu áður.

Tollstjóri vill af þessu tilefni benda á upplýsingar frá embætti Landlæknis þar sem fram hefur komið að aukning hefur orðið á dauðsföllum vegna misnotkunar sterkra verkjalyfja undanfarin ár. Samkvæmt dánarmeinaskrá létust 13 af ofnotkun slíkra lyfja árið 2014, 14 manns árið 2015 og 17 á síðasta ári. Sterk verkjalyf eru algengasta orsök lyfjatengdra dauðsfalla, þar með talið ólöglegra fíkniefna, samkvæmt upplýsingum frá Landlækni.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra. 

Verkjalyfin sem farþeginn hafði í fórum sínum:

Á fundi Norræna tollasamvinnuráðsis (NTR) sem nú stendur yfir í Noregi skrifuðu tollstjórar Íslands, Grænlands og Færeyja undir viljayfirlýsingu um gagnkvæma stjórnsýsluaðstoð í tollamálum.  Viljayfirlýsingin felur í sér að tollyfirvöld þessara þriggja ríkja leggja áherslu á að skiptast á upplýsingum- og þekkingu  meðal annars að því er varðar tollframkvæmd, þjálfun og mannauðsmál, góða stjórnunarhætti og heilindi.

Tollyfirvöld ríkjanna þriggja hafa lengi átt í góðum samskiptum og samstarfi og viljayfirlýsingunni er ætlað að styrkja þá samvinnu enn frekar

Tollverðir í Flugstöð Leifs Eiríkssonar haldlögðu fyrr í þessum mánuði 78 karton af sígarettum sem karlmaður á þrítugsaldri var með í farangri sínum. Maðurinn var að koma frá Kaunas í Litháen þegar hann var stöðvaður við hefðbundið eftirlit. Sé miðað við meðalútsöluverð á sígarettum í dag nemur verðmæti smyglvarningsins nærri einni milljón króna.

Fimm flugfarþegar til viðbótar hafa orðið uppvísir að því að reyna að smygla tóbaki inn í landið á undanförnum vikum en ekki í nándar nærri eins miklum mæli og fyrrgreindi einstaklingurinn.

Minnt er á símsvara 5528030 hjá embætti Tollstjóra. Í hann má koma á framfæri ábendingum um smygl.

Eyðublaðið TS-E20 hefur verið uppfært og heiti þess jafnframt verið breytt. Eyðublaðið var áður kallað "Umsókn um endurgreiðslu tolla og annarra gjalda" en nú "Umsókn um endurgreiðslu aðflutningsgjalda".

Blaðið hefur verið einfaldað og bætt við möguleikum á að fjölga og fækka línum eftir þörfum. Vakin er athygli á að nota verður Adobe Reader forritið til að fylla eyðublaðið út, vistið óútfyllt eyðublað á tölvuna og opnið í Adobe Reader.

Sjá: https://www.tollur.is/eydublod

Þeim gjaldendum sem ekki eru með skráðan bankareikning hjá innheimtumönnum ríkissjóðs en eiga von á útborgun inneigna í álagningu 30. júní nk. er bent á að skrá upplýsingar um bankareikning inni á vefnum www.skattur.is eða senda tölvupóst á netfangið fyrirspurn[hja]tollur.is. 

Álagningarseðlar vegna álagningar þing- og sveitarsjóðsgjalda eru nú aðgengilegir á þjónustuvef ríkisskattstjóra.

Inneignir (vaxta- og barnabætur, ofgreidd staðgreiðsla) eru greiddar inn á bankareikninga 30. júní 2017.

Hér að neðan eru upplýsingar um hvernig hægt er að létta mánaðarlega greiðslubyrði með gerð greiðsluáætlunar hjá innheimtumönnum ríkissjóðs.

Lækkun launaafdráttar
Við álagningu þing- og sveitarsjóðsgjalda er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs. Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra (eða þeim innheimtumanni ríkissjóðs sem innheimtir kröfuna) til að lækka launaafdráttinn. Skatturinn er þá greiddur upp á lengri tíma sem hefur í för með sér aukinn vaxtakostnað en lægri mánaðarlega greiðslubyrði. Launaafdrætti er eingöngu beitt vegna þing- og sveitarsjóðsgjalda.

Launþegi þarf að fylgjast með því að tekið sé af launum í samræmi við álagningarseðil ríkisskattstjóra. Ef afdráttur af launum er ekki greiddur til innheimtumanns er sá möguleiki fyrir hendi að koma með launaseðilinn til Tollstjóra/viðeigandi innheimtumanns og sýna fram á greiðslu. Ef ekki er tekið af launum og enginn greiðsluseðill sendur er gjaldendum bent á að hafa samband við Tollstjóra (eða viðeigandi innheimtumann) og fá að millifæra greiðslu. Einnig er hægt að greiða hjá gjaldkera á 5. hæð Tollhússins, Tryggvagötu 19, og sýslumönnum utan Reykjavíkur.
Nánar um lækkun launaafdráttar.

Greiðsluerfiðleikar
Ef einstaklingur er ekki í vinnu eða starfar sjálfstætt fær hann sendan greiðsluseðil vegna vangoldinna skatta. Eigi hann í erfiðleikum með að greiða er hægt að láta gera greiðsluáætlun hjá innheimtumanni ríkissjóðs. Þá er greiðslunum dreift yfir lengra tímabil sem hefur í för með sér aukinn vaxtakostnað en léttari mánaðarlega greiðslubyrði.

Áætlanir ríkisskattstjóra
Innheimtuaðgerðir eru þær sömu hvort sem skattur er lagður á samkvæmt framtali eða áætlaður. Ef um áætlun ríkisskattstjóra er að ræða er mikilvægt að skila inn framtölum til að fá álagningu skatta leiðrétta. Hafi það verið gert er hægt að miða innheimtu skatta við bráðabirgðaútreikning, en leggja þarf fram staðfestingu á því að framtali hafi verið skilað. Staðfesting á skilum á framtali getur verið móttökukvittun og bráðabirgðaútreikningur á álagningunni sem hægt er að prenta út þegar framtali er skilað í gegnum þjónustusíðu á vef ríkisskattstjóra. Einnig er hægt að fá staðfest afrit af framtalinu á skattstofunni eða með því að prenta það út af þjónustusíðu ríkisskattstjóra.

Þar sem álagning skatta er aðskilin frá innheimtu þeirra, hafa Tollstjóri og aðrir innheimtumenn ríkissjóðs ekki upplýsingar um skattkærur og fyrirhugaðar leiðréttingar. Það er því áríðandi fyrir skattgreiðanda að láta Tollstjóra/viðeigandi innheimtumann ríkissjóð vita af slíku tilviki og ganga frá greiðsluáætlun. Geri hann það ekki hefjast innheimtuaðgerðir sem hafa í för með sér óafturkræfan kostnað og óþægindi.

Í öllum tilvikum borgar það sig að hafa samband við Tollstjóra/viðeigandi innheimtumann sem fyrst ef upp koma greiðsluerfiðleikar. Með álagningarseðlinum er sendur innheimtuseðill og á honum kemur fram hvaða innheimtumaður ríkissjóðs er með álagninguna til innheimtu.

Skuldajöfnuður
Innheimtumanni ríkissjóðs ber að skuldajafna inneignum við gjaldfallnar kröfur gjaldanda. Vakin er athygli á að skuldajöfnunarheimild á milli samskattaðra maka varðandi þing- og sveitarsjóðsgjöld. Barnabótum er ekki skuldajafnað nema upp í ofgreiddar barnabætur.
Nánar um skuldajöfnuð.

Þjónustufulltrúar
Þjónustufulltrúar lögfræðideildar útbúa greiðsluáætlanir um lækkun launafdráttar og frestun innheimtuaðgerða vegna krafna sem Tollstjóri innheimtir. Þeir eru staðsettir á 5. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30 alla virka daga, nema fimmtudaga en þá er opið til 18:00. Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími eftir viðtali lengst. Það getur því sparað tíma og fyrirhöfn að ganga frá greiðsluáætlun með tölvupósti.

Bílastæði
Við bendum viðskiptavinum á að oft leynast laus bílastæði í bílageymslu Hörpunnar en þaðan er stutt að ganga að Tollhúsinu.

Tollstjóri vill vekja athygli á nokkrum laga- og reglugerðarbreytingum sem Alþingi hefur afgreitt á undanförnum mánuði. Breytingarnar snúa að tollalögum, lögum um vörugjald af ökutækjum, eldsneyti o.fl., lögum um úrvinnslugjald, lögum um vaktstöð siglinga og reglugerð um vörugjald á eldsneyti.

Tollalög
Á tollalögum voru gerðar þrjár breytingar. Fyrsta breytingin á tollalögum snýr að 172. grein laganna. Í ákvæðinu er kveðið á um að Tollstjóri skuli beita sektum ef aðili veitir rangar eða villandi upplýsingar um tegund, magn eða verðmæti vara, eða vanrækir að leggja fram gögn. Í stað þess að áður þurfti að vera um að ræða stórfellt gáleysi til að Tollstjóri gæti beitt ákvæðinu, þarf nú einungis gáleysi. Er því verið að auka kröfur á innflytjendur að gæta vel að upplýsingum sem fram koma við skil á gögnum til Tollstjóra.

Önnur breyting snýst um samræmingu á undanþágum á grundvelli alþjóðasamninga og tvíhliða samninga sem Ísland er aðili að. Í ákvæðinu er nú tekinn af allur vafi að takmörkuð tollskylda eigi við um þá aðila sem tilteknir eru í ákvæðinu, þ.m.t. Atlantshafsbandalagið, Samstarf í þágu friðar og herlið Bandaríkjanna. Sambærileg ákvæði voru sett inn í önnur gjaldalög. 

Þriðja breytingin á tollalögum snýr að skráningu gjaldmiðla á útflutningsskýrslur. Fram kom í bráðabirgðaákvæði IV að viðskiptaverð vöru skyldi skráð í erlendum gjaldmiðli við útflutning vegna bráðabirgðaákvæðis í lögum um gjaldeyrismál. Nú hefur þetta ákvæði verið fellt úr gildi. 

http://www.althingi.is/thingstorf/thingmalalistar-eftir-thingum/ferill/?ltg=146&mnr=385

Lög um vörugjald af ökutækjum, eldsneyti o.fl.
Í breytingunum felst að skýra betur skilin á milli pallbifreiða og grindarbíla.  Q-liður 1. tl. 4. gr. fellur brott og ný skilgreining er sett í H-lið 2. tl. sömu greinar þar sem segir:

 „Grindur með hreyfli og ökumannshúsi og eftir atvikum með viðbættu vöruflutningarými. Með viðbættu vöruflutningarými er átt við vörukassa eða vörupall sem ekki er sambyggður ökumannshúsinu og á hvað varðar lögun, lit eða efni ekki sjónræna samstöðu með því. “

http://www.althingi.is/thingstorf/thingmalalistar-eftir-thingum/ferill/?ltg=146&mnr=385

Lög um úrvinnslugjald
Tvær breytingar voru gerðar á viðauka við lögin.  Gjald á tollskrárnúmer 9207.1001 - 9207.9000 er hækkað úr 13 krónum í 16 krónum og eftirfarandi tollskrárnúmer bætast við viðaukann:

             8456.3000     11 kr./kg 
             8472.9010     16 kr./kg 
             8539.1000–8539.9000     25 kr./kg 

http://www.althingi.is/thingstorf/thingmalalistar-eftir-thingum/ferill/?ltg=146&mnr=385

Lög um vaktstöð siglinga
Gerðar eru breytingar á lögunum vegna innleiðingar tilskipunar 2010/65/ESB. 

Í ákvæðunum er kveðið á um að skipstjórar, rekstraraðilar eða umboðsmönnum útgerðar sé gert skylt að afhenda vaktstöð siglinga upplýsingar sem veita ber vegna komu og brottfarar skipa samkvæmt ákvæðum laga og stjórnvaldsfyrirmæla. Upplýsingarnar skulu veittar rafrænt innan þess tíma sem ráðherra ákveður.  Gert er ráð fyrir að vaktstöð siglinga taki við upplýsingunum, varðveiti þær og framsendi til réttra stjórnvalda innan lands s.s. Tollstjóra. Upplýsingarnar skulu síðar vera aðgengilegar viðeigandi stjórnvöldum aðildarríkja samningsins um Evrópska efnahagssvæðið að því gefnu að þau hafi sambærilegar skyldur og samsvarandi íslensk stjórnvöld hvað varðar þagnarskyldu og vernd persónuupplýsinga. Öllum skipum sem koma til hafnar eða láta úr höfn á Íslandi er skylt að fara eftir þessum ákvæðum.

http://www.althingi.is/thingstorf/thingmalalistar-eftir-thingum/ferill/?ltg=146&mnr=234

Reglugerð um vörugjald á eldsneyti
Í breytingunni felst að skilgreina hvaða skilyrði aðilar þurfa að uppfylla til að fá endurgreitt bensíngjald af flugvélabensíni. Nú þurfa umsækjendur að senda inn umsókn þar sem fram koma upplýsingar um umráðamann vélarinnar, tegund og einkennisstafi vélar, magn bensíns, meðaleyðslu flugvélar og samanlagðan flugtíma á því tímabili sem bensínið var nýtt. Ásamt þessu skal fylgja frumrit reikninga vegna bensínkaupa, samantektarskjal reikninga, staðfesting á umráðum vélar og afrit af loftferðardagbók.  Í breytingunni felst að sækja þarf um endurgreiðslu innan þriggja mánaða frá því að eldsneytiskaup áttu sér stað.  Breytt reglugerð gildir um eldsneytiskaup sem áttu sér stað 4. apríl 2017 eða síðar. 

https://www.stjornartidindi.is/Advert.aspx?RecordID=c30bff8e-3be4-47a6-8535-ad466da08315

Árvekni tollvarða í Flugstöð Leifs Eiríkssonar varð til þess að upp komst um þjófnað á varningi úr Pure Food Hall versluninni að andvirði tæplega 100 þúsund krónur nýverið.  Þar var á ferðinni erlendur einstaklingur sem var að koma frá Stokkhólmi og var tekinn til skoðunar í grænu hliði. Í farangri viðkomandi var meðal annars frosið kjöt, tvær flöskur af Flóka viskíi og 10 glös af selaolíu, samtals að andvirði 91.102 krónur.

Ferðalangurinn sem kvaðst vera leiðsögumaður fyrir ferðahópa gat ekki framvísað kassakvittun fyrir vörunum þegar eftir því var leitað. Útskýringar hans á vörslu þessa dýra varnings voru margar og margvíslegar og engar tvær eins.

Starfsmenn tollgæslunnar höfðu því samband við starfsmann verslunarinnar og kom þá í ljós í sjóðsvélum að engin slík sala hefði farið fram á þeim tíma sem passaði við ferðir leiðsögumannsins. Ljóst þótti því að vörurnar væru stolnar og voru þær haldlagðar og skilað aftur í verslunina sem hyggst kæra þjófnaðinn til lögreglu.

Karlmaður sem tollverðir stöðvuðu nýverið við hefðbundið eftirlit í Flugstöð Leifs Eiríkssonar reyndist hafa í farangri sínum kökur og sælgæti (hlaup) sem hvoru tveggja innihéldu kannabisefni. Maðurinn var að koma frá Amsterdam þegar hann var stöðvaður.

Tollgæslan hafði samband við lögregluna á Suðurnesjum og tók hún við málinu. Lögreglumenn mættu á vettvang og játaði maðurinn eign sína á kökunum og sælgætinu. Málið er í hefðbundnum farvegi. 

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra. 

Tollverðir í Flugstöð Leifs Eiríkssonar stöðvuðu nýverið við hefðbundið eftirlit ferðalang sem var að koma frá Barcelona. Hann var ekki einn á ferð þótt svo hefði mátt ætla því í farangri hans fundust fimm sprelllifandi eðlur. Þær voru í plastbúri í ferðatösku mannsins og  höfðu verið ferðbúnar með salatblöð og fleira í nesti.

Tollverðir lögðu hald á eðlurnar þar sem óheimilt er að flytja til landsins hvers konar dýr, tamin eða villt, svo og erfðaefni þeirra, samkvæmt lögum um innflutning dýra nr. 54/1990. Var þeim komið í eyðingu á dýraspítala.

Sjá nánar: http://www.althingi.is/lagas/146a/1990054.html

Tæplega 10 þúsund tonn af ólöglegum matvælum, rúmar 26.4 milljónir lítra af ólöglegum drykkjarvörum og 13 milljónir eininga af annarri ólöglegri framleiðslu voru gerð upptæk í viðamikilli alþjóðlegri aðgerð undir heitinu Opson VI, sem lauk nýverið. Áætlað andvirði hins ólöglega varnings nam 230 milljónum evra.

Framleiðslan sem gerð var upptæk, vegna mögulegrar hættu á að hún gæti verið skaðleg heilsu almennings, var mjög fjölbreytt, allt frá áfengi, sódavatni, kryddteningum, sjávarréttum og ólívuolíu til lúxusvarnings svo sem kavíars.

Að þessu sinni tóku samtals 61 land þátt í aðgerðinni, sem hefur verið framkvæmd sex sinnum með stöðugt vaxandi fjölda þátttökulanda.

Að hálfu Íslands tóku íslenska tollgæslan og Matvælastofnun þátt í Opson VI sem gerð var á vegum Europol, Interpol. Nutu tollgæslan og MAST liðsinnis embættis ríkislögreglustjóra og tengslaskrifstofu Íslands hjá Europol við verkefnið.

Ákveðið var að í þetta skipti skyldu skoðaðar einkasendingar með fæðubótarefnum og þá sérstaklega frá netverslunum í Bandaríkjunum. Sendingar voru stöðvaðar til að athuga hvort þær innihéldu ólögleg efni. Til dæmis fundust í þeim glúkósamín og melatónín, sem eru skilgreind sem lyf hérlendis. Einnig fundust svokölluð psychostimulants og nootropics, örvandi lyf og lyf sem efla heilastarfsemina en eru ekki leyfð hér.

Samkvæmt Europol og Interpol staðfesti aðgerðin að glæpamenn svífast einskis þegar kemur að matvælasvikum og engin tegund matvæla eða drykkja er undanskilin. Mannslíf eru einskis virði ef hagnaðarvon er fyrir hendi.

Sem fyrr er markmið Opson aðgerðanna að vernda heilsu og öryggi almennings gegn ólöglegum matvælum og drykkjarvöru og jafnframt að stöðva slíka framleiðslu. Fóru allmargar handtökur fram í tengslum við aðgerðina.

Sjá nánar: https://www.europol.europa.eu/newsroom/news/eur-230-million-worth-of-fake-food-and-beverages-seized-in-global-opson-operation-targeting-food-fraud og: https://www.interpol.int/News-and-media/News/2017/N2017-052

Tölvukerfi tollafgreiðslu hafa verið opnuð að nýju og er rafræn tollafgreiðsla nú með venjubundnu sniði.

Vakin er athygli á að barnabætur verða greiddar út næsta föstudag 28.apríl 2017. Þetta er gert vegna þess að 1. maí er frídagur.

Meira um barnabætur

Vegna viðamikilla breytinga á tölvubúnaði verða tölvukerfi tollafgreiðslu lokuð frá miðnætti aðfararnótt laugardagsins 29. apríl 2017 til kl. 08:00 að morgni þriðjudagsins 2. maí 2017.

 Eftirfarandi kerfi verða lokuð: SMT-tollafgreiðsla, VEF- tollafgreiðsla, VEF-farmskrárskil og Tollalínan sem og tollskráin og reiknivélin á tollur.is.

 Viðskiptavinir eru beðnir velvirðingar á þeim óþægindum sem lokunin kann að valda.

Tollverðir í Flugstöð Leifs Eiríkssonar stöðvuðu nýverið smygl á tæpum tveimur lítrum af fljótandi kókaíni til landsins. Efnin fundust, við hefðbundið eftirlit, í farangri tæplega þrítugs karlmanns sem var að koma frá Amsterdam. Vökvanum hafði verið komið fyrir í fjórum brúsum sem merktir voru sem munnskol, sápur og  sjampó. Samtals var um að ræða 1.950 millilítra.

Þetta er í fyrsta sinn sem lagt er hald á fljótandi kókaín hér á landi og er mjög erfitt að greina þessa gerð af kókaíni  við gegnumlýsingar og röntgenmyndatökur.

Málið var kært til lögreglunnar á Suðurnesjum sem hefur farið með rannsókn þess. Hún er nú á lokastigi.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Tollverðir haldlögðu rúmlega 19 kíló af fíkniefnum á landamærum á síðasta ári, 2016. Þar af var mesta magnið kókaín, rúmlega 7.4 kíló. Haldlagt hass var rúm 5.5 kíló og amfetamín rúmlega 4.5 kíló. Um bráðabirgðatölur er að ræða.

Þá var eitt kíló af metamfetamíni haldlagt og nokkurt magn af e-töflum og dufti svo og LSD – efnum.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum um smygl inn á símsvara 5528030 hjá embætti Tollstjóra.

Á árinu 2016 voru í gildi tímabundið lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XIV við Tollalög nr. 88/2005.  Þær reglur féllu úr gildi þann 31. desember 2016.

Frá og með 1. janúar 2017 taka fyrri reglur um uppgjörstímabil og gjalddaga aðflutningsgjalda gildi.

Tollverðir hafa að undanförnu haldlagt rúmlega 184 lítra af nikótínvökva sem flytja átti inn í landið. Flestar komu sendingarnar, fimm talsins, frá Bandaríkjunum en einnig frá Bretlandi og Hong Kong. Í flestum tilvikum var um hraðsendingar að ræða en einnig fáeinar póstsendingar. Þá voru tvær sendingar sem innihéldu merkimiða á nikótínvökva einnig haldlagðar en slíkt varðar brot á lyfjalögum. Athygli skal vakin á því að um er að ræða bráðabirgðatölur.

Stærsta nikótínvökvasendingin innihélt rúmlega 81 lítra og var þar um að ræða hraðsendingu frá Bandaríkjunum.  Næststærsta sendingin innihélt 48 lítra og barst hún frá Bretlandi.

Tollstjóri hefur kært umrædd mál til lögreglunnar á höfuðborgarsvæðinu á grundvelli lyfjalaga 93/1994, lyfsölulaga 30/1963, reglugerðar nr. 212/1998, um innflutning einstaklinga á lyfjum til eigin nota og tollalaga 88/2005.   

Mikið magn af nikótínvökva hefur verið haldlagt að undanförnu eins og myndin ber með sér.

Þann 22. febrúar tók viðskiptaliprunarsamningur Alþjóða viðskiptastofnunarinnar (WTO) formlega gildi þegar Rúanda, Óman, Chad og Jórdanía afhentu framkvæmdastjóra stofnunarinnar, Roberto Azevêdo, skjöl um fullgildingu ríkjanna á samningnum. Þar með var því marki náð að 2/3 af 164 aðildarríkjum stofnunarinnar hefðu fullgilt samninginn. Um sögulegan viðburð er að ræða þar sem um er að ræða fyrsta marghliða samninginn sem samkomulag hefur náðst um frá stofnun Alþjóða viðskiptastofnunarinnar árið 1995. Íslensk stjórnvöld fullgiltu samninginn í október síðastliðnum.

Samningurinn inniheldur ákvæði er varða hraðari og skilvirkari tollframkvæmd. Auknum hraða og bættri skilvirkni skal ná með árangursríkri samvinnu milli tollyfirvalda og annarra viðeigandi yfirvalda varðandi málefni tengd viðskiptaliprun og framfylgd tollalöggjafar. Þá felur hann í sér ákvæði er varða tæknilega aðstoð og þekkingaruppbyggingu á þessu sviði. Skv upplýsingum frá WTO er áætlað að full framkvæmd samningsins ætti að lækka heildar viðskiptakostnað aðildarríkjanna um 14,3% að meðaltali og að þróunarríki ættu jafnvel að geta náð enn betri árangri.

Sjá nánar í frétt WTO 

Undirbúningur og kerfisbreytingar er tengjast því að taka í notkun nýja tollskýrslu hafa tekið lengri tíma en áætlað var.

Nú er komið að því að hugbúnaðarhús hefjist sem fyrst handa við að prófanir á móti sínum kerfum og er miðað við að þeim prófunum ljúki fyrir mitt árið 2017.

Stefnt er að því að taka hina nýju skýrslu upp í áföngum út árið 2017 . 

Áætlun gengur út á að samið verði við miðlara og stærri innflytjendur um tímasetningar innan ársins til að hefja notkun nýju skýrslunnar sem verður að ljúka innan ársins.

Tollmiðlaranámskeið Tollskóla ríkisins hefst 27. febrúar n.k.. Námskeiðið er 100 kennslustundir og stendur frá 27. febrúar - 7. apríl n.k.

Á námskeiðinu er farið yfir lög og reglur sem gilda um tollmeðferð vöru, þar á meðal:

• tollflokkun,
• tollskýrslugerð,
• meðferð ótollafgreiddrar vöru,
• ábyrgð á greiðslu aðflutningsgjalda og upplýsingum sem veittar eru tollyfirvöldum,
• reglur um greiðslufrest aðflutningsgjalda.

Athygli er vakin á því að starfsmönnum tollmiðlara sem annast gerð tollskýrslna og samskipti við tollyfirvöld vegna þeirra ber skylda til að sækja námskeiðið.

Nánari upplýsingar:

Dagsetning: 27. febrúar - 7. apríl

Tími: kl. 13.00 - 16:00.

Lengd: 100 kennslustundir.

Kostnaður: 140.000 kr.

Skráningarfrestur er til 20. febrúar 2017.

Skráning sendist á netfangið: sigridur.arna.olafsdottir[hja]tollur.is

Nánari upplýsingar veitir Gunnlaug Hartmannsdóttir starfsþróunarstjóri í síma 5600-551 / 8422551, netfang: gunnlaug.hartmannsdottir[hja]tollur.is

Námskeið í tollskýrslugerð  verður haldið í Tollskóla ríkisins dagana 13. – 24. febrúar 2017. Þátttakendur fá þjálfun í gerð tollskýrslu vegna inn- og útflutnings auk þess sem farið verður yfir helstu reglur, fylgiskjöl, útreikninga, uppbyggingu tollakerfis, upprunavottorð o.fl.  Kennsla fer fram á Tryggvagötu 19 kl. 8.30 – 12.20.

Nánari upplýsingar:

Dagsetning:    13.; 15.; 17.; 20., 22. og 24. febrúar

Tími:               kl. 8.30 – 12.20

Staður:            Tollhúsið Tryggvagötu 19.

Kostnaður:      40.000 kr.

Skráningarfrestur er til 10. febrúar n.k.

Skráning sendist á netfangið: sigridur.arna.olafsdottir[hja]tollur.is

Nánari upplýsingar veitir Gunnlaug Hartmannsdóttir starfsþróunarstjóri í síma 5600-551 / 8422551, netfang: gunnlaug.hartmannsdottir[hja]tollur.is

Tollverðir á Keflavíkurflugvelli stöðvuðu fimmtán burðardýr fíkniefna á nýliðnu ári, 2016. Lögreglan á Suðurnesjum hafði með höndum rannsóknir málanna og er flestum þeirra lokið en aðrar á lokastigi.

Langmest var um kókaín eða samtals rúmlega 6,5 kíló. Mesta magn sem einn aðili hafði innvortis var tæpt kíló.

Þá var haldlagt umtalsvert magn af hassi eða rúm 5,4 kíló samtals. Það fannst í farangri einstaklinga sem ætluðu að smygla því yfir til Grænlands.

Loks voru haldlögð tæp 240 grömm af e - dufti og 13 grömm af metamfetamíni.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Á nýliðnu ári 2016 komu upp 260 mál í kjörfar póstsendinga sem tollverðir stöðvuðu og reyndust innihalda fíkniefni eða stera.  Er þetta mestur fjöldi mála sem sendur hefur verið til lögreglu á einu ári.  Af þessu voru 214 fíkniefnamál, 27 steramál og 19 lyfjamál. Lögreglan á höfuðborgarsvæðinu fór með rannsókn málanna.

Undirstrikað skal að um bráðabirgðatölur er að ræða.

Stærstu málin voru steramál sem upp kom í janúar í sendingu sem hafði að geyma 15.394 töflur og 1635 millilítra, kókaínmál í mars, þar sem um var að ræða 31,98 grömm, steramál einnig í mars í sendingu sem innihélt 199,51 grömm, metamfetamínmál í október sem varðaði smygl á 983,47 grömmum, e-töflumál í október í sendingu sem innihélt 208 töflur, amfetamínmál í nóvember, sem varðaði smygl á ríflega fjórum kílóum og loks amfetamínsending í nóvember, sem varðaði tæp 500 grömm. Síðastnefnda sendingin átti að fara til Spánar en hafnaði fyrir mistök hér og var stöðvuð.

Í heildartölunni 260 var einnig um að ræða nokkur steramál um og yfir 100 grömm ásamt fjölda ávanbindandi lyfja í töfluformi.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.
Almennt gildir að breytingarnar taka til allra vara sem ótollafgreiddar eru 1. janúar 2017 nema annað sé tekið fram. 

Ábendingar
Útflutningur - Um útflutning gildir: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag vörusendingar frá Íslandi, sem útflutningsskýrslan tekur til. Sama gildir þegar leiðrétta eða breyta þarf útflutningsskýrslum eftir tollafgreiðslu. 

Innflutningur - Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra fyrir og eftir 1. janúar með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra.

1.
Breyting á tollskrá
Breytingin er skv. auglýsingu nr. 123/2016 um breyting á viðauka I við tollalög nr. 88/2005, m.s.br. (A-deild Stjórnartíðinda). Breytingarnar eru umfangsmiklar en varða inn- og útflytjendur mismikið. Nánari upplýsingar eru á þessari vefsíðu Breytingar á tollskrá 1. janúar 2017.

2.
Lækkun tolla á vörum í tollskrárnúmerum sem heyra undir 25. til 97. kafla
Tollur á vörum í tollskrárnúmerum sem heyra undir 25. til 97. kafla í tollskrá í viðauka I við tollalögin verður 0% og 0 kr./kg.

Heimild: 15. gr. laga nr. 125/2015 um ýmsar forsendur frumvarps til fjárlaga fyrir árið 2016.

3.
Lækkun tolla á vörum í tollskrárnúmerinu 2005.2003
Tollur á vörum í tollskrárnúmerinu 2005.2003 í tollskrá í viðauka I við tollalögin verður 0% og 0 kr./kg.

Heimild: 13. gr. laga nr. 125/2015 um ýmsar forsendur frumvarps til fjárlaga fyrir árið 2016.

4.
Hækkun magntolls (A1) á vörum í tollskrárnúmerum í 4. kafla tollskrár
Tollar hækka á mjólk, rjóma og ostum í neðangreindum númerum:

Heimild: 57. gr. laga nr. 102/2016  um breytingu á búvörulögum, búnaðarlögum, tollalögum og lögum um velferð dýra (búvörusamningar, búnaðarlagasamningur).

5.
Kolefnisgjöld á eldsneyti, K* gjöld, hækka
Nefnd kolefnisgjöld verða þessi:
K2    Kolefnisgjald. Gas- og díselolía:  6,30 kr./lítra
K3    Kolefnisgjald. Bensín:  5,50 kr./lítra
K5    Kolefnisgjald. Brennsluolía:  7,75 kr./kg
K6    Kolefnisgjald. Jarðolíugas og annað loftkennt kolvatnsefni:  6,90 kr./kg 

Heimild: 16. gr. laga nr. 126/2016 um ýmsar forsendur frumvarps til fjárlaga fyrir árið 2017. 

6.
Vörugjald af bensíni, LB gjald, hækkar
Gjaldið verður:
LB    Vörugjald af bensíni: 26,80 kr./lítra. 

Heimild: 11. gr. laga nr. 126/2016 um ýmsar forsendur frumvarps til fjárlaga fyrir árið 2017.

7.
Sérstakt vörugjald af eldsneyti, C1 og C2 gjöld, hækka
Gjöldin verða:
C1    Blýlaust bensín: 43,25 kr./lítra
C2    Annað en blýlaust bensín: 45,85 kr./lítra 

Heimild: 12. gr. laga nr. 126/2016 um ýmsar forsendur frumvarps til fjárlaga fyrir árið 2017.

8.
Olíugjald, C3 gjald, hækkar
C3    Olíugjald á gas- og dísilolíu og ennfremur á steinolíu til ökutækja: 60,10 kr./lítra 

Heimild: 13. gr. laga nr. 126/2016 um ýmsar forsendur frumvarps til fjárlaga fyrir árið 2017.  

9.
Áfengisgjöld, VX, VY og VZ, hækka
Áfengisgjöld verða:
VX    Áfengisgjald – Öl o.fl.: 117,25 kr./cl af vínanda umfr. 2,25% 
VY    Áfengisgjald – Vín: 106,80 kr./cl af vínanda umfr. 2,25%
VZ    Áfengisgjald – Annað áfengi: 144,50 kr./cl af vínanda umfr. 0%  

Heimild: 3. gr. laga nr. 126/2016 um ýmsar forsendur frumvarps til fjárlaga fyrir árið 2017.

10.
Tóbaksgjöld, innflutningur til einkanota, T1 og T2 hækka
Tóbaksgjöldin verða:
T1    Tóbaksgjald – vindlingar:  604,75 kr.á hvern pakka; 20 vindlingar
T2    Tóbaksgjald – annað tóbak:  33,60 kr./gramm

Heimild: 5. gr. laga nr. 126/2016 um ýmsar forsendur frumvarps til fjárlaga fyrir árið 2017.

11.
Úrvinnslugjöld, B* gjöld, breytast
Þessar breytingar eru skv. 31. - 40. gr. laga nr. 126/2016 um ýmsar forsendur frumvarps til fjárlaga fyrir árið 2017 og breyta lögum um úrvinnslugjald, nr. 162/2002. 

Við 6. mgr. 7. gr. a laganna bætast eftirfarandi tollskrárnúmer og eru undanþegin úrvinnslugjaldi skv. nánari skilyrðum: 3923.2102 og 3923.2103. 

BS gjald á í tollskrárnúmerum 8704.9012 og 8704.9015 fellur niður

BL    Í stað „30,00 kr./kg“ hvarvetna í viðauka IV við lögin kemur: 35,00 kr./kg. (T)

Eftirfarandi breytingar verða á viðauka V við lögin: 
BF    Í stað „30,00 kr./kg“ hvarvetna kemur: 26,00 kr./kg.  (T)
BF    Í stað „170,00 kr./kg“ hvarvetna kemur: 150,00 kr./kg.  (T)
 
BE    Í stað „42,00 kr./kg“ hvarvetna í viðauka VIII við lögin kemur: 38,00 kr./kg. (T)
 
Eftirfarandi breytingar verða á viðauka X við lögin: 
BH    Í stað „45,50 kr./kg“ hvarvetna kemur: 100,00 kr./kg.  (T)
BH    Í stað „85,50 kr./kg“ hvarvetna kemur: 188,00 kr./kg.  (T)
BH    Í stað „101,00 kr./kg“ hvarvetna kemur: 222,00 kr./kg.  (T)
BH    Í stað „279,50 kr./kg“ hvarvetna kemur: 615,00 kr./kg.  (T)
BO    Í stað „2,50 kr./stk.“ hvarvetna kemur: 6,00 kr./stk.  (S)
 
Eftirfarandi breytingar verða á viðauka XI við lögin: 
BA    Í stað „111,00 kr./kg“ hvarvetna kemur: 44,00 kr./kg.  (T)
BA    Í stað „332,00 kr./kg“ hvarvetna kemur: 133,00 kr./kg.  (T)
BA    Í stað „442,00 kr./kg“ hvarvetna kemur: 177,00 kr./kg.  (T)
BA    Í stað „663,00 kr./kg“ hvarvetna kemur: 265,00 kr./kg.  (T)
BA    Í stað „884,00 kr./kg“ hvarvetna kemur: 354,00 kr./kg.  (T)
BA    Í stað „1.767,00 kr./kg“ hvarvetna kemur: 707,00 kr./kg.  (T)
BB    Í stað „20,00 kr./kg“ hvarvetna kemur: 8,00 kr./kg.  (S)
BC    Í stað „20,00 kr./kg“ hvarvetna kemur: 8,00 kr./kg.  (T)
BC    Í stað „28,00 kr./kg“ hvarvetna kemur: 11,00 kr./kg.  (T)
 
Eftirfarandi breytingar verða á viðauka XII við lögin: 
BD    Í stað „150,00 kr./kg“ hvarvetna kemur: 360,00 kr./kg.  (T)
BD    Í stað „250,00 kr./kg“ hvarvetna kemur: 600,00 kr./kg.  (T)
BD    Í stað „500,00 kr./kg“ hvarvetna kemur: 1.200,00 kr./kg.  (T)
BD    Í stað „600,00 kr./kg“ hvarvetna kemur: 1.440,00 kr./kg.  (T)
BD    Í stað „800,00 kr./kg“ hvarvetna kemur: 1.920,00 kr./kg.  (T)
BD    Í stað „1.200,00 kr./kg“ hvarvetna kemur: 2.880,00 kr./kg.  (T)

Eftirfarandi breytingar verða á viðauka XVI við lögin: 
BR    Í stað „40,00 kr./kg“ í tollskrárnúmerinu 4012.9000 kemur: 8,00 kr./kg.  (T)
BS    Í tollskrárnúmerum 8703.4021-8703.9020 kemur 1.400 kr./stk. sbr. b-lið 39. gr. laga nr. 126/2016  (T)

Viðauki XIX við lögin breytist:
BU    Sjá upphæðir í 40. gr. laga nr. 126/2016 (T)

 (S) = taxti gjalds er tengdur gjaldakódanum
 (T) = taxti gjaldakóda er mismunandi eftir tollskrárnúmerum 

12.
Flutningsjöfnunargjöld á olíuvörum (eldsneyti), J* gjöld, taxtar breytast
Gjöldin verða þessi:
J1    Bifreiðabensín: 0,57 kr. á lítra
J2    Flugsteinolía (þotueldsneyti): 0,12 kr. á lítra
J3    Gasolía: 0,76 kr. á lítra
J4    Flugvélabensín: 0,12 kr. á lítra
J5    Aðrar olíur og blöndur til brennslu: 0,05 kr. á kg. 

Heimild: Auglýsing nr. 1164/2016 um flutningsjöfnunargjald á olíuvörum

13.
Breytingar á gjalddögum uppgjörstímabila vegna skuldfærslu aðflutningsgjalda við tollafgreiðslu; fyrirkomulag fært til fyrra horfs frá og með 1. janúar 2017
Á árinu 2016 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XIV við Tollalög nr. 88/2005. Þær reglur falla úr gildi þann 1. janúar 2017.

Frá og með 1. janúar 2017 taka fyrri reglur um uppgjörstímabil og gjalddaga aðflutningsgjalda gildi.
Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda. 

14.
Undanþáguheimild, VSKÖT undanþágukódi, lækkun virðisaukaskatts á rafmagns-, vetnis- eða tengiltvinnbifreiðum, framlengd til 31. desember 2017 
Eftirfarandi heimild í ákvæðum til bráðabirgða XXIV í lögum um virðisaukaskatt er framlengd til 31. desember 2017: „Við innflutning og skattskylda sölu nýrrar rafmagns-, vetnis- eða tengiltvinnbifreiðar er heimilt að fella niður virðisaukaskatt eða telja til undanþeginnar veltu fjárhæð að ákveðnu hámarki eins og nánar er kveðið á um í ákvæði þessu.“  Sjá nánar ákvæðið í lögum nr. 50/1988 um virðisaukaskatt.

Heimild: Sjá um framlenginguna í 8. gr. laga nr. 126/2016 um ýmsar forsendur frumvarps til fjárlaga fyrir árið 2017.

15.
Reglugerðir um tollkvóta
Reglugerð nr. 1004/2016 um úthlutun á tollkvótum vegna innflutnings á landbúnaðarvörum frá Evrópubandalaginu.
Birt 23. nóvember 2015.
Gildir frá 1. janúar 2017 til 31. desember 2017. 

Reglugerð nr. 1024/2016 um úthlutun á tollkvótum vegna innflutnings á blómum, trjám o.fl.
Birt 28. nóvember  2015.
Gildir frá 1. janúar 2017 til 31. desember 2017.

Reglugerð nr. 1003/2016 um úthlutun á tollkvótum vegna innflutnings á ostum frá Noregi.
Birt 23. nóvember 2015.
Gildir frá 1. janúar 2017 til 31. desember 2017. 

Reglugerð nr. 1216/2016 um úthlutun á tollkvótum vegna innflutnings á landbúnaðarvörum samkvæmt viðauka IVA og IVB við tollalög.
Birt 30. desember  2016.
Gildir frá 1. janúar 2017 til 31. desember 2017. 

16.
Lokun á sjálfvirkri EDI/VEF-tollafgreiðslu
Vegna breytinga á gjöldum og tölvuvinnslu verður lokað fyrir sjálfvirka EDI/VEF-tollafgreiðslu hjá Tollstjóra frá kl. 14:00 þann 31. desember 2016 til kl. 12:00 þann 2. janúar 2017.

17.
Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. janúar 2017 vegna tollafgreiðslu, verða aðgengilegir hér á vef Tollstjóra 30. desember 2016.
Sérstaklega er bent á að nauðsynlegt er að sækja einnig svokallaða hlutfallstöflu BV og BX úrvinnslugjalda af pappa, pappírs- og plastumbúðum. Sjá nánar vefsíðu tollskrárlykla.

18.
Nánari upplýsingar
Um tæknilega framkvæmd: Upplýsingatæknideild, Rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505 

Um tollamál og tollafgreiðslu: Þjónustuver tollasviðs Tollstjóra, sími 560 0315

Á árinu 2017 verða barnabætur greiddar út 1. febrúar, 1. maí, 1. júlí og 1. október.

Nánari upplýsingar er að finna á þessari síðu.

Afgreiðsla Tollstjóra á Tryggvagötu verður opin um hátíðarnar sem hér segir:

Opið er á virkum dögum frá 8:00-15:30 en afgreiðslan á Tryggvagötu er opin lengur á fimmtudögum, þá er opið frá kl. 8:00-18:00.

- Annar í jólum, mánudagur 26. desember: Lokað
- 2. janúar: Venjulegur opnunartími.

Starfsemi tollgæslu um allt land verður með venjubundnum hætti.

Starfsfólk Tollstjóra óskar landsmönnum öllum gleðilegra jóla og farsæls komandi árs, þökkum samskiptin á árinu sem er að líða.

Breytingar á tollalögum 1. janúar 2017

Þann 1. janúar 2017 ganga í gildi umtalsverðar breytingar á ákvæðum tollalaga.

Tollar eru felldir niður á vörum í 25. til 97. kafla tollskrár, en undir þessa kafla falla allar aðrar vörur en þær sem teljast vera úr dýra- eða jurtaríkinu auk matvæla. Þess ber þó að geta að vörur í 25. til 97. kafla tollskrár bera enn önnur aðflutningsgjöld, s.s. virðisaukaskatt og úrvinnslugjöld svo dæmi séu tekin.

Áhrifa breytingarinnar mun gæta við innflutning vöru í áðurnefndum köflum tollskrár frá löndum sem ekki hafa fríverslunarsamninga við Ísland. Þar mætti t.d. nefna Bandaríkin og Japan. Tollar í umræddum köflum tollskrár hafa þegar verið felldir niður við innflutning upprunavöru frá löndum sem Ísland hefur gert fríverslunarsamninga við og mun því ekki hafa áhrif á greiðslu tolla við innflutning vöru í 25. til 97. kafla, t.d. frá ESB eða Kína.

Breytingarnar taka, eins og áður segir, gildi um áramótin. Meginreglan er sú að álagning gjalda miðast við tollafgreiðsludag, þannig njóta vörur, sem bíða nú tollafgreiðslu og eru staðsettar á geymslusvæðum fyrir ótollafgreiddar vörur, niðurfellingu tolla ef þær eru tollafgreiddar eftir áramót. Öðruvísi er farið með vörusendingar sem koma til landsins með hraðsendingarfyrirtækjum en er miðað við komudag fars til landsins við álagningu gjalda að því er varðar slíkar sendingar. Vörur sem hafa verið tollafgreiddar með bráðabirgðatollafgreiðslu njóta ekki niðurfellingu tolla þó uppgjör tollafgreiðslu fari fram eftir áramót.

Breytingar með gildistöku laga nr. 102/2016 (búvörulögin)

Með gildistöku laga nr. 102/2016 verða breytingar á magntollum á undanrennu- og mjólkurdufti auk osta. Verða magntollarnir uppfærðir til samræmis við verðlagsbreytingar sem hafa orðið frá því að magntollarnir voru settir á, árið 1995. Er nýjum viðauka bætt við tollalögin þar sem talin eru upp þau tollskrárnúmer þar sem finna má áðurnefndar vörur og ákvæði sett í tollalög sem kveða á um hvernig reikna skuli hina uppfærðu magntolla.

Gengisumreikningur SDR (þ.e. sérstök dráttarréttindi, e. Special Drawing Rights) verður festur við viðmiðunardagsetningu í lög með beinum hætti. Við gildistöku laganna verður gengi SDR við álagningu aðflutningsgjalda fest við fyrsta virka dag marsmánaðar.

Í 1. mgr. 7. gr. tollalaga er talið upp í 17 töluliðum tilvik þar sem tollar skulu lækka, falla niður eða endurgreiðast, að uppfylltum þeim skilyrðum sem tilgreind eru. Breytingar verða á 11. tölulið ákvæðisins. Í núgildandi tollalögum tekur 11. töluliðurinn til hráefnis, efnivara og hluta sem bera magntoll (A1-tollur) samkvæmt viðauka I við tollalögin og ætluð eru í innlendar framleiðsluvörur, svo og af umbúðum fyrir slíkar vörur. Þessi ákvæði verður breytt þannig að eftir gildistöku laganna falla einungis undir ákvæðið, hráefni, efnivörur, og hlutar sem bera magntoll úr tollnúmerum 0406.2000, 0701.9009, 1517.1009 og 1905.4000 samkvæmt viðauka I við tollalögin og ætluð eru í innlendar framleiðsluvörur, svo og af umbúðum fyrir slíkar vörur.

Þann 1. janúar 2017 taka gildi breytingar á íslensku tollskránni samkvæmt auglýsingu um breyting á viðauka I við tollalög nr. 88/2005 sem Fjármála- og efnahagsráðuneytið gefur út og verða birtar í Stjórnartíðindum.

Breytingar þessar leiða af hinum reglubundnu breytingum sem eiga sér stað á fimm ára fresti samkvæmt samþykkt Alþjóðatollastofnunarinnar á hinni samræmdu alþjóðlegu tollskrá.  Tollskráin var tekin upp í alþjóðlegum viðskiptum samkvæmt samningi sem gerður var að frumkvæði ráðsins 14. júní 1983. Samningurinn tók gildi gagnvart samningsaðilum 1. janúar 1988 og var Ísland meðal stofnaðila hans.  Eins og áður segir eru gerðar tiltölulega viðamiklar breytingar á tollskránni á fimm ára fresti.  Þetta er gert til að laga hana að breyttum aðstæðum í hinu alþjóðlega viðskiptaumhverfi og vegna breyttra áherslna við eftirlit og upplýsingaöflunar samningsríkja.

Breytingarnar eru ekki eins viðamiklar að þessu sinni og oft áður en þó má nefna að einhverjar breytingar eiga sér stað á sjávarafurðakaflanum (3. kafli) þar sem m.a. hausar og annar ætur fiskúrgangur og afurðir fá nú sér númer.  Einnig eru  breytingar á viðarkaflanum (44. kafli) þegar kemur að flokkun hitabeltisviðar og bambusar.  Auk þess má benda á breytingar á bifreiðakaflanum (87. kafli) þar sem flokkun á bifreiðum með rafmagnshreyfli eða hjálparrafmagnshreyfli breytist.

Til þess að auðvelda fyrirtækjum og öðrum sem málið varðar að átta sig á breytingunum verður hér að finna Tollskrá 2017, þar sem breytingar á tollskránni eru litaðar með gulu til að auðvelda leit. Jafnframt er hér listi yfir ný tollskrárnúmer sem tekin eru upp og eins þau sem falla niður svo og umrædd auglýsing fjármálaráðuneytisins.

Gerður hefur verið samsvörunarlykill milli Tollskrár 2012 og Tollskrár 2017 til þess að auðvelda endurflokkun vöru eftir umræddar breytingar.

Sú breyting verður á þetta árið að embætti Tollstjóra mun ekki standa að prentun á tollskránni.  Þess í stað verður hún gerð aðgengileg á heimasíðu embættisins þar sem hægt er að hlaða henni niður á PDF formi.  Þannig geta þeir sem það vilja prentað hana út, hvort sem er í heilu lagi eða aðeins þeim hluta sem viðkomandi hefur áhuga á að eiga á prenti.  Þetta er gert vegna dvínandi áhuga á kaupum á prentuðum eintökum undanfarin ár.  T.d. seldist aðeins tæplega helmingur af prentuðu upplagi tollskrár 2012 þrátt fyrir að aldrei hafi verið prentaðar jafn fáar skrár og það árið.

Veftollskrá hefur verið uppfærð en breytingar á henni verða sýnilegar 1. janúar 2017.

• Auglýsing nr. 123/2016 um breyting á viðauka I við tollalög nr. 88 18. maí 2005, með síðari breytingum.
• Tollskrá 2017 (pdf) breytingar eru með gulum lit
• Tollskrá 2017 prentvæn útgáfa
• Ensk útgáfa (er í vinnslu og verður birt á vefnum fljótlega)
• Samsvörunarlyklar, pdf skjal
  - Útgáfa 2 - Leiðrétting 17.01.2017: 0305.5912 og 0305.5918 felld út og í staðinn koma 0305.5911 og 0305.5919.
• Tollskrárnúmer sem falla niður 2017, pdf skjal
  - Útgáfa 2 - Leiðrétting 17.01.2017: 0305.5911 og 0305.5919 falla ekki niður og eru því felld út úr skjali.
• Ný tollskrárnúmer 2017, pdf skjal

Sjá einnig frétt Tollstjóra - Breytingar á tollalögum 1. janúar 2017 og gildistaka búvörusamninga

Skjölin eru birt með fyrirvara um villur og gætu tekið breytingum.

Sjá einnig frétt tollstjóra - Breyting á tollskrá, aðflutningsgjöldum og fleira.

Fréttin verður uppfærð með nýjustu breytingum.

Síðast uppfært/breytt 17. janúar 2017

Tollverðir í Flugstöð Leifs Eiríkssonar höfðu fyrr í mánuðinum afskipti af tveimur erlendum ferðamönnum vegna þjófnaðar á ilmvötnum. Mennirnir voru stöðvaðir í grænu hliði og reyndust þeir vera með ilmvatnsbirgðir, að verðmæti langt umfram það sem leyfilegt er að koma með til landsins. Tollverðir haldlögðu því umfram varninginn.

Daginn eftir birtust þeir aftur í flugstöðinni, þá á leið úr landi. Tollverðir ákváðu að kanna með mennina og við heimilaða leit í farangri þeirra fundust tólf ilmvatnsglös að verðmæti tæplega 150 þúsund krónur og BOSE bluetooth ferðahátalari að andvirði  tæplega 35 þúsund krónur.

Í ljós kom að mennirnir höfðu látið greipar sópa í fríhöfninni og var málið kært til lögreglunnar á Suðurnesjum.

Breytingar á gjalddögum uppgjörstímabila vegna skuldfærslu aðflutningsgjalda við tollafgreiðslu; fyrirkomulag fært til fyrra horfs frá og með 1. janúar 2017

Á árinu 2016 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XIV við Tollalög nr. 88/2005.  Þær reglur falla úr gildi þann 31. desember 2016.

Frá og með 1. janúar 2017 taka fyrri reglur um uppgjörstímabil og gjalddaga aðflutningsgjalda gildi.

Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda.

Tollverðir stöðvuðu nýverið póstsendingu sem reyndist innihalda rúmlega 200  e – töflur. Sendingin barst hingað til lands frá Hollandi og haldlögðu tollverðir samtals 208 töflur.

Tollstjóri kærði málið til lögreglunnar á höfuðborgarsvæðinu sem fór með rannsókn þess. Rannsókninni er lokið.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Rúmlega 4500 vefsíðum sem seldu falsaðan varning var lokað  í  alþjóðlegri aðgerð undir heitinu  In Our Sites (IOS) VII. sem lauk nýverið. Íslenska tollgæslan tók þátt í aðgerðinni sem  gerð var á vegum Europol, Interpol auk bandarískra yfirvalda og naut hún liðsinnis embættis ríkislögreglustjóra og tengslaskrifstofu Íslands hjá Europol við verkefnið.  Ekki kom til þess að slíkum vefsíðum væri lokað hér á landi. 

Aðgerðin náði til 27 landa. Á hinum ólöglegu vefsíðum voru meðal annars seldir  falsaða varahluti, íþróttavörur, raftæki,  skartgripir og merkjavara, lyf og hreinlætisvörur. Markmið þessa átaks var sem fyrr að stöðva ólöglega verslun og auka öryggi netverslunar fyrir neytendur.

Nánar í frétt á vef Europol

Rúmlega 200 mál hafa komið upp það sem af er árinu þar sem tollverðir hafa stöðvað póstsendingar sem innihéldu fíkniefni, stera og ávanabindandi lyf. Til októberloka eru slík mál orðin samtals 214 en voru 221 talsins allt árið 2014. Það ár var metár í haldlagningu slíkra sendinga.

Í langflestum tilfellum er um minni háttar mál að ræða, en stærri innan um. Má þar nefna póstsendingu sem tollverðir stöðvuðu í síðasta mánuði og reyndist hún innihalda tæplega kíló af metamfetamíni. Hafði efnið verið falið í handsápum en það dugði ekki til.

Tollstjóri hefur kært ofangreind mál sem upp hafa komið til lögreglunnar á höfuðborgarsvæðinu sem fer með rannsókn þeirra.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Búið er að lagfæra bilun, sem varð í EDI-kerfinu í morgun. Tollskýrslur og farmbréf eru móttekin í Tollakerfi og tollsvör hafa verið send.

Viðskiptavinir þurfa ekki að endursenda tollskýrslur eða farmbréf sem bárust á meðan á viðgerð stóð.

Beðist er velvirðingar á þeim óþægindum, sem bilunin olli viðskiptavinum okkar.

Tollverðir hafa það sem af er þessu ári haldlagt umtalsvert magn af sterum. Um er að ræða 21.242 töflur, 10.937 millilítra af vökva og 426 grömm af dufti.

Stærsta málið sem upp hefur komið á árinu var póstsending frá Danmörku sem reyndist innihalda 15.394 töflur og 1.635 millilítra.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Búið er að lagfæra bilun, sem varð í EDI-kerfinu í gær. Ný tollsvör eru nú send út og búið er að endursenda tollsvörin, sem ekki komust á áfangastað í gær. 

Beðist er velvirðingar á þeim óþægindum, sem bilunin olli viðskiptavinum okkar.

Frétt uppfærð kl. 15:35.

Ennþá er bilun í EDI-kerfi Tollstjóra. Tollskýrslur berast okkur en engin tollsvör eru send út.

Viðgerð stendur yfir.

Í vikunni gengu í gildi lög um aðgerðir stjórnvalda gegn skattsvikum o.fl.  nr. 112/2016.  

Með lögunum voru gerðar nokkrar breytingar á tollalögum og verður hér farið yfir þær í stuttu máli.

VRA- vottun (AEO)

Tollstjóri fær heimild til að veita áreiðanlegum lögaðilum, sem fást við inn- eða útflutning, stöðu viðurkenndra rekstraraðila, svokallaða VRA-vottun (e. Authorised Economic Operator – AEO).  VRA-vottun gefur tollyfirvöldum til kynna að tiltekinn lög­aðili sé traustur hlekkur í aðfangakeðjunni.   VRA-vottaðir aðilar njóta ákveðins ávinnings umfram önnur fyrirtæki og mun ávinning­ur íslenskra VRA-aðila aukast eftir því sem gagnkvæmum viðurkenningarsamningum um VRA-vottun við önnur ríki fjölgar. Á grundvelli slíkra samninga munu íslensk útflutningsfyrirtæki með VRA-vottun njóta ívilnana við tollframkvæmd á erlendri grundu í samræmi við samn­ingsskuldbindingar. Ákvæði um VRA-vottun öðlast gildi um næstu áramót.  Farið verður af stað með tilraunaverkefni til að fullmóta alla ferla varðandi umsóknarferlið. 

Beiting álags vegna rangrar upplýsingagjafar

Innflytjanda verður nú skylt að greiða 50% álag til viðbótar við tolla og önnur aðflutningsgjöld, sem honum bar með réttu að greiða, hafi rangar eða villandi upplýsingar verið veittar um tegund, magn eða verðmæti vöru við innflutning. Þetta gildir jafnframt hafi upplýsingagjöf innflytjanda að öðru leyti verið svo áfátt að áhrif hafi haft við álagningu. Fella skal álagið niður ef innflytjandi færir rök fyrir því að óviðráðanleg atvik hafi hamlað því að hann veitti réttar upplýsingar eða kæmi leiðréttingu á framfæri við Tollstjóra. Þó skal ekki fella álagið niður ef annmarki á upplýsingagjöf á rætur sínar að rekja til aðgerða eða aðgerðaleysis tollmiðlara, seljanda eða send­anda.   Ákvæði um álag öðlast þegar gildi.

Varðveisla gagna

Skylda Tollstjóra til að varðveita tollskjöl vegna tollafgreiðslu sendinga, sem aðilar sem ekki eru bókhaldsskyldir flytja til landsins, er felld brott.  Í stað þess er tollmiðlurum gert að geyma þessi gögn á sama hátt og þeir gera þegar um bókhaldsskylda aðila er að ræða. Þessi breyting mun hafa í för með sér mikinn vinnusparnað fyrir tollmiðlara auk þess að draga úr prentunar- og pappírskostnaði. Þá mun þörf fyrir geymslupláss og vinnu við flokkun aðflutningsskýrslna dragast saman hjá Tollstjóra.  Ákvæði um þetta öðlast gildi um næstu áramót.

Í dag, mánudaginn 24. október 2016, eru konur hvattar til að leggja niður störf kl. 14:38, mæta á samstöðufund á Austurvelli kl. 15:15 og/eða taka þátt á táknrænan hátt í samstöðu um kröfuna um „kjarajafnrétti strax“.

Tollstjóri styður jafnrétti og reiknar með að margar konur sem starfa hjá embættinu muni mæta á samstöðufundinn á Austurvelli. Af þeim sökum verður óhjákvæmilega skert þjónusta í afgreiðslu Tollstjóra frá kl. 14:30 í dag 24. október. Bent skal á að ekki verður hægt að taka á móti greiðslum.

Við minnum á að hægt er að greiða skatta og gjöld inná eftirfarandi reikning: 

Vinsamlega sendið skýringar á greiðslum inn á þennan reikning á netfangið 85002[hja]tollur.is

Við minnum jafnframt á að afgreiðsla Tollstjóra er opin til kl. 18:00 á fimmtudögum. 

1. Tollstjóri hefur ákveðið að taka í notkun nýja innflutningsskýrslu (SAD-eyðublað innflutnings) í upphafi árs 2017.
2. Innleiðingaráætlun nýrrar innflutningsskýrslu verður breytt þannig að fyrirtækjum verður gefinn kostur á að uppfæra hugbúnað sinn á tímabilinu fram til 30. nóvember 2017.
3. Tollstjóri mun því taka við tollskýrslum á eldra formi fram að ofangreindri dagsetningu.  Eftir þann tíma fellur tollskýrslueyðublað E-1. vegna innflutnings úr gildi nema gagnvart leiðréttingum á eldri tollafgreiðslum.

Tollverðir stöðvuðu nýverið karlmann, í Flugstöð Leifs Eiríkssonar, sem reyndist vera með tuttugu kannabisfræ í fórum sínum. Maðurinn var að koma frá Amsterdam. Fræjunum hafði hann komið fyrir í bakpoka sínum.

Lögreglan á Suðurnesjum fer með rannsókn málsins og er hún á lokastigi.

Því má bæta við að það sem af er þessu ári hafa tollverðir haldlagt 328 kannabisfræ í 26 póstsendingum sem borist hafa hingað til lands.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Tollverðir haldlögðu nýverið mikið magn stera sem karlmaður reyndi að smygla inn í landið í ferðatösku. Um var að ræða nær 20.000 steratöflur, ambúlur og stinningarlyfið Kamagra. Maðurinn hafði dvalið í Tælandi og var að koma með flugi frá Kaupmannahöfn þegar hann var stöðvaður í Flugstöð Leifs Eiríkssonar.

Tollstjóri kærði málið til lögreglunnar á Suðurnesjum sem fer með rannsókn þess. Rannsókninni miðar vel og er hún á lokastigi.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Það er ýmislegt sem rekur á fjörur tollvarða þegar þeir eru við eftirlitsstörf sín. Þar má til dæmis nefna póstsendingu sem barst hingað til lands frá Ungverjalandi nýverið. Hún innihélt nefnilega heilan MacDonalds hamborgara sem einhver hafði greinilega keypt og ákveðið að senda vini sínum á Íslandi. Borgarinn var með öllu tilheyrandi, rétt eins og verið væri að afhenda hann til viðskiptavinar.

Þar sem kjötið var fulleldað ákváðu tollverðir að leyfa sendingunni að fara áfram til viðtakanda, en hver örlög hamborgarans urðu eftir ferðalagið, sem tók sjö til tíu daga, er ekki vitað.

Tollverðir hafa stöðvað 24 póstsendingar á síðustu tveimur mánuðum, sem reyndust innihalda fíkniefni, auk einnar til viðbótar þar sem grunur lék á innflutningi á sterum. Stærsta málið sem kom upp á þessu tímabili er sending frá Filippseyjum sem reyndist innihalda um það bil 12 grömm af metamfetamíni, sem falið var í skóm. Í flestum tilvikum var um smærri mál að ræða þar sem handlagt magn var 1 - 2 grömm af fíkniefnum eða nokkur kannabisfræ.

Einnig má nefna að stöðvuð var sending sem reyndist innihalda fíkniefnið Ketamín sem var að koma frá Þýskalandi. Umrætt efni hefur örsjaldan fundist á póstinum en það er svæfingarlyf sem í venjulegum skömmtum skerðir ekki vökuvitund til fullnustu en veldur miklu viðbragðaleysi og þar á meðal mikilli verkjadeyfingu svo og miklu óminni.

Sjá: http://doktor.is/grein/svaefingarlyf

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Skórnir sem metamfetamínið var falið í:

Þann 17. júní 2016 öðluðust gildi breytingar á lögum um gjald á áfengi og tóbak, nr. 96/1995.

Nánari upplýsingar um breytingarnar er að finna hér:

Frétt, birt á tollur.is þann 16.06.2016.

Nánari upplýsingar um tollfríðindi áhafna á íslenskum skipum og flugvélum.

Nánari upplýsingar um tollfríðindi ferðamanna.

Lilja Alfreðsdóttir, utanríkisráðherra, hefur undirritað fyrir Íslands hönd fríverslunarsamning milli EFTA-ríkjanna og lýðveldisins Georgíu. Undirritunin fór fram á ráðherrafundi EFTA sem haldinn var í Bern í Sviss. Samningurinn tekur til vöruviðskipta, þjónustustarfsemi, fjárfestinga og opinberra innkaupa. Þá felur hann í sér gagnkvæma niðurfellingu tolla á iðnaðarvörum sem og aukin tollfríðindi fyrir tilteknar landbúnaðarvörur. 

Ekki er ljóst á þessari stundu hvenær samningurinn tekur gildi en á vef EFTA kemur fram að unnið sé að undirbúningi gildistöku hans.

Nánari upplýsingar í frétt Utansríkisráðuneytisins

Sjá einnig upplýsingar um samninginn á vef EFTA

Álagning þing- og sveitarsjóðsgjalda á einstaklinga vegna tekna á árinu 2015 verður birt hjá ríkisskattstjóra 30. júní 2016. Hér að neðan eru upplýsingar um hvernig hægt er að létta mánaðarlega greiðslubyrði með gerð greiðsluáætlunar hjá innheimtumönnum ríkissjóðs.

Inneignir (vaxta- og barnabætur, ofgreidd staðgreiðsla) eru greiddar inn á bankareikninga 1. júlí 2016.

Lækkun launaafdráttar

Við álagningu þing- og sveitarsjóðsgjalda er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs. Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra (eða þeim innheimtumanni ríkissjóðs sem innheimtir kröfuna) til að lækka launaafdráttinn. Skatturinn er þá greiddur upp á lengri tíma sem hefur í för með sér aukinn vaxtakostnað en lægri mánaðarlega greiðslubyrði. Launaafdrætti er eingöngu beitt vegna þing- og sveitarsjóðsgjalda.

Launþegi þarf að fylgjast með því að tekið sé af launum í samræmi við álagningarseðil ríkisskattstjóra. Ef afdráttur af launum er ekki greiddur til innheimtumanns er sá möguleiki fyrir hendi að koma með launaseðilinn til Tollstjóra/viðeigandi innheimtumanns og sýna fram á greiðslu. Ef ekki er tekið af launum og enginn greiðsluseðill sendur er gjaldendum bent á að hafa samband við Tollstjóra (eða viðeigandi innheimtumann) og fá að millifæra greiðslu. Einnig er hægt að greiða hjá gjaldkera á 5. hæð Tollhússins, Tryggvagötu 19, og sýslumönnum utan Reykjavíkur.

Nánar um lækkun launaafdráttar.

Greiðsluerfiðleikar

Ef einstaklingur er ekki í vinnu eða starfar sjálfstætt fær hann sendan greiðsluseðil vegna vangoldinna skatta. Eigi hann í erfiðleikum með að greiða er hægt að láta gera greiðsluáætlun hjá innheimtumanni ríkissjóðs. Þá er greiðslunum dreift yfir lengra tímabil sem hefur í för með sér aukinn vaxtakostnað en léttari mánaðarlega greiðslubyrði.

Áætlanir ríkisskattstjóra

Innheimtuaðgerðir eru þær sömu hvort sem skattur er lagður á samkvæmt framtali eða áætlaður. Ef um áætlun ríkisskattstjóra er að ræða er mikilvægt að skila inn framtölum til að fá álagningu skatta leiðrétta. Hafi það verið gert er hægt að miða innheimtu skatta við bráðabirgðaútreikning, en leggja þarf fram staðfestingu á því að framtali hafi verið skilað. Staðfesting á skilum á framtali getur verið móttökukvittun og bráðabirgðaútreikningur á álagningunni sem hægt er að prenta út þegar framtali er skilað í gegnum þjónustusíðu á vef ríkisskattstjóra. Einnig er hægt að fá staðfest afrit af framtalinu á skattstofunni eða með því að prenta það út af þjónustusíðu ríkisskattstjóra.

Þar sem álagning skatta er aðskilin frá innheimtu þeirra, hafa Tollstjóri og aðrir innheimtumenn ríkissjóðs ekki upplýsingar um skattkærur og fyrirhugaðar leiðréttingar. Það er því áríðandi fyrir skattgreiðanda að láta Tollstjóra/viðeigandi innheimtumann ríkissjóð vita af slíku tilviki og ganga frá greiðsluáætlun. Geri hann það ekki hefjast innheimtuaðgerðir sem hafa í för með sér óafturkræfan kostnað og óþægindi.

Í öllum tilvikum borgar það sig að hafa samband við Tollstjóra/viðeigandi innheimtumann sem fyrst ef upp koma greiðsluerfiðleikar. Með álagningarseðlinum er sendur innheimtuseðill og á honum kemur fram hvaða innheimtumaður ríkissjóðs er með álagninguna til innheimtu.

Skuldajöfnuður

Innheimtumanni ríkissjóðs ber að skuldajafna inneignum við gjaldfallnar kröfur gjaldanda. Vakin er athygli á að skuldajöfnunarheimild á milli samskattaðra maka varðandi þing- og sveitarsjóðsgjöld. Barnabótum er ekki skuldajafnað nema upp í ofgreiddar barnabætur.

Nánar um skuldajöfnuð.

Þjónustufulltrúar

Þjónustufulltrúar lögfræðideildar útbúa greiðsluáætlanir um lækkun launafdráttar og frestun innheimtuaðgerða vegna krafna sem Tollstjóri innheimtir. Þeir eru staðsettir á 5. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30 alla virka daga, nema fimmtudaga en þá er opið til 18:00. Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími eftir viðtali lengst. Það getur því sparað tíma og fyrirhöfn að ganga frá greiðsluáætlun með tölvupósti.

Bílastæði

Við bendum viðskiptavinum á að oft leynast laus bílastæði í bílageymslu Hörpunnar en þaðan er stutt að ganga að Tollhúsinu.

Gerðar hafa verið breytingar á lögum um gjald á áfengi og tóbak, nr. 96/1995. Í breytingunni felst að ferðamenn og aðrir sem njóta tollfríðinda við komu til landsins hafa meiri sveigjanleika við val á kaupum á tollfrjálsu áfengi. Í stað fyrirframskilgreindra skammta fá ferðamenn nú 6 einingar af áfengi sem þeir geta ráðstafað eins og þeir vilja, eftir skilgreindum einingum. Hver eining getur verið 0,25 l af sterku, 0,75 l af léttu áfengi eða 3 lítrar af bjór.

Lögin voru birt í stjórnartíðindum í dag og taka því gildi á miðnætti 17. júní 2016.

Vefsíður á vef Tollstjóra sem fjalla um tollfríðindi hafa verið uppfærðar.

Með einingu er átt við:

1. Hverja 0,25 lítra af sterku áfengi, þ.e. áfengi sem í er meira en 21% af vínanda af rúmmáli.
2. Hverja 0,75 lítra af léttvíni, þ.e. áfengi annað en öl sem í er 21% eða minna af vínanda að rúmmáli. 
3. Hverja 3 lítra af öli sbr. 1. tölul. 1. mgr. 3. gr.
4. Hverja 3 lítra af gosvíni, gerjaðri drykkjarvöru eða blöndu gerjaðra drykkjarvara og óáfengra drykkja sem flokkast undir vöruliði 2208 og 2206 enda sé varan að hámarki 6% að styrkleika. 

Ferðamenn:

Ferðamenn á leið til landsins mega núna taka með sér 6 einingar af sterku áfengi, léttvíni og/eða öli sem ferðamenn til landsins. 

Í þessu felst að ferðamenn hafa nú meiri sveigjanleika þegar kemur að samsetningu kaupa á áfengi í fríverslun. Til skýringa  er hægt að setja upp eftirfarandi dæmi:

• Ferðamaður getur tekið 1,5 L af sterku áfengi, ef hann tekur einungis sterkt.
• Taki ferðamaður einungis léttvín er honum heimilt að taka 4,5 Lítra.
• Taki ferðamaður einungis öl er honum heimilt að taka 18 lítra af öli. Sama á við um gosvín, gerjaðar drykkjarvörur eða blöndu slíkra drykkja, enda sé varan að hámarki 6% að styrkleika.
• Taki ferðamaður jafnt úr hverjum þætti eða 2 einingar af sterku, 2 einingar af léttvíni og 2 einingar af öli yrði samsetningin þannig; 0,5 Lítrar af sterku áfengi, 1,5 Lítrar af léttu áfengi og 6 lítra af bjór.

Ferðamaður hefur því 6 einingar, sem skilgreinast eins og að ofan greinir, og getur nýtt sér þær með þeirri samsetningu sem hann vill.

Skipverjar á íslenskum skipum eða skipum í leigu íslenskra aðila

Skipverjum er heimilt að taka 11 einingar af áfengi eins og skilgreint er hér að ofan hafi skipverji verið 15 daga eða lengur í ferð. Hafi ferðin verið skemur en 15 dagar er skipverjum heimilt að taka 6 einingar.

Skipstjóra, yfirstýrimanni, yfirvélstjóra og bryta, svo og matsveinum á farþega- og vöruflutningaskipum, er jafnframt heimilt að taka gjaldfrjálst aukalega til risnu um borð jafnstóran skammt og þeir mega hafa gjaldfrjálst samkvæmt þessum lið. 

Flugverjar, þ.m.t. flugverjar í aukaá­höfn

Flugverjum sem hafa verið 15 daga eða lengur í ferð er heimilt að taka 5 einingar skv. ofangreindum viðmiðum. Hafi ferðin varað skemur en 15 daga er þeim heimilt að taka  3 einingar.

Fölsuð krabbameinslyf, alnæmislyf, sykursýkispróf og eftirlíkingar af tannlækna- og skurðáhöldum  voru meðal þeirra ólöglegu lyfja og lækningatækja sem gerð voru upptæk í nýafstaðinni alþjóðlegri aðgerð sem náði til 103 landa. Beindist hún að vefverslun þar sem ólögleg og hugsanlega lífshættuleg lyf voru á boðstólum.

Íslenska tollgæslan og Lyfjastofnun tóku þátt í aðgerðinni sem gerð var á vegum Interpol með aðkomu m.a. Alþjóða tollastofnunarinnar og Europol.  Í tengslum við aðgerðina hér á landi var lagt hald á töluvert af ólöglegum stinningarlyfjum. Meðan hún stóð yfir hafði  Matvælastofnun aukið eftirlit með fæðubótarefnum, sem grunur lék á að gætu innihaldið lyfjavirk efni. Nokkur mál af því tagi komu einnig upp.

Tollgæslan og Lyfjastofnun nutu liðsinnis embættis ríkislögreglustjóra og tengslaskrifstofu Íslands hjá Europol við aðgerðina sem unnin var undir heitinu Pangea IX.

Alls voru 393 handteknir víða um lönd og hald lagt á 12. 2 milljónir eininga af ólöglegum og mögulega lífshættulegum lyfjum  að andvirði 53 milljónir dollara. Þá var 4.932 vefsíðum sem buðu upp á slíkan varning lokað. 334.000 pakkar voru rannsakaðir og af þeim voru 170.340 haldlagðir.

Sem dæmi um umsvif ólöglegrar vefverslunar má nefna að í Ungverjalandi fundust 65.000 töflur af  kvíðastillandi lyfjum faldar í aftursæti og varahjólbarða bifreiðar. Í Austurríki var stöðvuð starfsemi neðanjarðarverksmiðju þar sem framleidd voru fölsuð lyf, þar á meðal sterar.

Sjá nánar í frétt á vef interpol

Á myndinni má sjá fjölbreytileika þeirra ólöglegu stinningarlyfja sem haldlögð voru hér á landi í alþjóðlegu aðgerðinni Pangea IX.

Þeim gjaldendum sem ekki eru með skráðan bankareikning hjá innheimtumönnum ríkissjóðs en eiga von á útborgun inneigna í álagningu 1. júlí nk. er bent á að skrá upplýsingar um bankareikning inni á vefnum www.skattur.is eða senda tölvupóst á netfangið fyrirspurn[hja]tollur.is. 

Aðalhundaþjálfari Tollstjóra, Ingibjörg Ylfa Ólafsdóttir, er komin á útkallslista Frontex, Landamærastofnunar Evrópu,  og hefur fengið fullgild réttindi sem „European Border Guard (EUBG) Canine Team Instructor. “  Hún hefur þar með öðlast  réttindi til að kenna leitarhundaþjálfun og dæma úttektir á leitarhundum á vegum Frontex í öðrum löndum. Útnefninguna hlaut hún eftir að hafa lokið fimmþættu prófi,  sem haldið var á vegum Tollstjóra nýverið, með heildareinkunninni „Outstanding, “ eða framúrskarandi. Áður hafði hún lokið leiðbeinandanámi hjá Frontex. Samtals eru nú 22  manns á útkallslistanum og er Ingibjörg Ylfa eini Íslendingurinn sem lokið hefur umræddu námi og er á ofangreindum lista.

„Það, að vera komin með alþjóðlega gæðavottun á starfi hundateyma embættisins auðveldar okkur samstarf við aðrar opinberar stofnanir hvað áframhaldandi menntun og þjálfun í opinberri þjónustu varðar,“ segir Ingibjörg Ylfa, spurð um þýðingu þessa áfanga.

Mikil vinna inna hefur verið í gangi hjá Frontex á undanförnum árum  við að samræma kröfur sem gerðar eru til hundateyma sem starfa á landamærum Schengen - og Evrópusambandsins.  Reynsla hefur leitt í ljós að erfiðleikum getur verið háð að skipa hundateymi í vinnu í samstarfsverkefnum milli  landa þar sem kunnátta, þjálfun og kröfur til getu leitarhunda  eru mismunandi frá einu landi til annars.  Því var þróaður staðall  sem kveður skýrt á um hvað hundateymi þarf að kunna og geta til að öðlast viðurkenningu í Evrópu. Á grunni staðalsins var svo útbúið leiðbeinendanám þar sem þátttakendur voru m.a. látnir þjálfa sína vinnuhunda og standast úttektir með þeim til að fá útskrift.  Teymisvinnuna í verkefninu vann Ingibjörg Ylfa ásamt fíkniefnaleitarhundi embættis Tollstjóra, Kötu.

Búið er að laga bilun sem kom upp í tollakerfinu um kl. 14:00 í dag 26. maí 2016.  Nokkurn tíma getur þó tekið að vinna úr innsendum gögnum. 

Fréttinni hefur verið breytt, upprunalegur texti er hér að neðan:

Í augnablikinu er bilun í tollakerfinu sem veldur truflunum á sjálfvirkri tollafgreiðslu og móttöku EDI skeyta. Viðskiptavinir eru vinsamlega beðnir að margsenda ekki sömu skýrsluna.

Unnið er að viðgerð.

Á árinu 2015 var í gildi tímabundið lengri greiðslufrestur (fleiri gjalddagar) á aðflutningsgjöldum. Það ákvæði féll úr gildi 31. desember 2015.

Tímabundið lengri greiðslufrestur mun aftur taka gildi skv. lögum nr. 33/2016 um breyting á tollalögum, nr. 88/2005, og lögum nr. 50/1988, um virðisaukaskatt (gjalddagar aðflutningsgjalda) og gilda afturvirkt um eindaga aðflutningsgjalda sem skuldfærð hafa verið á tímabilinu frá 1. mars 2016.  Greiðsluseðlar frá Tollstjóra vegna innheimtu skuldfærðra aðflutningsgjalda munu endurspegla þetta.

Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda.

Sjá ennfremur nýtt yfirlit yfir uppgjörstímabil og gjalddaga fyrir árið 2016 í þessu pdf skjali.

Búið er að laga bilun sem kom upp í tollakerfinu í morgun. Nokkurn tíma getur þó tekið að vinna úr innsendum gögnum. Viðskiptavinir sem sendu inn skýrslu fyrir kl. níu í morgun og hafa ekki fengið þær tollafgreiddar ennþá eru vinsamlega beðnir að senda þær aftur. 

Fréttinni hefur verið breytt, upprunalegur texti er hér að neðan:

Í augnablikinu er bilun í tollakerfinu sem veldur truflunum á sjálfvirkri tollafgreiðslu og móttöku EDI skeyta. Viðskiptavinir eru vinsamlega beðnir að margsenda ekki sömu skýrsluna.

Unnið er að viðgerð.

Erlendur karlmaður, sem tollverðir stöðvuðu í Flugstöð Leifs Eiríkssonar í síðustu viku reyndist hafa meðferðis sex kíló af hassi. Maðurinn var að koma frá Kaupmannahöfn og millilenti á Keflavíkurflugvelli á leið sinni til Grænlands.

Við hefðbundið eftirlit fundu tollverðirnir hassið, sem pakkað hafði verið niður með farangri hans, og haldlögðu það. Lögreglan á Suðurnesjum fór með rannsókn málsins, sem telst upplýst.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Tollverðir hafa haldlagt rúmlega 60 póstsendingar sem innihéldu fíkniefni eða ólögleg lyf það sem af er þessu ári. Málunum hefur verið vísað til lögreglu.   

Rúmlega 40 póstsendingar sem innihéldu meint fíkniefni voru haldlagðar. Kannabisfræ voru í flestum þeirra, eða níu, og átta innihéldu MDMA – fíkniefni. Áætlað magn síðarnefnda efnisins er samtals um 70 grömm.  Aðrar sendingar höfðu að geyma aðrar tegundir fíkniefna.

Um 20 póstsendingar innihéldu ólögleg lyfseðilsskyld  lyf. Í tíu þeirra var m.a. um að ræða nær 1300 skammta samtals, af sterkum, ávanabindandi lyfjum.

Flestar af þessum rúmlega 60 sendingum bárust frá Hollandi, eða 19  og næstflestar frá Bretlandi eða 11 sendingar.

Auk þessa haldlögðu tollverðir fyrr á  árinu tvær bögglapóstsendingar sem innihéldu 16.394 steratöflur og 1.635 millilítra af fljótandi sterum í stunguglösum og ambúlum. Efnin voru falin í frímerkjaalbúmum eins og þegar hefur verið greint frá. Þær sendingar komu frá Svíþjóð.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Rúmlega tíu þúsund tonn af ólöglegum matvælum og milljón lítrar af ólöglegum drykkjarvörum voru gerð upptæk í viðamikilli, alþjóðlegri aðgerð undir heitinu Opson V sem lauk nýverið. Íslenska tollgæslan og Matvælastofnun tóku þátt í aðgerðinni sem  gerð var á vegum Europol og INTERPOL. Nutu tollgæslan og Matvælastofnun liðsinnis embættis ríkislögreglustjóra og tengslaskrifstofu Íslands hjá Europol við verkefnið.

Hér á landi komu upp fáein mál í tengslum við aðgerðina, einkum varðandi fæðubótarefni sem bárust til landsins á þeim tíma sem hún stóð yfir.

Markmið aðgerðarinnar, sem náði til 57 landa,  var að vernda heilsu og öryggi almennings gegn hættulegum efnum sem eru notuð í hin ólöglegu matvæli og drykkjarvörur. Sem dæmi má nefna að haldlögð voru rúmlega 85 tonn af ólívum sem penslaðar höfðu verið með upplausn sem innihélt kopar og súlfat til að breyta lit þeirra.  

Nánari upplýsingar á:

Frétt á vef Europol

Frétt á vef Interpol 

Tollstjóri vekur athygli á breytingum sem tóku gildi 1. janúar 2016 og varða gjalddaga og uppgjörstímabil aðflutningsgjalda og áfengisgjalda.

Breytingar á gjalddögum uppgjörstímabila vegna skuldfærslu aðflutningsgjalda við tollafgreiðslu:

Á árinu 2015 voru tímabundið í gildi lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XII við Tollalög nr. 88/2005. Þær reglur féllu úr gildi þann 31. desember 2015. Eindagi aðflutningsgjalda fyrir tímabilið janúar og febrúar 2016 verður því 15.mars næstkomandi.

Frá og með 1. janúar 2016 tóku fyrri reglur um uppgjörstímabil og gjalddaga aðflutningsgjalda gildi (pdf).

Greiðslufrestur áfengisgjalda (VY, VX & VZ)

Sú breyting verður á greiðslufresti áfengisgjalda að áður fengu þau skuldfærslu á tveggja vikna uppgjörstímabil við tollafgreiðslu með eindaga annan virka dag eftir lok uppgjörstímabils en fá nú skuldfærslu á eins mánaða uppgjörstímabil með eindaga annan virka dag eftir lok uppgjörstímabils. 

Sjá nánar:  frétt um ýmsar breytingar vegna tollafgreiðslu sem urðu um áramót.

Tollverðir í Flugstöð Leifs Eiríkssonar  stöðvuðu í síðasta mánuði UPS sendingu frá Filippseyjum sem innihélt þrjá plastpoka af amfetamíni. Búið hafði verið um pakkann, sem stílaður var á 11 ára gamalt barn, eins og um afmælisgjöf væri að ræða. Í honum var leikfang, Captain America plastdúkka og í maga hennar fundu tollverðir pokana þrjá, sem innihéldu samtals 12 grömm af amfetamíni.

Lögreglan á Suðurnesjum annaðist rannsókn málsins og  er henni lokið.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Tollverðir haldlögðu í síðasta mánuði tvær bögglapóstsendingar sem innihéldu mikið magn stera. Sterunum hafði verið komið fyrir í frímerkjaalbúmum, sem áður hafði verið skorið innan úr, þannig að rúm fyrir þá myndaðist. Albúmin höfðu síðan verið innsigluð með glæru plasti. Þau reyndist innihalda 16.394 steratöflur og 1.635 millilítra af fljótandi sterum í stunguglösum og ampúlum.

Í sendingunum tveimur sem komu frá Svíþjóð voru samtals 20 albúm, framleidd í Kína,  sem flest innihéldu stera, en fáein voru þó tóm.

Málið var sent til fíkniefnadeildar lögreglunnar á höfuðborgarsvæðinu sem hefur lokið rannsókn þess og telst það upplýst.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum  um smygl inn á símsvara 5528030 hjá embætti Tollstjóra.

Fleiri myndir

Einungis þeir sem hafa skráð upplýsingar um bankareikning til greiðslu inneigna fengu greiddar barna- og vaxtabætur í dag 1. febrúar 2016. Þeim sem ekki fengu bæturnar greiddar er bent á að fara inn á vefinn skattur.is, skrá upplýsingar um bankareikning sinn og senda síðan tölvupóst á netfangið fyrirspurn@tollur.is með upplýsingum um kennitölu og ósk um að greiða bæturnar út. 

Hægt er að nálgast yfirlit yfir útgreiðslu barna og vaxtabóta á vefnum island.is (mínar síður).

Í frétt Fjársýslu ríkisins sem birt var s.l. föstudag kemur m.a. fram:

„Bætur eru lagðar inn á bankareikninga bótaþega sem eru með skráða bankareikninga hjá innheimtumönnum ríkissjóðs. Ef upplýsingar um bankareikninga liggja ekki fyrir, verða bætur greiddar út hjá innheimtumanni, eftir að upplýsingar um bankareikning hafa verið gefnar upp. Unnt er að tilkynna um bankareikning hjá innheimtumönnum ríkissjóðs og á www.skattur.is.“

Sjá nánar í frétt Fjársýslu ríkisins

Fyrirframgreiðsla barnabóta verður framkvæmd næstkomandi mánudag 1. febrúar 2016. Greiðsla barnabóta fer fram fjórum sinnum á ári. Fyrirframgreiðsla er greidd 1. febrúar og 1. maí. Við uppgjör í ágúst er fyrirframgreiðsla dregin frá barnabótum eins og þær eru ákvarðaðar við álagningu og eftirstöðvar greiddar út 1. ágúst og 1. nóvember

Barnabætur eru reiknaðar í fyrsta skipti vegna barns árið eftir að það fæðist og í síðasta skipti á því ári sem 18 ára aldri er náð.

Sjá einnig umfjöllun um barnabætur á vef Ríkisskattstjóra.

Tollstjóri hefur innleitt gæðastjórnkerfi sem tekur til allra þátta í starfsemi embættisins. Í janúar 2014 var formlega hafin vinna við að innleiða kröfur ISO 9001 staðalsins sem ber íslenska heitið „Gæðastjórnunarkerfi kröfur.“ Þeirri vinnu lauk á nýliðnu ári með viðurkenningu vottunarstofu á að embætti tollstjóra hafi innleitt ISO 9001 kröfurnar í starfsemi sinni og fylgi nú þessum kröfum.

Vottunin nú er mikill og stór áfangi þar sem allir starfsmenn Tollstjóra hafa lagt sig fram og unnið vel til þess að ná þessu markmiði sem mun tvímælalaust hafa jákvæð áhrif á starfsemi embættisins í formi bættrar þjónustu. Gildir þá einu hvort um er að ræða afgreiðslu á innheimtu opinberra gjalda, tolleftirlit eða þjónustu við tollafgreiðslu vegna inn- eða útflutnings.

Gildi Tollstjóra eru traust, samvinna og framsækni. Embættið kappkostar að þessi gildi séu í hávegum höfð og að þau varði alla þá sem þurfa á þjónustu þess að halda. Kröfur ISO 9001 styðja einnig vel við þessi gildi þ.e. að uppfylla þarfir og væntingar þeirra sem embætti tollstjóra vinnur fyrir, sem er íslenskt samfélag.

Þann 1. janúar síðastliðinn voru gerðar nokkrar breytingar á tollskrá.  Breytingarnar má finna í heild sinni á vefsíðu stjórnartíðinda en hér á eftir er stiklað á helstu atriðum þeirra.  Athygli er vakin á því að veftollskrá embættisins hefur verið uppfærð en prentaðar breytingar verða fáanlegar fljótlega.

Helstu breytingar

• Flök í bitum eru réttilega flokkuð sem flök.  Borið hefur á því að bitanúmer í undirskiptingum fyrir annað fiskkjöt en flök hafi valdið ruglingi og hafa þessi númer því verið fjarlægð.  Þeim aðilum sem hafa notað þessi númer fyrir flök í bitum er bent á bitanúmerin undir flakaskiptingunum.  Dæmi: Kæld roðflett ýsa í bitum flokkast ekki í tollskrárnúmer (tnr.) 0304.5311 heldur í tnr. 0304.4431.  Fryst roðflett ýsa í bitum flokkast ekki í tnr. 0304.9541 heldur í tnr. 0304.7231.
• Í tnr. 2105.0021 og 2105.0029 flokkast nú ís úr soja, hrísgrjónum, höfrum, hnetum eða möndlum.  Annar ís með undir 3% mjólkurinnihaldi flokkast nú í tnr. 2105.0091 og 2105.0099
• Matvæli sem innihalda nikótín, s.s. tyggjó hafa fengið sitt eigið númer og flokkast núna í tnr. 2106.9069 og aðrar nikótín vörur, s.s. plástrar og hylki fyrir rafvindlinga flokkast í tnr. 3824.9012
• Mýkingarefni hafa verið ranglega flokkuð í íslensku skránni í tnr. 3402.2022 en rétt er að þessi efni eiga að flokkast í tnr. 3809.9111.
• Plasthylki o.þ.h. hafa verið ranglega flokkuð í íslensku skránni í tnr. 3922.9001 en rétt er að þessar vörur eiga að flokkast í tnr. 3924.9011
• Flygildi (drónar) hafa fengið sérstök númer.  Flygildi með myndavélum flokkast í tnr. 8525.8010 en án myndavéla í tnr. 8802.1110

Sjá einnig frétt um breytingar á aðflutningsgjöldum og fleiru um áramót 2015/2016

Vakin er athygli á leiðréttingu fréttar á heimasíðu Tollstjóra frá 23. desember 2015 en fréttin fjallar um áramótabreytingar á aðflutningsgjöldum. Í 2. tölulið fréttarinnar er að finna upptalningu á tollskrárnúmerum en virðisaukaskattur á vörum í þeim númerum lækkaði um áramót úr 24% í 11%. Við upptalninguna hefur nú verið bætt þeim tollskrárnúmerum sem innihalda bjór, þ.e. 2203.0091 – 2203.0099. Þegar er byrjað að tollafgreiða bjór með 11% virðisaukaskatti auk þess sem aðflutningsskýrslur vegna innflutnings á bjór frá áramótum hafa verið leiðréttar.

Tollverðir stöðvuðu rúmlega 47.6 kíló af fíkniefnum sem smygla átti til landsins á nýliðnu ári 2015. Að auki voru rúmlega 209. 600 e – töflur haldlagðar. Undirstrikað skal að um bráðabirgðatölur er að ræða. Jafnframt að um er að ræða haldlagningar fíkniefna á landamærum en inni í þessum tölum eru ekki haldlagningar lögreglu innanlands.

Af ofangreindu magni fíkniefna voru um um 20.6 kíló e - duft, rúm níu kíló af amfetamíni, rúm níu kíló af kókaíni og rúm átta kíló af hassi. Til viðbótar var tekið minna magn af öðrum fíkniefnum svo sem af metamfetamíni. Þessi mikli árangur byggir a góðu samstarfi tolls og lögreglu.

Til samanburðar má geta þess að á árinu 2014 stöðvuðu tollverðir samtals tæp 700 grömm af amfetamíni, 44 grömm af e-töfludufti, rúmlega 1.3 kíló af kókaíni og tæpt kíló af hassi, auk annarra tegunda fíkniefna svo sem LSD og MDMA - vökva. Ljóst er að þarna er um stórfellda aukningu á haldlagningu fíkniefna að ræða milli ára. Lögregla í viðkomandi umdæmum hefur farið með rannsókn málanna.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum um smygl inn á símsvara 5528030 hjá embætti Tollstjóra.

Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.
Almennt gildir að breytingarnar taka til allra vara sem ótollafgreiddar eru 1. janúar 2016 nema annað sé tekið fram.

Ábendingar
Útflutningur - Um útflutning gildir: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag vörusendingar frá Íslandi, sem útflutningsskýrslan tekur til. Sama gildir þegar leiðrétta eða breyta þarf útflutningsskýrslum eftir tollafgreiðslu. 

Innflutningur - Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra fyrir og eftir 1. janúar með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra. (búið er að uppfæra gögnin, en villuprófun stendur yfir).

1.
Lækkun tolla á fatnað, ís, bleiur o.fl.
Á neðangreindum vöruliðum og tollskrárnúmerum verður A tollur 0% og/eða  A1 magntollur 0 kr./kg.:
2105.0021, 2105.0029, 3926.2000, 4011.5000, 4013.2000, 4015, 4203, 4303, 4818.5000, 6101–6117, 6201–6217, 6309.0000, 6401–6406, 6504.0000, 6505.0000, 6506, 6507, 6812.9100, 8306.1010, 8714.9100–8714.9900, 9606, 9607, 9619.0011, 9619.0012, 9619.0091 

Heimild: 14. gr. laga nr. 125/2015 um ýmsar forsendur frumvarps til fjárlaga fyrir árið 2016.

2.
Lækkun virðisaukaskatts áfengis úr 24% í 11%
Virðisaukaskattur á neðangreindum tollskrárnúmerum verður Ö5 11% VSK:

Heimild: 26. gr. laga nr. 125/2015 um ýmsar forsendur frumvarps til fjárlaga fyrir árið 2016.

3.
Kolefnisgjöld á eldsneyti, K* gjöld, hækka
Nefnd kolefnisgjöld verða þessi:
K2   Kolefnisgjald. Gas- og díselolía:  6,00 kr/lítra
K3   Kolefnisgjald. Bensín:  5,25 kr/lítra
K5   Kolefnisgjald. Brennsluolía:  7,40 kr/kg
K6   Kolefnisgjald. Jarðolíugas og annað loftkennt kolvatnsefni:  6,60 kr/kg 

Heimild: 35. gr. laga nr. 125/2015 um ýmsar forsendur frumvarps til fjárlaga fyrir árið 2016.

4.
Vörugjald af bensíni, LB gjald, hækkar
Gjaldið verður:
LB   Vörugjald af bensíni: 25,60 kr/lítra. 

Heimild: 29. gr. laga nr. 125/2015 um ýmsar forsendur frumvarps til fjárlaga fyrir árið 2016.

5.
Sérstakt vörugjald af eldsneyti, C1 og C2 gjöld, hækka
Gjöldin verða:
C1   Blýlaust bensín: 41,30 kr/lítra
C2   Annað en blýlaust bensín: 43,80 kr/lítra 

Heimild: 30. gr. laga nr. 125/2015 um ýmsar forsendur frumvarps til fjárlaga fyrir árið 2016.

6.
Olíugjald, C3 gjald, hækkun
Gjaldið, C3, olíugjald á gas- og dísilolíu og ennfremur á steinolíu til ökutækja verður 57,40 kr/lítra 

Heimild: 32. gr. laga nr. 125/2015 um ýmsar forsendur frumvarps til fjárlaga fyrir árið 2016. 

7.
Áfengisgjöld, VX, VY og VZ, hækka
Áfengisgjöld verða:
VX  Áfengisgjald 112 kr/cl af vínanda umfr. 2,25% - Öl o.fl.
VY   Áfengisgjald 102 kr/cl af vínanda umfr. 2,25% - Vín
VZ   Áfengisgjald 138 kr/cl af vínanda umfr. 0% - Annað áfengi 

Heimild: 16. gr. laga nr. 125/2015 um ýmsar forsendur frumvarps til fjárlaga fyrir árið 2016.

8.
Tóbaksgjöld, innflutningur til einkanota, T1 og T2 hækka
Tóbaksgjöldin verða:
T1   Tóbaksgjald – vindlingar:  577,60 á hvern pakka; 20 vindlingar
T2   Tóbaksgjald - annað tóbak:  28,85 kr/gramm; grömm í lítrareit vörulínu í E1 ebl. 

Heimild: 19. gr. laga nr. 125/2015 um ýmsar forsendur frumvarps til fjárlaga fyrir árið 2016.

9.
Skilagjöld á einnota umbúðir drykkjarvara, G* gjöld, hækkun
Taxti skilagjalds er óbreyttur 14,41 kr/stk, en umsýsluþóknanir hækka. Umsýsluþóknun er ekki á álumbúðum. Skilagjöldin verða því þessi:

Heimild: Reglugerð nr. 1053/2015, um (11.) breytingu á reglugerð nr. 368/2000, um söfnun, endurvinnslu og skilagjald á einnota umbúðir fyrir drykkjarvörur

10.
Breyting á tollskrá
Breytingin er skv. auglýsingu nr. 121/2015 um breyting á viðauka I við tollalög nr. 88 18. maí 2005, m.s.br. (A-deild Stjórnartíðinda). 

11.
Breytingar á gjalddögum uppgjörstímabila vegna skuldfærslu aðflutningsgjalda við tollafgreiðslu; fyrirkomulag fært til fyrra horfs frá og með 1. janúar 2016
Á árinu 2015 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XII við Tollalög nr. 88/2005. Þær reglur falla úr gildi þann 31. desember 2015.
Frá og með 1. janúar 2016 taka fyrri reglur um uppgjörstímabil og gjalddaga aðflutningsgjalda gildi.

Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda. 

12.
Greiðslufrestur áfengisgjalda (VY, VX & VZ) – skráðir innflytjendur áfengis, sbr. 3. gr. áfengislaga nr. 75/1998 – 1 mánaða uppgjörstímabil
Sú breyting verður á greiðslufresti áfengisgjalda að áður fengu þau skuldfærslu á tveggja vikna uppgjörstímabil við tollafgreiðslu með eindaga annan virka dag eftir lok uppgjörstímabils en fá nú skuldfærslu á eins mánaða uppgjörstímabil með eindaga annan virka dag eftir lok uppgjörstímabils. 
Skv. 17. gr. laga nr. 125/2015 um ýmsar forsendur frumvarps til fjárlaga fyrir árið 2016 taka gildi breytingar á reglum um hvernig áfengisgjöld eru skuldfærð við tollafgreiðslu; breytingar á gjalddaga.  Gera þarf breytingar á hugbúnaði sem notaður er við EDI/SMT-tollafgreiðslu innfluttra vara hjá innflytjendum og tollmiðlurum.  Breytingunum á skuldfærslu gjalda er lýst hér að neðan og áhrif þeirra á EDI/SMT-tollafgreiðsluna o.fl. 

Þegar EDI/SMT-aðflutningsskýrsla fær tollafgreiðslu hjá Tollstjóra er EDI-skeyti, nefnt CUSTAR skeyti, sent til innflytjanda eða e.a. tollmiðlara, nefnt skuldfærslutilkynning, sem lesið er inn í hugbúnað hans.  Í skeytinu eru m.a. upplýsingar um álögð og skuldfærð gjöld, sundurliðuð niður á hvert tollskrárnúmer/línu í skýrslunni. Fyrir hvert gjald á tollskrárnúmeri eru upplýsingar um hvernig gjald er skuldfært; skuldfærslukódi, S2, S6 o.fl. kódar, sem gefa til kynna gjalddaga tolls/gjalds.  Í hugbúnaði innflytjanda/tollmiðlara eru síðan töflur sem túlka þessa kóda miðað við tollafgreiðsludag í CUSTAR skeytinu. Hver skuldfærslukódi segir til um uppgjörstímabil og gjalddaga gjalda, sem skuldfærð eru á uppgjörstímabili skv. reglu kódans.  Þetta getur síðan haft áhrif á birtingu upplýsinga á skjá, útprentunum í hugbúnaði o.fl.

Breytingarnar varða þennan kóda:
S3 kódi, áfengisgjald skráðra áfengisaðila:
Uppgjörstímabil er tvær vikur.  1.-15. hvers mánaðar og 16. til loka mánaðar. 

Frá og með 1. janúar 2016 verður neðangreindur skuldfærslukódi í CUSTAR skeytum í stað S3 kóda:

SC (kemur í stað S3) kódi, áfengisgjald – skráðir áfengisaðilar – 1 mánaða uppgjörstímabil :
Uppgjörstímabil er einn mánuður, frá 1. hvers mánaðar til loka hans.
Gjalddagar gjalds sem skuldfært er skv. þessari reglu er 2. virkur dagur eftir lok uppgjörstímabils.
Dæmi: Eindagi janúar 2016 tímabils er: 2. febrúar 2016 

Sjá nánar yfirlit yfir uppgjörstímabil og eindaga aðflutningsgjalda. 

Heimild: 17. gr. laga nr. 125/2015 um ýmsar forsendur frumvarps til fjárlaga fyrir árið 2016

13.
Undanþáguheimild, VSKÖT undanþágukódi, lækkun virðisaukaskatts á rafmagns-, vetnis- eða tengiltvinnbifreiðum, framlengd til 31. desember 2016
Eftirfarandi heimild í ákvæðum til bráðabirgða XXIV í lögum um virðisaukaskatt er framlengd til 31. desember 2016 (Undanþágukódi VSKÖT): Við innflutning og skattskylda sölu nýrrar rafmagns-, vetnis- eða tengiltvinnbifreiðar er heimilt að fella niður virðisaukaskatt eða telja til undanþeginnar veltu fjárhæð að ákveðnu hámarki eins og nánar er kveðið á um í ákvæði þessu. (Sjá nánar ákvæðið í lögum nr. 50/1988 um virðisaukaskatt) 

Heimild: Sjá um framlenginguna í 24. gr. laga nr. 125/2015 um ýmsar forsendur frumvarps til fjárlaga fyrir árið 2016.

14.
Undanþáguheimild, LÖT18 undanþágukódi, lækkun á vörugjaldi (M* gjöld) af ökutækjum bílaleiga
Hámarks lækkun vörugjalds af ökutækjum sem bílaleigur leigja út lækkar í 500.000 kr. 

Heimild: 31. gr. laga nr. 125/2015 um ýmsar forsendur frumvarps til fjárlaga fyrir árið 2016.

15.
Reglugerðir um tollkvóta
Reglugerð nr. 1023/2015 um úthlutun á tollkvótum vegna innflutnings á landbúnaðarvörum frá Evrópubandalaginu.
Birt 16. nóvember 2015.
Gildir frá 1. janúar 2016 til 31. desember 2016. 

Reglugerð nr. 1091/2015 um úthlutun á tollkvótum vegna innflutnings á blómum, trjám o.fl.
Birt 9. desember  2015.
Gildir frá 1. janúar 2016 til 31. desember 2016.

Reglugerð nr. 1092/2015 um úthlutun á tollkvótum vegna innflutnings á ostum frá Noregi.
Birt 9. desember 2015.
Gildir frá 1. janúar 2016 til 31. desember 2016. 

Reglugerð nr. 1218/2015 um úthlutun á tollkvótum vegna innflutnings á landbúnaðarvörum samkvæmt viðauka IVA og IVB við tollalög.
Birt 30. desember  2015.
Gildir frá 1. janúar 2016 til 31. desember 2016. 

16.
Lokun á sjálfvirkri EDI/VEF-tollafgreiðslu
Lokað verður fyrir sjálfvirka EDI/VEF-tollafgreiðslu hjá Tollstjóra frá kl. 13:00, 31. desember 2015 til kl. 12:00, 2. janúar 2016 vegna breytinga á gjöldum og tölvuvinnslu hjá Tollstjóra.

17.
Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. janúar 2016 vegna tollafgreiðslu, verða aðgengilegir hér á vef Tollstjóra 30. desember 2015. 

18.
Nánari upplýsingar
Um tæknilega framkvæmd: Upplýsingatæknideild, Rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505 

Um tollamál og tollafgreiðslu: Þjónustuver tollasviðs Tollstjóra, sími 560 0315

Afgreiðsla Tollstjóra á Tryggvagötu verður opin um hátíðarnar sem hér segir:

- Aðfangadagur: 8:00 – 12:00
- Jóladagur: Lokað 
- 28., 29. og 30. desember: Venjulegur opnunartími. 
- Gamlársdagur: 8:00 – 12:00
- Nýársdagur: Lokað
- 4. janúar: Venjulegur opnunartími.

Starfsemi tollgæslu um allt land verður með venjubundnum hætti, en vakin er athygli á að Flugstöð Leifs Eiríkssonar er lokuð á jóladag.

Starfsfólk Tollstjóra óskar landsmönnum öllum gleðilegra jóla og farsæls komandi árs, þökkum samskiptin á árinu sem er að líða.

Nær þúsund vefsíðum sem seldu falsaðan varning var lokað  í  alþjóðlegri aðgerð undir heitinu In Our Sites (IOS) VI. sem fram fór í síðasta mánuði.

Íslenska tollgæslan tók þátt í aðgerðinni sem  gerð var á vegum Europol, Interpol auk bandarískra yfirvalda og naut hún liðsinnis embættis ríkislögreglustjóra og tengslaskrifstofu Íslands hjá Europol við verkefnið.  Ekki kom til þess að slíkum vefsíðum væri lokað hér á landi en Tollstjóri átti samstarf með rétthöfum varðandi ólöglegar síður í öðrum löndum.

Aðgerðin náði til nítján landa og var samtals 999 ólöglegum vefsíðum lokað. Þær seldu meðal annars  falsaða varahluti, íþróttavörur, raftæki,  skartgripi og merkjavöru, lyf og hreinlætisvörur. Markmið þessa átaks var að stöðva ólöglega verslun og auka öryggi netverslunar fyrir neytendur.

Ekki er unnt að veita frekari upplýsingar um málið umfram þær sem fram koma hér að neðan.

Sjá nánar:

www.europol.europa.eu/content/operation-our-sites-ios-takes-down-999-websites-selling-counterfeit-goods

www.interpol.int/News-and-media/News/2015/N2015-210

Tollskóli ríkisins auglýsir Tollmiðlaranámskeið sem haldið verður dagana 18. janúar til 19. febrúar 2016. Námskeiðið er 100 kennslustundir og er kennt alla daga vikunnar frá kl. 13.00 – 16.00.

Á námskeiðinu er farið yfir lög og reglur sem gilda um tollmeðferð vöru, þar á meðal:

• tollflokkun,
• tollskýrslugerð,
• meðferð ótollafgreiddrar vöru,
• ábyrgð á greiðslu aðflutningsgjalda og upplýsingum sem veittar eru tollyfirvöldum,
• reglur um greiðslufrest aðflutningsgjalda.

Athygli er vakin á því að starfsmönnum tollmiðlara sem annast gerð tollskýrslna og samskipti við tollyfirvöld vegna þeirra ber skylda til að sækja námskeiðið.

Kostnaður: 135.000 kr.

Skráningarfrestur er til 8. janúar 2016

Skráning sendist á netfangið: jenny.steinarsdottir[hja]tollur.is

Nánari upplýsingar veitir Gunnlaug Hartmannsdóttir starfsþróunarstjóri í síma 5600-551 / 8422551, netfang: gunnlaug.hartmannsdottir[hja]tollur.is

Tollverðir hafa, það sem af er þessu ári, stöðvað innflutning á 126 munum sem flokkast undir ólögleg vopn. Að auki hafa 133 leysibendar af ólöglegum styrk verið stöðvaðir. Umræddir munir hafa verið haldlagðir í samtals 74 málum.

Meðal ofangreinds sem tollverðir haldlögðu voru tveir rifflar, ein skammbyssa, og  20 loftbyssur. Einnig 28 ólöglegir hnífar, þar af 16 fjaðurhnífar. Loks má nefna 21 stykki af handjárnum, piparúða og  hnúajárn.

Þess má geta að á síðasta ári hafði stærsta sending ólöglegs vopnabúnaðar sem tollverðir haldlögðu að geyma nær 200 grömm af sprengipúðri, á annan tug kast- og fjaðurhnífa, kylfur, handjárn og sveðju. Sú sending kom hingað til lands í gámi sem sagður var innihalda einungis búslóð. Lögreglan á höfuðborgarsvæðinu tók málið til meðferðar og lauk því með útgáfu sektargerðar.

Sendiráð Íslands í Brussel hefur afhent Alþjóðatollastofnuninni skjal varðandi fullgildingu Íslands á endurskoðaða Kyoto samningnum um einföldun og samræmingu tollmeðferðar (Revised Kyoto Convention – RKC). Samningurinn mun taka gildi á Íslandi 8. janúar 2016.

RKC samningurinn er alþjóðlegur staðall til að gera tollmeðferð eins skilvirka og árangursríka og mögulegt er.

Í stuttu máli fela hinar bindandi efnisreglur í endurskoðaða Kyoto-samningnum sem nútíma tollyfirvöld eiga að beita, m.a. i sér:

• Hámarksnotkun tölvukerfa við tollafgreiðslu og tolleftirlit
• Notkun áhættugreiningar við tolleftirlit (þ. á m. áhættumat og val eftirlitsaðferða)
• Notkun upplýsinga sem veittar eru fyrirfram (áður en vara kemur til landsins eða er flutt út) til þess að hægt sé að beita úrtaksaðferðum
• Samhæfðri íhlutun með öðrum stofnunum
• Að öllum sé auðveldaður aðgangur að fyrirmælum tollyfirvalda, lögum og reglum
• Að settar séu gagnsæjar reglur til áfríunar tollamála

• Að stofnað sé til samráðs við viðskiptalífið

Endurskoðaði Kyoto samningurinn um einföldun og samræmingu tollmeðferðar tók gildi 3. febrúar 2006 og eru samningsaðilar nú 103.

Nánar í frétt á vef Alþjóðatollastofnunarinnar

Þær eru ótrúlegar leiðirnar sem notaðar eru til að reyna að smygla fíkniefnum hingað til lands. Fyrr á árinu barst hingað til dæmis bögglapóstsending sem í voru 34 pappírsdagatöl heftuð á pappaspjöld. Tollverðir stöðvuðu sendinguna og við skoðun á dagatölunum vaknaði grunur um að í þeim leyndust fíkniefni.

Sá grunur reyndist á rökum reistur því við efnagreiningu á  efni sem fannst í þeim reyndust þau innihalda samtals allt að 100 grömmum af kókaíni. Hafði kókaíninu verið komið fyrir í dagatölunum m.a. með því að bleyta pappann með upplausn sem innihélt efnið.

Sendingin kom frá Brasilíu og var stíluð á íslenskan einstakling. Málinu var vísað til lögreglu, en það telst óupplýst.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Kókaíni hafði verið komið fyrir í þessum dagatölum:

Breytingar á gjalddögum uppgjörstímabila vegna skuldfærslu aðflutningsgjalda við tollafgreiðslu; fyrirkomulag fært til fyrra horfs frá og með 1. janúar 2016

Á árinu 2015 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XII við Tollalög nr. 88/2005. Sjá einnig lið 6. í tilkynningu á vef Tollstjóra frá 30. desember 2014. Þær reglur falla úr gildi þann 31. desember 2015.

Frá og með 1. janúar 2016 taka fyrri reglur um uppgjörstímabil og gjalddaga aðflutningsgjalda gildi.

Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda.

Ljósmynd frá Súdan varð hlutskörpust í árlegri ljósmyndasamkeppni Alþjóðatollasamvinnuráðsins. Úrslitin voru kynnt á fundi ráðsins í sumar en alls sendi 31 þjóð myndir í samkeppnina.

Myndatexti í lauslegri þýðingu:

Landamæri framundan

Ljósmyndin sýnir vöruflutningabíla reiðubúna til aksturs yfir landamærin milli Súdan og Egyptalands. Landamærastöðin í Askeit varð í apríl 2015 fyrsti og eini staðurinn í Súdan þar sem boðið er upp á eina þjónustugátt (e. Single window), þar sem öll yfirvöld sem koma þurfa að tollafgreiðslu eru sameinuð undir einu þaki. Velta vöruviðskipta milli Súdan og Egyptalands um þessa landamærastöð er u.þ.b. 185 milljón bandaríkjadalir á ári, en gert er ráð fyrir að sú upphæð muni tvöfaldast eða jafnvel þrefaldast á næstu árum.

Ljósmyndir allra þátttökulandanna (pdf)

Yfirvofandi verkfall félagsmanna SFR, Stéttarfélags í almannaþjónustu  mun hafa víðtæk áhrif á starfsemi embættis tollstjóra, ef af verður. Umtalsverð röskun verður bæði á innheimtu- og tollasviði embættisins. Verkfallið hefur verið boðað þann 15. október næstkomandi og er ótímabundið.

Afgreiðsla og símsvörun skiptiborðs og þjónustuvera í Tollhúsinu Tryggvagötu verður lokuð og skert þjónusta verður á öðrum starfsstöðvum.  Vegna verkfalls verður m.a. ekki hægt að taka á móti tollskjölum á pappír og bráðabirgðatollafgreiðslur liggja niðri. Ekki verða gefin út upprunavottorð og farmskrárvinnsla stöðvast. Nánast öll upplýsingagjöf til viðskiptavina mun liggja niðri.

Gjaldkerar embættisins verða einnig í verkfalli og því verður ekki hægt að færa greiðslur sem greiddar eru á bankareikninga embættisins inn á skattkröfur fyrr en að verkfalli loknu.  

Verkfall mun ekki hafa áhrif á greiðsluskyldu gjaldenda eða lögboðna gjalddaga og eindaga. Upplýsingar um  bankareikninga eru hér. Áfram verður hægt að greiða greiðsluseðla í heimabanka.

Verkfallið mun ekki hafa áhrif á tollafgreiðslu flugvéla og skipa. 

Öll kerfi Tollstjóra verða áfram aðgengileg og móttaka rafrænna gagna með venjubundnum hætti. Ef upp koma frávik verður hinsvegar ekki hægt að bregðast við þeim. Tæknileg aðstoð við viðskiptavini vegna vandamála sem upp geta komið í tengslum við kerfi Tollstjóra verður ekki í boði. 

1. Tollstjóri hefur ákveðið að taka í notkun nýja innflutningsskýrslu (SAD-eyðublað innflutnings) í upphafi árs 2016.
2. Innleiðingaráætlun nýrrar innflutningsskýrslu verður breytt þannig að fyrirtækjum verður gefinn kostur á að uppfæra hugbúnað sinn á tímabilinu fram til 1. október 2016.
3. Tollstjóri mun því taka við tollskýrslum á eldra formi fram að ofangreindri dagsetningu.  Eftir þann tíma fellur tollskýrslueyðublað E-1. vegna innflutnings úr gildi nema gagnvart leiðréttingum á eldri tollafgreiðslum.

Gjaldendum sem hafa gert greiðsluáætlun um greiðslu skatta sinna býðst nú að greiða kröfur skv. greiðsluáætlun með því að greiða kröfu í heimabanka. Krafan er sett í heimabanka með skýringuna Greiðsluáætlun og kröfuhafi er tilgreindur sem Ríkissjóðsinnheimtur. Vakin er athygli á því að af tæknilegum ástæðum er greiðsludagur greiðsluáætlunar nefndur gjalddagi í heimabanka, en það haggar þó ekki lögboðnum gjalddaga kröfunnar eða álagningu dráttarvaxta.

Kröfur samkvæmt greiðsluáætlun eru færðar í heimabanka með reglubundnum hætti.  Ef þær eru ekki greiddar innan 30 daga frá settum greiðsludegi samkvæmt  greiðsluáætlun fellur krafan úr heimabanka og greiðsluáætlun ógildist. 

Embætti Tollstjóra vinnur að innleiðingu á alþjóðlega viðurkenndu AEO-kerfi á Íslandi. AEO stendur fyrir „Authorised Economic Operator“ sem hefur verið nefnt „viðurkenndir rekstraraðilar“ á íslensku. AEO grundvallast á SAFE regluverki Alþjóðatollastofnunarinnar (WCO) og er AEO - áætlunin einn af hornsteinum þess. AEO er viðurkenning sem tollyfirvöld veita fyrirtækjum sem uppfylla öryggisskilyrði um alþjóðlega vöruflutninga.

Tollstjóri hélt kynningu á AEO - öryggisvottun í Húsi atvinnulífsins fyrir aðildarfyrirtæki flutningssviðs Samtaka verslunar og þjónustu (SVÞ) föstudaginn 25. september sl. Um kynninguna sáu Karen Bragadóttir, forstöðumaður tollasviðs og Elvar Örn Arason, stjórnsýslufræðingur hjá Tollstjóra. Fundarstjóri var Lárus M.K. Ólafsson, lögfræðingur SVÞ.

Karen upplýsti að embætti Tollstjóra hefur hafið undirbúning að innleiðingu á íslensku AEO -  kerfi en um er að ræða viðurkennt vottunarkerfi sem tollayfirvöld veita fyrirtækjum sem gegna hlutverki í alþjóðlegu aðfangakeðjunni. Þá sagði hún mesta ávinninginn við kerfið vera gagnkvæmir samningar við önnur ríki og í því fælist ákveðin trygging ef eitthvað kæmi upp á  enda meginmarkmið að liðka fyrir viðskiptum og tryggja öryggi alþjóðlegu vörukeðjunnar.

Elvar greindi frá því hver beinn ávinningur væri af AEO -  vottun, m.a. tilkynningin um skoðun farms, færri endurskoðanir og tollskoðanir, forgang ef um er að ræða skoðun og að síðustu mögulegt val á skoðunarstað.  Þá fór hann yfir það hvernig fyrirtæki gætu öðlast AEO - vottun og hver næstu skref væru hjá Tollstjóra hvað þessi mál varðar. 

Fjöldi gesta sat fundinn og var mikil ánægja með efni fundarins.  Ljóst er að um mikið hagsmunamál er að ræða fyrir þá aðila sem koma að flutningum á einn eða annan hátt.

Tollverðir í Flugstöð Leifs Eiríkssonar stöðvuðu nýverið farþega við komuna til landsins sem var með mikið magn af sterum og lyfjum í farangri sínum. Farþeginn, erlend tæplega þrítug kona, var með tvær ferðatöskur sem innihéldu einungis stera og lyf. Lagt var hald á nær 40.000 töflur, einkum stera en einnig að hluta stinningarlyf. Þá voru í töskunum um 2.500 ambúlur og 500 glös af steravökva, auk nokkurs magns af sterum í duft- og hylkjaformi.

Lögreglan á Suðurnesjum fór með rannsókn málsins sem er lokið.                                                                                                     

Um var að ræða mikið magn stera og lyfja eins og sjá má á myndunum:

Tollverðir fundu um síðustu mánaðarmót um 700 grömm af hassi í farangri flugfarþega í Flugstöð Leifs Eiríkssonar. Maðurinn var á leið til Grænlands þegar hann var stöðvaður. Í snyrtitösku í ferðatösku hans voru fjórar pakkningar af hassi, sem pakkað hafði verið inn í sellófan.

Lögreglan á Suðurnesjum handtók manninn og færði hann á lögreglustöð. Rannsókn málsins er lokið.

Þetta er í fjórða skiptið á þessu ári sem tollverðir stöðva farþega á leið til Grænlands, sem eru með umtalsvert magn af hassi í fórum sínum. Mesta magnið sem tekið hefur verið í einu voru 5.5 kíló sem tollverðir lögðu hald á í júlímánuði síðastliðnum.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Hassið sem haldlagt var:

Nýtt tollskýrslueyðublað E-2 vegna innflutnings verður tekið í notkun frá og með 1. nóvember næstkomandi og fellur þá jafnframt eldra tollskýrslueyðublað E-1. vegna innflutnings úr gildi nema gagnvart leiðréttingum á eldri tollafgreiðslum.

Leiðbeiningar um notkun tollskýrslueyðublaðsins E-2 verður hægt að sækja á vef Tollstjóra  tollur.is  varðandi tollskýrslu á pappír, skýrslugjöf með notkun Vef-tollafgreiðslu Tollstjóra og með SMT tollafgreiðslu (Skjalaskiptum Milli Tölva). Einnig verður hægt að sækja eyðublaðið E-2 á vef Tollstjóra tollur.is og prenta það út. Hluti þessara leiðbeininga er þegar tilbúinn en aðrar koma síðar.

Þeir sem þurfa að breyta sínum kerfum vegna SMT tollafgreiðslu vegna nýju tollskýrslunnar er bent á að afla forskriftar um fyrirkomulag rammaskeytis sem einnig verður að finna á vefsíðu Tollstjóra. Kerfisprófanir verða skipulagðar í samráði við notendur innan tímaramma sem verður kynntur.

Námskeið vegna nýrrar skýrslu og fyrirkomulag hennar verða kynnt síðar hvað varðar pappírsskýrslu, skýrslugjöf með SMT eða VEF-skýrslu.

Sjá einnig upplýsingar fyrir hugbúnaðarhús á þessari síðu og tilkynningu dagsetta 22. maí 2015.

Auglýsing þessi er sett samkvæmt 6. mgr. 23.gr., 5.tl. 2. mgr. 24. gr.,  3. mgr. 25. gr., 2. mgr. 26.gr. og 14. tl. 1. mgr. 40. gr. tollalaga nr. 88/2005 með síðari breytingum.

Búið er að laga bilun í Tollakerfinu.

Vegna bilunar í tollakerfi liggur rafræn tollafgreiðsla að mestu leyti niðri. Unnið er að viðgerð.

Varðar m.a. innflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.

1. Breytingar sem varða virðisaukaskatt af innfluttum vörum.

Skv. i., o., p. og q. liðum 20. gr. laga nr. 33/2015:
Virðisaukaskattur lækkar úr þrepi Ö6 24% í þrep Ö5 11% frá og með 1. ágúst 2015 á eftirtöldum 6 tollskrárnúmerum: 2905.4910, 2924.2960, 2932.1910, 2934.9910, 2938.9010, 2940.0010
Virðisaukaskattur hækkar úr þrepi Ö5 11% í þrep Ö6 24% frá og með 1. ágúst 2015 á eftirtöldum 2 tollskrárnúmerum: 1105.2001 og 1108.1301
   

2. Krafa um fastnúmer golfbifreiða felld niður
Krafa um fastnúmer ökutækja var felld niður af eftirtöldum 2 tollskrárnúmerum frá og með 17. júlí 2015: 8703.1097 og 8703.1098. Breytingin hefur jafnframt í för með sér breytingu á gjaldategundum ofangreindra númera: MO gjald fellur niður en MZ gjald kemur í staðinn; taxtinn er sá sami (30%).
 

Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. ágúst 2015, eru aðgengilegir hér á vef Tollstjóra. Aðeins tollskrárlyklar vegna innflutnings taka breytingum. 

Ábendingar
Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru/eru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra, t.d. fyrir og eftir 1. ágúst 2015, með því að velja viðeigandi viðmiðunardagsetningu.

Nánari upplýsingar

Um tæknilega framkvæmd: upplýsingatæknideild, rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505

Um tollamál og tollafgreiðslu: þjónustuver tollasviðs Tollstjóra
upplysingar[hja]tollur.is eða þjónustuvakt, sími: 560 0315

Álagning þing- og sveitarsjóðsgjalda á einstaklinga vegna tekna á árinu 2014 verður birt hjá ríkisskattstjóra 24. júlí 2015. Hér að neðan eru upplýsingar um hvernig hægt er að létta mánaðarlega greiðslubyrði með gerð greiðsluáætlunar hjá innheimtumönnum ríkissjóðs.

Inneignir (vaxta- og barnabætur, ofgreidd staðgreiðsla) eru greiddar inn á bankareikninga 31. júlí 2015.

Lækkun launaafdráttar

Við álagningu þing- og sveitarsjóðsgjalda er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs. Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra (eða þeim innheimtumanni ríkissjóðs sem innheimtir kröfuna) til að lækka launaafdráttinn. Skatturinn er þá greiddur upp á lengri tíma sem hefur í för með sér aukinn vaxtakostnað en lægri mánaðarlega greiðslubyrði. Launaafdrætti er eingöngu beitt vegna þing- og sveitarsjóðsgjalda.

Launþegi þarf að fylgjast með því að tekið sé af launum í samræmi við álagningarseðil ríkisskattstjóra. Ef afdráttur af launum er ekki greiddur til innheimtumanns er sá möguleiki fyrir hendi að koma með launaseðilinn til Tollstjóra/viðeigandi innheimtumanns og sýna fram á greiðslu. Ef ekki er tekið af launum og enginn greiðsluseðill sendur er gjaldendum bent á að hafa samband við Tollstjóra (eða viðeigandi innheimtumann) og fá að millifæra greiðslu. Einnig er hægt að greiða hjá gjaldkera á 5. hæð Tollhússins, Tryggvagötu 19, og sýslumönnum utan Reykjavíkur.

Nánar um lækkun launaafdráttar.

Greiðsluerfiðleikar

Ef einstaklingur er ekki í vinnu eða starfar sjálfstætt fær hann sendan greiðsluseðil vegna vangoldinna skatta. Eigi hann í erfiðleikum með að greiða er hægt að láta gera greiðsluáætlun hjá innheimtumanni ríkissjóðs. Þá er greiðslunum dreift yfir lengra tímabil sem hefur í för með sér aukinn vaxtakostnað en léttari mánaðarlega greiðslubyrði.

Áætlanir ríkisskattstjóra

Innheimtuaðgerðir eru þær sömu hvort sem skattur er lagður á samkvæmt framtali eða áætlaður. Ef um áætlun ríkisskattstjóra er að ræða er mikilvægt að skila inn framtölum til að fá álagningu skatta leiðrétta. Hafi það verið gert er hægt að miða innheimtu skatta við bráðabirgðaútreikning, en leggja þarf fram staðfestingu á því að framtali hafi verið skilað. Staðfesting á skilum á framtali getur verið móttökukvittun og bráðabirgðaútreikningur á álagningunni sem hægt er að prenta út þegar framtali er skilað í gegnum þjónustusíðu á vef ríkisskattstjóra. Einnig er hægt að fá staðfest afrit af framtalinu á skattstofunni eða með því að prenta það út af þjónustusíðu ríkisskattstjóra.

Þar sem álagning skatta er aðskilin frá innheimtu þeirra, hafa Tollstjóri og aðrir innheimtumenn ríkissjóðs ekki upplýsingar um skattkærur og fyrirhugaðar leiðréttingar. Það er því áríðandi fyrir skattgreiðanda að láta Tollstjóra/viðeigandi innheimtumann ríkissjóð vita af slíku tilviki og ganga frá greiðsluáætlun. Geri hann það ekki hefjast innheimtuaðgerðir sem hafa í för með sér óafturkræfan kostnað og óþægindi.

Í öllum tilvikum borgar það sig að hafa samband við Tollstjóra/viðeigandi innheimtumann sem fyrst ef upp koma greiðsluerfiðleikar. Með álagningarseðlinum er sendur innheimtuseðill og á honum kemur fram hvaða innheimtumaður ríkissjóðs er með álagninguna til innheimtu.

Skuldajöfnuður

Innheimtumanni ríkissjóðs ber að skuldajafna inneignum við gjaldfallnar kröfur gjaldanda. Vakin er athygli á að skuldajöfnunarheimild á milli samskattaðra maka varðandi þing- og sveitarsjóðsgjöld. Barnabótum er ekki skuldajafnað nema upp í ofgreiddar barnabætur.

Nánar um skuldajöfnuð.

Þjónustufulltrúar

Þjónustufulltrúar lögfræðideildar útbúa greiðsluáætlanir um lækkun launafdráttar og frestun innheimtuaðgerða vegna krafna sem Tollstjóri innheimtir. Þeir eru staðsettir á 5. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30 alla virka daga, nema fimmtudaga en þá er opið til 18:00. Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími eftir viðtali lengst. Það getur því sparað tíma og fyrirhöfn að ganga frá greiðsluáætlun með tölvupósti.

Í gær tóku gildi breytingalög nr. 33/2015.  Lögin fela í sér ýmsar mikilvægar breytingar, m.a. á tollalögum nr. 88/2005 og lögum um vörugjald af ökutækjum, eldsneyti o.fl. nr. 29/1993.

Tæki og búnaður vegna mengunarslysa og náttúruhamfara

Með breytingalögunum er tækjum og öðrum búnaði sem fluttur er hingað til lands í kjölfar viðbragðsaðgerða vegna mengunarslysa og náttúruhamfara bætt við upptalninguna í undanþáguákvæði 7. gr. tollalaga. Tilefni þessara breytinga er samningur norðurskautsríkjanna um samstarf um viðbúnað og viðbrögð gegn olíumengun sjávar á norðurslóðum.

Tollmiðlarar

Með breytingalögunum er lögfest heimild Tollstjóra til að birta tollmiðlara ákvarðanir og leiðbeiningar vegna umbjóðenda hans. Tollmiðlari skal upplýsa lögaðila og einstaklinga, sem stunda inn- eða útflutning, um ákvarðanir og leiðbeiningar Tollstjóra, þ.m.t. kæruleiðbeiningar.  Þá er gert ráð fyrir því að eitt af skilyrðum fyrir veitingu starfsleyfis til tollmiðlunar verði þekking á málsmeðferðarreglum stjórnsýslulaga.

Kæruleiðir

Með lögunum er lögfest að sú athöfn að stöðva tollafgreiðslu skv. 130. gr. tollalaga sé kæranleg til fjármála- og efnahagsráðuneytisins, sbr. 26. gr. stjórnsýslulaga, en ákvörðun um að vara sé leyfisskyld sé kæranleg til þeirrar stofnunar sem tók ákvörðun um leyfisskylduna og/eða fagráðuneytis þeirrar stofnunar.

Bifreiðar fatlaðs fólks

Eitt af skilyrðum fyrir niðurfellingu vörugjalda á bifreiðum fatlaðs fólks var að bifreiðin væri búin hjólastólalyftu.  Með lögunum er nú hægt að taka tillit til sambærilegs búnaðar en rétt þótti að gera þessar breytingar með tilliti til þeirrar tækniþróunar sem orðið hefur  á sviði hjálpartækja á undanförnum árum.

Vörugjald af fjórhjólum, sexhjólum, körtum, golfbílum og beltabifreiðum, þ.m.t. vélsleðum.
Með lögunum er tekinn af allur vafi um að fjórhjól, sexhjól, körtur, golfbílar og beltabifreiðar, þ.m.t. vélsleðar, beri 30% vörugjald. 

Karlmaður á fertugsaldri varð nýverið uppvís að því að ætla að smygla umtalsverðu magni af meintum sterum og öðrum lyfseðilsskyldum lyfjum til landsins. Tollverðir í Flugstöð Leifs Eiríkssonar stöðvuðu manninn við komu hans frá Berlín. Þeir fundu í fórum hans vel á annað þúsund ambúlur, sem innihéldu ríflega 1500 millilítra af sterum, ásamt um sex þúsund steratöflur, auk lyfja. Efnunum hafði maðurinn, sem er íslenskur, komið fyrir í ferðatösku sinni. 

Lögreglunni á Suðurnesjum var tilkynnt um fundinn og handtóku lögreglumenn manninn og færðu hann á lögreglustöð. Mál hans er í rannsókn.

Þetta er í annað sinn á skömmum tíma sem tollverðir haldleggja ólögleg efni. Hitt málið kom upp þegar þeir fundu við hefðbundna leit í gámi í skipi í Sundahöfn rúmlega tvö kiló af meintu kókaíni sem hafði verið komið fyrir í bakpoka. Lögreglan á höfuðborgarsvæðinu rannsakar það mál.

Tollstjóri veitir ekki frekari upplýsingar um ofangreind mál þar sem  þau eru nú í höndum lögreglu. Jafnframt er minnt á  fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Sterarnir sem haldlagðir voru:

Rúmlega 40 mál komu upp hér á landi fyrr í mánuðinum í alþjóðlegri aðgerð gegn fölsuðum og ólöglegum lyfjum sem seld eru á netinu. Embætti  Tollstjóra og  Lyfjastofnun tóku sameiginlega þátt í aðgerðinni og nutu atbeina ríkislögreglustjóra og tengslaskrifstofu embættissins hjá Europol við framkvæmd verkefnisins hér.

Í aðgerðinni, „Pangea VIII“ sem var á vegum WCO (World Customs Organisation), Europol og Interpol, var lagt hald á samtals 43 sendingar. Aðallega var um að ræða nikótínvökva og var heildamagnið á fimmta lítra. Í tengslum við aðgerðina var jafnframt lagt hald á 28 sendingar með fæðubótarefnum sem innihéldu lyfjavirk efni eða jurtir með lyfjavirkni.  Þær höfðu m.a. að geyma örvandi efni, hormóna, grenningarefni og „detoxunarefni“.

Samtals tóku 115 lönd þátt í aðgerðinni, sem er sú stærsta sinnar tegundar til þessa.  Markmiðið var að kortleggja skipulagða glæpastarfsemi að baki falsaðra og ólöglegra lyfja á netinu og voru alls 156 handteknir. Haldlögð voru ólögleg og hættuleg lyf að andvirði  81 milljón Bandaríkjadala.  Þá var 2.414 vefsíðum sem buðu slíkan varning til sölu lokað.

Ekki er unnt að veita frekari upplýsingar að hálfu embættis Tollstjóra þar sem umrædd mál eru enn í vinnslu.

Í tilefni af 100 ára afmæli kosningaréttar kvenna á Íslandi hvetur ríkisstjórn Íslands vinnuveitendur til að gefa starfsfólki frí frá hádegi föstudaginn 19. júní, svo það geti tekið þátt í skipulögðum hátíðahöldum. Tollstjóri styður jafnrétti og því verður afgreiðsla stofnunarinnar lokuð frá kl. 12 þann dag. Við minnum jafnframt á að afgreiðsla Tollstjóra er opin til kl. 18:00 á fimmtudögum í sumar.

Með bestu kveðju,

starfsfólk Tollstjóra

Tollverðir í Flugstöð Leifs Eiríkssonar stöðvuðu fyrr í mánuðinum karlmann á þrítugsaldri, sem var með 1.2 kíló af hassi falið í ferðatösku sinni.

Maðurinn, sem er grænlenskur ríkisborgari, var að koma frá Danmörku 3. júní sl. og átti bókað flugfar til Grænlands sama dag. Hassið kvaðst hann hafa ætlað til eigin nota og mögulegrar sölu í Grænlandi.

Lögreglan á Suðurnesjum fór með rannsókn málsins, sem er nú lokið og hefur málið verið sent til ákæruvaldsins.

Þetta er í annað sinn á skömmum tíma sem tollverðir stöðva flugfarþega með hass í fórum sínum, því 5. maí síðastliðinn var  karlmaður á fertugsaldri tekinn með tæp 800 grömm af efninu. Hann var einnig að koma frá Danmörku og var á leiðinni til Grænlands. Hassið hafði hann falið í möppu.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Í dag 4. júní 2015 var nýr upplýsingavefur Tollstjóra opnaður og er hann afrakstur umfangsmikillar samvinnu fulltrúa frá öllum sviðum embættisins. Umtalsverðar breytingar hafa verið gerðar á útliti og virkni vefsins. 

Hann leysir af hólmi þrjá eldri vefi. Við sameiningu vefjanna tókst að fækka vefsíðum um rúmlega 400. Um er að ræða svokallaðan snjallvef útlit og virkni breytist eftir skjástærð og tegund tækis. Þó nokkrar nýjungar eru í vefnum. Nú er t.d. hægt að leita að vörum og vöruflokkum í reiknivél fyrir innflutningsgjöld og neðst á öllum síðum sem innihalda efni gefst notendum kostur á að tjá sig um hvort innihald síðunnar hafi verið hjálplegt. Endurgjöf frá notendum í gegnum þessa leið verður verður nýtt til að bæta gæði þjónustu og upplýsinga á vef Tollstjóra. 

Fyrirtækið Sjá gerði notenda- og aðgengisprófanir og Advania sá um forritun og útlitshönnun vefsins.

Kynntu þér betur hvernig vefurinn virkar

Nýtt tollskýrslueyðublað E-2 vegna innflutnings verður tekið í notkun frá og með 1. nóvember n.k. og fellur þá jafnframt eldra tollskýrslueyðublað E-1. vegna innflutnings úr gildi nema gagnvart leiðréttingum á eldri tollafgreiðslum.

Leiðbeiningar um notkun tollskýrslueyðublaðsins E-2 verður hægt að sækja á vef Tollstjóra  tollur.is  varðandi tollskýrslu á pappír, skýrslugjöf með notkun Vef-tollafgreiðslu Tollstjóra og með SMT tollafgreiðslu (Skjalaskiptum Milli Tölva). Einnig verður hægt að sækja eyðublaðið E-2 á vef Tollstjóra tollur.is og prenta það út. Hluti þessara leiðbeininga er þegar tilbúinn en aðrar koma síðar.

Þeir sem þurfa að breyta sínum kerfum vegna SMT tollafgreiðslu vegna nýju tollskýrslunnar er bent á að afla forskriftar um fyrirkomulag rammaskeytis sem einnig verður að finna á vefsíðu Tollstjóra. Kerfisprófanir verða skipulagðar í samráði við notendur innan tímaramma sem verður kynntur.

Námskeið vegna nýrrar skýrslu og fyrirkomulag hennar verða kynnt síðar hvað varðar pappírsskýrslu, skýrslugjöf með SMT eða VEF-skýrslu.

Auglýsing þessi er sett samkvæmt 6. mgr. 23.gr., 5.tl. 2. mgr. 24. gr.,  3. mgr. 25. gr., 2. mgr. 26.gr. og 14. tl. 1. mgr. 40. gr. tollalaga nr. 88/2005 með síðari breytingum.

Vakin er athygli á tilkynningu á vef Fjársýslu ríkisins þar sem fram kemur m.a.:

Á greiðsluseðlum vegna greiðslufrests á vöru- og úrvinnslugjaldi, sem eru með gjalddaga 15.05.2015 og 05.06.2015, var 11% og 24% virðisaukaskattur talinn með öðrum aðflutningsgjöldum.  Á hinn bóginn var heildarfjárhæð til greiðslu á greiðsluseðlinum rétt, þannig að sömu OCR upplýsingar eru notaðar áfram.

Greiðsluseðlar voru endurprentaðir 18.05.2015 þar sem 11% og 24% virðisaukaskattur er birtur í sér línum og verða seðlarnir bornir út á næstu dögum.

Erlendur karlmaður  sem tollverðir í Flugstöð Leifs Eiríkssonar fundu hjá nær kíló af hassi fyrr í þessum mánuði hefur nú hlotið dóm í Héraðsdómi Reykjaness. Maðurinn, sem er á fertugsaldri,  var að koma með flugi frá Kaupmannahöfn. Tollverðir fundu efnin, samtals 781 gramm af hassi,  í farangri hans. Efnunum hafði hann pakkað inn í möppu.

Lögreglan á Suðurnesjum fór með rannsókn málsins. Maðurinn var dæmdur í þriggja mánaða skilorðsbundið fangelsi og til greiðslu sakarkostnaðar.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Hassið sem tollverðir fundu í farangri mannsins.

Tollverðir stöðvuðu nýverið póstsendingu sem var á leið úr landi og reyndist hafa að geyma fjóra stolna farsíma. Að beiðni lögreglunnar á höfuðborgarsvæðinu hafði verið fylgst sérstaklega með póstsendingum úr landi vegna tíðra símaþjófnaða á skemmtistöðum að undanförnu. Embætti Tollstjóra mun halda slíku eftirliti áfram í ljósi ofangreinds atviks.

Þessi umrædda sending var stíluð á erlendan einstakling í París og skráður sendandi var karlmaður sem búsettur hefur verið hér á landi síðan 2011.

Lögreglan á höfuðborgarsvæðinu fór með rannsókn málsins og í ljós kom að símunum sem í sendingunni voru hafði öllum verið stolið á veitingastöðum í Reykjavík. Eigendum símtækjanna hefur verið tilkynnt að þau séu í vörslum lögreglu og þeir fái þau í hendur á næstu dögum. 

Fjármála- og efnahagsráðherra og tollstjóri undirrituðu í dag nýjan árangursstjórnunarsamning sem gildir til ársins 2020 og leysir af hólmi samning frá árinu 2001. Með samningnum er lagður grunnur að áætlanagerð og árangursmati á sviði tolla- og innheimtumála á grundvelli stefnuskjalsins Tollstjóri 2020.

Í stefnuskjalinu er að finna áherslur embættis Tollstjóra í einstökum málaflokkum. Þar má finna stefnu í innheimtumálum og tollamálum auk mannauðsstefnu, upplýsingatæknistefnu, rekstrar- og umhverfisstefnu og þjónustu- og gæðastefnu, sem allar stuðla að því að embættið geti framfylgt því hlutverki sínu að vernda samfélagið og tryggja ríkinu tekjur.

Á sóknaráætlun Tollstjóra til ársins 2020 eru 25 verkefni sem stuðla að því að framtíðarsýn embættisins, stefnu þess og markmiðum verði náð. Til að veita innsýn í verkefni sem eru á sóknaráætlun má nefna innleiðingu gæðastjórnkerfis samkvæmt ISO 9001:2008 staðlinum meðal annars í þeim tilgangi að samræma verklag, auðvelda rýni og úrbætur, auka skilvirkni og hagkvæmni og veita góða þjónustu. Annarri úttekt í vottunarferlinu lauk 27. apríl síðastliðinn. Niðurstaða úttektarinnar var að embætti Tollstjóra hafi komið á virku gæðastjórnkerfi og því ráðgert að skírteini þess efnis að starfsemin uppfylli kröfur staðalsins verði gefið út í lok maí.

Árangursstjórnunarsamningurinn kveður á um gagnkvæmar skyldur fjármála- og efnahagsráðuneytisins og Tollstjóra vegna útfærslu á lögbundnu hlutverki tollstjóra. Með þeim áætlunum sem samningurinn kveður á um er mótuð stefna til næstu ára. Tollstjóri gerir árlega grein fyrir árangri af starfsemi embættisins í einfaldri skýrslu með samanburði við þau markmið sem sett eru samkvæmt samningnum.

Árangursstjórnunarsamningur milli embættis Tollstjóra og Fjármála- og efnahagsráðuneytis (pdf skjal)

Mynd: Snorri Olsen tollstjóri og Bjarni Benediktsson fjármála- og efnahagsráðherra undirrituðu árangursstjórnunarsamninginn.

Vegna verkfalls BHM starfsmanna hjá Fjársýslu ríkisins fá gjaldendur  ekki senda greiðsluseðla og kröfur verða ekki stofnaðar í heimabönkum.  Gjaldendum er bent á að hægt er að greiða gjaldið með millifærslu á reikning Tollstjóra þrátt fyrir að greiðsluseðill berist ekki:

Banki    Hb.     Reikningur    Kennitala   

0101      26       85002               650269-7649

Þá skal senda skýringar á greiðslum á netfangið skattur@tollur.is.

Næstu gjalddagar greiðslufrests í tolli eru 15. maí og 5. júní.  Þeir aðilar sem aðgang hafa að Tollalínunni geta nálgast yfirlit yfir stöðu sína  þar.

Gjaldendur geta átt von á óþægindum vegna þess að handfæra þarf allar greiðslur sem koma inn á reikning Tollstjóra inn á kröfur gjaldenda. Gjaldendum er því bent á að greiða sem fyrst til að koma í veg fyrir mögulega  lokun tollkrítar.                            

Gjaldendur geta átt von á að verða fyrir óþægindum vegna verkfallsins. Greiðsluseðlar verða ekki sendir út og nýjar kröfur t.d. vegna fyrirframgreiðsluskyldu þing- og sveitarsjóðsgjalda, vörugjalds af ökutækjum og greiðslufrests í tolli birtast ekki í heimabanka gjaldenda.  Framangreint óhagræði hefur ekki áhrif á greiðsluskyldu gjaldenda eða lögboðna gjalddaga og eindaga.

Gjaldendur geta ávallt fengið upplýsingar um skuldastöðu og greitt kröfur hjá innheimtumönnum ríkissjóðs; Tollstjóra og sýslumönnum utan höfuðborgarsvæðisins eða lagt inn á bankareikninga þeirra. Upplýsingar um bankareikninga er að finna á heimasíðum Tollstjóra og sýslumanna utan höfuðborgarsvæðisins.  

Hol­lensk­ar mæðgur sitja nú í gæslu­v­arðhaldi eft­ir að hafa gert til­raun til að smygla tæp­lega 20 kíló­um af fíkni­efn­um til lands­ins. Um er að ræða am­feta­mín, kókaín og MDMA, sem toll­verðir fundu í ferðatösk­um þeirra.

Mæðgurn­ar komu til lands­ins á föstu­dag­inn langa með flugi frá Amster­dam og áttu pantað flug­f­ar til baka á mánu­dags­morg­un. Eft­ir að lög­regl­an á Suður­nesj­um hafði hand­tekið þær hand­tók lög­regl­an á höfuðborg­ar­svæðinu ís­lensk­an karl­mann vegna máls­ins og sæt­ir hann einnig gæslu­v­arðhaldi.

Náin sam­vinna Toll­stjóra, lög­reglu­stjór­ans á Suður­nesj­um, lög­reglu­stjór­ans á höfuðborg­ar­svæðinu og tengslaskrif­stofu Íslands hjá Europol skilaði þeim ár­angri sem þarna náðist í bar­átt­unni gegn smygli á fíkni­efn­um til lands­ins.

Mæðgurn­ar og Íslend­ing­ur­inn hafa verið úr­sk­urðuð í gæslu­v­arðhald til 15. apríl næst­kom­andi.

Ekki er unnt að veita frek­ari upp­lýs­ing­ar vegna máls­ins að sinni þar sem það er á viðkvæmu rann­sókn­arstigi.

Tollverðir stöðvuðu nýverið um það bil tvö kíló af sterum í duftformi sem komu með póstsendingu til landsins. Tollstjóri kærði málið til lögreglunnar á höfuðborgarsvæðinu sem fer með rannsókn þess. Er þetta sjötta sterasendingin sem stöðvuð er það sem af er þessu ári.

Sendingin umrædda kom frá Hong Kong, eins og fleiri sendingar af þessu tagi, og var stíluð á einstakling. Sterunum hafði verið pakkað inn í umbúðir utan af matvælum.

Á undanförnum þremur árum hefur neðangreint magn stera verið stöðvað:

Hvað varðar árið 2014 innihélt stærsta sendingin sem stöðvuð var á því ári um þrjú kíló af sterum í duft- og gelformi. Hún hafði einnig að geyma rúmlega fimm kíló af lyfjum í duftformi sem reyndust vera tvær tegundir af staðdeyfilyfjum. Þessi sending kom einnig frá Hong Kong.

Fjögur mál komu upp hér á landi í alþjóðlegri matvælaaðgerð sem gerð var á vegum Europol og Interpol í desember og janúar sl. Tollstjóri og Matvælastofnun  nutu atbeina embættis ríkislögreglustjóra og tengslaskrifstofu Íslands hjá Europol við framkvæmd verkefnisins hér.

Í umræddri aðgerð, Opson IV, sem framkvæmd var í verslunum, á mörkuðum, flugvöllum, höfnum og iðnaðarhúsnæði í 47 löndum var lagt hald á rúm 2.500 tonn af fölsuðum og ólöglegum matvælum í föstu og fljótandi formi.

Tollstjóri veitir ekki frekari upplýsingar þar sem umrædd mál eru enn í vinnslu.

Sjá nánar:

Á vefjum europol og Interpol

Tollverðir stöðvuðu nýverið tvær sendingar frá Hong Kong sem höfðu að geyma eina gasskammbyssu hvor. Hafði sami einstaklingur pantað þær báðar. Um var að ræða nákvæmar eftirlíkingar af Glock 17 og Springfield armory cal 45. en með gashleðslu.

Þar sem slíkir munir eru ekki leyfðir hér á landi samkvæmt vopnalögum nr. 16/1998 var málið sent til lögreglunnar á höfuðborgarsvæðinu. Embætti LRH gerði innflytjandanum að endursenda byssurnar eða heimila förgun þeirra og tók hann fyrrnefnda kostinn. Samkvæmt upplýsingum frá LRH geta vopn af þessu tagi reynst skaðleg sé ógætilega farið með þau. Jafnframt að sé einhver tekinn með slík vopn hér á landi þá flokkist það undir vopnalagabrot. Viðkomandi fær þá ekki skotvopnaleyfi, þótt hann sé til þess bær að öðru leyti, eða að hann er sviptur leyfinu í tiltekinn tíma. 

Byssur af þessu tagi geta verið hættulegar sé farið ógætilega með þær.

Vegna mikils álags á þjónustuver innheimtusviðs er svörun fyrirspurna á eftir áætlun. Öllum fyrirspurnum verður svarað, en viðskiptavinir eru vinsamlega beðnir að sýna skilning á lengri biðtíma en venjulega. Vinsamlega sendið ekki sömu fyrirspurnina mörgum sinnum.

Við bendum á að viðskiptavinir Tollstjóra geta séð skuldastöðu sína á þjónustusíðu ríkisskattstjóra www.skattur.is með því að nota rafrænt skilríki eða kennitölu og veflykil til innskráningar (sama veflykil og notaður er þegar skattframtali er skilað).

Þeim sem vilja greiða er bent á upplýsingar um bankareikninga á síðunni: Uppgjör skatta og gjalda.

Vinsamlegast athugið að það verður ekki farið í frekari innheimtuaðgerðir hjá þeim aðilum sem eru með greiðsluáætlanir í gildi þrátt fyrir að þeim hafi borist innheimtubréf.

Tollstjóri haldlagði rúmlega 150 leysibenda á síðasta ári, 2014. Þar á meðal voru tveir geysisterkir eða 50 þúsund mW.  Til samanburðar má geta þess að leysibendar teljast öflugir ef þeir eru sterkari en 1 mW og er innflutningur benda sem eru umfram þann styrk bannaður nema að fengnu leyfi frá Geislavörnum ríkisins.

Leysibendarnir sem haldlagðir voru á árinu, alls 154 stykki, komu í 21 sendingu frá Hong Kong, Kína og Tælandi. Af þessum fjölda komu um hundrað stykki í einni sendingu frá síðarnefnda landinu.

Tollstjóri bendir á að mikil hætta getur skapast af notkun ólöglegra leysibenda eins og dæmin sanna. Má þar nefna atvik þegar þeim hefur verið beint að bifreiðum í akstri og flugvélum. Í því sambandi skal bent á að íslensk­ar flug­vél­ar verða fyr­ir leysi­geislaskoti úr öfl­ug­um leysi­bend­um er­lend­is að meðaltali einu sinni í mánuði, sam­kvæmt upp­lýs­ing­um frá Sam­göngu­stofu. Þá hefur fólk orðið fyrir líkamlegum skaða af óvarlegri meðferð þeirra.

Haldlagðir leysibendar:

Breytingar á innheimtu skatta og gjalda

Þær breytingar hafa orðið að frá og með 1. janúar 2015 mun Tollstjóri annast innheimtu skatta og gjalda á höfuðborgarsvæðinu samkvæmt reglugerð nr. 1060/2014, um innheimtumenn ríkissjóðs. Með ofangreindum breytingum geta þeir sem eiga lögheimili í Kópavogi, Garðabæ og Hafnarfirði ekki lengur greitt skatta og gjöld hjá sýslumönnum í Kópavogi og Hafnarfirði heldur flyst öll afgreiðsla og þjónusta vegna innheimtunnar til Tollstjóra að Tryggvagötu 19, 101 Reykjavík. Fyrrgreint á einnig við um innheimtu álagninga fyrri ára. Breyting á innheimtuumdæmi Tollstjóra kemur í kjölfar fækkunar sýslumannsembætta úr 24 í 9 samkvæmt lögum númer 50/2014, um framkvæmdarvald og stjórnsýslu ríkisins í héraði.

Sjá einnig þessa síðu.

Tæplega 30 fölsuðum Eames stólum var fargað í vikunni eftir að tollverðir höfðu stöðvað innflutning þeirra til landsins í nóvember síðastliðnum. Var rétthöfum tilkynnt um hugsanlegt brot gegn hugverkaréttindum.

Stólarnir, 29 talsins, komu ýmist í póstsendingum, hraðsendingum eða sjósendingum frá Bretlandi og Kína á vegum nokkurra einstaklinga. Viðkomandi og rétthafar komust að samkomulagi um förgun varningsins, sem fargað var undir eftirliti Tollstjóra

Eames stólarnir eru ein frægasta stólahönnun í heimi en stólarnir voru hannaðir af þeim Charles og Ray Eames í kringum 1950 og urðu strax mjög vinsælir.

Sem fyrr leggur Tollstjóri áherslu á víðtækt og traust samstarf við atvinnulífið, þar á meðal á eindregna vernd hugverka.

Stólunum fargað:

Á fimmtudögum verður afgreiðsla Tollstjóra á Tryggvagötu opin frá kl. 08:00 - 18:00. Skiptiborð er opið frá 08:00 - 16:00 eins og venjulega. Lengri opnunartími á fimmtudögum er til reynslu í janúar og febrúar. Aðra virka daga verður opnunartími óbreyttur frá kl. 08:00 - 15:30.

Breyting á hafnarlögum nr. 61/2003. Þann  12. desember s.l. voru staðfestar breytingar á hafnarlögum frá Alþingi. Helstu breytingar á lögunum fela í sér nánari skilgreiningu á hugtakinu neyðarhöfn, sem eftir breytingar  kallast skipaafdrep. Samgöngustofa útnefnir skipaafdrep hér á landi í áætlun um að liðsinna nauð­stöddum skipum á hafsvæðum í lög

sögu Íslands, að undangenginni máls­meðferð skv. 2. mgr. 21. gr. laganna. Breytinguna má finna hér.

Verkefni ríkistollanefndar renna til yfirskattanefndar:  Frá áramótum munu öll verkefni ríkistollanefndar renna til yfirskattanefndar, en nefndin er til húsa að Borgartúni 21. Frekari upplýsingar má finna hér: http://www.althingi.is/altext/144/s/pdf/0480.pdf

Lög nr. 63/2014: Breytingar munu taka gildi þann 1. janúar á lögum nr. 55/2003 um meðhöndlun úrgangs. Um innleiðingu á tilskipun Evrópuþingsins og ráðsins 2008/98/EB um úrgang er að ræða en markmið laganna er m.a. að tryggja að tryggja að úrgangsstjórnun sé markviss og hagkvæm og að úrgangur fái viðeigandi meðhöndlun.  Sjá má nánari hér: http://www.althingi.is/altext/143/s/0277.html

Fjárlagafrumvarp 2015: Fjárlagafrumvarp 2015 hefur í för með sér ýmsar breytingar er varða gjöld sem Tollstjóri innheimtir. Má þar meðal annars nefna að lagt verður úrvinnslugjald á raftæki.  Sjá nánar hér: http://www.althingi.is/altext/144/s/0003.html

Lokun tekjubókhaldskerfis ríkisins (TBR) 2. janúar 2015 - áhrif á tollafgreiðslu

Ábendingar

Efni tilkynningarinnar varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.

Almennt gildir að breytingarnar, sem hér eru til umræðu, taka til allra vara sem ótollafgreiddar eru 1. janúar 2015 nema annað sé tekið fram.

Útflutningur - Um útflutning gildir: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag vörusendingar frá Íslandi, sem útflutningsskýrslan tekur til. Sama gildir þegar leiðrétta eða breyta þarf útflutningsskýrslum eftir tollafgreiðslu.

Innflutningur - Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra fyrir og eftir 1. janúar 2015 með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra.
 

Breytingar

1. Breytingar á virðisaukaskatti, nýir Ö5 11% og Ö6 24% gjaldakódar virðisaukaskatts
Taxti beggja þrepa virðisaukaskatts lækkar. Við tollafgreiðslu er sú breyting framkvæmd með því að teknir verða upp nýir gjaldakódar fyrir lægra og hærra þrep breytts virðisaukaskatts:
Ö5   Virðisaukaskattur 11% VSK
Ö6   Virðisaukaskattur 24% VSK
Ofangreinda gjaldakóda virðisaukaskatts þarf að stofna í tollskýrslugerðarhugbúnaði.

Til 31. desember 2014 gildir áfram neðangreint. Þessi virðisaukaskattur (gjaldakódar) getur áfram komið á t.d. hraðsendingar sem innfluttar og  afhentar voru fyrir áramót en tollafgreiddar eru með aðflutningsskýrslu hjá Tollstjóra eftir áramót. Einnig ef verið er að leiðrétta aðflutningsskýrslur hjá tollstjóra eftir áramót sem tollafgreiddar eða bráðabirgðatollafgreiddar voru fyrir áramót
Ö3   Virðisaukaskattur 7% VSK
Ö4   Virðisaukaskattur 25,5% VSK

Heimild: 1. gr. laga nr. 124/2014 um breytingu á lögum nr. 50/1988, um virðisaukaskatt, brottfall laga nr. 97/1987, um vörugjald, breytingu á lögum nr. 90/2003, um tekjuskatt, og breytingu á fleiri lögum (kerfisbreyting á virðisaukaskatti, brottfall laga og hækkun barnabóta).
 

2. Vörugjöld, X1, X2, XA, XB, XC, XD og XE gjaldakódar falla úr gildi
Vörugjöld, X1, X2, XA, XB, XC, XD og XE gjaldakódar falla úr gildi frá og með 1. janúar 2015. Sjá nánar um gildistöku þessara breytinga í liðnum „Innflutningur" undir „Ábendingar" í upphafi þessarar tilkynningar.

Sjá einnig upplýsingar í þessari tilkynningu á vef Tollstjóra.

Heimild: 2. gr. laga nr. 124/2014 um breytingu á lögum nr. 50/1988, um virðisaukaskatt, brottfall laga nr. 97/1987, um vörugjald, breytingu á lögum nr. 90/2003, um tekjuskatt, og breytingu á fleiri lögum (kerfisbreyting á virðisaukaskatti, brottfall laga og hækkun barnabóta). Ennfremur eru breytingar á ýmsum lögum vegna brottfellingar laga nr. 97/1987 um vörugjald, sbr. 5. til 10. gr. tilvísaðra laga hér framar.
 

3. Nýtt úrvinnslugjald á raf- og rafeindatæki, BU gjald (kr/kg)
Nýtt úrvinnslugjald á raf- og rafeindatæki, BU gjald, sem er kr á kg vörunnar tekur gildi. Taxti gjalds er mismunandi eftir tollskrárnúmerum. Stofna þarf BU gjaldakóda í tollskýrslugerðarhugbúnaði. Gjaldið leggst á nettóþyngd, kg í reit 31 í aðflutningsskýrslu, ebl. E1.

Heimild: Lög nr. 125/2014 um ýmsar forsendur frumvarps til fjárlaga fyrir árið 2015, sbr. 23. og 24. gr. laganna sem breytir lögum nr. 162/2002, um úrvinnslugjald, með síðari breytingum.
 

4. Skilagjöld á einnota umbúðir drykkjarvara, G* gjöld, hækkanir
Taxti skilagjalds hækkar í 14,41 kr/stk en umsýsluþóknanir eru óbreyttar. Umsýsluþóknun er ekki á álumbúðum. Breytingarnar eru því þessar:

Heimild: 9. gr. laga nr. 124/2014 um breytingu á lögum nr. 50/1988, um virðisaukaskatt, brottfall laga nr. 97/1987, um vörugjald, breytingu á lögum nr. 90/2003, um tekjuskatt, og breytingu á fleiri lögum (kerfisbreyting á virðisaukaskatti, brottfall laga og hækkun barnabóta).  Sjá einnig 1. gr. reglugerðar nr. 1209/2014 um (10.) breytingu á reglugerð nr. 368/2000, um söfnun, endurvinnslu og skilagjald á einnota umbúðir fyrir drykkjarvörur.
 

5. Flutningsjöfnunargjald á olíuvörur, J1 til J5 gjöld, breytast
Taxtar flutningsjöfnunargjaldanna breytast og verða:
J1     Bifreiðabensín, 0,48 kr/lítra
J2     Flugsteinolía (þotueldsneyti), 0,14 kr/lítra
J3     Gasolía, 0,83 kr/lítra
J4     Flugvélabensín, 0,25 kr/lítra
J5     Aðrar olíur og blöndur til brennslu, 0,14 kr/kg

Heimild: Auglýsing nr. 1175/2014 um flutningsjöfnunargjald á olíuvörum.
 

6. Gjalddagar uppgjörstímabila vegna skuldfærslu aðflutningsgjalda við tollafgreiðslu; fyrirkomulag sem gilt hefur 2014 framlengt óbreytt fyrir árið 2015
Á árinu 2014 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum. Framangreind ákvæði hafa verið framlengd til 31. desember 2015.

Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda.

Heimild: Sjá 26. gr. laga nr. 125/2014 um ýmsar forsendur frumvarps til fjárlaga fyrir árið 2015. Sjá ennfremur yfirlit yfir uppgjörstímabil og gjalddaga fyrir árið 2015 í þessu pdf skjali.
 

7. Fríverslunarsamningur EFTA og Bosníu Hersegóvínu, YO tegund tolls
Þessi fríverslunarsamningur tekur gildi um áramót. Kódi tegundar tolls er YO og landakódi BA, Bosnía Hersegóvína. Stofna þarf YO tegund tolls (kóda) í tollskýrslugerðarhugbúnaði. Allar nánari upplýsingar eru í þessari tilkynningu á vef Tollstjóra.
 

8. Undanþáguheimild, VSKÖT undanþágukódi, lækkun virðisaukaskatts á rafmagns-, vetnis- eða tengiltvinnbifreiðum framlengd til 31. desember 2015
Eftirfarandi heimild í ákvæðum til bráðabirgða XXIV í lögum um virðisaukaskatt er framlengd til 31. desember 2015 (undanþágukódi VSKÖT): Við innflutning og skattskylda sölu nýrrar rafmagns-, vetnis- eða tengiltvinnbifreiðar er heimilt að fella niður virðisaukaskatt eða telja til undanþeginnar veltu fjárhæð að ákveðnu hámarki eins og nánar er kveðið á um í ákvæði þessu. (Sjá nánar um ákvæðið í lögum nr. 50/1988 um virðisaukaskatt)

Heimild: Sjá um framlenginguna í 27. gr. laga nr. 125/2014 um ýmsar forsendur frumvarps til fjárlaga fyrir árið 2015.
 

9. Undanþáguheimild, LÖT18 undanþágukódi, lækkun á vörugjaldi (M* gjöld) af ökutækjum bílaleiga
Hámarks lækkun vörugjalds af ökutækjum sem bílaleigur leigja út lækkar úr 1.000.000 kr í 750.000 kr. frá og með 1. janúar 2015.

Heimild: Sjá 29. gr. laga nr. 125/2014 um ýmsar forsendur frumvarps til fjárlaga fyrir árið 2015, sem breytir 3. mgr. 3. gr. í lögum nr. 29/1993, um vörugjald af ökutækjum, eldsneyti o.fl., með síðari breytingum.
 

10. LRT leyfi í reit 14 í aðflutningsskýrslu, raf- og rafeindatæki, aðild að skilakerfi. LRT leyfið fellur úr gildi 1. janúar 2015
Vegna breytinga á fyrirkomulagi endurvinnslu raf- og rafeindatækja og umsýslukerfi því tengdu fellur niður skylda til að vísa í LRT leyfið í reit 14 í aðflutningsskýrslu, ebl. E1. LRT leyfiskódinn fellur því úr gildi frá og með 1. janúar 2015. Frá sama tíma leggst nýtt úrvinnslugjald, BU gjald, á raf- og rafeindatæki, sbr. lið 3 í þessari tilkynningu.

Heimild: Sjá 25. gr. laga nr. 125/2014 um ýmsar forsendur frumvarps til fjárlaga fyrir árið 2015. Ennfremur lög nr. 55/2003 um meðhöndlun úrgangs, m.s.br., sbr. breyting á þeim með lögum nr. 63/2014 um breytingu á lögum nr. 55/2003, um meðhöndlun úrgangs (innleiðing tilskipunar 2008/98/EB, rafhlöður og rafgeymar, raf- og rafeindatæki).
 

11. Reglugerðir um tollkvóta
Reglugerð nr. 989/2014 um úthlutun á tollkvótum vegna innflutnings á landbúnaðarvörum frá Evrópubandalaginu.
Birt 10. nóvember 2014.
Gildir frá 1. janúar 2015 til 31. desember 2015.

Reglugerð nr. 1004/2014 um úthlutun á tollkvótum vegna innflutnings á blómum, trjám o.fl.
Birt 14. nóvember  2014.
Gildir frá 1. janúar 2015 til 31. desember 2015.

Reglugerð nr. 1005/2014 um úthlutun á tollkvótum vegna innflutnings á ostum frá Noregi.
Birt 14. nóvember 2014.
Gildir frá 1. janúar 2015 til 31. desember 2015.

Reglugerð nr. 1138/2014 um (7.) breytingu á reglugerð nr. 1186/2013 um úthlutun á tollkvótum vegna innflutnings á landbúnaðarvörum samkvæmt viðaukum IVA og IVB við tollalög.
Birt 22. desember  2014.
Gildir frá 29. desember 2014 til 31. desember 2014.

Reglugerð nr. 1139/2014 um úthlutun á tollkvótum vegna innflutnings á landbúnaðarvörum samkvæmt viðaukum IVA og IVB við tollalög.
Birt 22. desember 2014.
Gildir frá 1. janúar 2015 til 31. desember 2015.
 

12. Fækkun sýslumannsumdæma í 9
Sýslumannsumdæmum fækkar í níu umdæmi og sýslumannsumdæmin fá ný heiti. Hér eru fréttir með upplýsingum á vef innanríkisráðuneytisins, frétt frá 19. desember 2014, frétt frá 23. júlí 2014 og einnig frétt frá 14. maí 2014. Á það skal minnt að landið er eitt tollumdæmi (Tollstjóri). Rétt er að geta um breytt umdæmi varðandi hlutverk Tollstjóra sem innheimtumanns ríkissjóðs, sjá frétt á vef Tollstjóra: Breyting á fyrirkomulagi við innheimtu opinberra gjalda á höfuðborgarsvæðinu.

Heimildir: Lög nr. 50/2014 um framkvæmdarvald og stjórnsýslu ríkisins í héraði. Og reglugerð nr. 1060/2014 um innheimtumenn ríkissjóðs. Ennfremur reglugerð nr. 1151/2014 um umdæmi sýslumanna. Og reglugerð nr. 1150/2014 um umdæmi lögreglustjóra.
 

13. Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. janúar 2015 vegna tollafgreiðslu, eru aðgengilegir hér á vef Tollstjóra. Aðeins tollskrárlyklar vegna innflutnings taka breytingum.
 

14. Nánari upplýsingar
Um tæknilega framkvæmd: upplýsingatæknideild, rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505

Um tollamál og tollafgreiðslu: þjónustuver tollasviðs Tollstjóra
upplysingar[hja]tollur.is eða þjónustuvakt, sími: 560 0315

Vegna tæknilegrar vinnu við sameiningu sýslumannsembætta verður TBR lokað föstudaginn 2. janúar 2015. Af þeim sökum geta innheimtumenn ríkissjóðs ekki tekið á móti greiðslum, gefið upplýsingar um stöðu skulda, gert greiðsluáætlanir eða gefið upplýsingar um stöðu vanskilaaðgerða.

Hjá Tollstjóra verður eingöngu hægt að greiða skattkröfur með greiðslu inn á bankareikning, en þær verða ekki færðar fyrr en mánudaginn 5. janúar með gildisdegi 2. janúar. Upplýsingar um bankareikninga Tollstjóra er að finna  hér.

Vegna ofangreinds getur þjónustuver innheimtusviðs Tollstjóra ekki svarað fyrirspurnum 2. janúar 2015. Viðskiptavinum er bent á að senda erindi á netfangið fyrirspurn@tollur.is og verður þeim svarað 5. janúar 2015.

Þrátt fyrir fyrrgreinda lokun TBR er gert ráð fyrir því, að innflytjendur sem skuldfæra aðflutningsgjöld, geti tollafgreitt vöru með rafrænum hætti.  Gjaldkerar Tollstjóra munu hins vegar ekki geta afgreitt tollskýrslur, þannig að tollafgreiðsla með staðgreiðslu verður ekki möguleg.

Beðist er velvirðingar á þeim óþægindum sem lokun TBR kann að valda viðskiptavinum Tollstjóra.

Alþingi hefur samþykkt afnám laga um vörugjald nr. 97/1987. Fram kemur í breytingarlögunum að lögin skuli falla úr gildi þann 1. janúar 2015  en brottfelld ákvæði laga nr. 97/1987, um vörugjald, gilda þó áfram vegna sölu og afhendingar gjaldskyldrar vöru sem á sér stað fyrir 1. janúar 2015. 

Í þessu felst að vörugjaldskyldir aðilar skulu innheimta og skila vörugjaldi af framleiddum og innfluttum vörum til og með 31. desember 2014. Uppgjörstímabil fyrir nóvember - desember er þann 28. febrúar 2015. Skila ber vörugjaldsskýrslu til Tollstjóra í samræmi við það á gjalddaga. Endurgreiðslur vegna uppgjörstímabilsins fara fram á gjalddaga, þann 28. febrúar 2015.

Hafi gjaldendur frekari spurningar er bent á að hafa samband á vorugjald[hja]tollur.is

Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar. Athugið að tilkynning um allar breytingar á aðflutningsgjöldum og fleira er varðar tollafgreiðslu og taka gildi 1. janúar 2015 verður birt á vef Tollstjóra fyrir áramót. Í þessari tilkynningu eru aðeins upplýsingar varðandi virðisaukaskatt, nýtt úrvinnslugjald á raf- og rafeindatæki, EFTA Bosníu Hersegóvínu fríverslunarsamninginn og tollkrít (greiðslufrest við tollafgreiðslu).

Almennt gildir að breytingarnar taka til allra vara sem ótollafgreiddar eru 1. janúar 2015 nema annað sé tekið fram. Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

1.
Breytingar á virðisaukaskatti, nýir Ö5 og Ö6 gjaldakódar
Teknir verða upp nýir gjaldakódar vegna breyttra taxta lægra og hærra þreps virðisaukaskatts:
Ö5   Virðisaukaskattur 11% VSK
Ö6   Virðisaukaskattur 24% VSK
Ofangreinda gjaldakóda virðisaukaskatts þarf að stofna í tollskýrslugerðarhugbúnaði. Hér eru lögin er varða þessar breytingar, sjá 1. gr. laganna. 

Til 31. desember 2014 gildir áfram neðangreint. Þessi virðisaukaskattur getur áfram komið á t.d. hraðsendingar sem afhentar voru fyrir áramót en tollafgreiddar eru með aðflutningsskýrslu eftir áramót. Einnig ef verið er að leiðrétta aðflutningsskýrslur hjá tollstjóra eftir áramót sem tollafgreiddar voru fyrir áramót.
Ö3   Virðisaukaskattur 7% VSK
Ö4   Virðisaukaskattur 25,5% VSK 

2.
Nýtt úrvinnslugjald á raf- og rafeindatæki, BU gjald
Nýtt úrvinnslugjald á raf- og rafeindatæki, BU gjald, sem er kr á kg vörunnar tekur gildi. Taxti gjalds er mismunandi eftir tollskrárnúmerum. Stofna þarf BU gjaldakóda í tollskýrslugerðarhugbúnaði. Hér eru lögin er varða þetta gjald, sjá 23. og 24. gr. laganna. 

3.
Fríverslunarsamningur EFTA og Bosníu Hersegóvínu, YO tegund tolls
Þessi fríverslunarsamningur tekur gildi um áramót. Tegund tolls er YO og landakódi BA, Bosnía Hersegóvína. Stofna þarf YO tegund tolls (kóda) í tollskýrslugerðarhugbúnaði. Allar nánari upplýsingar eru í þessari tilkynningu á vef Tollstjóra.

4.
Gjalddagar uppgjörstímabila vegna skuldfærslu aðflutningsgjalda við tollafgreiðslu; fyrirkomulag sem gilt hefur 2014 framlengt óbreytt fyrir árið 2015
Á árinu 2014 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum. Framangreindum ákvæðum hefur verið framlengt til 31. desember 2015.
Sjá 26. gr. þessara laga.

5.
Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. janúar 2015, verða aðgengilegir milli jóla og nýárs hér á vef Tollstjóra. Aðeins tollskrárlyklar vegna innflutnings taka breytingum. 

6.
Nánari upplýsingar
Um tæknilega framkvæmd: Upplýsingatæknideild, Rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505 

Um tollamál og tollafgreiðslu: Þjónustuver tollasviðs Tollstjóra, sími 560 0315

Vakin er athygli á að frá og með 1. janúar 2015 mun Tollstjóri annast innheimtu skatta og gjalda á höfuðborgarsvæðinu samkvæmt reglugerð nr. 1060/2014, um innheimtumenn ríkissjóðs. Frá og með þeim degi geta þeir sem eiga lögheimili í Kópavogi, Garðabæ og Hafnarfirði ekki lengur greitt skatta og gjöld hjá sýslumönnum í Kópavogi og Hafnarfirði heldur flyst öll afgreiðsla og þjónusta vegna innheimtunnar til Tollstjóra að Tryggvagötu 19, 101 Reykjavík. Fyrrgreint á einnig við um innheimtu álagninga fyrri ára. Breyting á innheimtuumdæmi Tollstjóra kemur í kjölfar fækkunar sýslumannsembætta úr 24 í 9 samkvæmt lögum númer 50/2014, um framkvæmdarvald og stjórnsýslu ríkisins í héraði.

Á vef Tollstjóra eru allar helstu upplýsingar um innheimtu skatta og gjalda hjá einstaklingum og fyrirtækjum.

Þeim sem vilja greiða skatta eða gjöld er bent á síðu um uppgjör á sköttum og gjöldum og síðu með upplýsingum um bankareikninga Tollstjóra.

Þjónustuver innheimtusviðs svarar fyrirspurnum um innheimtu skatta og gjalda í símanúmerinu 560 0350 og í netfanginu fyrirspurn[hja]tollur.is. Einnig er bent á netföngin:kaupgreidandi[hja]tollur.is - vegna afdráttar af launum utan staðgreiðslu, skattur[hja]tollur.is - sendið kvittanir úr netbönkum á þetta netfang og vanskil[hja]tollur.is - varðandi vanskil og greiðsluáætlanir.

Í samræmi við stefnu Tollstjóra mun embættið leitast við að veita íbúum á höfuðborgarsvæðinu faglega og góða þjónustu við innheimtu opinberra gjalda.

Embætti Tollstjóra tók nýverið þátt í alþjóðlegu átaki, í samvinnu við embætti ríkislögreglustjóra og tengslaskrifstofu Íslands hjá Europol,  gegn sölu falsaðs varnings á vefsíðum. Europol samhæfði aðgerðina sem að stóðu 25 löggæslustofnanir í nítján löndum. Hún leiddi til þess að 292 vefsíðum sem seldu grunlausum viðskiptavinum falsaðan varning var lokað. Einkum var um að ræða eftirlíkingar af dýrri merkjavöru, íþróttafatnað, rafmagnstæki, fölsuð lyf og „ sjóræningjaefni" svo sem tónlist og kvikmyndir. Er þetta í fimmta sinn, sem átak  af þessu tagi, sem hefur fengið heitið  „Operation IOS" (In Our Sites), fer fram. Verkefnið hefur leitt til þess að samtals 1829 ólöglegum vefsíðum hefur verið lokað frá því að það var hafið í nóvember 2012.

Engri síðu, sem bauð upp á ólögleg viðskipti af þessu tagi var lokað hér á landi að þessu sinni.

Falsaðir Nike skór:

Sjá nánar: https://www.europol.europa.eu/content/292-internet-domain-names-seized-selling-counterfeit-products

Með ályktun alþingis frá 14. maí 2014 var ríkisstjórninni veitt heimild til þess að fullgilda fyrir Íslands hönd fríverslunarsamning milli aðildarríkja Fríverslunarsamtaka Evrópu (Íslands, Liechtenstein, Noregs og Sviss) annars vegar og Lýðveldisins Bosníu og Hersegóvínu hins vegar og landbúnaðarsamning milli Íslands og Lýðveldisins Bosníu og Hersegóvínu. Samningur þessi hefur nú verið fullgiltur af samningsaðilum.

Samningaviðræður EFTA-ríkjanna við Bosníu og Hersegóvínu tóku um eitt ár og var lokið með undirritun samningsins í Þrándheimi í júní 2013.

Samningurinn inniheldur, auk ákvæða um vöruviðskipti, ákvæði um hugverkaréttindi, þjónustuviðskipti, fjárfestingar, opinber innkaup, samkeppnismál, viðskipti og sjálfbæra þróun, stofnanaákvæði og ákvæði um lausn deilumála.

Samningurinn kveður á um lækkun eða niðurfellingu tolla á iðnaðarvörur, sjávarafurðir og fyrir ákveðnar óunnar- og unnar landbúnaðarvörur. Þannig munu tollar á flestar sjávarafurðir og helstu iðnaðarvörur frá Íslandi falla niður frá gildistöku samningsins eða að loknu allt að þriggja ára aðlögunartímabili (sjá viðauka III og IV).

Viðskipti með óunnar landbúnaðarvörur falla undir landbúnaðarsamninginn og kveður hann á um að tollar á tilteknar landbúnaðarvörur verði lækkaðir eða felldir niður. Mun Bosníu og Hersegóvína t.d. lækka eða fella niður tolla á ákveðnar tegundir íslensks lambakjöts og mun Ísland t.d. fella niður tolla á ýmsar tegundir grænmetis, ávaxta og ávaxtasafa. Landbúnaðarsamningurinn öðlast gildi sama dag og fríverslunarsamningurinn.

Samninginn við Bosníu og Hersegóvínu í íslenskri þýðingu má finna á vef Alþingis. Einnig má finna ítarlegar upplýsingar um samninginn á vef EFTA.

Ný tegund tolls - tollskýrslugerðarhugbúnaður og nýir tollskárlyklar vegna innfluttra vara

Vegna fríverslunarsamningsins öðlaðist ný tegund tolls gildi þann 1. janúar 2015. Lykill fyrir tegund tollsins er YO.

Landlykill fyrir upprunavöru sem fríverslunarsamningurinn nær til:

• BA Bosnía og Hersegóvína

Tollskýrslugerðarhugbúnaður: Stofna þarf nýja tegund tolls, YO kóda fyrir Bosníu og Hersegóvínu, í töflu tegunda tolla og landakódi á YO tolli skal vera: BA.

Útfylling aðflutningsskýrslu/útflutningsskýrslu
Þegar óskað er eftir fríðindameðferð við innflutning samkvæmt nefndum samningi skal færa lykilinn YO fremst í reit 33 við gerð aðflutningsskýrslu (E-1) eða vegna SMT- eða VEF-tollafgreiðslu. Í reit 8 og 34 skal tilgreina landalykil viðkomandi ríkis, BA fyrir Bosníu og Hersegóvínu. Í reit 14 skal tilgreina skammstöfunina EUR og númer EUR. 1 flutningsskírteinis (t.d. EUR 1234567) eða textann "EUR YFIRLÝS" ef upprunayfirlýsing er á vörureikningi.

Ný útgáfa af tollskrárlyklum vegna innflutnings, þar sem YO tegund tolls hefur verið skráð á öll viðkomandi tollskrárnúmer vegna innflutnings, verður aðgengileg á vefsíðu tollskrárlykla á vef Tollstjóra þegar nær dregur áramótum. Nýja útgáfan gildir frá 1. janúar 2015.

Þegar óskað er eftir  fríðindameðferð við útflutning samkvæmt nefndum samningum skal færa lykilinn EX í reit 1 (markaðssvæði) við gerð útflutningsskýrslu (E2) eða vegna SMT- eða VEF-tollafgreiðslu. Í reit 17, ákvörðunarland, skal tilgreina landalykil viðkomandi ríkis. Ákvörðunarland er endastöð vöruflutninganna. Í reit 34a, upprunaland, skal skrá IS, ef íslensk upprunavara, en landalykil Bosnía og Hersegóvína (BA) ef þarlend upprunavara, áður flutt beinum flutningi til Íslands, er að fara aftur til Bosníu og Hersegóvíníu. Færa skal í reit 44 þriggja bókstafa skammstöfun fyrir skírteinið EUR, bókstafinn A og númer þess þar fyrir aftan (dæmi: EURA123456) en orðið: YFIRLÝSING ef upprunayfirlýsing er gefin á vörureikningi.

Að öðru leyti vísast til bæklinga um tollskýrslugerð vegna innflutnings og útflutnings.

Nánari upplýsingar

Í VEF-tollskránni á vef Tollstjóra er unnt að sjá hvort YO tegund tolls, tollfríðindameðferð skv. fríverslunarsamningnum, er valkostur á tollskrárnúmeri.

Upplýsingar um tollamál og tollafgreiðslu: Þjónustuver tollasviðs Tollstjóra, sími 560 0315
 
Upplýsingar um tæknilega framkvæmd í tölvukerfum og tengd atriði:
Upplýsingatæknideild, rekstrar- og upplýsingatæknisviðs Tollstjóra, ttu[hja]tollur.is eða þjónustuvakt, sími: 560 0505

Tollmiðlaranámskeið Tollskóla ríkisins hefst 12. janúar 2015. Námskeiðið er 100 kennslustundir og stendur frá 12. janúar - 6. febrúar.

Á námskeiðinu er farið yfir lög og reglur sem gilda um tollmeðferð vöru, þar á meðal:

• tollflokkun,

• tollskýrslugerð,

• meðferð ótollafgreiddrar vöru,

• ábyrgð á greiðslu aðflutningsgjalda og upplýsingum sem veittar eru tollyfirvöldum,

• reglur um greiðslufrest aðflutningsgjalda.

Athygli er vakin á því að starfsmönnum tollmiðlara sem annast gerð tollskýrslna og samskipti við tollyfirvöld vegna þeirra ber skylda til að sækja námskeiðið.

Nánari upplýsingar:

Dagsetning:

Tími: kl. 13.00 - 16:00 dagana 12. Janúar - 6. febrúar 2015, auk þess  kl. 8.30 - 12.20 dagana 14.; 16.; 19.; 21. og 23. janúar.

Lengd: 100 kennslustundir

Kostnaður: 135.000 kr.

Skráningarfrestur er til 6. janúar 2015

Skráning sendist á netfangið: jenny.steinarsdottir@tollur.is

Nánari upplýsingar veitir Gunnlaug Hartmannsdóttir starfsþróunarstjóri í síma 5600-551 / 8422551, netfang: gunnlaug.hartmannsdottir[hja]tollur.is

Tollstjóri hefur haldlagt fimmtíu leysibenda það sem af er þessu ári.  Þeir hafa komið hingað til lands í farangri eða misstórum sendingum. Í þeirri stærstu voru 36 stykki.

Tollstjóri minnir á að notkun ólöglegra leysibenda getur reynst stórhættuleg. Í því sambandi má minna á alvarlegan augnskaða sem 13 ára drengur hlaut af völdum leysibendis hér á landi. Þá hefur ítrekað skapast hætta þegar leysibendum hefur verið beint að farartækjum í lofti og á láði, jafnvel að flugvélum í aðflugi. Öflugir bendar  geta bæði valdið skaða á húð og augum og jafnvel íkveikju, að því er fram kemur á heimasíðu Geislavarna ríkisins.*

Jafnframt er minnt á að innflutningur öflugra leysibenda er tilkynningarskyldur og að notkun þeirra er óheimil. Leysibendar teljast öflugir ef þeir eru sterkari en 1 mW.  Geislavarnir ríkisins veita ekki leyfi til notkunar öflugra leysibenda nema ríkar ástæður séu til.

Leysibendar:

Tollstjóri haldlagði nýverið mikið magn af sterum og lyfjum sem bárust hingað til lands með póstsendingu. Um var að ræða tæp þrjú kíló af sterum í duft- og gelformi og rúmlega fimm kíló af lyfjum, einnig í duftformi, sem reyndust vera tvær tegundir af staðdeyfilyfjum.

Sendingin barst frá Hong Kong og hafði lyfjunum og sterunum verið komið fyrir í pakkningum utan af matvælum. Málið var kært til lögreglunnar á höfuðborgarsvæðinu sem fer með rannsókn þess.

Steraduft:

Þann 1. júlí sl. tók fríverslunarsamningur EFTA við aðildarríki Samstarfsráðs Arabaríkjanna við Persaflóa (GCC) gildi. GCC samanstendur af Sádi-Arabíu, Sameinuðu Arabísku furstadæmunum, Barein, Óman, Katar og Kúveit. Samningurinn kveður á um lækkun eða niðurfellingu tolla á iðnaðarvörur, sjávarafurðir og unnar landbúnaðarvörur. Að auki gerðu Ísland og aðildarríki GCC með sér tvíhliða samning um viðskipti með óunnar landbúnaðarvörur.

Aðildarríki GCC hafa nýverið upplýst EFTA-ríkin um að dráttur hafi orðið á framkvæmd samningsins í aðildarríkjum þess og muni áfram verða. Inn- og útflytjendum sem hyggjast nýta samninginn er bent á að hafa samband við embætti Tollstjóra.

Sá nánar í frétt á vef Utanríkisráðuneytisins.

Breytingar og uppfærsla tollskrárlykla og tollskýrslugerðarhugbúnaðar vegna eftirfarandi:

1. Gildistaka fríverslunarsamnings EFTA og Kólumbíu 15. nóvember 2014 (gildir afturvirkt frá 1. október 2014. Ný tegund tolls, YD lykill, og landlykill er CO.
2. Gildistaka fríverslunarsamnings EFTA og Kostaríka og Panama 5. september 2014. Ný tegund tolls er YM lykill fyrir Panama, landlykill er PA. Ný tegund tolls er YN fyrir Kostaríka, landlykill er CR.
3. Gildistaka fríverslunarsamnings EFTA og aðildarríkja Samstarfsráðs Arabaríkjanna við Persaflóa 23. júlí 2014 (gildir afturvirkt frá 1. júlí 2014). Ný tegund tolls er YF, og landalyklar eru AE, BH, KW, OM, QA og SA.
4. Breytingar sem varða fríverslunarsamning milli Íslands og Kína, YL tegund tolls og landlykill CN, en þessi samningur tók gildi 1. júlí 2014. Varðar það þegar bæði kínversk og EES upprunavara, eins og upprunavara er skilgreind í viðkomandi fríverslunarsamningum, er í vörusendingu. Upphaflega var ekki gert ráð fyrir að bæði kínversk og EES upprunavara gæti verið til staðar í sömu vörusendingu, þ.e. að bæði FKI upprunasönnun og EUR upprunasönnun fylgdi og væri framvísað með vörum í sömu vörusendingu. Af þessum ástæðum mætti ekki bæði vísa til FKI og EUR upprunasönnunar í reit 14 (leyfi/vottorð) í aðflutningsskýrslu. Komið hefur í ljós að kínversk upprunavara, skv. fríverslunarsamningi Íslands og Kína, getur verið flutt beinum flutningi til Íslands frá Kína með þeim hætti t.d. að varan er sett í gáma á geymslusvæðum fyrir ótollafgreidda vöru erlendis og getur þar myndað vörusendingu ásamt EES upprunavörum. Vörusendingin er síðan send til Íslands. FKI lykill upprunasönnunar og EUR lykill upprunasönnunar getur því komið til í sömu vörusendingu, sömu aðflutningsskýrslu, við innflutning þeirrar vörusendingar enda séu þá ákvæði í lið 1.2.4 ,flutningsreglur, í þessari tilkynningu um Kína Ísland fríverslunarsamninginn uppfyllt og ennfremur verða að fylgja vörusendingu fullgildar FKI og EUR upprunasannanir. Villuprófun skal vera til staðar í tollskýrslugerðarhugbúnaði þannig að minnt sé á að uppfylla verði ákvæði um beinan flutning á kínverskum upprunavörum frá Kína til Íslands ef bæði FKI og EUR lykill eru skráðir í reit 14 í sömu aðflutningsskýrslunni og að fullgildar FKI og EUR upprunasannanir fylgi vörusendingunni. Hafa verður í huga að algengt er að vara sem framleidd er í Kína hafi verið flutt inn og tollafgreidd inn í land utan Íslands og er síðan seld þaðan og flutt inn til Íslands, en nýtur þá ekki tollfríðinda skv. Kína Ísland fríverslunarsamningnum.

Nánari upplýsingar er að finna á vefsíðu tollskrárlykla. Þar er ennfremur nýjasta útgáfa tollskrárlykla til að nota í tollskýrslugerðarhugbúnaði.

Þessu er komið á framfæri, þar sem upp hafa komið nokkur mál þar sem vörusendingar, sem pantaðar hafa verið í gegnum kínverska netverslun  hafa verið sendar frá öðrum löndum, t.d. Hollandi, Sviss, Singapore, án þess að fram hafi komið að upphaflega voru þær fluttar frá Kína og hafi verið undir tolleftirliti við umflutningi um önnur lönd. Í þessum tilvikum hefur fríðindameðferð verið hafnað hafi innflytjandi/móttakandi ekki getað fært sönnur á að sendingin hafi lagt upp frá Kína og að umflutningurinn þaðan hafi uppfyllt áðurnefnd ákvæði, enda skilyrði ofangreinds samnings þá ekki talin uppfyllt.

Við viljum benda þeim aðilum sem panta slíkar sendingar frá Kína og fá þær sendar frá öðru landi að hafa samband við seljenda og/eða flutningsaðila og óska eftir að fá upplýsingar um heildarflutning vörunnar frá Kína. Dæmi eru um að hægt sé að nálgast slíkar upplýsingar í gegnum ferilkerfi flutningsaðila á netinu með því að slá inn viðtökunúmeri sendingar í viðkomandi „tracking" kerfi.

Túlkun á orðalagi Kínasamningsins leiddi fyrr á árinu til þeirrar niðurstöðu Tollstjóra að vara yrði að hafa verið flutt frá Kína eftir gildistöku samningsins.  Ástæða þessarar túlkunar var sú að leggja þarf fram gilt upprunavottorð samkvæmt viðkomandi fríverslunarsamningi til að vara fái notið fríðindameðferðar en samkvæmt samningnum verða upprunavottorð aðeins gefin út fyrir eða við útflutninginn.  Möguleiki er að fá upprunavottorð útgefin eftirá ef gild ástæða er fyrir hendi en ekki var litið á það sem gilda ástæðu að samningurinn hafi ekki verið genginn í gildi við útflutninginn. 

Þessi ákvörðun hefur nú verið endurskoðuð með vísan í óskir og væntingar inn- og útflytjanda um að getað notið fríðinda í vöruviðskiptum á grundvelli fríverslunarsamningsins á milli Íslands og Kína þegar frá gildistöku samningsins sem gekk í gildi þann 1.júlí 2014. 

Að öllum formskilyrðum uppfylltum munu Íslensk tollyfirvöld taka gild upprunavottorð útgefin afturvirkt eða "ISSUED RETROSPECITIVELY" (skv. 5.mgr. 36.gr. samningsins) þó að vörusendingar hafi verið sendar frá Kína fyrir gildistökuna. Af þessu leiðir að innflytjendur sem tollafgreiddu upprunasendingar frá Kína eftir gildistöku Kínasamningsins, 1.júlí s.l., án þess að leggja fram gilda upprunasönnun, geta lagt fram beiðni um leiðréttingu (afgreiðslu 2) að því gefnu að þeir leggi fram gilt upprunavottorð samkvæmt samningnum, útgefið afturvirkt, frá þar tilbærum kínverskum yfirvöldum. Á sama hátt geta íslenskir útflytjendur sem sendu út upprunasendingar til Kína fyrir 1.júlí, tollafgreiddar í Kína eftir 1.júlí, óskað eftir útgáfu upprunavottorðs útgefnu afturvirkt hjá embætti Tollstjóra og látið reyna á endurupptöku í Kína.

Tollstjóri haldlagði samtals 154 vopn fyrstu níu mánuði ársins 2014. Í flestum tilvikum var um að ræða eggvopn,  sem voru 62 talsins. Haldlagðar byssur, þar af  tæplega 40  loftbyssur, voru 44, hand-eða fótjárn  25 talsins og önnur vopn 19. Þá voru þrjár rafbyssur (taser) haldlagðar, eitt stykki varnarúði og 276  grömm af sprengipúðri.

Sjá: Vopnalög

Hluti þeirra vopna sem haldlögð hafa verið á árinu:

Þessir munir sýndust við fyrstu sýn vera vasaljós. En þegar betur var að gáð voru þetta einnig rafbyssur:

Þann 1. október 2014 tók gildi fríverslunarsamningur EFTA við Kólumbíu og tvíhliða samningur Íslands og Kólumbíu um viðskipti með landbúnaðarvörur.

Með ályktun alþingis frá 14. maí 2014 var ríkisstjórninni veitt heimild til þess að fullgilda fyrir Íslands hönd fríverslunarsamning milli aðildarríkja Fríverslunarsamtaka Evrópu (Íslands, Liechtenstein, Noregs og Sviss) annars vegar og Lýðveldisins Kólumbíu hins vegar og landbúnaðarsamning milli Íslands og Lýðveldisins Kólumbíu. Samningur þessi hefur nú verið fullgiltur af samningsaðilum.

Samningaviðræður EFTA-ríkjanna við Kólumbíu tóku um eitt ár og var lokið í júní 2008.

Samningurinn inniheldur, auk ákvæða um vöruviðskipti, ákvæði um þjónustuviðskipti, fjárfestingar, hugverkaréttindi, opinber innkaup, samkeppnismál, stofnanaákvæði og ákvæði um lausn deilumála.

Samningurinn kveður á um lækkun eða niðurfellingu tolla á iðnaðarvörur, sjávarafurðir og fyrir ákveðnar óunnar- og unnar landbúnaðarvörur. Þannig munu tollar á sjávarafurðir og allar helstu iðnaðarvörur frá Íslandi falla niður frá gildistöku samningsins eða að loknu allt að tíu ára aðlögunartímabili.

Viðskipti með óunnar landbúnaðarvörur falla undir landbúnaðarsamninginn og kveður hann á um að tollar á tilteknar landbúnaðarvörur verði lækkaðir eða felldir niður. Mun Kólumbía t.d. fella niður tolla á lifandi hross og ákveðnar tegundir íslensks lambakjöts og mun Ísland t.d. fella niður tolla á ýmsar tegundir grænmetis, pottablóma og ákveðinna tegunda afskorinna blóma. Landbúnaðarsamningurinn öðlast gildi sama dag og fríverslunarsamningurinn.

Samningana við Kólumbíu í íslenskri þýðingu má finna hér á vef Alþingis (pdf). Einnig má finna ítarlegar upplýsingar um samninginn á vef EFTA.

Ný tegund tolls - tollskýrslugerðarhugbúnaður og nýir tollskárlyklar vegna innfluttra vara

Vegna fríverslunarsamningsins öðlaðist ný tegund tolls gildi þann 1. október 2014. Lykill fyrir tegund tollsins er YD.

Landlykill fyrir upprunavöru sem fríverslunarsamningurinn nær til:

• CO Kólumbía

Tollskýrslugerðarhugbúnaður: Stofna þarf nýja tegund tolls, YD kóda fyrir Kólumbíu, í töflu tegunda tolla og landakódi á YD tolli skal vera: CO.

Útfylling aðflutningsskýrslu/útflutningsskýrslu
Þegar óskað er eftir fríðindameðferð við innflutning samkvæmt nefndum samningi skal færa lykilinn YD fremst í reit 33 við gerð aðflutningsskýrslu (E-1) eða vegna SMT- eða VEF-tollafgreiðslu. Í reit 8 og 34 skal tilgreina landalykil viðkomandi ríkis, CO fyrir Kólumbíu. Í reit 14 skal tilgreina skammstöfunina EUR og númer EUR. 1 flutningsskírteinis (t.d. EUR 1234567) eða textann "EUR YFIRLÝS" ef upprunayfirlýsing er á vörureikningi.

Ný útgáfa af tollskrárlyklum vegna innflutnings, þar sem YD tegund tolls hefur verið skráð á öll viðkomandi tollskrárnúmer vegna innflutnings, er nú aðgengileg á vefsíðu tollskrárlykla á vef Tollstjóra. Nýja útgáfan gildir afturvirkt frá 1. október 2014.

Þegar óskað er eftir  fríðindameðferð við útflutning samkvæmt nefndum samningum skal færa lykilinn EX í reit 1 (markaðssvæði) við gerð útflutningsskýrslu (E2) eða vegna SMT- eða VEF-tollafgreiðslu. Í reit 17, ákvörðunarland, skal tilgreina landalykil viðkomandi ríkis. Ákvörðunarland er endastöð vöruflutninganna. Í reit 34a, upprunaland, skal skrá IS, ef íslensk upprunavara, en landalykil Kólumbíu (CO) ef þarlend upprunavara, áður flutt beinum flutningi til Íslands, er að fara aftur til Kólumbíu. Færa skal í reit 44 þriggja bókstafa skammstöfun fyrir skírteinið EUR, bókstafinn A og númer þess þar fyrir aftan (dæmi: EURA123456) en orðið: YFIRLÝSING ef upprunayfirlýsing er gefin á vörureikningi.

Að öðru leyti vísast til bæklinga um tollskýrslugerð vegna innflutnings og útflutnings.

Nánari upplýsingar

Í VEF-tollskránni á vef Tollstjóra er unnt að sjá hvort YD tegund tolls, tollfríðindameðferð skv. fríverslunarsamningnum, er valkostur á tollskrárnúmeri.

Upplýsingar um tollamál og tollafgreiðslu: Þjónustuver tollasviðs Tollstjóra, sími 560 0315
 
Upplýsingar um tæknilega framkvæmd í tölvukerfum og tengd atriði:
Upplýsingatæknideild, rekstrar- og upplýsingatæknisviðs Tollstjóra, ttu[hja]tollur.is eða þjónustuvakt, sími: 560 0505

Rúmlega 50 stykkjum af húsgögnum var fargað fyrr í vikunni, undir eftirliti embættis Tollstjóra, þar sem þau reyndust vera eftirlíkingar af hönnunarfyrirmyndum. Um var að ræða eftirlíkingar af stólunum Egginu, Svaninum og Corona,  og svo Arco lampanum. Einnig  voru í umræddri sendingu eftirlíkingar af Cassina LC stólnum, sófum og borði.

Húsgögnin komu hingað til lands í tveimur gámum frá Kína sumarið 2011.  Tollstjóri frestaði afgreiðslu varanna þar sem talið var að um eftirlíkingar af frumhönnun velþekktra erlendra hönnuða væri að ræða. Erlendir rétthafar stefndu innflytjandanum síðan fyrir Héraðsdóm Reykjavíkur sem kvað upp þann dóm fyrr á árinu 2014  að húsgögnin, sem voru í vörslu Tollstjóra  skyldu afhent rétthöfum til eyðingar og þeim eytt undir eftirliti embættis Tollstjóra. Innflytjandinn var dæmdur til  að greiða 1.5 milljónir í  málskostnað.

Frá eyðingu húsgagnanna:

Tollverðir stöðvuðu nýverið erlendan ferðamann í Flugstöð Leifs Eiríkssonar vegna gruns um að hann hefði eitthvað óhreint í pokahorninu. Svo reyndist vera því í farangri hans fannst búnaður til að afrita upplýsingar af greiðslukortum við notkun þeirra í hraðbönkum. Tollstjóri haldlagði búnaðinn.

Maðurinn, sem er búlgarskur ríkisborgari, var að koma frá Finnlandi þegar hann var  stöðvaður. Lögreglan á Suðurnesjum fór með rannsókn málsins og var manninum frávísað.

Þetta er í annað sinn á skömmum tíma sem tollverðir finna slíkan búnað í fórum ferðamanns. Í fyrra skiptið var einnig um búlgarskan ríkisborgara að ræða og hlaut mál hans sömu afgreiðslu og hins sem síðar kom. 

Búnaðurinn sem haldlagður var:

Tollverðir á Seyðisfirði haldlögðu nýverið búnað, sem notaður er til að opna lása. Búnaðurinn fannst við leit í bifreið, sem kom til landsins með Norrænu á vegum þriggja manna, sem sjálfir komu með flugi til landsins. Var hann haldlagður á  grundvelli 161. gr. tollalaga, sbr. 68. gr. laga um meðferð sakamála.

Þremenningarnir, sem allir eru af erlendu bergi brotnir kváðust  ætla að dvelja hér í mánuð. En eftir að búnaðurinn hafði verið haldlagður breyttu þeir  áformum sínum skyndilega og hröðuðu för sinni úr landi með bílinn. Búnaðurinn samanstóð af fjórum litlum kössum með opnunarlyklum og örfínum sexkanti auk fleiri muna, sem taldir eru tengjast lásaopnun.  Að auki var fjaðurhnífur haldlagður.

Tollverðir spurðu mennina um fyrirhugaða notkun á þessum búnaði áður en hinir síðarnefndu yfirgáfu landið. Skýringar þær sem aðilar þessir gáfu tollvörðum voru metnar ótrúverðugar og er það mat Tollstjóra að líkur séu á því að búnaðinn hafi átt að nota í óheiðarlegum tilgangi og aðgerðir tollgæslunnar hafi komið í veg fyrir þau áform.

Hluti búnaðarins sem mennirnir höfðu meðferðis:

Tollverðir stöðvuðu nýverið erlendan karlmann sem var að koma til landsins og fundu þeir í farangri hans búnað til afritunar á greiðslukortum við notkun þeirra í hraðbönkum. Maðurinn, sem er búlgarskur ríkisborgari, fæddur 1983, var að koma með flugi frá Helsinki, þegar hann var stöðvaður í Flugstöð Leifs Eiríkssonar.  Honum var ekki hleypt inn í landið eftir að tollverðirnir höfðu fundið búnaðinn.

Lögreglan á Suðurnesjum fór með rannsókn málsins og játaði maðurinn  sök. Honum var síðan frávísað og er hann nú farinn af landi brott.

Búnaðurinn sem haldlagður var:

Vegna mikils álags á þjónustuver innheimtusviðs er svörun fyrirspurna á eftir áætlun. Öllum fyrirspurnum verður svarað, en viðskiptavinir eru vinsamlega beðnir að sýna skilning á lengri biðtíma en venjulega. Vinsamlega sendið ekki sömu fyrirspurnina mörgum sinnum.

Við bendum á að viðskiptavinir Tollstjóra geta séð skuldastöðu sína á þjónustusíðu ríkisskattstjóra www.skattur.is með því að nota rafrænt skilríki eða kennitölu og veflykil til innskráningar (sama veflykil og notaður er þegar skattframtali er skilað).

Þeim sem vilja greiða er bent á upplýsingar um bankareikninga á síðunni: Uppgjör skatta og gjalda.

Vinsamlegast athugið að það verður ekki farið í frekari innheimtuaðgerðir hjá þeim aðilum sem eru með greiðsluáætlanir í gildi þrátt fyrir að þeim hafi borist innheimtubréf.

Hann hafði ekki erindi sem erfiði erlendi ferðamaðurinn sem ætlaði nýverið að koma með fíkniefni inn í landið í gegnum Flugstöð Leifs Eiríkssonar.  Efnin hafði hann falið í gúmmíhanska í farangri sínum. Tollverðir stöðvuðu hann í grænu hliði og fundu efnin við hefðbundna leit.

Maðurinn, sem fæddur er 1985, var að koma frá Berlín, þegar för hans var  stöðvuð.

Tollstjóri minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Tollstjóri vill af gefnu tilefni minna á að rafmagnstæki sem keypt eru erlendis eða pöntuð á netinu þurfa að bera CE merkingu til að flytja megi þau til landsins samkvæmt gildandi tilskipunum á Evrópska efnahagssvæðinu. (EES) Lausleg samantekt sýnir að stöðva þurfti innflutning á milli 70 og 80 sendinga frá Kína á tveggja mánaða tímabili í sumar vegna þess að CE merkingar vantaði. Einkum var um að ræða síma og spjaldtölvur.

Á Íslandi gilda sömu reglur um CE-merkingar og í öðrum EES-ríkjum þar sem landið er aðili að EES-samningnum.

Vöruflokkar sem heyra undir umræddar tilskipanir EES, auk rafmagnstækja, eru til dæmis leikföng, vélar, persónuhlífar og notendabúnaður fjarskiptakerfa og síma

CE-merking er skilyrði fyrir markaðssetningu tiltekinna vara á Evrópska efnahagssvæðinu. Merkið er auðkennismerking sem gefur til kynna að framleiðandi, innflytjandi eða dreifingaraðili vöru ábyrgist að hún uppfylli þær grunnkröfur um öryggi og almennt heilbrigði sem tilskipanir Evrópusambandsins kveða á um.

Nánari upplýsingar um CE-merkingar er að finna á þessum vefslóðum:

• Evrópuvefurinn - Hvað táknar CE-merking á vörum
• Mannvirkjastofnun - CE-merkingin
• Neytendastofa - CE-merkið - þinn markaður í Evrópu!
• Póst og fjarskiptastofnun - CE merkingar - Kaup á tækjum

Þann 5. september 2014 tók gildi fríverslunarsamningur EFTA við Mið-Ameríkuríkin Kostaríka og Panama.

Með ályktun alþingis frá 14. maí 2014 var ríkisstjórninni veitt heimild til þess að fullgilda fyrir Íslands hönd fríverslunarsamning milli aðildarríkja Fríverslunarsamtaka Evrópu (Íslands, Liechtenstein, Noregs og Sviss) annars vegar og Mið-Ameríkuríkjanna Kostaríka og Panama hins vegar. Samningur þessi hefur nú verið fullgiltur af samningsaðilum.

Samningaviðræður EFTA-ríkjanna við Mið-Ameríkuríkin tóku rúmt ár, en í upphafi tóku Gvatemala og Hondúras einnig þátt í viðræðunum. Samningunum við Kostaríka og Panama lauk með undirskrift í júní 2013. Samningaviðræður við Gvatemala og Hondúras hafa verið í bið en viðræðum við Gvatemala verður fram haldið á næstunni.

Samningurinn inniheldur, auk ákvæða um viðskipti með fisk og aðra iðnaðarvöru, viðskipti með unnar- og óunnar landbúnaðarvörur, ákvæði um þjónustuviðskipti, fjárfestingar, hugverkaréttindi, opinber innkaup, samkeppnismál, viðskipti og sjálfbæra þróun, samvinnu, stofnanaákvæði, ákvæði um lausn deilumála og aðildarákvæði.

Samningurinn kveður á um lækkun eða niðurfellingu tolla á iðnaðarvörur, sjávarafurðir og fyrir ákveðnar óunnar- og unnar landbúnaðarvörur. Þannig munu tollar á sjávarafurðir og allar helstu iðnaðarvörur frá Íslandi falla niður frá gildistöku samningsins eða að loknu fimm til fimmtán ára aðlögunartímabili (sjá viðauka IV fyrir Kostaríka og viðauka V fyrir Panama).

Uppbygging samningsins hvað vörusviðið varðar er að nokkru leiti ólík öðrum samningum EFTA. Í stað eins kafla um viðskipti með iðnaðarvörur, sjávarfang og unnar landbúnaðarvörur ásamt sérstaks tvíhliða samnings um óunnar lendbúnaðarvörur, er vörusviðinu nú skipt upp í tvö kafla sem dekka allt vörusviðið undir einum samningi. Í þessu nýja módeli er annarsvegar kafli sem fjallar um viðskipti með sjávarfang og aðra iðnaðarvöru og hinsvegar kafli sem fjallar um viðskipti með allar landbúnaðarvörur. Þannig eru viðskipti með óunnar landbúnaðarvörur nú hluti heildar samningsins. Þetta er því fyrsti samningur EFTA þar sem sérstakur tvíhliða landbúnaðarsamningur um óunnar landbúnaðarvörur fylgir ekki samningnum.

Kaflinn um landbúnaðarhlutann kveður á um að tollar á tilteknar landbúnaðarvörur verði lækkaðir eða felldir niður. Um tollaívilnanir fyrir landbúnaðarvörur er fjallað í tvíhliða viðaukum við kaflann um landbúnaðarvörur, á milli Íslands og Kostaríka annarsvegar (sjá viðauka IX) og Íslands og Panama hinsvegar (sjá viðauka XII). Munu Mið-Ameríkuríkin t.d. bæði fella niður tolla á lifandi hross og íslenskt lambakjöt og mun Ísland meðal annars fella niður tolla á ýmsar matjurtir og ávexti, kaffi, kakó og ávaxtasafa.

Samningana við Mið-Ameríkuríkin Kostaríka og Panama og ítarlegar upplýsingar um þá er að finna hér.

Ný tegund tolls - tollskýrslugerðarhugbúnaður og nýir tollskárlyklar vegna innfluttra vara

Vegna fríverslunarsamningsins öðlaðist ný tegund tolls gildi þann 5. september 2014. Lykill fyrir tegund tollsins er YN fyrir Kostaríka og YM fyrir Panama.

Landalyklar fyrir upprunalöndin sem fríverslunarsamningurinn nær til:

• CR Kostaríka
• PA Panama

Tollskýrslugerðarhugbúnaður: Stofna þarf nýja tegund tolls, YN kóda fyrir Kostaríka og YM kóda fyrir Panama, í töflu tegunda tolla og landakódar á YN og YM tolli skulu vera: CR og PA.

Útfylling aðflutningsskýrslu/útflutningsskýrslu
Þegar óskað er eftir fríðindameðferð við innflutning samkvæmt nefndum samningum skal færa lykilinn YN eða YM fremst í reit 33 við gerð aðflutningsskýrslu (E-1) eða vegna SMT- eða VEF-tollafgreiðslu. Í reit 8 og 34 skal tilgreina landalykilinn viðkomandi ríkis, t.d. CR(Kostaríka). Í reit 14 skal tilgreina skammstöfunina EUR og númer EUR. 1 flutningsskírteinis (t.d. EUR 1234567) eða textann "EUR YFIRLÝS" ef upprunayfirlýsing er á vörureikningi.

Ný útgáfa af tollskrárlyklum vegna innflutnings, þar sem YN og YM tegund tolls hefur verið skráð á öll viðkomandi tollskrárnúmer vegna innflutnings, er nú aðgengileg á vefsíðu tollskrárlykla  á vef Tollstjóra. Nýja útgáfan gildir afturvirkt frá 5. september 2014.

Þegar óskað er eftir  fríðindameðferð við útflutning samkvæmt nefndum samningum skal færa lykilinn EX í reit 1 (markaðssvæði) við gerð útflutningsskýrslu (E2) eða vegna SMT- eða VEF-tollafgreiðslu. Í reit 17, ákvörðunarland, skal tilgreina landalykil viðkomandi ríkis. Ákvörðunarland er endastöð vöruflutninganna. Í reit 34a, upprunaland, skal skrá IS, ef íslensk upprunavara, en landalykil viðkomandi aðildarríkis Mið-Ameríku (CR eða PA) ef þarlend upprunavara, áður flutt beinum flutningi til Íslands, er að fara aftur til aðildarríkis Mið-Ameríku. Færa skal í reit 44 þriggja bókstafa skammstöfun fyrir skírteinið EUR, bókstafinn A og númer þess þar fyrir aftan (dæmi: EURA123456) en orðið: YFIRLÝSING ef upprunayfirlýsing er gefin á vörureikningi.

Að öðru leyti vísast til leiðbeininga um tollskýrslugerð vegna innflutnings og útflutnings.

Nánari upplýsingar

Í VEF-tollskránni á vef Tollstjóra er unnt að sjá hvort YM eða YN tegund tolls, tollfríðindameðferð skv. fríverslunarsamningnum, er valkostur á tollskrárnúmeri.

Upplýsingar um tollamál og tollafgreiðslu: Þjónustuver tollasviðs Tollstjóra, sími 560 0315
 
Upplýsingar um tæknilega framkvæmd í tölvukerfum og tengd atriði:
Upplýsingatæknideild, rekstrar- og upplýsingatæknisviðs Tollstjóra, ttu[hja]tollur.is eða þjónustuvakt, sími: 560 0505

Kínversk stjórnvöld hafa tilkynnt, í samræmi við 34. gr. fríverslunarsamnings Íslands og Kína, að China Council for the Promotion of International Trade (CCPIT) hafi heimild til að gefa út upprunavottorð. Upprunavottorðin skulu vera í samræmi við fyrirmynd skjalsins sem finna má í viðauka V við samninginn.

Þeir sem hafa undir höndum upprunaskírteini frá CCPIT sem er í samræmi við viðauka V við samninginn geta skilað inn leiðréttri skýrslu og fengið álögð aðflutningsgjöld endurreiknuð.

Erlendir ferðamenn hafa sumir hverjir sérkennilega ferðafélaga með sér þegar þeir koma til landsins með Norrænu. Sú reyndist raunin með einn þeirra, sem nýverið kom hingað til lands til að ferðast um á húsbíl sínum. Meðferðis hafði hann þrjá stóra Madagaskar-kakkalakka í plastíláti.

Þegar tollverðir ræddu málið við hann kvað hann kakkalakkana vera gæludýr, sem unnusta sín hefði endilega viljað að hann tæki með sér svo honum leiddist ekki dvölin á Íslandi. Honum var gerð grein fyrir því að innflutningur lifandi dýra væri bannaður samkvæmt lögum. Hann tók því með skilningi og hélt leiðar sinnar, en kakkalakkarnir urðu af ferðalaginu.

Kakkalakkarnir þrír sem um ræðir:

Námskeið í tollskýrslugerð vegna innflutnings verður haldið í Tollskóla ríkisins dagana 13.  - 17. október 2014. Þátttakendur fá þjálfun í gerð tollskýrslu og öðlast grunnskilning á helstu reglum er varða innflutning. Farið verður yfir helstu fylgiskjöl og útreikninga, uppbyggingu tollakerfis, upprunavottorð, reglur o.fl.  Kennsla fer fram á Tryggvagötu 19 kl. 8.30 - 12.20

Nánari upplýsingar:

Dagsetning:    13. - 17. október

Tími:               kl. 8.30 - 12.20

Staður:            Tryggvagata 19.

Kostnaður:      30.000 kr.

Skráningarfrestur er til 8. október 2014

Skráning sendist á netfangið: asta.ornudottir[hja]tollur.is

Nánari upplýsingar veitir Gunnlaug Hartmannsdóttir starfsþróunarstjóri í síma 5600-551 / 8422551, netfang: gunnlaug.hartmannsdottir[hja]tollur.is

Vegna nauðsynlegs viðhalds verður tollakerfi Tollstjóra lokað sunnudaginn 7. september frá klukkan 17:00 til klukkan 22:00.

Lokunin hefur áhrif á fjölmörg tölvukerfi hjá Tollstjóra m.a. veftollskrá, reiknivél og tollgengi á vef embættisins, Tollalínu, VEF-tollafgreiðslu, VEF-farmskrárskil og SMT tollafgreiðslu.

Viðskiptavinir eru beðnir velvirðingar á þeim óþægindum sem þetta kann að valda.

Stór hluti þeirra LSD-skammta sem tollverðir hafa lagt hald á það sem af er árinu og greint var frá í fréttum í gær, eru svokallaðar LSD - afleiður. Það þýðir að skammtarnir innihalda að mestu sama virka efnið og er að finna í LSD og veldur ofskynjunum. Öll hafa þessi efni sama útlit, þ.e. þeim er komið fyrir í litskrúðugum spjöldum.

Í frétt frá Tollstjóra varðandi haldlagningu á LSD þar sem af er ári, fórst fyrir að taka þetta fram. Það breytir því hins vegar ekki að haldlagning á LSD - skyldum efnum hefur stóraukist frá fyrri árum.

Tollverðir hafa haldlagt 7996 skammta af LSD það sem af er þessu ári. Er það mun meira magn heldur en haldlagt hefur verið undanfarin ár, eins og sjá má á eftirfarandi  samanburði:

Haldi þessi þróun áfram er það mikið áhyggjuefni, því um er að ræða ofskynjunarefni og geta sál- og geðrænar afleiðingar verið skelfilegar.

LSD-skammtarnir hafa borist til landsins með póstsendingum. Auk þeirra hafa tollverðir haldlagt 49 grömm af LSD-dufti það sem af er árinu.

Einnig hafa verið haldlögð, en í mun minna magni, e-duft, og -töflur, hass, maríjúana, metamfetamín, kannabisfræ, amfetamín og kókaín. Jafnframt nokkurt magn stera í föstu og fljótandi formi. 

Málin hafa  verið kærð til lögreglunnar á höfuðborgarsvæðinu jafnóðum og þau hafa komið upp.

Tollstjóri minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann

Varðar innflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.

Almennt gildir að breytingarnar taka til allra vara sem ótollafgreiddar eru 1. september 2014.

Frá og með 1. september 2014 flyst forræði rafmagnsöryggismála frá Brunamálastofnun og Neytendastofu til Mannvirkjastofnunar. Þetta hefur í för með sér eftirfarandi breytingar varðandi gjald af eftirlitsskyldum rafföngum við innflutning gjaldskyldra vara.  Gjöldin hafa verið þessi:
     QA  Gjald af eftirlitsskyldum rafföngum  (0,15%) Neytendastofa 
     QB  Gjald af eftirlitsskyldum rafföngum  (0,15%) Brunamálastofnun

Frá og með 1. september 2014 verða öll tollskrárnúmer, sem áður báru QA gjald, skráð með QB gjald og þannig verða allar gjaldskyldar vörur með QB gjald af eftirlitsskyldum rafföngum:
     QB  Gjald af eftirlitsskyldum rafföngum  (0,15%) Mannvirkjastofnun
Sömu tollskrárnúmer eru gjaldskyld frá og með 1. september 2014 og gjaldskyld voru fyrir þann tíma.

Laga- og reglugerðarbreytingar
Lög nr. 39/2014 um breytingu á ýmsum lagaákvæðum vegna færslu eftirlits með rafföngum til Mannvirkjastofnunar (forræði rafmagnsöryggismála). Reglugerð nr. 785/2014 um breytingu á reglugerð nr. 678/2009 um raforkuvirki, með síðari breytingum. Ennfremur reglugerð nr. 786/2014 um breytingu á reglugerð nr. 397/2012 um rafsegulsamhæfi.

Ábendingar
Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða aðflutningsgjöld og taxta þeirra fyrir og eftir 1. september 2014 með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra.

Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. september 2014, eru aðgengilegir hér á vef Tollstjóra. Aðeins tollskrárlyklar vegna innflutnings taka breytingum.

Nánari upplýsingar
Um tæknilega framkvæmd: Upplýsingatæknideild, Rekstrar- og upplýsingatæknisviði, hjá Tollstjóra: ttu[hja]tollur.is eða þjónustuvakt, sími: 560 0505.
Um tollamál og tollafgreiðslu: Þjónustuver tollasviðs Tollstjóra, sími 560 0315.

Tollverðir haldlögðu 132 karton af sígarettum í tveimur erlendum skipum fyrr í mánuðinum.

Var varningurinn falinn í skipunum og ætlaður til sölu hér á landi.

Við tollafgreiðslu fiskiskipsins NIDA frá Litháen tóku tollverðir eftir ósamræmi í skjölum. Við nánari eftirgrennslan komu í ljós 114 karton af sígarettum sem ætluð voru til sölu hérlendis án greiðslu aðflutningsgjalda og voru þau því haldlögð. Sekt hefur verið greidd fyrir brotið að upphæð 684.000 krónur og varningurinn gerður upptækur til förgunar.

Þá haldlögðu tollverðir 18 karton af sígarettum úr flutningaskipinu Horst B frá st. Johns. Sekt hefur verið greidd fyrir brotið að upphæð 108.000 krónur og varningurinn gerður upptækur til förgunar.

Í báðum tilvikum var varningurinn falinn í skipunum og ekki tilgreindur á tollafgreiðsluskjölum sem lögð höfðu verið fram við afgreiðslu. Málunum telst lokið af hálfu Tollstjóra.

Varningurinn var falinn í skipunum.

Að gefnu tilefni er það áréttað að greiðslur vegna vaxtabóta, barnabóta og ofgreiddrar staðgreiðslu eru greiddar inn á bankareikning 1. ágúst 2014 en EKKI þann 31. júlí 2014.

Álagning þing- og sveitarsjóðsgjalda á einstaklinga vegna tekna á árinu 2013 var birt hjá ríkisskattstjóra 25. júlí 2014. Hér að neðan eru upplýsingar um hvernig hægt er að létta mánaðarlega greiðslubyrði með gerð greiðsluáætlunar hjá innheimtumanni ríkissjóðs.

Inneignir (vaxta- og barnabætur, ofgreidd staðgreiðsla) eru greiddar inn á bankareikninga 1. ágúst 2014.

Lækkun launaafdráttar

Við álagningu þing- og sveitarsjóðsgjalda er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs. Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra (eða þeim innheimtumanni ríkissjóðs sem innheimtir kröfuna) til að lækka launaafdráttinn. Skatturinn er þá greiddur upp á lengri tíma sem hefur í för með sér aukinn vaxtakostnað en lægri mánaðarlega greiðslubyrði. Launaafdrætti er eingöngu beitt vegna þing- og sveitarsjóðsgjalda.

Launþegi þarf að fylgjast með því að tekið sé af launum í samræmi við álagningarseðil ríkisskattstjóra. Ef afdráttur af launum er ekki greiddur til innheimtumanns er sá möguleiki fyrir hendi að koma með launaseðilinn til Tollstjóra/viðeigandi innheimtumanns og sýna fram á greiðslu. Ef ekki er tekið af launum og enginn greiðsluseðill sendur er gjaldendum bent á að hafa samband við Tollstjóra (eða viðeigandi innheimtumann) og fá að millifæra greiðslu. Einnig er hægt að greiða hjá gjaldkera á 5. hæð Tollhússins, Tryggvagötu 19, og sýslumönnum utan Reykjavíkur.

Nánar um lækkun launaafdráttar

Greiðsluerfiðleikar

Ef einstaklingur er ekki í vinnu eða starfar sjálfstætt fær hann sendan greiðsluseðil vegna vangoldinna skatta. Eigi hann í erfiðleikum með að greiða er hægt að láta gera greiðsluáætlun hjá innheimtumanni ríkissjóðs. Þá er greiðslunum dreift yfir lengra tímabil sem hefur í för með sér aukinn vaxtakostnað en léttari mánaðarlega greiðslubyrði.

Áætlanir ríkisskattstjóra

Innheimtuaðgerðir eru þær sömu hvort sem skattur er lagður á samkvæmt framtali eða áætlaður. Ef um áætlun ríkisskattstjóra er að ræða er mikilvægt að skila inn framtölum til að fá álagningu skatta leiðrétta. Hafi það verið gert er hægt að miða innheimtu skatta við bráðabirgðaútreikning, en leggja þarf fram staðfestingu á því að framtali hafi verið skilað. Staðfesting á skilum á framtali getur verið móttökukvittun og bráðabirgðaútreikningur á álagningunni sem hægt er að prenta út þegar framtali er skilað í gegnum þjónustusíðu á vef ríkisskattstjóra. Einnig er hægt að fá staðfest afrit af framtalinu á skattstofunni eða með því að prenta það út af þjónustusíðu ríkisskattstjóra.

Þar sem álagning skatta er aðskilin frá innheimtu þeirra, hafa Tollstjóri og aðrir innheimtumenn ríkissjóðs ekki upplýsingar um skattkærur og fyrirhugaðar leiðréttingar. Það er því áríðandi fyrir skattgreiðanda að láta Tollstjóra/viðeigandi innheimtumann ríkissjóð vita af slíku tilviki og ganga frá greiðsluáætlun. Geri hann það ekki hefjast innheimtuaðgerðir sem hafa í för með sér óafturkræfan kostnað og óþægindi.

Í öllum tilvikum borgar það sig að hafa samband við Tollstjóra/viðeigandi innheimtumann sem fyrst ef upp koma greiðsluerfiðleikar. Með álagningarseðlinum er sendur innheimtuseðill og á honum kemur fram hvaða innheimtumaður ríkissjóðs er með álagninguna til innheimtu.

Skuldajöfnuður

Innheimtumanni ríkissjóðs ber að skuldajafna inneignum við gjaldfallnar kröfur gjaldanda. Vakin er athygli á að skuldajöfnunarheimild á milli samskattaðra maka varðandi þing- og sveitarsjóðsgjöld. Barnabótum er ekki skuldajafnað nema upp í ofgreiddar barnabætur.

Hér má finna nánari upplýsingar um skuldajöfnuð.

Þjónustufulltrúar

Þjónustufulltrúar lögfræðideildar útbúa greiðsluáætlanir um lækkun launafdráttar og frestun innheimtuaðgerða vegna krafna sem Tollstjóri innheimtir. Þeir eru staðsettir á 5. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30. Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími eftir viðtali lengst. Það getur því sparað tíma og fyrirhöfn að ganga frá greiðsluáætlun með tölvupósti.

Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Einnig er hægt að gera greiðsluáætlun með því að koma til þjónustufulltrúa lögfræðideildar á 5. hæð Tollhússins. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími lengst. Það getur því sparað tíma og fyrirhöfn að ganga frá greiðsluáætlun með tölvupósti.

Áætlaðir skattar

• Hafi skattar verið áætlaðir er hægt að láta útbúa greiðsluáætlun um lækkun launaafdráttar með því að koma með eða senda bráðabirgðaútreikning og er þá útbúin greiðsluáætlun í samræmi við hann.
• Bráðabirgðaútreikning færðu á þjónustusíðu ríkisskattstjóra http://www.skattur.is/ eða hjá ríkisskattstjóra á Laugavegi 166.
• Greiðsluáætlunina afhendir þú vinnuveitanda þínum sem á að draga af launum þínum í samræmi við hana. Ef þú óskar þess getum við sent greiðsluáætlunina með tölvupósti beint til vinnuveitanda þíns. Launakerfi ríkissjóðs og Reykjavíkurborgar fá sjálfkrafa upplýsingar um greiðsluáætlunina.
• Lögboðnir dráttarvextir reiknast á gjaldfallna álagningu og eru leiðréttir í samræmi við breytingu ríkisskattstjóra þegar framtalið er tekið til greina.  

Álagðir skattar samkvæmt framtali

• Ef þú vilt greiða álagða skatta samkvæmt framtali á lengri tíma en þeim fimm gjalddögum sem gert er ráð fyrir í lögum um tekjuskatt, er hægt að láta gera greiðsluáætlun sem dreifir greiðslum skattanna yfir lengra tímabil.
• Greiðsluáætlunina afhendir þú vinnuveitanda þínum sem á að draga af launum þínum í samræmi við hana. Ef þú óskar þess getum við sent greiðsluáætlunina með tölvupósti beint til vinnuveitanda þíns. Launakerfi ríkissjóðs og Reykjavíkurborgar fá sjálfkrafa upplýsingar um greiðsluáætlunina.
• Athugið að greiðsluáætlun hefur ekki áhrif á lögboðna gjalddaga og því reiknast dráttarvextir á gjaldfallna álagningu þó að greiðsluáætlun sé gerð.

Hafa þarf hugfast að gerð greiðsluáætlunar kemur ekki í veg fyrir að inneignum verði skuldajafnað upp í þær kröfur sem gjaldfallnar eru.

Þann 1. júlí 2014 tók gildi fríverslunarsamningur EFTA við aðildarríki Samstarfsráðs Arabaríkjanna við Persaflóa (Flóabandalagið eða GCC) og tvíhliða samningur Íslands og Flóabandalagsins um viðskipti með landbúnaðarvörur.

Samstarfsráð Arabaríkjanna við Persaflóa eða GCC samanstendur af Sameinuðu Arabísku furstadæmunum, Konungsríkinu Barein, Konungsríkinu Sádi-Arabíu, Soldánsveldinu Óman, Katar og Kúveit.

Með ályktun alþingis frá 16. maí 2012 var ríkisstjórninni veitt heimild til þess að fullgilda fyrir Íslands hönd fríverslunarsamning milli aðildarríkja Fríverslunarsamtaka Evrópu (Íslands, Liechtenstein, Noregs og Sviss) annars vegar og Flóabandalagsins hins vegar. Samningur þessi hefur nú verið fullgiltur af samningsaðilum.

Samningaviðræður EFTA-ríkjanna við Flóabandalagið tóku tvö ár, en þeim lauk í apríl 2008.

Samningurinn inniheldur, auk ákvæða um vöruviðskipti, ákvæði um þjónustuviðskipti, fjárfestingar, hugverkaréttindi, samkeppnismál, opinber innkaup, stofnanaákvæði og ákvæði um lausn deilumála.

Samningurinn kveður á um lækkun eða niðurfellingu tolla á iðnaðarvörur, sjávarafurðir og unnar landbúnaðarvörur. Þannig munu tollar á sjávarafurðir og allar helstu iðnaðarvörur frá Íslandi falla niður frá gildistöku samningsins eða að loknu fimm ára aðlögunartímabili.

Viðskipti með óunnar landbúnaðarvörur falla undir landbúnaðarsamninginn og kveður hann á um að tollar á tilteknar landbúnaðarvörur verði lækkaðir eða felldir niður. Mun Flóabandalagið t.d. fella niður tolla á lifandi hross og íslenskt lambakjöt og mun Ísland fella niður tolla á ýmsar matjurtir, kaffi, kakó og ávaxtasafa. Landbúnaðarsamningurinn öðlast gildi sama dag og fríverslunarsamningurinn.

Samningana við Flóabandalagið og ítarlegar upplýsingar um þá er að finna hér (pdf).
 

Ný tegund tolls - tollskýrslugerðarhugbúnaður og nýir tollskárlyklar vegna innfluttra vara

Vegna fríverslunarsamningsins öðlaðist ný tegund tolls gildi þann 1. júlí 2014. Lykill fyrir tegund tollsins er YF.

Landalyklar fyrir upprunalöndin sem fríverslunarsamningurinn nær til:

• AE Sameinuðu Arabísku Furstadæmin
• BH Barein (Bahrein)
• KW Kúveit (Kuwait)
• OM Óman
• QA Katar (Qatar)
• SA Sádi Arabía

Tollskýrslugerðarhugbúnaður: Stofna þarf nýja tegund tolls, YF kóda, í töflu tegunda tolla og landakódar á YF tolli skulu vera: AE, BH, KW, OM, QA og SA.

Útfylling aðflutningsskýrslu/útflutningsskýrslu
Þegar óskað er eftir fríðindameðferð við innflutning samkvæmt nefndum samningum skal færa lykilinn YF fremst í reit 33 við gerð aðflutningsskýrslu (E-1) eða vegna SMT- eða VEF-tollafgreiðslu. Í reit 8 og 34 skal tilgreina landalykilinn viðkomandi aðildarríkis GCC, t.d. BH (Barein). Í reit 14 skal tilgreina skammstöfunina EUR og númer EUR. 1 flutningsskírteinis (t.d. EUR 1234567) eða textann "EUR YFIRLÝS" ef upprunayfirlýsing er á vörureikningi.

Ný útgáfa af tollskrárlyklum vegna innflutnings, þar sem YF tegund tolls hefur verið skráð á öll viðkomandi tollskrárnúmer vegna innflutnings, er nú aðgengileg á vefsíðu tollskrárlykla á vef Tollstjóra. Nýja útgáfan gildir afturvirkt frá 1. júlí 2014.

Þegar óskað er eftir  fríðindameðferð við útflutning samkvæmt nefndum samningum skal færa lykilinn EX í reit 1 (markaðssvæði) við gerð útflutningsskýrslu (E2) eða vegna SMT- eða VEF-tollafgreiðslu. Í reit 17, ákvörðunarland, skal tilgreina landalykil viðkomandi aðildarríkis GCC. Ákvörðunarland er endastöð vöruflutninganna. Í reit 34a, upprunaland, skal skrá IS, ef íslensk upprunavara, en landalykil viðkomandi aðildarríkis GCC ef upprunavara, áður flutt beinum flutningi til Íslands, er að fara aftur til aðildarríkis GCC. Færa skal í reit 44 þriggja bókstafa skammstöfun fyrir skírteinið EUR, bókstafinn A og númer þess þar fyrir aftan (dæmi: EURA123456) en orðið: YFIRLÝSING ef upprunayfirlýsing er gefin á vörureikningi.

Að öðru leyti vísast til bæklinga um tollskýrslugerð vegna innflutnings og útflutnings.

Nánari upplýsingar

Í VEF-tollskránni á vef Tollstjóra er unnt að sjá hvort YF tegund tolls, tollfríðindameðferð skv. fríverslunarsamningnum, er valkostur á tollskrárnúmeri.

Upplýsingar um tollamál og tollafgreiðslu: Þjónustuver tollasviðs Tollstjóra, sími 560 0315
 
Upplýsingar um tæknilega framkvæmd í tölvukerfum og tengd atriði:
Upplýsingatæknideild, rekstrar- og upplýsingatæknisviðs Tollstjóra, ttu[hja]tollur.is eða þjónustuvakt, sími: 560 0505

Tollverðir hafa að undanförnu lagt hald á umtalsvert magn muna, þar sem innflutningur á þeim flokkast undir brot á vopnalögum.  Nær þrjátíu mál af þessum toga hafa komið upp á síðustu vikum.

Af þessum málafjölda eru sjö mál þar sem um er að ræða tilraunir til innflutnings á loftbyssum. Þar á meðal eru öflugar loftskammbyssur, sem geta verið stórhættulegar sé þeim beitt. Af öðrum munum sem tollgæsla hefur lagt hald á má nefna kylfur, sveðjur, hnúajárn, fjaðurhnífa,  rafbyssu, (taser),  handjárn og sterka leysibenda. Í mörgum tilvikum hefur, eins og kunnugt er,  skapast stórhætta þegar leysibendum hefur verið beint að fólki og farartækjum.

Tollstjóri kærir mál af þessu tagi til lögreglu.

Sjá nánar í Vopnalögum

Myndirnar sýna haldlögð vopn:

Þann 1. júlí 2014 tók gildi Fríverslunarsamningur Íslands og Alþýðulýðveldisins Kína.

Með ályktun Alþingis frá 29. janúar 2014 var ríkisstjórninni veitt heimild til þess að fullgilda fyrir Íslands hönd fríverslunarsamning milli Íslands og Alþýðulýðveldisins Kína.

Samningur þessi hefur nú verið fullgiltur af samningsaðilum.

Samningaviðræðum Íslands og Alþýðulýðveldisins Kína, sem hófust í apríl 2007, lauk í apríl 2013 með undirritun samningsins í Peking í Kína.

Samningurinn nær fyrst og fremst til vöruviðskipta en samkvæmt honum falla tollar niður á iðnaðarvörum og sjávarafurðum þegar við gildistöku samningsins. Jafnframt munu samningsaðilar lækka eða fella niður tolla af ýmsum unnum landbúnaðarvörum. Tollar af tilteknum afurðum munu lækka skref fyrir skref yfir fyrirfram tilgreindan tíma, gagnvart innflutningi á íslenskum upprunavörum til Kína.

 Kynntu þér ítarlegar upplýsingar um fríverslunarsamning Íslands og Kína

Í tenglinum hér að ofan er að finna leiðbeiningar um útfyllingu aðflutnings- og útflutningsskýrslu og breytingar vegna nýrra lykla í skýrslum, vegna rafrænnar tollafgreiðslu og vegna hugbúnaðar til tollskýrslugerðar.

Tilkynning um fríverslunarsamning við Kína (pdf skjal)

Algengar spurningar um fríverslunarsamning Íslands og Kína og svör við þeim.

Hvað er fríverslunarsamningur?

Vefslóðin http://www.tollur.is/kina vísar beint í umfjöllun um samninginn

Embætti Tollstjóra bar sigur úr býtum í nýafstaðinni ljósmyndakeppni Alþjóðatollasamvinnuráðsins (WCO) og tók Snorri Olsen tollstjóri á móti verðlaunagrip keppninnar um nýliðna helgi.

Alls eru 179 lönd aðilar að WCO og tóku 38 þeirra þátt í keppninni að þessu sinni. Myndefni hverju sinni skal sýna tiltekin störf tollgæslunnar og í ár var það „Samskipti fyrr og nú."

Ljósmyndakeppnin er haldin árlega í tengslum við ráðstefnu þar sem fulltrúar allra landa innan vébanda WCO koma saman. Þetta er í þriðja skipti sem embætti Tollstjóra sendir mynd í keppnina.

Verðlaunamyndin:

Stækka myndina

Eftirfarandi texti fylgdi myndinni í samkeppninni:

Fyrir 50 árum eða svo var aðgangur tollvarðar að upplýsingum að verulegu leiti bundinn við skrifstofuna. Á skrifstofunni voru til staðar handbækur og skrár, allt var skráð á pappír. Viðskiptavinir komu við á skrifstofunni til að afhenda eða sækja pappíra. Önnur samskipti fóru fram í gegnum síma eða talstöðvar.

Í dag er þetta breytt flestar upplýsingar eru vistaðar rafrænt og með nýjustu tækni er mögulegt að veita öruggan aðgang að þeim hvar og hvenær sem er. Eftir sem áður notast tollverðir í störfum sínum við ýmislegt sem ekki getur talist til hátæknibúnaðar eins og til dæmis hunda. 

Ljósmynd: Snorri Olsen Tollstjóri tekur við verðlaunagrip úr hendi Kunio Mikuriya aðalritara WCO

Tollverðir stöðvuðu nýverið póstsendingu, sem innihélt rúmlega hálft kíló af steradufti. Sendingin, sem kom frá Hong Kong var þannig  úr garði gerð að duftinu hafði verið komið fyrir í umbúðum utan af vegglími.

Samkvæmt fyrirliggjandi útreikningum er ljóst að framleiða hefði mátt allt að 125 glös, sem rúma 20 millilítra hvert,  af fljótandi sterum úr þessu duftmagni.

Þess má geta að tollgæslan hefur að undanförnu lagt  hald á umtalsvert magn ólöglegra lyfja, sem annað hvort hafa verið send hingað til lands, eða sem fólk hefur haft í farteskinu við komuna til landsins. Að stórum hluta hefur þar verið um ólögleg stinningarlyf, svo og stera,  að ræða.

Tollstjóri hefur kært málin til viðkomandi lögregluembætta.

Þann 1. júlí 2014 tekur gildi Fríverslunarsamningur Íslands og Alþýðulýðveldisins Kína.

Með ályktun Alþingis frá 29. janúar 2014 var ríkisstjórninni veitt heimild til þess að fullgilda fyrir Íslands hönd fríverslunarsamning milli Íslands og Alþýðulýðveldisins Kína.

Samningur þessi hefur nú verið fullgiltur af samningsaðilum.

Samningaviðræðum Íslands og Alþýðulýðveldisins Kína, sem hófust í apríl 2007, lauk í apríl 2013 með undirritun samningsins í Peking í Kína.

Samningurinn nær fyrst og fremst til vöruviðskipta en samkvæmt honum falla tollar niður á iðnaðarvörum og sjávarafurðum þegar við gildistöku samningsins. Jafnframt munu samningsaðilar lækka eða fella niður tolla af ýmsum unnum landbúnaðarvörum. Tollar af tilteknum afurðum munu lækka skref fyrir skref yfir fyrirfram tilgreindan tíma, gagnvart innflutningi á íslenskum upprunavörum til Kína.

 Kynntu þér ítarlegar upplýsingar um fríverslunarsamning Íslands og Kína

Í tenglinum hér að ofan er að finna leiðbeiningar um útfyllingu aðflutnings- og útflutningsskýrslu og breytingar vegna nýrra lykla í skýrslum, vegna rafrænnar tollafgreiðslu og vegna hugbúnaðar til tollskýrslugerðar.

Tilkynning um fríverslunarsamning við Kína (pdf skjal)

Algengar spurningar um fríverslunarsamning Íslands og Kína og svör við þeim.

Aðferðir, sem fólk notar til að reyna að smygla fíkniefnum inn í landið eru eins margvíslegar og þær eru margar. Nýverið stöðvuðu tollverðir póstsendingu og gat innihald hennar sýnst sakleysislegt ef ekki hefði verið til staðar rökstuddur grunur um annað. Í henni var skópar, nánar tiltekið svokallaðir strandskór, sem fíkniefni voru vandlega falin í, eins og sjá má af meðfylgjandi myndum. Um var að ræða rétt tæp 22 grömm af kristölluðu metamfetamíni.  Voru efnin í fimm litlum pökkum, sem hafði verið komið fyrir í skósólunum. Málið var kært til lögreglunnar á höfuðborgarsvæðinu.

Tollstjóri minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Tollverðir stöðvuðu nýverið póstsendingu, sem reyndist innihalda 350 millilítra af fíkniefninu MDMA-olíu. Sendingin kom frá Hollandi og var stíluð á einstakling hér. Olían hafði verið sett í umbúðir undan hársápu og með þeim hætti átti að koma henni inn í landið.
Tollverðir haldlögðu efnið og fer lögreglan á höfuðborgarsvæðinu með rannsókn málsins.
Úr umræddu magni hefðu getað fengist 350 grömm af MDMA - dufti, eða allt að 3.500 E-töflur, en MDMA er virka efnið í E- töflum.

Tollstjóri minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Sjampóbrúsinn sem haldlagður var í tollinum reyndist innihalda allt annað og hættulegra efni en hársápu.
 

Þann 1. mars s.l. færðist framkvæmd á innheimtu skilagjalds samkvæmt lögum nr. 52/1989, um ráðstafanir gegn umhverfismengun af völdum einnota umbúða fyrir drykkjarvörur, frá Ríkisskattstjóra til Tollstjóra.

Þessi breyting hefur það í för með sér að skil á skýrslum vegna uppgjörstímabila skal nú skila til Tollstjóra í stað Ríkisskattstjóra. Fyrstu skil á skilagjaldsskýrslu til Tollstjóra er 28 júní næstkomandi, fyrir uppgjörstímabilið mars-apríl 2014. Tollstjóri hefur útbúið eyðublað á vef Tollstjóra www.tollur.is/skilagjald.

Hægt er að fylla eyðublaðið út rafrænt og senda það í tölvupósti með því að velja hnappinn „senda með tölvupósti" í skýrslunni, þá sendist skýrslan bæði á póstfangið skilagjald@tollur.is og evhf@evhf.is

Greiða skal skilagjald á gjalddaga uppgjörstímabils inn á reikning með skýringunni "v/Skilagjalds".

Bkn: 0101-26-85002 Kt.650269-7649

Síðustu skil á skilagjaldsskýrslu til ríkisskattsstjóra var því 28. apríl s.l. fyrir uppgjörstímabilið janúar - febrúar 2014. 

Leiðréttingar og kærur á skilagjaldi skal senda ríkisskattstjóra til og með uppgjörstímabili janúar-febrúar 2014 en vegna seinni uppgjörstímabila skulu þær framvegis sendar Tollstjóra.

Þessi breyting á ekki að hafa nein áhrif á gjaldendur. Tollstjóri hvetur gjaldendur til að hafa samband við skrifstofu Tollstjóra ef spurningar vakna eða senda fyrirspurnir á skilagjald@tollur.is. 

Varðar m.a. innflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.
 
Almennt gildir að breytingarnar taka til allra vara sem ótollafgreiddar eru 1. júní 2014 nema breytingar skv. lið 8 hér neðar, en þær taka gildi afturvirkt frá og með 1. janúar 2014.

Ábendingar
Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru/eru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra, t.d. fyrir og eftir 1. janúar 2014 eða 1. júní 2014, með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra.

1.
Kolefnisgjöld af eldsneyti, K* gjöld, lækkun
Taxtar kolefnisgjalda lækka og verða: 

K2   Kolefnisgjald. Gas- og díselolía:  5,84 kr/lítra
K3   Kolefnisgjald. Bensín:  5,10 kr/lítra
K5   Kolefnisgjald. Brennsluolía:  7,23 kr/kg
K6   Kolefnisgjald. Jarðolíugas og annað loftkennt kolvatnsefni:  6,44 kr/kg

Heimild: 6. gr. laga nr. 46/2014 um gjaldskrárlækkanir o.fl.
 

2.
Sérstakt vörugjald af eldsneyti, C1 og C2 gjöld, lækkun
Taxtar gjaldanna verða þessir:

C1   Blýlaust bensín:  40,30 kr/lítra
C2   Annað en blýlaust bensín:  42,73 kr/lítra

Heimild: 5. gr. laga nr. 46/2014 um gjaldskrárlækkanir o.fl.
 

3.
Olíugjald, C3 gjald, lækkun
Gjaldið, C3 olíugjald, sem leggst á gas- og dísilolíu og ennfremur steinolíu til ökutækja, lækkar og verður 56,00 kr/lítra.

Heimild: 1. gr. laga nr. 46/2014 um gjaldskrárlækkanir o.fl.
 

4.
Vörugjald af bensíni, LB gjald, lækkar
Gjaldið, LB vörugjald af bensíni, lækkar og verður 24,96 kr/lítra.

Heimild: 4. gr. laga nr. 46/2014 um gjaldskrárlækkanir o.fl.
 

5.
Áfengisgjöld, V* gjöld, lækka
Áfengisgjöld lækka og verða:

VX  Áfengisgjald 93,14 kr/cl af vínanda umfr. 2,25% - Öl o.fl.
VY  Áfengisgjald 83,78 kr/cl af vínanda umfr. 2,25% - Vín
VZ   Áfengisgjald 114,08 kr/cl af vínanda umfr. 0% - Annað áfengi

Lækkun áfengisgjalda hefur, auk almenns innflutnings á áfengi, áhrif á áfengisgjald áfengis í tollfrjálsum verslunum og umframmagn áfengis ferðamanna til landsins. 

Heimild: 8. gr. laga nr. 46/2014 um gjaldskrárlækkanir o.fl.
 

6.
Tóbaksgjöld, innflutningur til einkanota, T1 og T2 gjöld, lækka
Tóbaksgjöldin lækka og verða:

T1   Tóbaksgjald - vindlingar:  563,53 á hvern pakka; 20 vindlingar
T2   Tóbaksgjald - annað tóbak:  28,17 kr/gramm; grömm í lítrareit vörulínu í ebl. E1

Heimild: 10. gr. laga nr. 46/2014 um gjaldskrárlækkanir o.fl.
 

7.
Flutningsjöfnunargjald á olíuvörur, J1 til J5 gjöld, breytast
Taxtar flutningsjöfnunargjaldanna breytast og verða:

J1    Bifreiðabensín, 0,43 kr/lítra
J2    Flugsteinolía (þotueldsneyti), 0,15 kr/lítra
J3    Gasolía, 0,78 kr/lítra
J4    Flugvélabensín, 0,20 kr/lítra
J5    Aðrar olíur og blöndur til brennslu, 0,10 kr/kg 

Heimild: Auglýsing nr. 474/2014 um flutningsjöfnunargjald á olíuvörum.
 

8.
A tollur verður 0% og XB vörugjald fellur niður af drykkjarvörum úr soyja, hrísgrjónum, höfrum, hnetum og/eða möndlum (staðgengdarvörur kúamjólkur)

A tollur lækkar úr 20% í 0% og XB vörugjald (kr/lítra) fellur niður afturvirkt frá og með 1. janúar 2014 á eftirtöldum 16 tollskrárnúmerum: 2202.9031, 2202.9032, 2202. 9033, 2202.9034, 2202.9035, 2202.9036, 2202.9037, 2202.9039, 2202.9041, 2202.9042, 2202.9043, 2202.9044, 2202.9045, 2202.9046, 2202.9047, 2202.9049.

Ennfremur verður eftirfarandi breyting á tollskrá, viðauka I við tollalög: Fyrirsögn uppskiptingar tollskrárnúmera 2202.904(n) var „Drykkjarvörur úr hrísgrjónum og/eða möndlum", en verður „Drykkjarvörur úr hrísgrjónum, höfrum, hnetum og/eða möndlum".

Heimild: Lög nr. 76/2014 um breytingu á tollalögum og lögum um vörugjald (staðgengdarvörur kúamjólkur).
 

9.
Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. júní 2014, eru aðgengilegir hér á vef Tollstjóra. Aðeins tollskrárlyklar vegna innflutnings taka breytingum. Inn í þessum tollskrárlyklum eru einnig breytingarnar skv. lið 8 hér ofar sem gilda frá 1. janúar 2014.
  

10.
Nánari upplýsingar
Um tæknilega framkvæmd: Upplýsingadeild, rekstrar- og upplýsingatæknisvið, hjá Tollstjóra
ttu[hja]tollur.is eða þjónustuvakt, sími: 560 0505 

Um tollamál og tollafgreiðslu: Þjónustuver tollasviðs Tollstjóra, sími 560 0315

Þrjú mál komu upp hér á landi í alþjóðlegri aðgerð, sem er nýlokið, gegn fölsuðum og ólöglegum lyfjum sem seld eru á netinu. Embætti Tollstjóra og Lyfjastofnun tóku sameiginlega þátt í aðgerðinni, sem stóð í viku.

Aðgerðin „Pangea VII" var á vegum WCO (World Customs Organisation) og kom Interpol að henni þar sem markmið hennar var meðal annars að uppræta glæpastarfsemi þá er liggur að baki sölu umræddra lyfja.

Um er að ræða stærstu alþjóðlegu aðgerð gegn sölu ólöglegra lyfja, sem framkvæmd hefur verið til þessa. Nær 200 stofnanir í 111 löndum tóku þátt í henni og voru 237 handteknir í fjölmörgum löndum. Meðal þeirra 9.4 milljóna sendinga af fölsuðum og ólöglegum lyfjum, sem haldlögð voru í aðgerðinni voru megrunarlyf, krabbameinslyf, malaríulyf, og stinningarlyf. Þau voru að andvirði um 36 milljónir dollara. Upp komu 1.235 mál, sem eru til rannsóknar hjá viðkomandi lögregluyfirvöldum, meira en 19.000 auglýsingar á ólöglegum lyfjum voru fjarlægðar og rúmlega 10.600 vefsíðum var lokað.

Ekki er unnt að veita frekari upplýsingar að svo stöddu.

Vegna breytinga hjá hýsingaraðila munu flest tölvukerfi tollstjóra liggja niðri aðfararnótt laugardagsins 10. maí frá kl. 01:00-09:00.

Neðangreind tölvukerfi verða lokuð:

• Tollakerfi
• Tollalínan
• SMT/EDI tollafgreiðsla
• VEF-tollafgreiðsla
• VEF-farmskrárskil
• VEF-tollskrá
• Vefsíða með tollafgreiðslugengi
• Reiknivél fyrir tolla og gjöld

Nánari upplýsingar
Upplýsingatæknideild, rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505

Þann 28. apríl 2014 tekur gildi ný útgáfa af eyðublaði V-04. Núgildandi eyðublað ber heitið Umsókn um eftirgjöf vörugjalds af ökutæki, auk þess sem nauðsynlegt er að undirrita sérstaka yfirlýsingu vegna eftirgjafar. Ný útgáfa eyðublaðsins mun bera heitið Umsókn og yfirlýsing vegna eftirgjafar vörugjalds af ökutæki.

Eins og nafn nýrrar útgáfu ber með sér er eyðublaðið umsókn og yfirlýsing vegna eftirgjafar vörugjalds af ökutæki. Með tilkomu þess verður ekki útbúin sérstök yfirlýsing (kvöð) eins og nú er gert. Þess í stað er lýst því yfir að viðkomandi aðilar hafi kynnt sér viðeigandi ákvæði og skilyrði um eftirgjöf vörugjalda í II. kafla laga nr. 29/1993, um vörugjald af ökutækjum, eldsneyti o.fl. og V. kafla reglugerðar 331/2000, með síðari breytingum.

Hvað varðar aðrar breytingar á stjórnsýsluframkvæmd er bent á eftirfarandi atriði. Leggja skal fram tvö útfyllt eyðublöð til meðferðar hjá Tollstjóra, eintak Tollstjóra og eintak eftirgjafaþega. Við gerð umsóknar er tegund eftirgjafar valin á flettiglugga t.d. eftirgjöf vegna bílaleigubíla eða leigubíla. Á flettilista er áréttaður gildistími breytingarlása á ökutæki (kvaða) samkvæmt viðeigandi laga- og reglugerðarákvæði, enda eru öll skilyrði eftirgjafara uppfyllt. Ný útgáfa eyðublaðsins gildir fyrir öll afbrygði eftirgjafar vörugjalds samkvæmt reglugerð nr. 331/2000, með síðari breytingum, og sérútbúin ökutæki fyrir fólksflutninga. Fyrirkomulag við afléttingu breytingalása (kvaða) mun haldast óbreytt.

Vakin er athygli á að til þess að umsókn verði tæk til meðferðar er nauðsynlegt að allir reitir eyðublaðsins verði útfylltir. Sérstaklega er bent á að nauðsynlegt er að tilgreina undanþáguflokk, sem eru á flettilista og að eyðublaðið berist Tollstjóra undirritað af viðeigandi aðilum. Að meðferð lokinni mun Tollstjóri senda frumrit á lögheimili umsækjanda eða samkvæmt samkomulagi hluteigandi aðila. Að lokum er áréttað, fjárhæðir vegna eftirgjafar vörugjalds haldast óbreyttar og taka mið lögum nr. 29/199, reglugerð nr. 331/1993 og tollafgreiðsludegi eins og verið hefur.

Beina má fyrirspurnum um framkvæmd eftirgjafar vörugjalds af ökutækjum á netfangið serafgreidslur[hja]tollur.is.

- Ný útgáfa eyðublaðsins Umsókn og yfirlýsing vegna eftirgjafar vörugjalds af ökutæki  - Leiðbeiningar

Tollverðir stöðvuðu nýlega fjórar sendingar í Flugstöð Leifs Eiríkssonar, sem taldar voru innihalda eftirlíkingar af Nike-skóm. Um var að ræða hraðsendingar sem komu frá Kína en það var einstaklingur sem stóð að innflutningnum. Sendingarnar voru stöðvaðar samkvæmt heimild í tollalögum vegna gruns um að þær innihéldu falsaðar vörur og var rétthafa Nike-merkisins tilkynnt um málið í kjölfarið. Rétthafi hefur kært málið til lögreglunnar á Suðurnesjum sem annast rannsókn þess.

Embætti tollstjóra tekur nú þátt í alþjóðlegu verkefni sem beinist gegn vörufölsun og tengslum við fjölþjóðlega skipulagða glæpastarfsemi. Verkefnið ber yfirskriftina: „Falsanir: ekki kaupa hlut í skipulagðri glæpastarfsemi" og er á vegum fíkniefna- og afbrotamálaskrifstofu Sameinuðu þjóðanna (e. United Nations Office on Drugs and Crime - UNODC)  Falsaður varningur er oft og tíðum framleiddur við ófullnægjandi aðstæður af ólöglegu vinnuafli sem ekki fær greidd mannsæmandi laun. Það er gríðarlega mikilvægur liður í baráttunni gegn vörufölsun að fólk sé meðvitað um þær afleiðingar sem þessi iðnaður hefur í för með sér því að þá eru minni líkur á að almenningur kaupi slíkar vörur og styrki þannig skipulagða glæpastarfsemi. Þá getur falsaður varningur verið hættulegur enda ekki framleiddur í samræmi við viðeigandi staðla og kröfur.

Miðar í skónum sem stöðvaðir voru:

Fleiri myndir

Breytingar vegna bráðabirgðatollafgreiðslu útfluttra vörusendinga sem taka gildi 1. september 2014 og varða rafræn skil útflytjanda/tollmiðlara á bráðabirgðatollskýrslu í þeim tilvikum þegar fullnægjandi gögn liggja ekki fyrir við tollafgreiðslu, og skil á fullnaðaruppgjöri

Frá og með 1. september 2014 verður útflytjendum og tollmiðlurum, sem stunda útflutning á vörum í atvinnuskyni, gert að tollafgreiða bæði bráðabirgðatollskýrslu og fullnaðartollskýrslu/uppgjör með rafrænum hætti  á eyðublaði E-2 (EDI/SMT og VEF-tollafgreiðsla).  Öðrum verður heimilt að afhenda Tollstjóra bráðabirgðatollskýrslur og skila fullnaðartollskýrslu á eyðublaði E2 á pappír.
Útflytjendur með heimild til VEF-tollafgreiðslu geta sent Tollstjóra bráðabirgðatollskýrslu frá og með 1. apríl. 

Heimilt er að ráðastafa vöru til útflutnings með bráðabirgðatollafgreiðslu þegar gögn vantar til að fullnaðartollafgreiðsla geti átt sér stað.  Getur það m.a. verið þegar endanlegt verðmæti liggur ekki fyrir, ef varan fer á uppboð erlendis eða ef flutningsgjald liggur ekki fyrir við brottför fars.

Við bráðabirgðatollafgreiðslu útfluttra vörusendinga er veittur 20 daga frestur frá tollafgreiðsludegi, til að standa skil á fullnaðaruppgjöri (fullnaðartollskýrslu).
Heimilt er að framlengja frestinn að beiðni útflytjanda/tollmiðlara ef sérstaklega stendur á.

Við bráðabirgðatollafgreiðslu á eyðublaði E-2 (hvort sem er á pappír eða með rafrænum hætti)  er sent CUSPAR skeyti (útflutningsheimild) til farmflytjanda eða annars vörsluhafa ótollafgreiddu vörunnar.

Við rafræna bráðabirgðatollafgreiðslu (EDI/SMT- og VEF-tollafgreiðslu) er sent CUSTAR skeyti (bráðabirgðakvittun) til útflytjanda/tollmiðlara þar sem m.a. kemur fram sá frestur sem Tollstjóri veitir til að standa skil á fullnaðaruppgjöri.  Við fullnaðartollafgreiðslu er sent CUSTAR (kvittun fyrir tollafgreiðslu).

1. Breytingar á útfyllingu útflutningsskýrslu þegar um bráðabirgðatollafgreiðslu er að ræða:
    a. EDI/SMT-tollafgreiðsla:
Reitur 1 (2. hluti): Skrá skal kódann U3 (tekur gildi 1. september)
    b. VEF-tollafgreiðsla:
Reitur 1 (2. hluti): Skrá skal kódann U3 (tekur gildi 1. apríl)
    c. Pappírstollafgreiðsla:
Reitur 1 (2. hluti): Skrá skal kódann U4 (tekur gildi 1. september)

Að öðru leyti skal fylla út alla þá reiti tollskýrslunnar sem kveðið er á um í almennum leiðbeiningum um útfyllingu útflutningsskýrslu. Ef gögn liggja ekki fyrir skal skrá áætlaðar upplýsingar, t.d. skv. proforma reikningi.

Við fullnaðaruppgjör skal nota sama kóda og notaður var við bráðabirgðatollafgreiðslu, þ.e. ekki er heimilt að skila fullnaðaruppgjöri á pappír (U4) vegna rafrænt bráðabirgðatollafgreiddrar vörusendingar (U3) og öfugt.

2. Breytingar sem gera verður á hugbúnaðarkerfum útflytjenda/tollmiðlara vegna rafrænnar bráðabirgðatollafgreiðslu útfluttra vörusendinga.
Sjá nánar: Tilkynning til útflytjenda/tollmiðlara og hugbúnaðarhúsa sem þjónusta tollskýrslugerðarhugbúnað þeirra - breytingar sem þarf að gera fyrir 1. september 2014

3. VEF-tollafgreiðsla. Útflytjendur með heimild til VEF-tollafgreiðslu á vef Tollstjóra geta nú þegar skilað bráðabirgðatollskýrslu og fullnaðaruppgjöri vegna bráðabirgðatollafgreiðslu.
Sjá nánar VEF-tollafgreiðsla - Rafræn bráðabirgðatollafgreiðsla útfluttra vörusendinga

Þær bráðabirgðatollafgreiðslur sem tollafgreiddar eru eftir eldra verklagi fram til 1. september og bíða fullnaðaruppgjörs  skulu fullnaðartollafgreiddar á hefðbundinn hátt eftir eldra verklagi.

Ofangreint er liður í verkefni á vegum Tollstjóra að koma öllum skilum á útflutningsskýrslum nær rauntíma og fyrir brottför fars frá landinu sbr. 140 gr. tollalaga nr. 88/2005.

Nánari upplýsingar
Um tæknilega framkvæmd:  Upplýsingatæknideild, rekstrar- og upplýsingatæknisviði, hjá Tollstjóra
ttu[hja]tollur.is eða þjónustuvakt, sími: 560 0505

Um tollamál og tollafgreiðslu: Þjónustuver tollasviðs Tollstjóra, sími 560 0315

Þann 1. apríl 2014 falla úr gildi tollskrárnúmer 9815.000 og 9816.0000 vegna uppskiptinga á þeim. Þessi tollskrárnúmer eru notuð vegna einfaldari aðflutnings- eða útflutningsskýrslu. Sama dag mun eftirfarandi uppskipting vöruliða 9815 og 9816 taka gildi.

Leiðbeiningar

Leiðbeiningar um gerð einfaldari tollskýrslu - innflutningur

Leiðbeiningar um gerð einfaldari tollskýrslu - útflutningur

Tollskrárlyklar til nota í tollskýrslugerðarhugbúnaði

Tollskrárlyklar, sem taka gildi 1. apríl 2014, eru aðgengilegir hér á vef Tollstjóra. Bæði tollskrárlyklar vegna innflutnings og útflutnings taka breytingum.

Nánari upplýsingar

Um tæknilega framkvæmd: Upplýsingatæknideild, rekstrar- og upplýsingatæknisviði, hjá Tollstjóra

ttu[hja]tollur.is eða þjónustuvakt, sími: 560 0505

Um tollamál og tollafgreiðslu: Þjónustuver tollasviðs Tollstjóra, sími 560 0315

Tollverðir haldlögðu um 1.5 kíló af fíkniefnum sem fundust hjá íslenskum sjómanni fyrr í þessum mánuði. Um var að ræða 1.3 kíló af maríjúana og um 200 grömm af hassi. Tollverðirnir höfðu afskipti af manninum, sem var skipverji á dönskum rækjutogara, er átti að sigla á næstu dögum til Grænlands. Skipið hafði verið tollafgreitt við komuna til landsins nokkrum dögum áður. Grunur leikur á að efnin hafi verið ætluð til útflutnings frá Íslandi til Grænlands.

Lögreglan á höfuðborgarsvæðinu fer með rannsókn málsins, sem er á lokastigi.

Tollstjóri minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

Þannig var búið um fíkniefnin:

Embætti Tollstjóra er þátttakandi í alþjóðlegu verkefni, sem er nýhafið og beinist að því að vekja athygli á vörufölsun og tengslum við fjölþjóðlega skipulagða glæpastarfsemi. Herferðin ber yfirskriftina: "Falsanir: ekki kaupa hlut í skipulagðri glæpastarfsemi".

Herferðin sem um ræðir er á vegum fíkniefna- og afbrotamálaskrifstofu Sameinuðu þjóðanna (e. United Nations Office on Drugs and Crime - UNODC) Í henni felst að neytendur eru hvattir til að leiða hugann að því hverjir og hvað sé að baki  framleiðslu á fölsuðum vörum. Talið er iðnaðurinn velti yfir 250 milljörðum dollara á ári hverju. Í mörgum tilvikum getur falsaður varningur verið hættulegur enda ekki framleiddur í samræmi við viðeigandi staðla og kröfur.

Falsaður varningur er iðulega framleiddur við ófullnægjandi aðstæður af ólöglegu vinnuafli sem ekki fær greidd mannsæmandi laun. Það er gríðarlega mikilvægur liður í baráttunni gegn vörufölsun að fólk sé meðvitað um þær afleiðingar sem þessi iðnaður hefur í för með sér því að þá eru minni líkur á að almenningur kaupi slíkar vörur og styrki þannig skipulagða glæpastarfsemi.

Í þessu sambandi má benda á nýgenginn dóm Héraðsdóms Reykjaness sem staðfesti lögbann á  innflutning eftirlíkinga af Arco-gólflampanum. Tollafgreiðsla sendingarinnar var stöðvuð af tollayfirvöldum með heimild í tollalögum. Um var að ræða 30 gólflampa sem pantaðir höfðu verið frá Hong Kong. Innflytjanda var gert að sæta eyðingu lampanna undir eftirliti Tollstjóra og greiða á aðra milljón í skaðabætur og málskostað.

Sem fyrr leggur Tollstjóri áherslu á víðtækt og traust samstarf við atvinnulífið, þar á meðal á eindregna vernd hugverka. 

Eftirlíking og ósvikinn

Nýgenginn er dómur er staðfesti  lögbann á  innflutning eftirlíkinga af Arco-gólflampanum. Lampinn hægra megin á myndinni, með hvítum standi, er ósvikinn. Lampinn með svarta standinum er eftirlíking.

VIÐGERÐ LOKIÐ

Vegna bilunar hjá hýsingaraðila er ekki hægt að komast inn í kerfi VEF-tollafgreiðslu og Tollalínu.

Tollverðir stöðvuðu nýverið sendingu sem innihélt 120 leysibenda sem voru að styrk umfram það sem leyfilegt er. Sendingin kom frá Tælandi samkvæmt pöntun héðan. Notkun leysibenda sem eru umfram 1 mW að styrk er háð leyfi Geislavarna ríkisins. Þar sem umræddir leysibendar voru umfram leyfileg mörk höfnuðu Geislavarnir umsókn um innflutning þeirra. Innflytjandi fór þá fram á að þeim yrði fargað, sem hefur nú verið gert. 

Tollstjóri minnir á að notkun ólöglegra leysibenda getur verið hættuleg eins og dæmi sanna. Upp hafa komið atvik, þar sem fólk hefur orðið fyrir skaða af völdum þeirra. Jafnframt  tilvik þar sem hætta hefur skapast þegar leysibendum hefur verið beint að fararækjum ss. bílum og flugvélum.. Geislavarnir ríkisins ráðleggja fólki að horfa ekki í blett sem öflugur leysibendir myndar, en endurvarpið sjálft getur valdið augnskaða. Þá bendir Tollstjóri á að óheimilt er að nota öfluga leysibenda án leyfis frá Geislavörnum ríkisins, auk þess sem tilkynna ber Geislavörnum um innflutning þeirra.

Sjá einnig http://www.gr.is/2013/12/03/um-markadseftirlit-med-leysibendum/

Leysibendarnir sem um ræðir:

 Leysibendarnir voru merktir með "Danger.":

Þann 20. desember 2013 ákváðu Sameinuðu þjóðirnar að gera 3. mars að Alþjóðadegi villtra dýra (e. World Wildlife Day) og er þetta í fyrsta skipti sem dagurinn er haldinn hátíðlegur. Það var einmitt á þessum sama degi sem Samningurinn um alþjóðaverslun með tegundir villtra dýra og plantna sem eru í útrýmingarhættu (CITES) var samþykktur. Í samvinnu við Umhverfisstofnun og Alþjóðatollastofnunina hefur embætti Tollstjóra ákveðið að vekja athygli á CITES málaflokknum.

CITES tengd mál eru á forræði Umhverfisstofnunar en eftirlit og tollafgreiðsla er hins vegar í höndum tollgæslunnar um allan heim. Tollstjóri hefur um árabil sinnt eftirliti bæði í inn- og útflutningi og hafa nokkur mál komið upp í þessu sambandi. Fágæt villt dýr og plöntur eiga undir högg að sækja og um er að ræða vandamál sem hefur í senn skaðleg áhrif á umhverfið, efnahag landa auk neikvæðra félagslegra áhrifa. Það er siðferðisleg skylda okkar allra og stefna stjórnvalda að vernda líffræðilega fjölbreytni landsins og tryggja sjálfbæra nýtingu náttúruauðlinda.

Íslenskur haförn, myndin er birt með góðfúslegu leyfi Dr. Guðmundar A. Guðmundssonar:

Fyrirtækjum sem hafa fengið útgefið starfsleyfi til að reka geymslusvæði fyrir ótollafgreiddar vörur, sbr. 1. mgr. 69. gr. tollalaga, er bent á að frá og með 1. mars 2014 mun embætti Tollstjóra taka upp áður boðað verklag er varðar tilvísun í geymslusvæði með geymslusvæðiskóða við skil á farmskrám til Tollstjóra, sbr. l. liður 2. tl. 1. mgr. 5. gr. reglugerðar nr. 1100/2006 um vörslu og tollmeðferð vöru. Frá og með 1. mars 2104 verður virkjuð villuprófun í Tollakerfi sem hafnar innlestri farmskrár með CUSCAR ef ekki er geymslusvæðiskóði í farmbréfi. 

Nánar um verklag vegna geymslusvæðiskóða við farmskrárskil

Tollstjóri mun gera þá kröfu að við farmskrárskil til embættisins komi ávallt fram hvar vara verði geymd, með því að þar verði vísað í geymslusvæðiskóða sem öllum geymslusvæðum fyrir ótollafgreiddar vörur, sem hafa útgefið starfsleyfi frá Tollstjóra, hefur verið úthlutað. Verður með öllu óheimilt að losa vöru úr fari nema geymslusvæðiskóðinn sé tilgreindur í farmskrá. strong>Sé geymslusvæðiskóði ekki tilgreindur verður móttöku farmskrár hafnað hjá Tollstjóra, frá og með fyrrgreindri dagsetningu. Með því að skrá viðkomandi geymslusvæðiskóða í farmskrá er farmflytjandi að tilgreina hvaða aðili beri vörsluábyrgð á vörunni, sbr. 75. gr. tollalaga, og tilgreina staðsetningu geymslusvæðisins auk þess sem þessar upplýsingar gera það að verkum að Tollstjóri getur gengið að vörunni til vöruskoðunar á því geymslusvæði sem um ræðir. 

Meginreglan er varðar tilvísun í geymslusvæðiskóðann er að skrá ber þann kóða sem vísar til þess geymslusvæðis sem vara er hverju sinni. Eigi sér stað flutningur á ótollafgreiddri vöru milli viðurkenndra geymslusvæða fyrir ótollafgreiddar vörur þarf að tilkynna um það til Tollstjóra, og eftir atvikum fá heimild fyrir slíkum flutning, sbr. 80. gr. tollalaga. Er það gert með því að senda breytingarskeyti þess efnis til Tollstjóra, sjá nánar CUSCAR skeyti sem sent er til að breyta farmskrá. Í þeim tilvikum sem vörsluábyrgð færist milli vörsluhafa, þurfa upphaflegi vörsluhafi vöru og viðtakandi vöru auk þess að tryggja sín á milli að vörsluábyrgð hafi flust til og þarf staðfesting að liggja fyrir hjá þeim sem tók við vörsluábyrgð að hann hafi tekið við vörunni til geymslu, sbr. 81. gr. tollalaga. 

Hafi þegar verið ákveðið þegar vara kemur til landsins, s.s. í gegnum Keflavíkurflugvöll eða Reykjavík, að hún fari á annað viðurkennt geymslusvæði fyrir ótollafgreiddar vörur er heimilt að tilgreina strax í farmskrá þann geymslusvæðiskóða sem vísar til þess geymslusvæðis sem ákveðið er að varan fari í. Þetta er þó aðeins heimilt í þeim tilvikum þar sem varan stoppar á fyrsta áfangastað skemur en 48 klst. Miðast þar við komudag fars og að varan sé lögð af stað á næsta áfangastað innan 48 klst. 

Í einstaka tilvikum og þegar sérstakar ástæður mæla með því er Tollstjóra heimilt að veita leyfi til geymslu ótollafgreiddrar vöru utan viðurkenndra geymslusvæða fyrir ótollafgreiddar vörur, sbr. 3. mgr. 69. gr. tollalaga og ber þá að sækja sérstaklega um slíkt leyfi til lögfræðideildar tollasviðs, sem úthlutar einkvæmum geymslusvæðiskóða fyrir hvert slíkt tilvik. 

Listi yfir geymslusvæði með starfsleyfi Tollstjóra

Vanti frekari upplýsingar er hægt að senda embættinu fyrirspurnir á upplysingar@tollur.is

Tollverðir stöðvuðu tilraunir til smygls á rúmlega 30 kílóum af amfetamíndufti á árinu 2013. Þar af voru um 19.5 kíló tekin í tollpósti og tæplega 11 kíló í Flugstöð Leifs Eiríkssonar. Úr þessum 30 kílóum hefði mátt framleiða allt að 107 kíló af efni sé miðað við 5.8% neyslustyrkleika, samkvæmt matsgerðum Rannsóknarstofu Háskóla Íslands í lyfja- og eiturefnafræði.

Auk þessa stöðvuðu tollverðir 2.710 millilítra af amfetamínbasa á síðasta ári. 1.710 millilítrar voru teknir í tollpósti og 1.000 millilítrar voru stöðvaðir í flugstöðinni. Úr þessum vökva hefði mátt framleiða allt að 28 kíló af efni með 5.8% neyslustyrkleika. Samtals nam því það magn amfetamíns og -basa, sem tollverðir komu í veg fyrir að kæmust inn í landið á síðasta ári allt að 135 kílóum af amfetamínefni, hefði það verið unnið niður í 5.8% götustyrkleika.

Hluti þess amfetamíns, sem tollverðir tóku á síðasta ári.

Vegna bilunar í tölvukerfi Tollstjóra liggur VEF-tollafgreiðsla og Tollalína niðri.

Viðgerð stendur yfir.

Tollverðir stöðvuðu nýverið erlenda konu um þrítugt í Flugstöð Leifs Eiríkssonar, vegna gruns um að hún væri með ólögleg efni í farteskinu. Svo reyndist vera því við leit í farangri hennar fundust um 27.000 steratöflur. Þær voru í  kassa, sem pakkað hafði verið inn í jólapappír. Töflurnar innihéldu nokkrar gerðir af sterum.

Konan, sem kom frá Póllandi, var handtekin og yfirheyrð hjá lögreglunni á Suðurnesjum, sem fer með rannsókn málsins. Konan hefur nú verið látin laus.

Þess má geta, að tollverðir hafa í vaxandi mæli, tvö síðastliðin ár,  stöðvað sendingar sem innihalda tól og tæki, sem grunur leikur á að ætluð séu til ólöglegrar lyfjaframleiðslu. Áberandi í þeim efnum eru tómir lyfjabelgir, tóm glerglös og ál- og gúmmíhettur. Einnig efni og umbúðir, sem líklegt er að nota eigi í einhvers konar framleiðslu og/eða pökkun ólöglegra efna.

Á meðfylgjandi myndum má sjá búnað sem grunur leikur á að hafi átt að nota í pökkun á ólöglegum efnum.

Ambúluvél:
 

Tómir lyfjabelgir:

Ál- og gúmmíhettur ásamt innsiglistöng:

Nýlega skrifaði tollstjóri undir viljayfirlýsingu (Memorandum of Understanding) um gagnkvæma aðstoð í innheimtumálum milli Íslands og Ástralíu. Viljayfirlýsingin felur í sér útfærslu verklags og starfsreglna varðandi gagnkvæma aðstoð ríkjanna vegna innheimtumála samkvæmt 11.-16. grein samnings Evrópuráðsins og OECD um gagnkvæma stjórnsýsluaðstoð í skattamálum. Samskonar samningur um aðstoð í innheimtumálum milli Íslands og Bretlands var undirritaður árið 2011.

Alþjóðleg aðgerð tollyfirvalda, sem er nýlokið, leiddi til þess að ólöglegur flutningur sjóleiðis á um 7000 tonnum af spilliefnum og úrgangi var stöðvaður. Embætti Tollstjóra á Íslandi tók þátt í aðgerðinni sem fól í sér eftirlit á flutningi frá Evrópu og öðrum svæðum til Asíu.

Þau 7000 tonn sem haldlögð voru í henni samanstóðu einkum af spilliefnum, vélahlutum, vefnaðarvöru, raftækja- og rafeindabúnaði og hjólbörðum. Aðgerðin, sem nefnd var "Operation Demeter III" beindist gegn ólöglegum flutningi á spilliefnum og úrgangi frá Evrópu til Asíu. Sú óheillaþróun hefur átt sér stað, að Asía og Afríka eru í auknum mæli að verða eins konar "sorpgeymslur" fyrir úrgang af því tagi sem eyðist ekki, en getur verið ógn við lýðheilsu og umhverfi. Að þessu sinni beindu menn sjónum sínum að þeim vandamálum sem steðja að í Asíu af þessum sökum. "Operation Demeter III" stóð yfir í fimm vikur í október og nóvember á síðasta ári og í henni tóku þátt tollverðir frá 44 löndum. Ekkert mál af þessum toga kom hér á landi á því tímabili. Rétt er að taka það fram, að mál það sem upp er komið varðandi skip frá Moldóvu, er lá í Hafnarfjarðarhöfn, tengist ekki aðgerðinni.

Rannsóknir standa nú yfir á þeim málum sem upp komu í átakinu.

Fleiri myndir

Embætti Tollstjóra vill koma því á framfæri að ef fjárhæð endurgreiðslu á virðisaukaskatti af varningi sem aðilar búsettir erlendis hafa fest kaup á hér á landi nemur hærri fjárhæð en 5.000 kr. ber tollyfirvöldum að staðfesta útflutning varningsins með áritun á endurgreiðsluávísunina, sbr. 3 ml., 2. mgr. 5. gr. reglugerðar nr. 294/1997 um endurgreiðslu virðisaukaskatts til aðila búsetta erlendis.

Rétt þykir að ítreka að þetta á við um allan útfluttan varning og er ullarvarningur, hvort sem hann hefur verið framleiddur á Íslandi eður ei, ekki undanþeginn. Ljóst er að einhvers misræmis virðist hafa gætt í upplýsingagjöf hvað fyrrgreind atriði varðar og er þeim aðilum er hafa leyfi fjármála- og efnahagsráðuneytisins til að annast endurgreiðslu samkvæmt reglugerð nr. 294/1997 bent á að fara eftir þessum tilmælum og koma þeim áleiðis til sinna viðskiptavina þegar í stað.

Ný vinnsla hefur bæst við í Tollalínunni. Þar er hægt að panta lista yfir afgreiddar aðflutningsskýrslur eða afgreiddar útflutningsskýrslur.

Ef fyrirtæki er þegar með aðgang að Tollalínunni, þarf að veita starfsmanni sem má panta umrædda lista aðgangsheimildina Afgreiddar tollskýrslur. Forráðamaður fyrirtækisins gagnvart Tollalínunni gerir þetta með því að smella á Aðgangur og síðan Starfsmenn í valmynd Tollalínunnar.

Fyrirtæki, sem ekki er með aðgang að Tollalínunni, þarf að sækja um takmarkaðan aðgang að Tollalínunni til að panta umrædda lista. Sótt er um aðgang með því að smella á hnappinn Sækja um aðgang á síðunni https://vefskil.tollur.is/Tollalinan/Opinn/Rammi2.htm. Þegar umsókn er samþykkt fær forráðamaður fyrirtækisins viðeigandi aðgangsheimildir sjálfkrafa.

Hver listi yfir afgreiddar tollskýrslur kostar 250 krónur, sbr. gjaldskrá Tollalínunnar.

Í lista yfir afgreiddar aðflutningsskýrslur eru eftirtaldir dálkar: kennitala, nafn, sendingarnúmer, afhendingarskilmálar, afhendingarstaður, mynt, gengi, innkaupsverð, flutningskostnaður, annar kostnaður, vátrygging, tollverð og afgreiðsludagur. Innkaupsverð er í erlendri mynt og íslenskum krónum en aðrar upphæðir í íslenskum krónum.

Í lista yfir afgreiddar útflutningsskýrslur eru eftirtaldir dálkar: kennitala, nafn, sendingarnúmer, afhendingarskilmálar, afhendingarstaður, brúttó þyngd (kg), nettó þyngd (kg), mynt, gengi, heildarfjárhæð reiknings, tollverð í erlendri mynt, tollverð í íslenskum krónum og afgreiðsludagur.

Nánari upplýsingar eru á hjálparsíðum, sem fylgja vefsíðum í Tollalínunni.

Vittus Qujaukitsoq fjármálaráðherra Grænlands ásamt föruneyti heimsækir nú Ísland og kynnir sér atvinnulíf og stjórnsýslu hérlendis. Á dagskrá hans hafa verið kynningar á vatnsaflsvirkjunum, álframleiðslu, sjávarútvegi auk þess sem farið hefur verið yfir norðurslóðastefnu Íslands. Hvað stjórnsýslu varðar mun ráðherrann kynna sér sérstaklega starfsemi toll- og skattyfirvalda.

Í dag mun ráðherrann eiga fund með tollstjóra og fá kynningu á uppbyggingu og starfsemi embættisins. Það er embættinu sönn ánægja að fá tækifæri til að taka á móti ráðherranum og sendinefnd hans og leggja þannig sitt af mörkum til aukins samstarfs á norðurslóðum.

Gríðarleg fjölgun hefur orðið á ábyrgðarsendingum hingað til lands frá Kína og Hong Kong. Á síðasta ári komu samtals 77.806 sendingar þaðan í gegnum tollpóst, en 16.548 árið 2012 og 12.101 árið 2011. Sé litið til einstakra mánaða á nýliðnu ári bárust flestar sendingarnar frá Kína og Hong Kong í nóvember, 14.764 talsins.

Þessi fjölgun stafar vafalítið af auknum innkaupum einstaklinga á netinu.

Þessu til viðbótar voru á árinu 2013 um 180.000 sendingar afgreiddar með einfaldri tollafgreiðslu. Slíkar sendingar voru um 133.000 árið 2012. Tollafgreiddar almennar sendingar á síðasta ári voru samtals 84.740, en 25.610 árið 2012, þannig að þar er einnig um að ræða verulega aukningu milli ára.

Tollverðir stöðvuðu sautján meint burðardýr fíkniefna í Flugstöð Leifs Eiríkssonar á síðasta ári. Um var að ræða fimm Íslendinga og tólf einstaklinga, sem voru af erlendu bergi brotnir.  Umræddir einstaklingar reyndust, samkvæmt bráðabirgðatölum Tollstjóra, vera með samtals tæplega ellefu kíló af amfetamíni, tæp tvö kíló af kókaíni og 14.186 e-töflur í fórum sínum, auk amfetamínbasa í flösku sem eitt burðardýranna braut í flugstöðinni. Þessu til viðbótar var haldlagt minni háttar magn kannabisefna. Ýmist hafði fólkið komið efnunum fyrir innvortis, falið þau innan klæða eða í farangri sínum.

Til samanburðar má geta þess að árið 2012 stöðvuðu tollverðir sextán burðardýr fíkniefna í flugstöðinni. Þau voru með samtals rúmlega 9,5 kíló af amfetamíni, rúm 4,8 kíló af kókaíni, 1.530 e-töflur og 415 grömm af e-töfludufti. Um var að ræða tíu Íslendinga og sex útlendinga.

Tollstjóri hefur ákveðið að hækka ekki á þessu ári gjaldskrá fyrir innheimtu þjónustugjalda vegna tollafgreiðslu, tolleftirlits o.fl.  

Gjaldskrá þjónustugjalda

Þann 20. desember 2013 samþykkti Alþingi lög nr. 141/2013 þar sem m.a. gefur að líta breytingar á tollalögum, nr. 88/2005, lögum um vörugjald, nr. 97/1987, lögum um virðisaukaskatt, nr. 50/1988, og lögum um vörugjald af ökutækjum, eldsneyti o.fl.,nr. 29/1993, með síðari breytingum. Breytingarnar öðluðust gildi þann 1. janúar sl.

Tollalög
Lagabreytingar tollalaga nr. 88/2005 fela í sér hækkun á sektarheimild Tollstjóra fyrir ólöglegan innflutning eða önnur brot á XXII. kafla tollalaga úr 300.000 kr. í 3.000.000 kr., sbr. 2. og 3. mgr. 185. gr. tollalaga. Þá hefur afgreiðslugeymslum og tollvörugeymslum verið bætt við upptalningu geymslusvæða fyrir ótollafgreiddar vörur í 12. tl. 195. gr. þar sem Tollstjóra er heimilt að innheimta eftirlitsgjald vegna tolleftirlits. Að lokum var bráðabirgðaákvæði um greiðslufrest framlengt en í því felst að fyrirkomulag gjalddaga aðflutningsgjalda hjá aðilum sem njóta greiðslufrests á aðflutningsgjöldum, vegna uppgjörstímabila á árinu 2014, skuli vera háttað þannig að helmingur af aðflutningsgjöldum viðkomandi uppgjörstímabils skal skilað eigi síðar en á 15. degi næsta mánaðar eftir lok uppgjörstímabils og hinn helmingurinn eigi síðar en á 5. degi annars mánaðar eftir lok uppgjörstímabils. 

Lög um vörugjald
Breytingin á lögum um vörugjald nr. 97/1987 snýr að 10.  gr. laganna og í henni felst að nú er Tollstjóra heimilt að endurgreiða vörugjald til aðila sem ekki hafa vörugjaldsskírteini, hafi þeir á tímabilinu selt vörugjaldsskylda vöru til skírteinishafa án vörugjalds. Tilgreina þarf í sérstakri skýrslu um slíka sölu, magn, verð og tegund. Þegar um endanlega framleiðsluvöru er að ræða skal tilgreina innihaldslýsingu.

Lög um virðisaukaskatt
Uppfært var bráðabirgðaákvæði laganna er kveður á um að á gjalddaga virðisaukaskatts vegna uppgjörstímabila á árinu 2014 sé heimilt að færa til innskatts á virðisaukaskattskýrslu allan virðisaukaskatt vegna viðkomandi uppgjörstímabils, þó einungis hluta af gjaldföllnum virðisaukaskatti hafi á þeim tíma verið skilað, sbr. ákvæði til bráðabirgða XI í tollalögum, nr. 88/2005. 

Lög um vörugjald af ökutækjum, eldsneyti o.fl.
Lagabreytingar á lögum um vörugjöld af ökutækjum, eldsneyti o.fl. nr. 29/1993 snýr að 3. mgr. 3. gr. laganna og fela í sér hækkun á hámarksfjárhæð lækkunar vörugjalds sem gjaldanda hlotnast samkvæmt undanþáguflokki 2. tl. 2. mgr. 5. gr. úr 750.000 kr. í 1.000.000 kr.

Athygli er vakin á því að bráðabirgðarákvæði nr. XV þess efnis að bílaleigum sé heimilt á árinu 2013 að selja 20% af þeim fjölda ökutækja sem voru í eigu bílaleigunnar 1. janúar 2013 án þess að komi til uppgreiðslu á mismun á fjárhæð vörugjalds sem greitt var og þeirri fjárhæð sem borið hefði að greiða ef ekki hefði komið til lækkunar var ekki framlengt og gildir því ekki fyrir árið 2014.

Annað
Vert er að vekja athygli á því að samkvæmt kafla 1.1 í 6. gr. fjárlaga fyrir árið 2014 mun fjármála- og efnahagsráðherra vera heimilt að fella niður eða endurgreiða virðisaukaskatt af efniskostnaði og sérfræðiþjónustu sem keypt er fyrir styrktarfé vegna rannsóknar Hjartaverndar á heilbrigði öldrunar. Þá getur ráðherra samkvæmt kafla 7.8 sömu greinar einnig heimilað að endurgreiða virðisaukaskatt af sérhæfðum íþróttabúnaði fyrir fatlaða íþróttamenn.

Þá hafa verið gerðar breytingar á lögum um endurnýjanlegt eldsneyti í samgöngum á landi nr. 40/2013 (sjá http://www.althingi.is/altext/143/s/0440.html),  lögum um geislavarnir, nr. 44/2002 sem bannar innflutning varnings sem geislavirkum efnum hefur verið blandað í (sjá http://www.althingi.is/altext/143/s/0261.html), lögum um jöfnun á flutningskostnaði olíuvara, nr. 103/1994 (sjá http://www.althingi.is/altext/143/s/0429.html) og lögum um matvæli, nr. 93/1995 (sjá http://www.althingi.is/altext/143/s/0494.html).

Að öðru leyti er vísað til fréttar frá 30. desember sl. um breytingar á aðflutningsgjöldum o.fl. við tollafgreiðslu vara.

Af gefnu tilefni vilja Lyfjastofnun, Neytendastofa og Tollstjóri benda á að innflutningur á rafsígarettum með nikótíni til endursölu er óheimill sé markaðsleyfi skv. lyfjalögum, nr. 93/1994, ekki fyrir hendi.

Rafsígarettur sem innihalda nikótín falla undir skilgreiningu á lyfi skv. 2. tölul. 1. mgr. 5. gr. lyfjalaga nr. 93/1994 og þurfa markaðsleyfi frá Lyfjastofnun. Innflutningur og dreifing lyfja án markaðsleyfis er brot á lyfjalögum. Tekið skal fram að ekki hefur verið gefið út markaðsleyfi fyrir rafsígarettur með nikótíni hérlendis. Ef markaðsleyfi er ekki til staðar eru rafsígarettur sem innihalda nikótín stöðvaðar í tolli, sbr. 130. gr. tollalaga nr. 88/2005. CE-merking vörunnar hefur hér engin áhrif, því ekki er hægt að CE-merkja lyf. Nánari upplýsingar má finna á heimasíðum Neytendastofu og Lyfjastofnunar.

Þann 20. desember 2012 samþykkti Alþingi breytingu á lögum nr. 52/1989 um ráðstafanir gegn umhverfismengun af völdum einnota umbúða fyrir drykkjarvörur. Tekur breytingin gildi þann 1. janúar 2014.

Lagabreytingin felur m.a.  í sér að þeir aðilar sem hafa fengið leyfi Tollstjóra til að selja farþegum og áhöfunum millilandafara við komu til landsins vörur úr tollfrjálsri verslun skulu frá gildistöku laganna leggja á og greiða skilagjald á drykkjarvöruumbúðir eins og um væri að ræða sölu innanlands.

Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.

Almennt gildir að breytingarnar taka til allra vara sem ótollafgreiddar eru 1. janúar 2014 nema annað sé tekið fram.

Ábendingar
Um útflutning gildir: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag vörusendingar frá Íslandi, sem útflutningsskýrslan tekur til. Sama gildir þegar leiðrétta eða breyta þarf útflutningsskýrslum eftir tollafgreiðslu. 

Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).

Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra fyrir og eftir 1. janúar 2014 með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra.

Sjá ennfremur Breytingar á tollalögum, lögum um vörugjald og fleiri lögum sem tóku gildi um áramót.

1.
Kolefnisgjöld af eldsneyti, K* gjöld, hækkun
Taxtar kolefnisgjalda hækka og verða: 

K2   Kolefnisgjald. Gas- og díselolía:  5,90 kr/lítra
K3   Kolefnisgjald. Bensín:  5,15 kr/lítra
K5   Kolefnisgjald. Brennsluolía:  7,30 kr/kg
K6   Kolefnisgjald. Jarðolíugas og annað loftkennt kolvatnsefni:  6,50 kr/kg 

Heimild: 6. gr. laga nr. 140/2013 um ýmsar forsendur frumvarps til fjárlaga fyrir árið 2014.
 

2.
Sérstakt vörugjald af eldsneyti, C1 og C2 gjöld, hækkun
Taxtar gjaldanna verða þessir:

C1   Blýlaust bensín:  40,70 kr/lítra
C2   Annað en blýlaust bensín:  43,15 kr/lítra 

Heimild: 5. gr. laga nr. 140/2013 um ýmsar forsendur frumvarps til fjárlaga fyrir árið 2014.
 

3.
Olíugjald, C3 gjald, hækkun
Gjaldið, C3 olíugjald, sem leggst á gas- og dísilolíu og ennfremur steinolíu til ökutækja, hækkar og verður 56,55 kr/lítra. 

Heimild: 1. gr. laga nr. 140/2013 um ýmsar forsendur frumvarps til fjárlaga fyrir árið 2014.
 

4.
Vörugjald af bensíni, LB gjald, hækkar
Gjaldið, LB vörugjald af bensíni, hækkar og verður 25,20 kr/lítra. 

Heimild: 4. gr. laga nr. 140/2013 um ýmsar forsendur frumvarps til fjárlaga fyrir árið 2014.
 

5.
Áfengisgjöld, V* gjöld, hækka
Áfengisgjöld hækka og verða: 

VX  Áfengisgjald 94,05 kr/cl af vínanda umfr. 2,25% - Öl o.fl.
VY  Áfengisgjald 84,60 kr/cl af vínanda umfr. 2,25% - Vín
VZ   Áfengisgjald 115,20 kr/cl af vínanda umfr. 0% - Annað áfengi 

Hækkun áfengisgjalda hefur, auk almenns innflutnings á áfengi, áhrif á áfengisgjald áfengis í tollfrjálsum verslunum og umframmagn áfengis ferðamanna til landsins.

Heimild: 9. gr. laga nr. 140/2013 um ýmsar forsendur frumvarps til fjárlaga fyrir árið 2014.
 

6.
Tóbaksgjöld, innflutningur til einkanota, T1 og T2 gjöld, hækka
Tóbaksgjöldin hækka og verða:

T1   Tóbaksgjald - vindlingar:  569,05 á hvern pakka; 20 vindlingar
T2   Tóbaksgjald - annað tóbak:  28,45 kr/gramm; grömm í lítrareit vörulínu í ebl. E1 

Heimild: 11. gr. laga nr. 140/2013 um ýmsar forsendur frumvarps til fjárlaga fyrir árið 2014. 
 

7.
Úrvinnslugjöld, B* gjöld, breytingar á töxtum gjalda, hækkanir og lækkanir
Taxtar eftirfarandi úrvinnslugjalda breytast og verða:

BX   Úrvinnslugjald á plastumbúðir:  16,00 kr/kg
BP   Úrvinnslugjald á heyrúlluplast:  16,00 kr/kg
BF   Úrvinnslugjald á lífræn leysiefni - Taxti er kr/kg *
BE   Úrvinnslugjald á málningu:  42,00 kr/kg
BA  Úrvinnslugjald á blýsýrurafgeyma - Taxti er kr/stk af vöru *
BB   Úrvinnslugjald blýsýrurafgeymar:  20,00 kr/kg (kg í lítrasv.)
BC   Úrvinnslugjald á blýsýrurafgeyma - Taxti er kr/kg *
BD  Úrvinnslugjald á vörur í ljósmyndaiðnaði - Taxti er kr/kg *

* Taxti gjalds á gjaldakóda er mismunandi eftir gjaldskyldum tollskrárnúmerum

Heimild: 41. til 46. gr. laga nr. 140/2013 um ýmsar forsendur frumvarps til fjárlaga fyrir árið 2014. 
 

8.
Skilagjöld á einnota umbúðir drykkjarvara, G* gjöld, hækkanir
Taxti skilagjalds hækkar úr 13,08 í 14,02 kr/stk og umsýsluþóknun hækkar á umbúðum sem GB, GD, GE, GF og GG gjöld taka til. Umsýsluþóknun er ekki á álumbúðum. Breytingarnar eru því þessar: 

Heimild: Reglugerð nr. 1029/2013 um (7.) breytingu á reglugerð nr. 368/2000, um söfnun, endurvinnslu og skilagjald á einnota umbúðir fyrir drykkjarvörur

Athuga ennfremur:  Þann 20. desember 2013 samþykkti Alþingi breytingu (7.gr.) á lögum nr. 52/1989 um ráðstafanir gegn umhverfismengun af völdum einnota umbúða fyrir drykkjarvörur. Tekur breytingin gildi þann 1. janúar 2014. Lagabreytingin felur m.a.  í sér að þeir aðilar sem hafa fengið leyfi Tollstjóra til að selja farþegum og áhöfunum millilandafara við komu til landsins vörur úr tollfrjálsri verslun skulu frá gildistöku laganna leggja á og greiða skilagjald á drykkjarvöruumbúðir eins og um væri að ræða sölu innanlands (eins og innlendir framleiðendur).

Heimild: 7. gr. laga nr. 141/2013 (bandormur, breyting ýmissa laga) tollalög o.fl. (sektarfjárhæðir og auðveldari framkvæmd). 
 

9.
Breytingar sem varða virðisaukaskatt af innfluttum vörum
a.    Virðisaukaskattur á tollskrárnúmeri 9619.0011, barnableiur og laust bleiufóður, lækkar úr þrepi Ö4 25,5% í þrep Ö3 7%
b.    Eftirfarandi heimild í ákvæðum til bráðabirgða X í lögum um virðisaukaskatt er framlengd til 31. desember 2014: Heimilt er að endurgreiða þeim sem leyfi hafa til fólksflutninga í atvinnuskyni samkvæmt lögum nr. 73/2001, um fólksflutninga og farmflutninga á landi, 2/3 hluta þess virðisaukaskatts sem greiddur er vegna kaupa eða leigu hópferðabifreiða og almenningsvagna á tímabilinu frá 1. janúar 2011 til og með [31. desember 2014]. Endurgreiðsluheimildin vegna hópferðabifreiða er bundin við ökutæki sem aðallega eru ætluð til fólksflutninga, eru skráð fyrir 18 manns eða fleiri að meðtöldum ökumanni og eru nýskráð á tímabilinu og búin aflvélum samkvæmt EURO 5 staðli ESB. Ráðherra setur nánari reglur um framkvæmd endurgreiðslunnar.
c.     Eftirfarandi heimild í ákvæðum til bráðabirgða XXIV í lögum um virðisaukaskatt er framlengd til 31. desember 2014 (Undanþágukódi VSKÖT): Við innflutning og skattskylda sölu nýrrar rafmagns-, vetnis- eða tengiltvinnbifreiðar er heimilt að fella niður virðisaukaskatt eða telja til undanþeginnar veltu fjárhæð að ákveðnu hámarki eins og nánar er kveðið á um í ákvæði þessu. (Sjá nánar ákvæðið í lögum nr. 50/1988 um virðisaukaskatt)

Heimild: 9., 10. og 12. gr. laga nr. 139/2013 um tekjuaðgerðir frumvarps til fjárlaga fyrir árið 2014. 
 

10.
Reglugerðir um tollkvóta
Reglugerð nr. 1047/2013 um úthlutun á tollkvótum vegna innflutnings á landbúnaðarvörum frá Evrópubandalaginu.
Birt  28. nóvember  2013
Gildir frá 1. janúar  2014 til 31. desember 2014

Reglugerð nr. 1048/2013 úthlutun á tollkvótum vegna innflutnings á blómum, trjám o.fl.
Birt  28. nóvember  2013
Gildir frá 1. janúar  2014 til 31. desember 2014

Reglugerð nr. 1185/2013 um úthlutun á tollkvótum vegna innflutnings á fuglseggjum og afurðum þeirra.
Birt  30. desember 2013
Gildir frá 1. janúar  2014 til 30. júní 2014

Reglugerð nr. 1049/2013 um úthlutun á tollkvótum vegna innflutnings á ostum frá Noregi.
Birt  28. nóvember  2013
Gildir frá 1. janúar  2014 til 31. desember 2014

Reglugerð nr. 1186/2013 um úthlutun á tollkvótum vegna innflutnings á landbúnaðarvörum samkvæmt viðauka IVA og IVB við tollalög.
Birt  30. desember  2013
Gildir frá 1. janúar  2014 til 31. desember 2014
 

11.
Gjalddagar uppgjörstímabila vegna skuldfærslu aðflutningsgjalda við tollafgreiðslu; fyrirkomulag sem gilt hefur 2013 framlengt fyrir árið 2014
Á árinu 2013 hafa verið í gildi tímabundið lengri greiðslufrestir (fleiri gjalddagar) á aðflutningsgjöldum, sbr. þessi tilkynning á vef Tollstjóra. Framangreindum ákvæðum hefur verið framlengt til 31. desember 2014.

Heimild: 3. og 5. gr. laga nr. 141/2013 (bandormur, breyting ýmissa laga) tollalög o.fl. (sektarfjárhæðir og auðveldari framkvæmd).

Þeir innflytjendur og tollmiðlarar sem stunda SMT/EDI tollafgreiðslu þurfa sérstaklega að skoða þessar breytingar m.t.t. þess að hugbúnaður þeirra til rafrænnar tollafgreiðslu virki rétt, þ.e. móttaka CUSTAR skeyta og úrvinnsla upplýsinga í þeim. CUSTAR skeytin eru tilkynningar frá Tollstjóra um tollafgreiðslu vörusendingar og skuldfærslu aðflutningsgjalda. 
 

12.
Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. janúar 2014, eru aðgengilegir hér á vef Tollstjóra. Aðeins tollskrárlyklar vegna innflutnings taka breytingum. 
 

13.
Nánari upplýsingar
Um tæknilega framkvæmd: Tollkerfadeild, tollasviði, hjá Tollstjóra
ttu[hja]tollur.is eða þjónustuvakt, sími: 560 0505 

Um tollamál og tollafgreiðslu: Þjónustuver tollasviðs Tollstjóra, sími 560 0315

Vegna bilunar í Tollalínunni eru skuldfærslulistar í sumum tilvikum rangir.

Viðgerð stendur yfir.

Ekki skal panta nýja lista meðan á viðgerð stendur.

Árvekni tollvarðar í Flugstöð Leifs Eiríkssonar í gærkvöld varð til þess að lögreglu var gert viðvart og handtók hún rúmenska parið, sem rændi úr skartgripaverslun á Laugaveginum í vikunni.

Parið vakti  athygli tollgæslu þegar það kom hingað til lands frá London síðastliðinn mánudag. Tollverðir stöðvuðu þá manninn og konuna við hefðbundið eftirlit í Flugstöð Leifs Eiríkssonar. Ýmislegt þótti gefa til kynna að  parið væri hingað komið til að hefja brotastarfsemi og gerðu tollverðir því lögreglunni á höfuðborgarsvæðinu gert viðvart.  Lýst var eftir fólkinu eftir að ofangreint þjófnaðarmál kom upp. Tollvörður sem hafði verið á mánudagsvaktinni, þegar höfð voru afskipti af parinu, þekkti það aftur þegar það birtist í flugstöðinni í gærkvöld. Hafði hann þegar samband við lögreglu, sem handtók fólkið. Leitað var á því í aðstöðu tollgæslunnar í flugstöðinni og annaðist kvenkyns tollvörður leitina á konunni. Fannst þá þýfi.

Tollverðir stöðvuðu nýverið sendingu sem innihélt fjóra leysibenda sem voru að styrk langt umfram það sem leyfilegt er. Sendingin kom frá Kína samkvæmt pöntun héðan. Átti hún, að því er sagði í leyfisumsókn viðkomandi, að innihalda einn leysibendi, innan við 5 millivött að styrk, en notkun leysibenda sem eru umfram 1 mW að styrk er háð leyfi Geislavarna ríkisins. Tollverðir fengu starfsmann frá Geislavörnum ríkisins til að mæla styrk bendanna. Í ljós kom að styrkur frá hverjum þeirra mældist vera 15 mW  til 25 mW með þeim rafhlöðum sem fylgdu þeim. Leysibendarnir voru því haldlagðir og Geislavarnir ríkisins höfnuðu umsókn um leyfi til notkunar, enda höfðu þeir allir mun meiri styrkleika heldur en umsóknin kvað á um.

Tollverðir hafa áður stöðvað varning af þessu tagi, til dæmis leikfangabyssur fyrir börn, sem voru búnar leysiljósum.

Tollstjóri minnir á að notkun ólöglegra leysibenda getur verið stórhættuleg eins og dæmi sanna. Minna má á alvarlegan augnskaða sem 13 ára drengur hlaut af völdum leysibendis hér á landi. Jafnframt á tilvik þar sem hætta hefur skapast þegar leysibendum hefur verið beint í Flugstjórnarklefa flugvéla í aðflugi. Geislavarnir ríkisins ráðleggja fólki að horfa ekki í blett sem öflugur leysibendir myndar, en endurvarpið sjálft getur valdið augnskaða. Þá bendir Tollstjóri á að óheimilt er að nota öfluga leysibenda án leyfis frá Geislavörnum ríkisins, auk þess sem tilkynna ber Geislavörnum um innflutning þeirra.  

Leysibendarnir sem stöðvaðir voru við tollskoðun. Geislavarnir ríkisins höfnuðu síðan leyfisumsókn til notkunar á þeim vegna styrkleika þeirra.

Sjá einnig: Um markaðseftirlit með leysibendum á vef Geislavarna ríkisins

Tollverðir hafa stöðvað smygl á rúmlega 14.000 e-töflum það sem af er þessu ári. Er það mun meira magn heldur en árið 2012, þegar haldlagðar voru 1.500 e-töflur. Sama máli gegnir um tilraunir til smygls á LSD. Þar hefur magnið stóraukist milli ára, því  það sem af er 2013 hafa tæplega 700 skammtar af efninu verið haldlagðir á móti tíu skömmtum á síðasta ári.

Þá hefur metmagn af amfetamíni verið haldlagt það sem af er árinu, eða rúm 30 kíló, eins og áður hefur komið fram. Að auki hafa verið haldlagðar 300 amfetamíntöflur og ríflega 1.700 millilítrar af amfetamínbasa, sem umreiknaðir í grömm nema rúmlega 17 kílóum af amfetamíni í föstu formi.

E-töflur sem tollverðir hafa haldlagt:

LSD sem haldlagt var í tollpósti:

Tollverðir hafa stöðvað smygl á rúmlega 14.000 e-töflum það sem af er þessu ári. Er það mun meira magn heldur en árið 2012, þegar haldlagðar voru 1.500 e-töflur. Sama máli gegnir um tilraunir til smygls á LSD. Þar hefur magnið stóraukist milli ára, því  það sem af er 2013 hafa tæplega 700 skammtar af efninu verið haldlagðir á móti tíu skömmtum á síðasta ári.

Þá hefur metmagn af amfetamíni verið haldlagt það sem af er árinu, eða rúm 30 kíló, eins og áður hefur komið fram. Að auki hafa verið haldlagðar 300 amfetamíntöflur og ríflega 1.700 millilítrar af amfetamínbasa, sem umreiknaðir í grömm nema rúmlega 17 kílóum af amfetamíni í föstu formi.

E-töflur sem tollverðir hafa haldlagt:

LSD sem haldlagt var í tollpósti:

Tollverðir stöðvuðu nýverið póstsendingu sem komin var hingað til lands og hafði að geyma fíkniefni. Þegar pakkinn var gegnumlýstur við tollskoðun, sást að hann hafði að geyma styttu af fíl. Hólf sem greina mátti í styttunni vakti grun um að óhreint mjöl í pokahorninu. Svo reyndist vera því hólfið hafði að geyma plastpoka sem innihélt nær tíu grömm af hvítu fíkniefni. Bentu  rannsóknir til þess að um metamfetamín væri að ræða. Pakkinn, sem sendur var hingað til lands frá Taílandi, var merktur sem gjöf. Málið var sent lögreglu til rannsóknar. Þetta dæmi sýnir glögglega  að aðferðirnar til að reyna að smygla fíkniefnum inn í landið eru eins margvíslegar og þær eru margar.

Keramikfíllinn leit sakleysislega út...

... en annað kom á daginn þegar pakkinn sem geymdi hann var gegnumlýstur.

Bögglapóstsendingum erlendis frá er nú þegar farið að fjölga eins og ævinlega  þegar líða tekur að jólum. Margir vilja vera tímanlega með þann hluta jólaundirbúningsins, enda eins gott, því  þúsundir sendinga sem innihalda jólagjafir berast til Íslands  síðustu vikurnar fyrir hátíðina.  Á síðasta ári bárust til dæmis rúmlega 21 þúsund bögglasendingar með pósti til landsins á þessum tíma.

Tollstjóri vill benda á að í ákveðnum tilvikum þarf ekki að greiða aðflutningsgjöld af jólagjöfum, sem sendar eru til landsins. Þetta á við um þær gjafir sem sendandi, búsettur erlendis, hefur meðferðis til Íslands eða sendir hingað og  ef verðmæti hverrar gjafar ekki meira en 13.500 krónur. Sé verðmæti gjafarinnar meira þarf að greiða aðflutningsgjöld af þeirri upphæð sem er umfram  13.500 krónur.

Þessar reglur gilda á hinn bóginn ekki um innflutning í atvinnuskyni né gjafir sem einstaklingar búsettir á Íslandi panta frá útlöndum. Varningur af þeim toga er ekki undanþeginn aðflutningsgjöldum.  Þá gilda gjafareglur ekki um gjafir sem einstaklingar búsettir á Íslandi kaupa erlendis og koma með til landsins.  Slíkar gjafir geta þó verið undanþegnar aðflutningsgjöldum, sem hluti af tollfríðindum ferðamanns, sem eru samtals kr. 88.000 og eiga við um allan varning sem einstaklingurinn kemur með til landsins eða kaupir í tollfrjálsri verslun.

Það sem af er ári 2013 hafa tollverðir stöðvað metmagn af amfetamíni  sem reynt var að smygla inn í landið. Á ofangreindu tímabili hafa rúmlega 30 kíló af efninu verið haldlögð, sem er gríðarleg aukning milli ára.

Þess utan er búið að haldleggja 300 amfetamín­töflur sem er rúmlega helmingi meira magn en á síðasta ári, því þá voru 140 amfetamíntöflur haldlagðar. Tekið skal fram að ekki liggur fyrir styrkleiki amfetamíns í föstu formi, sem haldlagt hefur verið því sum þeirra mála eru enn í rannsókn.

Hluti af amfetamínfundum tollgæslu  var  amfetamínbasi í vökvaformi sem umreiknaður hefur verið yfir í grömm.  Árið 2011 var um að ræða 1.570 millilítra, en 1.710 það sem af er þessu ári. Umreiknað magn basa í grömm fer eftir styrkleika hans. Reiknað er út samkvæmt styrkleika amfetamíns sem dreift er hér á markaði samkvæmt rannsóknum sem unnar eru af rannsóknarstofu Háskóla Íslands í lyfja- og eitur­efnafræðum.

Stórt mál á tollpósti með amfetamínbasa og dufti útskýrir að stórum hluta mikla aukningu í Reykjavík.

Haldlagður amfetamínbasi

*Tímabil frá 1. janúar 2013 til 11. október 2013.

Amfetamínbasi getur innihaldið mismikinn styrkleika og því mismunandi eftir styrkleika hve mörg grömm er hægt að framleiða úr basanum. Iðulega er mikill styrkleiki á basa sem tekinn er á landamærum. Meðalstyrkleiki amfetamíns í götusölu hefur mælst um 5.8% meðan styrkleiki haldlagðs amfetamíns á landamærum getur  farið í  90%. 

Amfetamínbasi í mismunandi umbúðum, sem reynt var að smygla inn í landið fyrir nokkru.

Innpakkað amfetamín, sem haldlagt var.

Í dósinni reyndist vera fleira en túnfiskur, sem átti að vera innihald hennar samkvæmt merkingum, því undir fiskinum var amfetamín.

Af gefnu tilefni vill Tollstjóri benda á að flutningur dýra og plantna, sem flokkuð eru í útrýmingarhættu, eða afurða þeirra milli landa er ekki leyfilegur nema að fengnu leyfi hjá Umhverfisstofnun. Um þetta gildir svokallaður CITES samningur um alþjóðaverslun með umræddar tegundir villtra dýra og plantna. Markmið samningsins er að vernda tegundir dýra og plantna sem eru í útrýmingarhættu með því að stjórna alþjóðlegum viðskiptum með þær. Alls eiga 178 lönd aðild að CITES samningnum, sem gildir um verslun með tegundir eða afurðir um 5.000 dýrategunda og 29.000 plöntutegunda

Á þetta er bent, þar sem brögð eru að því að stöðva þurfi sendingar í tollafgreiðslu, sem innihalda afurðir dýra sem eru á válista. Sem dæmi um innihald sendinga sem stöðvaðar hafa verið í gegnum tíðina má nefna fílabeinsmuni, fuglshami, muni unna úr skinni af pýtonslöngum og haus af krókódíl. Einnig eru dæmi um hlébarðaskinn, tígrisdýraskinn, kórala, eðlur, ísbjarnarskinn og sæskjaldböku.

Munir úr fílabeini sem voru stöðvaðir í póstsendingu fyrr á árinu.

Nánari upplýsingar:

Tollstjóri:  www.tollur.is

Umhverfisstofnun: www.ust.is/einstaklingar/liffraedileg-fjolbreytni/cites/

Fiskistofa: www.fiskistofa.is/utflutningur/cites/

www.cites.org/

Alls svöruðu 99 notendur vefsins könnun Tollstjóra um vef embættisins sem nýlega er lokið. Tollstjóri þakkar svarendum kærlega fyrir þátttökuna. Niðurstöður verða nýttar til að bæta vefinn og stefnt er að því að gera sambærilega könnun árlega.

Í könnuninni var spurt hver notandinn væri (einstaklingur eða fyrirtæki), hversu oft hann notaði vefinn, hversu vel honum fyndist vefurinn þjóna tilgangi sínum og hvort hann hafi fundið upplýsingarnar sem hann leitaði. Einnig var hægt að senda inn ábendingu um það sem betur mætti fara.

Rúmlega helmingur svarenda eða 54% voru einstaklingar og 46% starfsmenn fyrirtækja.

 Ábendingar um vefinn má senda á netfangið vefur[hja]tollur.is

Við hvetjum notendur vefsins til að svara laufléttri fimm spurninga könnun um vef Tollstjóra sem nú er opin á forsíðunni.

Með því að taka þátt áttu kost á að hafa áhrif á þróun vefsins og hjálpar okkur að gera hann betri.

Könnunin verður virk út þessa viku.

Helstu niðurstöður verða birtar á vefnum.

Taktu þátt í könnuninni (fimm einfaldar spurningar)

Október er mánuður Bleiku slaufunnar og árveknis- og fjáröflunarátaks Krabbameinsfélags Íslands gegn krabbameinum hjá konum.

Af því tilefni biður Krabbameinsfélagið alla landsmenn um að klæðast einhverju bleiku föstudaginn 11. október eða hafa bleikan lit í fyrirrúmi þann dag. Með því sýnum við samstöðu í baráttunni.

Starfsfólk Tollstjóra tekur áskoruninni og skartar bleiku í dag.

Stefnunni sem nú hefur verið birt á vefnum er ætlað að tryggja örugg og skilvirk samskipti og upplýsingaflæði jafnt innan embættisins og gagnvart ytri aðilum.

Upplýsinga- og samskiptastefna er afrakstur vinnu verkefnishóps skipuðum starfsmönnum frá öllum sviðum embættisins. Auk verkefnishópsins komu fjölmargir aðrir starfsmenn Tollstjóra að verkinu.

Verkefnahópinn skipuðu:

Björn Guðmundsson vefstjóri frá rekstrarsviði sem stýrði verkefninu.

Gunnlaug Hartmannsdóttir starfsþróunarstjóri.

Hjördís  Magnúsdóttir upplýsingafræðingur frá rekstrarsviði.

Ingileif Eyleifsdóttir lögfræðingur frá innheimtusviði.

Sigfríður Gunnlaugsdóttir alþjóðafulltrúi frá skrifstofu tollstjóra.

Svanhvít Reith lögfræðingur frá tollasviði.

Unnur Ýr Kristjánsdóttir forstöðumaður mannauðssviðs.

Valur Steinarsson skjalastjóri frá rekstrarsviði.

Upplýsinga- og samskiptastefna Tollstjóra, pdf skjal - (70 kb.)

Við hvetjum notendur vefsins til að svara laufléttri fimm spurninga könnun um vef Tollstjóra sem nú er opin á forsíðunni.

Með því að taka þátt áttu kost á að hafa áhrif á þróun vefsins og hjálpar okkur að gera hann betri.

Helstu niðurstöður verða birtar á vefnum.

Taktu þátt í könnuninni (fimm einfaldar spurningar)

Tollstjóri varar, af gefnu tilefni, við varasömum viðskiptaháttum tiltekinna erlendra  vefverslana, sem bjóða fólki ókeypis sýnishorn af vöru sinni gegn því að það gefi upp greiðslukortanúmer sín til að greiða sendingarkostnað. Umrædd fyrirtæki bjóða einkum upp á varning, sem flokkast undir fæðubótarefni, og andlitskrem.  „Tilboð"  þeirra birtast til dæmis á   Facebook, eða eru  jafnvel send á nöfn einstaklinga þar. Til að fá frítt sýnishorn, eins og boðið er upp á, gefur fólk upp nafn, heimilisfang og kortanúmer. Sýnishornið fær það síðan sent og sendingarkostnaðurinn er gjaldfærður af reikningum þess. En um leið og korthafi  veitir þessar upplýsingar til að fá sýnishornið er hann ómeðvitað búinn að samþykkja að fá umrædda vöru framvegis í áskrift. Síðan fara að berast fleiri sendingar og er greiðsla fyrir þær jafnóðum tekin af kortinu. Að auki þarf að greiða aðflutningsgjöld af varningnum.  Fjölmörg dæmi eru um það hér á landi og erlendis að fólk hafi þurft að loka kortum sínum af þessum sökum. Á bilinu þrjár til fimm sendingar af þessu tagi eru endursendar héðan á degi hverjum.
    

Það sem fólk þarf að hafa í huga áður en það þiggur boð um ókeypis sýnishorn frá erlendum vefverslunum er eftirfarandi:
                 

• - Aldrei gefa upp kortanúmer til aðila sem þú treystir ekki fullkomlega
• - Skoða vel síðuna, t.d. hvort auðvelt sé að skila vörunni og hvort innihaldslýsing hennar sé til staðar.
• - Kanna hvort hægt sé að fá sambærilega vöru ódýrari annars staðar.
• - Athuga hvort verð vörunnar komi greinilega fram.

Jafnframt skal bent á ráðleggingar um netverslun á vefsíðu Tollstjóra.

og Neytendastofu. 

Viðgerð vegna bilunar í tölvukerfi VEF-tollafgreiðslu, Farmverndar og Tollalínu er lokið. Kerfin eru nú "on-line"

Tugir tússpenna, sem fylltir höfðu verið með steradufti, reyndust vera í póstsendingu sem tollverðir tóku til skoðunar við tolleftirlit í póstmiðstöðinni á Stórhöfða nýverið. Eftir að sendingin, sem kom frá Hong Kong, hafði verið gegnumlýst þótti ástæða til að athuga hana nánar. Komu þá í ljós plastpokar með steradufti sem komið hafði verið fyrir í tússpennunum, öllum nema sex í sendingunni, sem stíluð var á íslenskan einstakling. Að auki voru í pakkanum talsvert af umbúðum, sem sýnilega voru ætlaðar undir steratöflur í sölu.

Lögreglan á höfuðborgarsvæðinu tók málið til rannsóknar í framhaldinu og fór meðal annars í húsleit í Kópavogi. Þar var lagt hald á töluvert magn af sterum, allnokkuð af skotfærum og búnað til lyfjaframleiðslu. Karlmaður á fimmtugsaldri var handtekinn á staðnum og yfirheyrður vegna málsins, sem telst nú upplýst. Tollstjóri veitir því ekki frekari upplýsingar.

 
Tússpenni með sterum.

Sterarnir voru í plastpokum, sem komið hafði verið fyrir í tússpennunum.

Talsvert magn umbúða fyrir stera var einnig í sendingunni.

Vegna mikils álags á þjónustuver innheimtusviðs er svörun fyrirspurna á eftir áætlun. Öllum fyrirspurnum verður svarað, en viðskiptavinir eru vinsamlega beðnir að sýna skilning á lengri biðtíma en venjulega. Vinsamlega sendið ekki sömu fyrirspurnina mörgum sinnum.

Við bendum á að viðskiptavinir Tollstjóra geta séð skuldastöðu sína á þjónustusíðu ríkisskattstjóra www.skattur.is með því að nota kennitölu og veflykil til innskráningar (sama veflykil og notaður er þegar skattframtali er skilað).

Þeim sem vilja greiða er bent á upplýsingar um bankareikninga á síðunni: Uppgjör skatta og gjalda 

Viðgerð vegna kerfisvillu í Tollakerfinu er lokið.  Tollafgreiðsla er farin í gang aftur.

Þann 1. september 2013 tekur gildi breyting vegna innflutnings á raftækjum. Þetta varðar ekki öll raftæki heldur eingöngu tiltekin raftæki skv. reglugerð, sjá listann í viðauka C. Sbr. einnig breyting á lista í viðauka C með reglugerð nr. 761/2013. Í meginatriðum eiga innflytjendur raftækja í atvinnuskyni að vera aðilar að skilakerfi Umhverfisstofnunar og skrá sitt númer í reit 14 á aðflutningsskýrslu. Vegna breytingarinnar var búinn til nýr leyfislykill, LRT [Leyfi raf- og rafeindatæki, aðild að skilakerfi] og eru öll tollskrárnúmer tengd lyklinum, sem eru háð þessu skilyrði.

Almennt um breytingu

Almennt skulu innflytjendur í atvinnuskyni vera aðilar að skilakerfi Umhverfisstofnunar. Skráningin fer annað hvort fram hjá Umhverfisstofnun eða í gegnum annað tveggja viðurkenndra skilakerfa (RR skil eða Samskil). Nálgast má frekari upplýsingar um skilakerfi vegna raf- og rafeindatækja á heimasíðu Umhverfisstofnunar. Frá 1. sept. 2013 eiga innflytjendur að vísa til leyfislykilsins LRT og leyfisnúmers Umhverfisstofnunar í reit 14 á aðflutningsskýrslu.  Lista yfir leyfisnúmer Umhverfisstofnunar má nálgast á heimasíðu stofnunarinnar.

Undantekningar

Frá framangreindri reglu eru tvær undantekningar: a) Varan er sannanlega ekki raf- eða rafeindatæki; þá er vísað til LRT og EKKIRAF í reit 14; b) Innflutningur einstaklinga vegna einkanota; þá er vísað til LRT og EINKNT í reit 14.

Upplýsingar vegna hugbúnaðar til tollskýrslugerðar

Tollskrárlyklar til nota í tollskýrslugerðarhugbúnaði vegna innflutnings vara, sem taka gildi 1. september 2013, eru aðgengilegir hér á vef Tollstjóra. Í CUSDOR skeyti (EDI skeyti), beiðni send innflytjanda eða tollmiðlara um að senda tiltekin tollskjöl aðflutningsskýrslu til Tollstjóra, er tekinn upp nýr skjalakódi: Leyfi raf- og rafeindatæki, aðild að skilakerfi. Í tollskýrslugerðarhugbúnaði þarf að stofna LRT leyfislykilinn í skrá/töflu, sem notuð er vegna reits 14 í aðflutningsskýrslu og einnig þarf að stofna LRT lykilinn sem skjalakóda er komið getur í CUSDOR skeyti; bara LRT leyfislykillinn sjálfur er sendur í skeytinu, en túlka þarf leyfislykilinn í textann: Leyfi raf- og rafeindatæki, aðild að skilakerfi.

Ítarefni

Kynningarfundur þann 24. apríl, þar sem fulltrúar frá Umhverfisstofnun, Umhverfis- og auðlindarráðuneytinu og Tollstjóra fóru yfir meginatriði breytingar.

Glærukynning frá fulltrúa Tollstjóra.

Heimasíða Umhverfisstofnunar.

Leiðbeiningar um útfyllingu aðflutningsskýrslu.

Á því hefur borið að undanförnu, að einstaklingar,  búsettir  erlendis,  bjóðist til að kaupa varning, einkum fatnað fyrir Íslendinga og senda hingað til lands, gegn ákveðinni þóknun sér til handa. Að auki er fullyrt að ekki þurfi að greiða toll né önnur lögbundin gjöld af vörunni, þar sem pakkinn sé merktur sem „gjöf."  Auglýsingar þessa efnis hafa birst á tilteknum vefsíðum á netinu.

Tollstjóri vill vara fólk við þessari fullyrðingu,  því  hún eru beinlínis röng og engin innistæða fyrir henni.  Meginreglan er sú að greiða skuli aðflutningsgjöld af öllum vörum sem fluttar eru til landsins.

Skilyrði undanþáguheimildar  er að um gjöf af sérstöku tilefni sé að ræða. Gjafir vegna afmælis, brúðkaups, jóla eða fermingar teljast meðal annars vera gjafir af sérstöku tilefni í þessu samhengi. Sending þarf einnig að bera það með sér að um sé að ræða gjöf frá gefanda búsettum erlendis og að tengsl séu milli hans og þess sem gjöfina fær. 

Nánari upplýsingar má finna í 32. grein reglugerðar 630/2008 á vefsíðu innanríkisráðuneytisins:  http://www.reglugerd.is/interpro/dkm/WebGuard.nsf/aa0d47377abc977400256a090053ff91/05a70190634698c80025749d005871b3?OpenDocument&Highlight=0,630%2F2008

Tollstjóri hefur nýlega úrskurðað um endurgreiðslu virðisaukaskatts af vörum sem ætlaðar eru til flugreksturs.

Úrskurðir Tollstjóra eru birtir á þessari síðu á vef embættisins.

Útgáfa 2 af tollskrá er nú aðgengileg á netinu á pdf formi.  Ensk útgáfa er sömuleiðis aðgengileg á enska vefnum.

Pappírsuppfærslurnar eru í prentun og verður dreift til þeirra aðila sem eiga útprentaða skrá við fyrsta tækifæri. 

Frá 1. janúar 2012 hafa nokkrar breytingar verið gerðar á tollskránni. Breytingar þessar leiðir af 10. gr. laga nr. 42/2012, 34. gr. laga nr. 146/2012, 9. gr. laga nr. 156/2012, 9. gr. laga nr. 22/2013 og auglýsingu nr. 4/2013. Breytingarnar hafa verið felldar inn í texta þessarar útgáfu Tollskrár 2012.

Viðskiptavinir þjónustuvers Tollstjóra eru beðnir um að sýna skilning á lengri biðtíma en venjulega vegna mikils álags.

Við bendum á að viðskiptavinir Tollstjóra geta séð skuldastöðu sína á þjónustusíðu ríkisskattstjóra www.skattur.is með því að nota kennitölu og veflykil til innskráningar (sama veflykil og notaður er þegar skattframtali er skilað).

Þeim sem vilja greiða er bent á upplýsingar um bankareikninga á síðunni: Uppgjör skatta og gjalda 

Tollverðir haldlögðu fyrr í mánuðinum talsvert magn af smyglvarningi, sem átta skipverjar á flutningaskipinu Arnarfelli  gengust við að eiga. Um var að ræða nær áttatíu lítra af áfengi  og 6.800 vindlinga. Varningurinn, sem ekki hafði verið framvísað við tollafgreiðslu, var ýmist falinn í skipinu eða utan þess þar sem það lá í höfn við Holtagarða.

Þennan umrædda dag  stöðvuðu tollverðir þrjár bifreiðar skipverja sem ekið var frá skipshlið og fannst smyglvarningur, bæði áfengi og vindlingar, í þeim öllum. Í ruslagámi við hlið skipsins fundu tollverðir einnig smyglvarning, sem tveir skipverja gengust við að eiga.

Í klefa í skipinu, sem í var geymdur björgunarbúnaður fundust þrjár stórar töskur faldar bak við búnaðinn.  Þær höfðu einnig að geyma áfengi og vindlinga. Auk alls þessa framvísuðu tveir skipverjar til viðbótar  smyglvarningi, sem þeir höfðu falið í skipinu.

Sjö af skipverjunum átta, sem hlut áttu að máli, gengu frá sektargerð á staðnum. Magn varnings í fórum hins áttunda var hins vegar það mikið að sektarfjárhæð var yfir þeim mörkum sem leyfilegt er að ganga frá á vettvangi. Var því máli því vísað áfram til rannsóknardeildar Tollstjóra.

Í aðgerðinni voru innheimtar sektir samtals að fjárhæð tæplega fimm hundruð þúsund krónur. Málið telst upplýst og veitir Tollstjóri því ekki frekari upplýsingar um það.

Áfengið og vindlingarnir sem tollverðir haldlögðu fyrr í mánuðinum:

Mikilvægt er að þeir foreldrar sem þiggja greiðslur frá fæðingarorlofssjóði hafi sjálfir frumkvæði að því að greiða álagða skatta sem lagðir voru á í álagningu opinberra gjalda í júlílok.

Ólíkt því sem gildir almennt um launagreiðslur þá eru álagðir skattar ekki dregnir af greiðslum frá fæðingarorlofssjóði. Greiðsluseðlar eru ekki sendir þar sem launagreiðendur tilkynna almennt ekki foreldra, sem þiggja greiðslur frá fæðingarorlofssjóði út af launagreiðendaskrá.

Álagningin gjaldfellur á 5 gjalddögum fram að áramótum. Á innheimtuseðli sem fylgir álagningarseðlinum kemur fram hve háa fjárhæð á að greiða á hverjum gjalddaga, eindagi er síðasti virki dagur sama mánaðar. Ef ekki er greitt á eindaga ber krafan dráttarvexti frá gjalddaga.

Hægt er að fá nánari upplýsingar hjá þjónustuveri Tollstjóra, s. 560 0350, á heimasíðunni www.tollur.is  og sýslumönnum utan Reykjavíkur  www.syslumenn.is

Álagning þing- og sveitarsjóðsgjalda á einstaklinga vegna tekna á árinu 2012 hefur verið birt hjá Ríkisskattstjóra. Hér að neðan eru upplýsingar um hvernig hægt er að létta mánaðarlega greiðslubyrði með gerð greiðsluáætlunar hjá innheimtumanni ríkissjóðs.

Inneignir (vaxta- og barnabætur, ofgreidd staðgreiðsla) eru greiddar inn á bankareikninga 1. ágúst 2013.

Lækkun launaafdráttar

Við álagningu þing- og sveitarsjóðsgjalda er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs. Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra (eða þeim innheimtumanni ríkissjóðs sem innheimtir kröfuna) til að lækka launaafdráttinn. Skatturinn er þá greiddur upp á lengri tíma sem hefur í för með sér aukinn vaxtakostnað en lægri mánaðarlega greiðslubyrði. Launaafdrætti er eingöngu beitt vegna þing-og sveitarsjóðsgjalda.

Launþegi þarf að fylgjast með því að tekið sé af launum í samræmi við álagningarseðil skattstjóra. Ef afdráttur af launum er ekki greiddur til innheimtumanns er sá möguleiki fyrir hendi að koma með launaseðilinn til Tollstjóra/viðeigandi innheimtumanns og sýna fram á greiðslu. Ef ekki er tekið af launum og enginn greiðsluseðill sendur er gjaldendum bent á að hafa samband við Tollstjóra (eða viðeigandi innheimtumann) og fá að millifæra greiðslu.  Einnig er hægt að greiða hjá gjaldkera á 5. hæð Tollhússins, Tryggvagötu 19, og sýslumönnum utan Reykjavíkur.

Nánar um lækkun launaafdráttar

Greiðsluerfiðleikar

Ef einstaklingur er ekki í vinnu eða starfar sjálfstætt fær hann sendan greiðsluseðil vegna vangoldinna skatta. Eigi hann í erfiðleikum með að greiða er hægt að láta gera greiðsluáætlun hjá innheimtumanni ríkissjóðs. Þá er greiðslunum dreift yfir lengra tímabil sem hefur í för með sér aukinn vaxtakostnað en léttari mánaðarlega greiðslubyrði.

Áætlanir skattstjóra

Innheimtuaðgerðir eru þær sömu hvort sem skattur er lagður á samkvæmt framtali eða áætlaður. Ef um áætlun skattstjóra er að ræða er mikilvægt að skila inn framtölum til að fá álagningu skatta leiðrétta. Hafi það verið gert er hægt að miða innheimtu skatta við bráðabirgðaútreikning, en leggja þarf fram staðfestingu á því að framtali hafi verið skilað. Staðfesting á skilum á framtali getur verið móttökukvittun og bráðabirgðaútreikningur á álagningunni sem hægt er að prenta út þegar framtali er skilað í gegnum þjónustusíðu á vef Ríkisskattstjóra. Einnig er hægt að fá staðfest afrit af framtalinu á skattstofunni eða með því að prenta það út af þjónustusíðu Ríkisskattstjóra.

Þar sem álagning skatta er aðskilin frá innheimtu þeirra, hafa Tollstjóri og aðrir innheimtumenn ríkissjóðs ekki upplýsingar um skattkærur og fyrirhugaðar leiðréttingar. Það er því áríðandi fyrir skattgreiðanda að láta Tollstjóra/viðeigandi innheimtumann ríkissjóð vita af slíku tilviki og ganga frá greiðsluáætlun. Geri hann það ekki hefjast innheimtuaðgerðir sem hafa í för með sér óafturkræfan kostnað og óþægindi.

Í öllum tilvikum borgar það sig að hafa samband við Tollstjóra/viðeigandi innheimtumann sem fyrst ef upp koma greiðsluerfiðleikar. Með álagningarseðlinum er sendur innheimtuseðill og á honum kemur fram hvaða innheimtumaður ríkissjóðs er með álagninguna til innheimtu.

Skuldajöfnuður

Innheimtumanni ríkissjóðs ber að skuldajafna inneignum við gjaldfallnar kröfur gjaldanda. Vakin er athygli á að skuldajöfnunarheimild á milli samskattaðra maka varðandi þing- og sveitarsjóðsgjöld. Barnabótum er ekki skuldajafnað nema upp í ofgreiddar barnabætur.

Hér má finna nánari upplýsingar um skuldajöfnuð.

Þjónustufulltrúar

Þjónustufulltrúar lögfræðideildar útbúa greiðsluáætlanir um lækkun launafdráttar og frestun innheimtuaðgerða vegna krafna sem Tollstjóri innheimtir. Þeir eru staðsettir á 5. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30. Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími eftir viðtali lengst. Það getur því sparað tíma og fyrirhöfn að ganga frá greiðsluáætlun með tölvupósti.

Álagningarseðla og aðrar upplýsingar um álagningu skatta er hægt að nálgast á vefnum www.skattur.is

Hægt er að ganga frá flestum greiðsluáætlunum um lækkun launaafdráttar með því að senda þjónustufulltrúum lögfræðideildar tölvupóst á netfangið vanskil@tollur.is. Einnig er hægt að gera greiðsluáætlun með því að koma til þjónustufulltrúa lögfræðideildar á 5. hæð Tollhússins. Yfirleitt eru margir sem leita til þjónustufulltrúa í kjölfar álagningar opinberra gjalda og því getur biðtími lengst. Það getur því sparað tíma og fyrirhöfn að ganga frá greiðsluáætlun með tölvupósti.

Áætlaðir skattar

• Hafi skattar verið áætlaðir er hægt að láta útbúa greiðsluáætlun um lækkun launaafdráttar með því að koma með eða senda bráðabirgðaútreikning og er þá útbúin greiðsluáætlun í samræmi við hann.
• Bráðabirgðaútreikning færðu á þjónustusíðu Ríkisskattstjóra http://www.skattur.is/ eða hjá Ríkisskattstjóra.
• Greiðsluáætlunina afhendir þú vinnuveitanda þínum sem á að draga af launum þínum í samræmi við hana. Ef þú óskar þess getum við sent greiðsluáætlunina með tölvupósti beint til vinnuveitanda þíns. Launakerfi ríkissjóðs og Reykjavíkurborgar fá sjálfkrafa upplýsingar um greiðsluáætlunina.

Álagðir skattar samkvæmt framtali

• Ef þú vilt greiða álagða skatta samkvæmt framtali á lengri tíma en þeim fimm gjalddögum sem gert er ráð fyrir í lögum um tekjuskatt, er hægt að láta gera greiðsluáætlun sem dreifir greiðslum skattanna yfir lengra tímabil.
• Greiðsluáætlunina afhendir þú vinnuveitanda þínum sem á að draga af launum þínum í samræmi við hana. Ef þú óskar þess getum við sent greiðsluáætlunina með tölvupósti beint til vinnuveitanda þíns. Launakerfi ríkissjóðs og Reykjavíkurborgar fá sjálfkrafa upplýsingar um greiðsluáætlunina.

Hafa þarf hugfast að gerð greiðsluáætlunar kemur ekki í veg fyrir að inneignum verði skuldajafnað upp í þær kröfur sem gjaldfallnar eru.

Nánari upplýsingar um álagningu og launaafdrátt 2013

Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar og EDI/SMT-tollafgreiðslu. Og upplýsingar fyrir innflytjendur, sem nota VEF-tollafgreiðslu á vef Tollstjóra.

Ábendingar
Almennt gildir að breytingarnar taka til allra viðkomandi vara sem ótollafgreiddar eru 1. júlí 2013. 

Um útflutning gildir sérstaklega: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag flutningsfars til útlanda er flytur vörusendingu sem útflutningsskýrslan tekur til.

Þegar leiðrétta eða breyta þarf aðflutningsskýrslum vegna þegar tollafgreiddra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna til notkunar innanlands (langoftast komudagur hraðsendingar til landsins).

Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra fyrir og eftir 1. júlí 2013 með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra. Breytta, uppfærða tollskrá í tollskránni á vef Tollstjóra má skoða frá og með 1. júlí 2013.

1.
Breyting á tollskrá, viðauka I við tollalög nr. 88/2005
Varðar bæði inn- og útflutning. Breyting verður á tollskrá 1. júlí 2013: Tollskrárnúmerið 9619.0090 fellur úr gildi og skiptist upp í tvö ný tollskrárnúmer: 9619.0091 og 9619.0099. Að auki verður 7% vsk á 9619.0091; barnableiur og laust bleiufóður úr öðru en pappír eða vatti, margnota. Heimild: 34. gr. og c. liður 2. gr. laga nr. 146/2012 um ráðstafanir í ríkisfjármálum, sbr. um gildistöku þessara breytinga á tollskrá og virðisaukaskatti í b. lið 35. gr. sömu laga.

Sjá lið 4 hér neðar varðandi uppfærða tollskrárlykla til nota í hugbúnaði til tollskýrslugerðar.

2.
Ný tegund tolls, kódi EF, fyrir tileknar vörur upprunnar í EFTA-ríkjunum
Breytingar á stofnsamningi EFTA, sem ákvarðaðar voru með ákvörðun sameiginlegu nefndarinnar nr. 2/2012, munu taka gildi þann 1. júlí 2013. Helstu breytingar eru þær að í staðinn fyrir sérstakan viðauka með upprunareglum kemur tilvísun í svæðisbundinn samning um upprunareglur sem eru sameiginlegar Evrópu og Miðjarðarhafslöndum og veita tollfríðindi. Þar fyrir utan eru gerðar þær breytingar að aukin tollfríðindi gilda fyrir landbúnaðarvörur, sem upprunnar eru í EFTA ríki og fluttar eru þaðan til annars ríki í EFTA,  að öllum skilyrðum upprunareglna uppfylltum, m.a. að varan þarf að vera flutt beinum flutningi til landsins og gild upprunasönnun þarf að liggja fyrir (EUR upprunasönnun). Þar sem um tollfríðindi er að ræða sem eru víðtækari en þau sem veitt eru á grundvelli EES-samningsins (E kódi fyrir tegund tolls), hefur verið gerður nýr kódi, EF, fyrir tegund tolls sem notaður skal þegar óskað er eftir í aðflutningsskýrslu að nýta tollfríðindi skv. samningnum.

Þegar það á við er EF kódi fyrir tegund tolls skráður í reit 33 í aðflutningsskýrslu í vörulínu, ebl. E-1.1, og landakódi hlutaðeigandi EFTA-lands (NO fyrir Noreg, CH fyrir Sviss eða LI fyrir Liechtenstein) skráður í reit 34 fyrir upprunaland.

Tollskýrslugerðarhugbúnaður: Stofna þarf nýja tegund tolls, EF kóda, í töflu tegunda tolla og landakódar á EF tolli skulu vera: NO, CH, LI og IS. Sjá lið 4 hér neðar varðandi uppfærða tollskrárlykla til nota í hugbúnaði til tollskýrslugerðar.

3.
Króatía verður aðildarríki Evrópusambandsins, ESB, frá og með 1. júlí 2013
Króatía mun 1. júlí 2013 verða aðildarríki Evrópusambandsins. Um leið fellur úr gildi fríverslunarsamningur EFTA og Króatíu sem og tvíhliða samningur Íslands og Króatíu hvað varðar fríverslun með landbúnaðarvörur. R kódi fyrir tegund tolls skv. þessum samningum fellur því úr gildi, sbr. reitur 33 í aðflutningsskýrslu, ebl. E-1.1. Frá og með 1. júlí nk. munu þar af leiðandi þeir fríverslunarsamningar sem gerðir hafa verið við ESB gilda í viðskiptum við Króatíu. Þegar þeir eiga við er E kódi fyrir tegund tolls skráður í reit 33 í aðflutningsskýrslu og landakódi Króatíu, HR kódi, skráður í reit 34 fyrir upprunaland. Í tilteknum tilvikum getur átt að skrá B kóda fyrir tegund tolls í stað E kóda, skv. sérstökum samningum á milli ESB og Íslands.

Upprunaskírteini sem gefin hafa verið út fyrir vörur sem sendar eru til Króatíu, hvort sem er við tollafgreiðslu eða eftirá í samræmi við viðeigandi ákvæði, og tollafgreiddar fyrir 1. júlí nk., munu halda gildi sínu, að því tilskyldu að slíkar upprunasannanir verði lagðar fyrir tollyfirvöld í Króatíu innan fjögurra mánaða frá og með 1. júlí nk.

Tollskýrslugerðarhugbúnaður: Fella þarf R kóda í töflu tegundar tolls úr gildi og bæta við landakóda Króatíu (HR kódi) við þá landakóda sem skráðir eru á E og B tegund tolls. Sjá lið 4 hér neðar varðandi uppfærða tollskrárlykla til nota í hugbúnaði til tollskýrslugerðar.

4.
Tollskrárlyklar til nota í tollskýrslugerðarhugbúnaði, bæði inn- og útflutningur
Tollskrárlyklar, sem taka gildi 1. júlí 2013, verða aðgengilegir hér á vef Tollstjóra frá og með 27. júní 2013. Bæði vegna tollskrárlykla inn- og útflutnings. 

5.
Nánari upplýsingar
Um tæknilega framkvæmd: Tollkerfadeild, tollasviði hjá Tollstjóra
ttu[hja]tollur.is eða þjónustuvakt, sími: 560 0505 

Um tollamál og tollafgreiðslu: Þjónustuver tollasviðs Tollstjóra, sími 560 0315

Gjaldendum vörugjalda ber að greiða vörugjald inn á reikning Tollstjóra samkvæmt vörugjaldsskýrslu. Ekki mun myndast krafa í heimabanka gjaldenda. Einnig er hægt að koma til gjaldkera hjá Tollstjóra og gera upp samkvæmt skýrslu.

Greiða ber inn á reikning 0101-26-85002 kt.: 650269-7649 og setja í skýringartexta: „Vörugjald".

Kveðinn hefur verið upp úrskurður ríkistollanefndar nr. 1/2013 og fjallar hann um endurgreiðslu vörugjalds vegna bensíns á flugvél.  Hér er að finna stutta reifun á málavöxtum og niðurstöðu úrskurðarins.  Úrskurðurinn í heild sinni verður birtur á heimasíðu Tollstjóra þegar hann hefur borist í réttu formi til birtingar frá ríkistollanefnd.

1.   Málavextir

Kærður var úrskurður Tollstjóra nr. 2/2013 þar sem endurgreiðslu vörugjalds vegna bensíns á flugvél var hafnað. Kærandi setti 95 oktana bensín á flugvél sína úr bensíndælum við Fisfélag Reykjavíkur og Litlu Kaffistofuna og krafðist endurgreiðslu vörugjalds í samræmi við 17. gr. laga nr. 29/1993 um vörugjald af ökutækjum, eldsneyti o.fl. Synjun Tollstjóra var byggð á þeim rökum að þar sem notendur bensínsins afgreiði sig sjálfir væri ekki fyrir hendi fullnægjandi sönnun þess að bensínið hefði verið notað á flugvélar. Kærandi krafðist þess að ríkistollanefnd ógilti ákvörðun Tollstjóra og að vörugjaldið yrði endurgreitt, ásamt dráttarvöxtum og málskostnaði.

2.   Niðurstaða ríkistollanefndar

Ríkistollanefnd staðfesti úrskurð Tollstjóra. Nefndin vísaði í tilurð eða forsögu nefndrar 17. gr. laga nr. 29/1993 um vörugjald af ökutækjum, eldsneyti o.fl. í því skyni að rökstyðja hvort ákvæði hennar ætti við um allt bensín í vörulið 2710 í tollskrá eða hvort ákvæðið tæki aðeins til flugvélabensíns í tnr. 2710.1210. Nefndin taldi ljóst að vilji löggjafans hafi bersýnilega verið sá að undanþága vörugjalds skv. umræddri lagagrein tæki aðeins til flugvélabensíns í tnr. 2710.1210 en ekki annars bensíns. Þá fór nefndin ítarlega í gegnum sönnunarþátt málsins og þær bensíndælur sem kærandi notaði til að tanka á flugvél sína. Umræddar dælur væru annars vegar í almennri bensínstöð við þjóðveg 1 sem þjóni fyrst og fremst ökutækjum og hins vegar á opnu athafnasvæði Fisfélags Íslands sem vettvangskönnun nefndarmanna leiddi í ljós að ökutæki kæmust hindrunarlaust að. Þrátt fyrir að kærandi hafi skilað inn ljósmyndum af bensínafgreiðslum flugvélarinnar þá væru engar upplýsingar fyrir hendi um flug flugvélarinnar, flugtíma, flugleiðir eða eyðslu hennar á flugi. Þóttu því skilyrði umræddrar 17. gr. laga nr. 29/1993 um fullnægjandi sönnun ekki uppfyllt að mati ríkistollanefndar.

Tollverðir haldlögðu nær tuttugu kíló af skartgripum, sem erlendur karlmaður er kom með Norrænu hingað fyrr í þessum mánuði, hugðist koma inn í landið. Um var að ræða hálsmen, hringa og armbönd. Maðurinn var á ferð ásamt  þremur öðrum og hafði fólkið falið varninginn í bifreiðum sínum sem það flutti með Norrænu  hingað.

Tollafgreiðsla ferjunnar stóð yfir þegar fjórmenningarnir, tveir karlmenn og tvær konur á aldrinum frá þrítugu til rúmlega fertugs mættu til afgreiðslu í græna hliðið. Við leit í bifreiðum þeirra fundust skartgripirnir, á sjöunda hundrað stykki. Um var að ræða skart sem virtist úr gulli eða gullhúðað, en reyndist vera úr messing. Leikur grunur á að fólkið hafi ætlað að koma því í verð hér. En þar sem skartgripunum  var ekki framvísað, eins og skylt er samkvæmt gildandi lögum og reglum, og verðmæti þeirra umfram tollfrjálsar heimildir var varningurinn haldlagður. Að auki var einn ferðalanganna, sem gekkst við því að eiga góssið, með það magn af tollfrjálsum varningi, sem honum var heimilt að taka með sér til landsins. Hann greiddi sekt vegna hins ólöglega innflutnings og féllst á upptöku skartgripanna.

Embætti Tollstjóra vekur athygli inn- og útflytjenda á því að Króatía mun þann 1. júlí 2013 verða aðildarríki Evrópusambandsins (ESB). Um leið fellur úr gildi fríverslunarsamningur EFTA og Króatíu sem og tvíhliða samningur Íslands og Króatíu hvað varðar fríverslun með landbúnaðarvörur. R kódi fyrir tegund tolls skv. þessum samningum fellur því úr gildi, sbr. reitur 33 í aðflutningsskýrslu, ebl. E-1.1. Frá og með 1. júlí nk. munu þar af leiðandi þeir fríverslunarsamningar sem gerðir hafa verið við ESB gilda í viðskiptum við Króatíu. Þegar þeir eiga við er E kódi fyrir tegund tolls skráður í reit 33 í aðflutningsskýrslu og landakódi Króatíu, HR kódi, skráður í reit 34 fyrir upprunaland. Í tilteknum tilvikum getur átt að skrá B kóda fyrir tegund tolls í stað E kóda, skv. sérstökum samningum á milli ESB og Íslands.

Upprunaskírteini sem gefin hafa verið út fyrir vörur sem sendar eru til Króatíu, hvort sem er við tollafgreiðslu eða eftirá í samræmi við viðeigandi ákvæði, og tollafgreiddar fyrir 1. júlí nk., munu halda gildi sínu, að því tilskyldu að slíkar upprunasannanir verði lagðar fyrir tollyfirvöld í Króatíu innan fjögurra mánaða frá og með 1. júlí nk.

Fíkniefnaleitarhundurinn Asi er farinn til feðra sinna. Hann var fæddur 26.04.2001 í veiðihundaræktun í Bretlandi. Asi var valinn úr hópi fjölda hunda til að hefja þjálfun sem fíkniefnaleitarhundur. Frá Bretlandi var hann fluttur til Noregs þar sem hann var forþjálfaður til leitar að fíkniefnum af norsku tollgæslunni og síðan sendur til Íslands í maí 2003 ásamt leitarhundunum Ned og Nelson. Upprunalega hét hann Archie en við komuna til landsins var nafn hans íslenskað og var hann þekktur hér af öllum sem Asi.

Asi hlaut áframhaldandi þjálfun hér á landi og fluttist til tollvarðarins og hundaþjálfara síns Stefáns þann 28.12.2003. Þeir störfuðu saman sem útkallsteymi fyrir toll og lögreglu í rétt rúm 6 ár eða til 01.02.2010.  Þá lét Asi af störfum vegna aldurs og heilsu og Stefán tók við nýjum fíkniefnaleitarhundi. Asi átti síðan nokkur góð ár sem heimilishundur hjá starfsfélaga sínum og þjálfara og fjölskyldu hans.

Asi var einn af okkar öflugustu leitarhundum og átti þátt í mörgum fíkniefnamálum bæði fyrir tollgæslu og lögreglu. Asi var einkar ljúfur hundur og skemmtilegur starfsfélagi og verður hans lengi minnst fyrir frábæran starfsferil. Embætti Tollstjóra sendir Stefáni og fjölskyldu hans samúðarkveðjur.

Tollverðir fundu nýverið amfetamín sem falið hafði verið í tölvulyklaborði. Lyklaborðið barst hingað til lands með póstsendingu frá Taílandi. Tollverðir tóku það til nánari skoðunar og fundu þá í því á annan tug gramma af amfetamíni, sem hafði  verið pakkað  vandlega inn í  álpappír og falið í því. Sendingin var stíluð á einstakling hér á landi.

Lögreglan á höfuðborgarsvæðinu hefur haft rannsókn málsins með höndum og er henni nú lokið. Tollstjóri veitir því ekki frekari upplýsingar um málið.

Þann 4. júní var haldinn kynningarfundur um upprunareglur fríverslunarsamnings milli Kína og Íslands í samvinnu Íslandsstofu og Utanríkisráðuneytisins. Þessi fundur var haldinn í framhaldi af almennum kynningarfundi vegna samningsins, þar sem í ljós kom mikill áhugi á málefninu.

Andri Marteinsson frá Íslandsstofu var fundarstjóri, Ragnar G. Kristjánsson frá utanríkisráðuneytinu kynnti hvaða tollar eru felldir niður á grundvelli samningsins og í hvaða tilvikum væri um stiglækkandi tolla að ræða á 5 eða 10 ára tímabili. Svanhvít Reith kom fram fyrir hönd Tollstjóra og kynnti upprunareglur samningsins.

Á fundinn, sem haldinn var á Grand hótel, mættu um 100 manns.

Sjá einnig frétt á vef Íslandsstofu

Tollverðir haldlögðu mikið magn þýfis sem reynt var að koma um borð í Norrænu skömmu fyrir brottför ferjunnar í síðustu viku. Þýfið fannst í bifreið manns, sem var einn á ferð, og hugðist yfirgefa landið með ferjunni.

Meðal þess sem tollverðir fundu voru 355 kíló af kopar, sem falinn hafi verið í bifreiðinni. Einnig 180 kíló af muldu síuefni úr hvarfakútum, sem falin voru í plastpokum í fjórum jeppadekkjum. Þá fannst glussaklippukjaftur, sem talinn er hafa verið notaður til að klippa hvarfakúta undan bílum. Mikið magn snyrtivara var einnig falið víðs vegar í bíl mannsins svo og sterkur segull, sem ætlað er að hafi verið notaður til að trufla öryggishlið í verslunum.

Að auki fundu tollverðir í bílnum 20 lítra brúsa með díselolíu og öfluga flugeldatertu, en hvoru tveggja er óheimilt að flytja með Norrænu.

Maðurinn sem um ræðir var aðili að umfangsmiklu hvarfakútamáli, sem upp kom á Seyðisfirði í apríl, þegar reynt var að smygla rúmlega 400 keramikeiningar úr nýjum og notuðum hvarfakútum úr landi.

Tollverðir afhentu lögreglu þýfið sem þeir fundu í síðustu viku og rannsakar lögreglan á höfuðborgarsvæðinu málið. Tollstjóri veitir því ekki nánari upplýsingar um það.

Á myndinni má sjá hvernig 180 kílóum af muldu síuefni úr hvarfakútum var komið fyrir í jeppadekkjunum.

Tollstjóra barst nýverið góð viðbót við tækjabúnað embættisins. Þá afhentu fulltrúar frá Geislavörnum ríkisins embættinu til láns greiningartæki sem mæla geislavirkni í umhverfinu. Tækin verða í notkun tollvarða til reynslu í sex mánuði. Eitt tækjanna, sem er fullkominn geislaskimunarbúnaður, er staðsett í bifreið embættisins. Með notkun þess búnaðar er hægt að finna og þekkja geislavirk efni úr fjarlægð. Búnaðurinn verður notaður til skimunar á flugvöllum, hafnarsvæðum og þeim stöðum öðrum, þar sem nauðsyn er talin á slíku eftirliti

Geislavarnir hafa einnig lánað embættinu litla, næma geislamæla og tollverðir munu bera slík handtæki á sér við störf sín.

Á undanförnum árum hefur verið vaxandi áhersla á skimun eftir geislavirkum efnum á landamærum.

Mikilvægt er að geta sýnt fram á að hérlendis sé ekki síðra eftirlit en í grannlöndum okkar, bæði til að koma í veg fyrir að flutningar um Ísland verði talin auðveld smyglleið og einnig til þess að forðast íþyngjandi ráðstafanir móttökulanda ef þeim finnst skimun ábótavant hér.

Með því að nota þennan búnað sendir embætti Tollstjóra frá sér þau skilaboð, að ekki sé fýsilegt að nota íslenskar hafnir til umflutnings á geislavirkum efnum.

Lán á þessum búnaði er liður í samstarfi embættis Tollstjóra og Geislavarna ríkisins.

Sjá nánar á heimasíðu Geislavarna ríkisins www.gr.is

Kári Gunnlaugsson yfirtollvörður, ásamt Sigurði M. Magnússon forstjóra Geislavarna ríkisins og Sigurði Emil Pálssyni viðbúnaðarstjória GR. Hægra megin í tollgæslubílnum má sjá skimunarbúnaðinn, sem þar hefur verið komið fyrir.

Frá afhendingu tækjanna. Sigurður Emil Pálsson viðbúnaðarstjóri GR útskýrir eiginleika þeirra fyrir tollvörðum.

Fimmtudaginn 30. maí s.l. var kveðinn upp dómur í Hæstarétti í máli íslenska ríkisins gegn Bílaleigunni Bergi ehf.   Bílaleigan krafðist þess að ákvörðun Tollstjóra um að afturkalla eftirgjöf af vörugjaldi yrði ógilt.  Þeirri kröfu var vísað frá dómi.  Bílaleigan krafðist þess einnig að íslenska ríkinu yrði gert að greiða Bílaleigunni þá fjárhæð sem félagið hafði greitt vegna ákvörðunar Tollstjóra.  Ekki var fallist á að í reglugerðinni sem útfærði skilyrði fyrir eftirgjöf vörugjalds hefði falist óheimilt framsal skattlagningarvalds né heldur að um hefði verið að ræða brot gegn atvinnufrelsisákvæði stjórnarskrár.  Þá var ekki fallist á að málsmeðferð Tollstjóra skyldi leiða til þess að Bílaleigunni Berg bæri réttur til endurgreiðslu þess gjalds sem innt hefði verið af hendi og var íslenska ríkið því sýknað af fjárkröfunni.   

Sjá dóminn í heild:  http://haestirettur.is/domar?nr=8876

Þann 1. mars s.l. færðust verkefni innlendra vörugjalda frá Ríkisskattstjóra til Tollstjóra. Með þeirri breytingu voru einnig sett ákvæði um sykurskatt og aðrar breytingar voru gerðar á vörugjaldakerfinu. Tollstjóri hefur undanfarið unnið í yfirfærslunni m.a. með því að aðlaga vörugjaldsskýrslur og endurgreiðsluskýrslur að breyttum lögum. Mikilvægar dagsetningar eru framundan varðandi uppgjör vörugjalds. Þann 28. júní n.k. er gjalddagi vörugjalds og þann 13. júní er lokadagur frests til að skila endurgreiðsluskýrslu til Tollstjóra.

Í ljósi þess að breytingar hafa verið gerðar á þessum skýrslum ásamt því að töluvert er um nýja aðila í kerfinu vill Tollstjóri halda fundi þar sem farið verður í gegn um hvernig fylla á út þessar skýrslur, hvaða skilyrði þarf að uppfylla og hvaða gögn þurfa að fylgja.

Fundurinn verður haldinn í húsi Tollstjóra að Tryggvagötu  19, 101 Reykjavík þann 31. maí næstkomandi klukkan 10:00.

ATH: fundur með aðilum Samtaka Iðnaðarins, Félags Atvinnurekanda og Samtaka verslunar og þjónustu verður haldinn í Húsi atvinnulífsins þann 30. maí kl. 15:00.

Fulltrúar Tollstjóraembættisins óska eftir því að fá sendar spurningar fyrirfram með það að markmiði að geta gefið skýr svör á fundinum sjálfum og eins munu þeir fara yfir þær spurningar á fundinum sem helst hafa borist embættinu á s.l. mánuði. Spurningar má senda á vorugjald@tollur.is

Tollverðir fundu rúm 160 kíló af meintu þýfi í Norrænu við brottför skipsins frá Seyðisfirði í síðasta mánuði. Um var að ræða rúmlega 400 keramikeiningar, úr nýjum og notuðum hvarfakútum, sem tveir erlendir karlmenn hugðust flytja úr landi. Hið meinta þýfi var haldlagt á staðnum.

Hvarfakútar gegna því hlutverki að hreinsa útblástursloft bifreiða og draga úr skaðsemi þess fyrir umhverfið. Þynnur úr afar verðmætum málmum, svo sem platínu og palladíum, sem eru til dæmis einnig notaðir til skartgripagerðar, skapa þessa eiginleika hvarfakútanna. Í hverjum hvarfakút geta verið þrjár til fimm keramikeiningar og með ákveðnum aðferðum er unnt að einangra þessa góðmálma, sem þær hafa að geyma. Mennirnir tveir höfðu sankað að sér 128 einingum úr nýjum hvarfakútum og 273 úr notuðum kútum. Kaupverð hvers kúts getur hlaupið á tugum þúsunda króna.

Tollverðir unnu þetta verkefni í samvinnu við lögregluna á höfuðborgarsvæðinu, sem rannsakar nú málið. Tollstjóri veitir því ekki frekari upplýsingar um það.

Keramikkubbarnir, sem mennirnir höfðu sankað að sér úr nýjum og notuðum hvarfakútum, voru 401 talsins.

Tollgæslan stöðvaði nýverið sendingu frá Kína, sem reyndist meðal annars innihalda á annað hundrað eftirlíkingar af húsgögnum nokkurra frægra hönnuða í Danmörku, Þýskalandi, Bretlandi og á Ítalíu. Munirnir voru fluttir í gámi hingað til lands en um var að ræða stóla, borð og lampa sem voru eftirlíkingar af þekktum húsgögnum sem seld eru í sérverslunum hér á landi.

Þarna var um að ræða brot á hugverkaréttindum viðkomandi hönnuða og var húsgögnunum fargað í móttökustöð Sorpu, undir eftirliti tollvarða. Málinu er þar með lokið og mun Tollstjóri ekki veita nánari upplýsingar um það.

Þeir sem reyna að smygla fíkniefnum til landsins nota ótrúlegustu aðferðir til þess. Það þýðir þó ekki að þeim takist ætlunarverk sitt.

Nýverið fann tollgæslan til dæmis  poka með amfetamíni í. Pokinn sá arna var kyrfilega saumaður inn í streng á gallabuxum. Þær voru sendar sem gjöf til landsins, að því er fram kom í farmbréfi og var verðmæti gjafarinnar skráð 0 bandaríkjadalir. Tollverðir stöðvuðu sendinguna og fundu amfetamínið við leit. Málið var tilkynnt lögreglunni á höfuðborgarsvæðinu, sem fer með rannsókn þess. Tollstjóri veitir því ekki frekari upplýsingar um málið.

Gallabuxurnar litu sakleysislega út við fyrstu sýn, en annað kom svo á daginn.

Rannsókn er nú lokið á máli sem upp kom þegar tollgæslan stöðvaði sendingu sem kom með bögglapósti hingað til lands og reyndist innihalda eitt kíló af efnum sem hægt er að nota sem sprengiefni.

Sendingin umrædda barst til Póstmiðstöðvarinnar á Stórhöfða frá Bretlandi þann 18. desember 2012 og var stíluð á einstakling. Í henni voru tveir plastpokar með dufti í, en ekki var getið um efnisinnihald þeirra á umbúðum. Tollgæslan haldlagði efnið. Rannsókn málsins var síðan unnin í samvinnu rannsóknardeildar Tollstjóra og Lögreglustjórans á Höfuðborgarsvæðinu sem og embættis Ríkislögreglustjóra, sem fer með stjórn samstarfshóps tolls og lögreglu, er snýr að forefnum til sprengjugerðar. Málið er upplýst og er nú til meðferðar hjá ákæruvaldi og Tollstjóri mun því ekki veita frekari upplýsingar um það.

Efnin sem tollgæslan haldlagði og sjá má á myndinni, eru svokölluð forefni. Með blöndun þeirra hefði verið hægt að búa til kíló af sprengiefni.

Mánudaginn 15. apríl sl. var undirritaður fríverslunarsamningur milli Íslands og Kína. Við gildistöku hans munu tollar falla niður af þeim vörum frá Kína sem undir hann falla, að uppfylltum skilyrðum um uppruna, bein viðskipti og beinan flutning. Hið sama gildir um vörur sem fluttar eru frá Íslandi til Kína. Þó gildir í sumum tilvikum stiglækkandi tollur, sbr. upplýsingasíðu utanríkisráðuneytisins.  

Eins og fyrir aðra fríverslunarsamninga geta inn- og útflytjendur lagt fram skírteini til sönnunar uppruna, sem gefið er út af tollyfirvöldum eða yfirlýsingu um uppruna. Hvort tveggja er þó með nokkuð öðru formi en þekkist í öðrum fríverslunarsamningum sem Ísland á aðild að. Sniðmát verða birt á vef Tollstjóra.

Enn er óljóst hvenær samningurinn mun taka gildi en  líkt og með aðra alþjóðasamninga sem gerðir eru  þarf að lokinni undirritun fríverslunarsamningsins að leita heimildar Alþingis til að fullgilda hann. Gera má ráð fyrir að tillaga þess efnis verði lögð fyrir Alþingi á komandi hausti. Að lokinni fullgildingu samningsins hér á landi verður Kínverjum send staðfesting þess efnis. Kínverska ríkisstjórnin mun einnig þurfa að ljúka nauðsynlegri lagalegri málsmeðferð til að staðfesta samninginn. Samkvæmt ákvæðum fríverslunarsamningsins tekur hann gildi 60 dögum eftir að samningsaðilar hafa skipst á skriflegum tilkynningum um að nauðsynlegri málsmeðferð innanlands hafi verið lokið. Vakin verður athygli á því opinberlega þegar samningurinn tekur gildi.

Frekari upplýsingar um samninginn er að finna á vefsíðu utanríkisráðuneytisins.

Tollgæslan haldlagði á tíunda kíló af steradufti á síðasta ári, 2012. Er það gríðarleg aukning sé litið til áranna á undan, því 2011 voru haldlögð 200 grömm af steradufti og 1.3 kíló árið 2010. Þar sem yfirleitt eru 10 milligrömm af virku efni í hverri steratöflu má ætla að það magn sem haldlagt var á síðasta ári hefði dugað í fleiri hundruð þúsund steratöflur, hefði það komist inn í landið.

Þá jókst magn fljótandi stera verulega milli ára, því á síðasta ári voru haldlagðir 1.44 lítrar samanborið við 128 millilítra árið 2011 og 811 millilítra 2010. Rennir þetta mikla magn sem haldlagt var á síðasta ári stoðum undir þann grun, að hér á landi séu aukin umsvif í fullvinnslu steradufts í söluform, enda hefur tollgæslan haldlagt tæki og tól til að steypa steratöflur og loka ambúlum, sem notaðar eru undir stera í sölu.

Ýmsar aðferðir eru notaðar til þess að reyna að smygla sterum til landsins, en slík iðja er sem kunnugt er brot á lyfjalögum. Nýjasta afbrigðið í þeim efnum eru svokallaðir pappasterar, þar sem sterum er komið fyrir í pappírsformi og leysast þeir upp við inntöku.

Þær sterasendingar sem haldlagðar hafa verið á þremur undanförnum árum hafa borist frá nítján löndum. Flestar hafa þær komið frá Tælandi eða í 23 prósent tilvika og næstflestar frá Bretlandi, eða 19 prósent.

Nokkar myndir af sterum

Úrskurður um tollamál hefur nýlega verið birtur á vefnum. Úrskurðurinn varðar álagningu aðflutningsgjalda.

Úrskurði Tollstjóra er hægt að skoða hér.

Stefnubreyting hefur orðið hjá Tollstjóra við flokkun á skjáum í kjölfar og aðdraganda álits 50. HS fundar WCO í september 2012. 

Áður voru allir skjáir með HDMI tengi flokkaðir hjá Tollstjóra sem aðrir skjáir en stefnubreytingin hefur í för með sér að nú er litið til fleiri atriða við tollflokkun skjáa.  Fleiri skjáir falla nú í flokk skjáa sem gerðir eru eingöngu eða aðallega til nota í gagnavinnslukerfum (tölvuskjáir). 

Í mjög einfölduðu máli má segja að skjáir með HDMI tengi og hátalara eru flokkaðir í tnr. 8528.5900 en ef þeir eru ekki með hátalara eru þeir flokkaðir í tnr. 8528.5100, þ.e.a.s ef þeir eru aðallega ætlaðir til notkunar við gagnavinnslukerfi.  Skjáir með hátölurum sem eru ekki með HDMI eða sambærilegum tengjum geta áfram verið flokkaðir í tnr. 8528.5100 ef þeir eru aðallega ætlaðir til notkunar við gagnavinnslukerfi.

Nánari upplýsingar um tollflokkun á skjáum í vörulið 8528

Í dag tók gildi breyting á reglugerð 1100/2006 um vörslu og tollmeðferð vöru.  Breytingin varðar smásendingar.  Tollverð smásendingar má nú ekki vera yfir 40.000 í stað 30.000 áður.  Eftir sem áður teljast ekki til smásendinga vörur sem háðar eru innflutningstakmörkunum eða -banni og ekki mega vörurnar vera fluttar inn í atvinnuskyni.   Þá er einnig gerð sú breyting að nóg er að viðtakandi staðfesti móttöku með undirritun en ekki er lengur gerð krafa um að sú undirritun sé á tollskýrslu. 

Breytingarreglugerðin nr. 279/2013

Reglugerð nr. 1100/2006 um vörslu og tollmeðferð vöru

Áríðandi tilkynning m.a. vegna EDI/SMT-tollafgreiðslu - breytingar á skuldfærslu aðflutningsgjalda, gjalddögum; hefur áhrif á hugbúnað innflytjenda og tollmiðlara fyrir tollskýrslugerð og tollafgreiðslu. Ennfremur upplýsingar er varða tollreikninga frá Tollstjóra á pappír og á vef VEF-tollafgreiðslu

Tekur gildi 1. apríl 2013, en einnig afturvirkar breytingar frá 1. janúar 2013

Skv. lögum nr. 21/2013 um breytingu á tollalögum, lögum um vörugjald og lögum um virðisaukaskatt, með síðari breytingum (dreifing gjalddaga) hafa tekið gildi breytingar á reglum um hvernig aðflutningsgjöld eru skuldfærð við tollafgreiðslu; breytingar á gjalddögum. Þessar breytingar eru tímabundnar ráðstafanir og gilda fyrir árið 2013, þ.e. um aðflutningsgjöld, sem skuldfærð hafa verið og verða við tollafgreiðslu innfluttra vara á árinu. Gera þarf breytingar á hugbúnaði sem notaður er við EDI/SMT-tollafgreiðslu innfluttra vara hjá innflytjendum og tollmiðlurum. Lagt er til að breytingarnar verði þannig útfærðar að gert sé ráð fyrir að fyrra fyrirkomulag um skuldfærslu aðflutningsgjalda geti tekið gildi aftur (þann 1. janúar 2014 að öllu óbreyttu). Breytingunum á skuldfærslu gjalda er lýst hér að neðan og áhrif þeirra á EDI/SMT-tollafgreiðsluna o.fl. Breytingarnar gilda um neðangreind tilvik. Önnur tilvik skuldfærslu aðflutningsgjalda eru óbreytt.

Þegar EDI/SMT-aðflutningsskýrsla fær tollafgreiðslu hjá Tollstjóra er EDI-skeyti, nefnt CUSTAR skeyti, sent til innflytjanda eða e.a. tollmiðlara, nefnt skuldfærslutilkynning, sem lesið er inn í hugbúnað hans. Í skeytinu eru m.a. upplýsingar um álögð og skuldfærð gjöld, sundurliðuð niður á hvert tollskrárnúmer/línu í skýrslunni. Fyrir hvert gjald á tollskrárnúmeri eru upplýsingar um hvernig gjald er skuldfært; skuldfærslukódi, S2, S4 o.fl. kódar, sem gefa til kynna gjalddaga tolls/gjalds. Í hugbúnaði innflytjanda/tollmiðlara eru síðan töflur sem túlka þessa kóda miðað við tollafgreiðsludag í CUSTAR skeytinu. Hver skuldfærslukódi segir til um uppgjörstimabil og eindaga gjalda, sem skuldfærð eru á uppgjörstímabili skv. reglu kódans. Þetta getur síðan haft áhrif á birtingu upplýsinga á skjá, útprentunum í hugbúnaði o.fl.

Breytingarnar varða þessa kóda, sem hafa verið í gildi við tollafgreiðslu frá 1. janúar 2013:

S2 kódi, almenna skuldfærslureglan:
Uppgjörstímabil er tveir mánuðir, janúar-febrúar, mars-apríl o.s.frv.
Eindagi gjalds sem skuldfært er skv. þessari reglu er 15. næsta mánaðar eftir lok uppgjörstímabils.
Dæmi: Eindagi jan-feb 2013 tímabils er 15. mars 2013 

S4 kódi, skuldfærsla vörugjalds (X* vörugjöld) aðila, sem skráðir voru hjá Ríkisskattstjóra, nú Tollstjóra, sem vörugjaldsskyldir (tiltölulega fá fyrirtæki í innflutningi nota þessa skuldfærslureglu).
Uppgjörstímabil eru tveir mánuðir, janúar-febrúar, mars-apríl o.s.frv.
Eindagi vörugjalds er þá 28. annars mánaðar eftir lok uppgjörstímabils.
Dæmi: Eindagi jan-feb 2013 tímabils er 28. apríl 2013 

Frá og með 1. apríl 2013 til 31. desember 2013 verða neðangeindir skuldfærslukódar í CUSTAR skeytum í stað S2 og S4 kóda:

SB (kemur í stað S2) kódi, almenna skuldfærslureglan:
Uppgjörstímabil er tveir mánuðir, janúar-febrúar, mars-apríl o.s.frv.
Eindagar gjalds sem skuldfært er skv. þessari reglu eru tveir; helmingur upphæðar gjalds gjaldfellur á hvorum eindaga:
Fyrsti eindagi er 15. næsta mánaðar eftir lok uppgjörstímabils
Annar eindagi er 5. annars mánaðar eftir lok uppgjörstímabils
Dæmi: Eindagar mars-apríl 2013 tímabils eru: 15. maí 2013 og 5. júní 2013
(Þetta er að öllu leyti alveg sama fyrirkomulag og gilti árið 2012, þ.e. frá 1. apríl til 31. desember 2012) 

S9 (kemur í stað S4) kódi, skuldfærsla vörugjaldsaðila á vörugjaldi (X* vörugjöld), sem skráðir voru hjá Ríkisskattstjóra, nú Tollstjóra, sem vörugjaldsskyldir:
Uppgjörstímabil eru tveir mánuðir, janúar-febrúar, mars-apríl o.s.frv.
Eindagar vörugjalds sem skuldfært er skv. þessari reglu eru tveir; helmingur upphæðar gjalds gjaldfellur á hvorum eindaga:
Fyrsti eindagi er 28. annars mánaðar eftir lok uppgjörstímabils.
Annar eindagi er 28. þriðja mánaðar eftir lok uppgjörstímabils.
Dæmi: Eindagar mars-apríl 2013 tímabils eru 28. júní 2013 og 28. júlí 2013
(Þetta er að öllu leyti alveg sama fyrirkomulag og gilti árið 2012, þ.e. frá 1. apríl til 31. desember 2012) 

Varðandi það þegar skipta þarf upphæðum gjalda í CUSTAR skeyti (EDI/SMT-tollafgreiðsla) niður á tvo eindaga; afgangur:

Hugbúnaður innflytjanda/tollmiðlara þarf að skipta gjaldaupphæð í CUSTAR skeyti niður á tvo eindaga eftir því sem skuldfærslureglan (skuldfærslukódi) segir til um.
Notuð er eftirfarandi regla. Beita skal þessari reglu á samtals gjöld með sömu skuldfærslureglu í aðflutningsskýrslu, en ekki á hverja línu tollskrárnúmers fyrir sig í skýrslunni. Ef ekki er unnt að skipta jafnt niður á eindagana tvo þá fer afgangur á fyrsta eindagann.
1 kr. er skipt niður þannig: 1 kr. á fyrsta eindaga, 0 kr. á annan eindaga
7 kr. er skipt niður þannig: 4 kr. á fyrsta eindaga, 3 kr. á annan eindaga
Alltaf þarf að passa upp á að samtals skuldfærð gjöld á öllum línum/tollskrárnúmerum í CUSTAR skeyti stemmi við samtalsupphæðina sem kemur í CUSTAR skeytinu.

Afturvirkni vegna 1. janúar til 31. mars 2013
Með lögum nr. 21/2013 um breytingu á tollalögum, lögum um vörugjald og lögum um virðisaukaskatt, með síðari breytingum (dreifing gjalddaga) var samþykkt lagabreyting, sem gildir einnig um eindaga aðflutningsgjalda er skuldfærð hafa verið/verða á tímabilinu 1. janúar til 31. mars 2013. Á framangreindu tímabili hafa innflytjendur og tollmiðlarar í EDI/SMT-tollafgreiðslu fengið og fá S2 og S4 kóda í CUSTAR skeytum (fá til loka mars 2013). Engu að síður eru eindagar vegna gjalda sem skuldfærð voru og verða á framangreindu tímabili skv. S2 og S4 kódum, þeir tvískiptu eindagar sem greint er frá hér að ofan í skýringartexta með SB og S9 kódum. Greiðsluseðlar frá Tollstjóra vegna innheimtu skuldfærðra aðflutningsgjalda endurspegla þetta.

Tollreikningar á pappír og á vef VEF-tollafgreiðslu
Tollreikningar á pappír sem innflytjendur/tollmiðlarar hafa fengið eða fá hjá gjaldkerum Tollstjóra eða af vef VEF-tollafgreiðslu (skuldfærslutilkynningar) eru ekki réttir hvað varðar eindagana vegna vara sem tollafgreiddar eru á tímabilinu 1. janúar til 31. mars 2013. Fyrir vörusendingar sem fá tollafgeiðslu frá og með 1. apríl 2013 verða tollreikningar réttir og endurspegla tvískiptu eindagana.

Yfirlit yfir skuldfærslureglur, uppgjörstímabil og eindaga aðflutningsgjalda árið 2013.

Nánari upplýsingar
Um tollamál og tollafgreiðslu: Þjónustuver tollasviðs hjá Tollstjóra, sími 560 0315

Um tæknilega framkvæmd: Tollkerfadeild, tollasviði hjá Tollstjóra
ttu[hja]tollur.is eða þjónustvakt: 560 0505

Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar og EDI/SMT-tollafgreiðslu.

Breytingarnar tengjast fyrri breytingum á vörugjaldi og tollskrá, sbr. eftirfarandi tilkynningu á vef Tollstjóra frá 22. febrúar 2013: Breyting vörugjalda á matvælum með viðbættum sykri og sætuefnum og breyting á tollskrá 1. mars 2013. Upplýsingar vegna tollafgreiðslu við inn- og útflutning vara

Ábendingar
Almennt gildir að breytingarnar taka til allra viðkomandi vara sem ótollafgreiddar eru 16. mars 2013 við gildistöku laga nr. 22/2013, en lögin gilda að hluta til afturvirkt frá 1. mars 2013.

Um útflutning gildir sérstaklega: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag flutningsfars til útlanda er flytur vörusendingu sem útflutningsskýrslan tekur til.

Þegar leiðrétta eða breyta þarf aðflutningsskýrslum vegna þegar tollafgreiddra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna til notkunar innanlands (langoftast komudagur hraðsendingar til landsins).

Á vef Tollstjóra fást upplýsingar um tollskrárnúmer, gjöld á þeim o.fl. í tollskránni á vef Tollstjóra. Tollskráin hefur verið uppfærð skv. nýjustu breytingum.

1.
Breyting á tollskrá, viðauka I við tollalög nr. 88/2005
Varðar bæði inn- og útflutning. Breyting á tollskrá hefur tekið gildi skv. 8. gr. laga nr. 22/2013. Sjá lið 3 hér neðar varðandi uppfærða tollskrárlykla til nota í hugbúnaði til tollskýrslugerðar.

2.
Breytingar á vörugjöldum, gjaldskyldu; XA kr/kg og XB kr/lítra vörugjöldum (og X1, X2 gjöldum þar með)
Breytingarnar eru skv. 6. gr. laga nr. 22/2013 og varða hvaða tollskrárnúmer og þar með vara er gjaldskyld vegna vörugjalds. Breytingar vegna tollskrárnúmera þar sem verið er að fella gjaldskyldu þeirra úr gildi eða lækka gilda afturvirkt frá 1. mars 2013. Um er að ræða eftirtalin tollskrárnúmer: 0402.1000, 0403.1019, 0403.1029, 0403.9014, 0403.9019, 0409.0000, 2106.9022, 2106.9063, 2203.0091, 2203.0092, 2203.0093, 2203.0094, 2203.0095, 2203.0096 og 2203.0099.

3.
Tollskrárlyklar til nota í tollskýrslugerðarhugbúnaði, bæði inn- og útflutningur
Tollskrárlyklar, uppfærðir skv. framangreindum breytingum, eru aðgengilegir hér á vef Tollstjóra.

4.
Nánari upplýsingar
Um tæknilega framkvæmd: Tollkerfadeild, tollasviði hjá Tollstjóra
ttu[hja]tollur.is eða þjónustuvakt, sími: 560 0505

Um tollamál og tollafgreiðslu: Þjónustuver tollasviðs Tollstjóra, sími 560 0315

Í dag tóku gildi lög um breytingu á tollalögum nr. 88/2005.  Með breytingunum hækkar hámarksverðmæti einstaks hlutar sem ferðamaður, búsettur hérlendis, má taka með sér tollfrjálst til landsins.  Áður höfðu verið gerðar breytingar á tollalögum sem tóku gildi þann 1. mars s.l. Með þeim breytingum var heimild hvers ferðamanns til tollfrjáls innflutnings hækkuð úr 65.000 kr. í 88.000 kr. og hámarksverðmæti hvers hlutar var hækkað úr  32.500 kr. í 44.000 kr. 

Nú hefur hámarksverðmæti hlutar verið hækkað enn frekar og er nú 88.000 kr.  Getur ferðamaður því nýtt alla sína heimild til tollfrjáls innflutnings til að flytja inn einn hlut.  Rétt er að taka fram að heimild til tollfrjáls innflutnings takmarkast einnig við varning til persónulegra nota ferðamannsins, fjölskyldu hans eða til smágjafa og á því ekki við um vörur sem ætlaðar eru til endursölu eða eru keyptar til nota í fyrirtækjarekstri.  Áðurnefndar breytingar gilda afturvirkt frá 1. mars s.l.  Tollstjóri mun hafa frumkvæði að því að endurgreiða þeim sem rétt eiga á endurgreiðslu vegna afturvirkni laganna. 

Sjá breytingalögin

Athygli gjaldenda sem njóta greiðslufrests í tolli skv. 122. gr. tollalaga nr. 88/2005 er vakin á því að samþykkt hafa verið lög um breytingu á tollalögum sem mæla fyrir um dreifingu á gjalddögum greiðslufrests í tolli á árinu 2013.

Í hinu nýja ákvæði til bráðabirgða segir:

Þrátt fyrir ákvæði 122. gr. laganna skal fyrirkomulag gjalddaga aðflutningsgjalda, hjá aðilum sem njóta greiðslufrests á aðflutningsgjöldum, vegna uppgjörstímabila á árinu 2013 vera sem hér segir:

1. Helmingi af aðflutningsgjöldum á viðkomandi uppgjörstímabili, sbr. 1. mgr. 122. gr., skal skila eigi síðar en á 15. degi næsta mánaðar eftir lok uppgjörstímabils.

2. Helmingi af aðflutningsgjöldum á viðkomandi uppgjörstímabili, sbr. 1. mgr. 122. gr., skal skila eigi síðar en á 5. degi annars mánaðar eftir lok uppgjörstímabils.

Gjalddagar tímabilsins janúar - febrúar 2013 verða því tveir, 15. mars og 5. apríl í stað eins gjalddaga 15. mars.

Í gær samþykkti Alþingi frumvarp Fjármála- og efnahagsráðherra um breytingar á lögum um vörugjald nr. 97/1987.  Þann 22. desember 2012 voru samþykkt á Alþingi lög nr. 156/2012, um breytingu á lögum um vörugjald, nr. 97/1987, og tollalögum, nr. 88/2005, með síðari breytingum. Þeim lögum var ætlað að færa álagningu vörugjalda í það horf að hún hvetji til neyslu á hollari matvælum á þann hátt að gjöldin leggist eingöngu á vörur sem innihalda sykur eða sætuefni.

Með lögunum voru gerðar lagfæringar á vörugjaldslögunum til viðbótar þeim sem samþykktar voru með lögum nr. 156/2012. Flestar eru smávægilegar og snúast um það hvaða tollskrárnúmer það eru sem innihalda sykur eða sætuefni og hversu hátt hlutfall sykurs eða sætuefna er í hverju númeri. Ásamt þessu er framleiðendum gefinn sá valmöguleiki að leggja á vörugjald samkvæmt raunverulegu innihaldi viðbætts sykurs - og/eða sætuefna.

Umræddar breytingar taka gildi við birtingu en koma til framkvæmda frá 1. mars 2013 nema liður b-, c-, e- og f- liður frumvarpsins, sem taka gildi við birtingu laganna.

Nálgast má samþykkt frumvarp hér.

Athygli gjaldenda sem njóta greiðslufrests í tolli skv. 122. gr. tollalaga nr. 88/2005 er vakin á því að lagt hefur verið fram frumvarp á Alþingi sem felur í sér dreifingu á gjalddögum greiðslufrests í tolli.

Þar segir m.a.  að gjalddagar vegna uppgjörstímabila á árinu 2013 skuli verða með þeim hætti að helmingi af aðflutningsgjöldum á viðkomandi uppgjörstímabili skuli skila eigi síðar en á 15. degi næsta mánaðar eftir lok uppgjörstímabils og helmingi eigi síðar en á 5. degi annars mánaðar eftir lok uppgjörstímabil.

Verði frumvarp þetta að lögum hefur það þá þýðingu að gjalddagar tímabilsins janúar - febrúar 2013 verða tveir 15. mars og 5. apríl í stað eins gjalddaga 15. mars eins og er skv. núgildandi lögum. Gjaldendur eru hvattir til að fylgjast með framvindu málsins á Alþingi á eftirfarandi slóð: http://www.althingi.is/altext/141/s/1037.html. og á heimasíðu Tollstjóra www.tollur.is.

Tollgæslan stöðvaði tæplega sjötugan karlmann nýverið í Leifsstöð við komu hans til landsins vegna gruns um að hann væri með ólögleg lyf meðferðis. Sá grunur reyndist á rökum reistur, því maðurinn var með um 70 þúsund skammta af sterum og fleiri ólöglegum lyfjum í farangri sínum. Um var að ræða töflur, ambúlur, lyfjatúbur, svo og sprautunálar.

Lögreglan á Suðurnesjum handtók manninn, sem er íslenskur er hefur dvalið mikið erlendis og farið var í húsleit á heimili hans hér á landi. Þar fannst töluvert magn lyfja til viðbótar.

Þetta er ekki í fyrsta skipti, sem umræddur maður gerist brotlegur við lög. Áður hafði hann reynt að smygla til landsins 800 töflum af lyfinu Kamagra, sem er stinningarlyf, en ólöglegt hér á landi. Tollgæslan stöðvaði þá sendingu einnig.

Fleiri myndir

Gerðar hafa verið breytingar á tollalögum sem hækka heimildir ferða- og farmanna búsettra á Íslandi til að flytja inn vörur tollfrjálst.  Breytingarnar taka gildi þann 1. mars 2013.  Í þeim felst m.a. að heimild hvers ferðamanns til tollfrjáls innflutnings hækkar úr 65.000 kr. í kr. 88.000 kr. og að hámarksverðmæti hvers hlutar hækkar úr  32.500 kr. í 44.000 kr.  Heimild ferða- og farmanna til að flytja inn tollfrjáls matvæli mun hækka úr 18.500 kr. í 25.000 kr. en matvæli eru talin með öðrum varningi og teljast því inn í heildarheimildina sem eftir breytingar verður að fjárhæð 88.000 kr. eins og áður segir.  Með breytingunum munu gjafafríðindi hækka úr 10.000 í 13.500.

Nánari upplýsingar:

Fjallað er um ýmis tollfríðindi í 6. gr. tollalaga nr. 88/2005.  Ferðamenn, sem eru búsettir hér á landi, mega (skv. b-lið, 2.tl. 1. mgr. 6. gr.) hafa meðferðis hingað til lands eða kaupa í tollfrjálsri verslun hér á landi tollfrjálsan varning að verðmæti allt að 65.000 kr. miðað við smásöluverð á innkaupsstað. Verðmæti einstaks hlutar skal þó að hámarki vera 32.500 kr. og skulu börn yngri en 12 ára njóta réttinda samkvæmt þessum lið að hálfu.  Með áðurnefndri breytingu mun heimild ferðamanna hækka upp í 88.000 kr. og má einstakur hlutur vera að hámarki að verðmæti 44.000 kr. 

Þá breytast tollalögin líka að því er varðar skipverja og flugverja sem búsettir eru hér á landi.  Þessir aðilar mega í dag (skv. c-lið, 2. tl., 1. mgr. 6. gr.) flytja inn tollfrjálsar vörur eða kaupa í tollfrjálsri verslun varning að verðmæti allt að 24.000 kr. miðað við smásöluverð á innkaupsstað, hafi þeir verið skemur en 15 daga í ferð, en 48.000 kr., hafi þeir verið lengur í ferð. Verðmæti einstaks hlutar skal þó að hámarki vera 24.000 kr.  Þessar heimildir skipverja og flugverja munu hækka þann 1. mars 2013 samkvæmt lagabreytingunni og verða 32.500 kr. fyrir skemmri ferðirnar og 65.000 kr. fyrir þær lengri og hámarksverðmæti hlutar verður  32.500 kr.